((تجــــمــع ))... جدول العنايه بالشعر مع شيرازيه :) حياكم يا بنات كل مشاكل الشعر ..

[sheraZia_Q8]

السلام عليكم ورحمه الله وبركاته

شلونكم حبيباتي شخباركم ؟
مبارك عليكم الشهر :eh_s(17):

اليوم ان شاء الله بحط لكم جدولي الي قام اتبعه ولله الحمد احس شعري شوي شوي تعدل وللحين المشوار طويل

يعني شعري يبي له 100 % تعديل
واهوا حاليا تعدل 20 %
ومع الاستمرار ومعاكم ان شاء الله بيتعدل وبوصل لهدفي ولاهدافنا كلنا ...












اول شي خل اقرق عليكم شوي واقولكم قصتي ويا شعري
كان احلى شعر بالعايله ما ابالغ
احمر من الحنه
طويييييييييييييييييييييييييييييييل لي اخر ظهري
وكثافته حلوة وناعم
يعني الشعر المثالي

بس مع البلوغ راح كله ما ادري هل اهيا عين والكل يقولي هالشي
او نفسيه لاني دخلت الثانويه ونسيت شعري ما يندرا والله :eh_s(16):

وبالجامعه تداركت المشكله وقلت يالله ببلش احلها
ولله الحمد ان شاء الله بحط لكم كل مشكله وشلون لقيت لها علاج

بس بطلب منكم طلب

لاااااااا تردوووووووون خل اخلص من الموضوع واكمله بالصور بعدين ردو اوكي

لحد يرد لو سمحتوا

 

[sheraZia_Q8]

1. مشكله التساقط

السبب: نقص فيتامينات بسبب عدم التغذيه السليمه

الحل : تحليل بالمستوصف حق ( فيتامين دال , حديد , الزنك ) او قولي لدكتور شعري يطيح واهوا من نفسه بيكتب لج تحليل

بعدها بيوصف لج حبوب للشعر وفيتامينات
تمشين عليهم لمده 3 شهور
ورابع شهر توقفين تدريجيا مو فجاه
تره كل شعركم بيرد يطيح اذا فجاه :eh_s(4):

لا قطعوه شوي شوي عشان الشهر الخامس نوقفه نهائيا وبعدين تردون ترجعون له :eh_s(15):

وافضل حبوب الي اغلبكم ياخذها

هير فت .. حلوة ورخيصه ومفيده للشعر




يبتع...



لحد يرد ليمن يكتمل الموضوع رجاءا

 

[sheraZia_Q8]

2. شعر خفيف

سبب الشعر الخفيف التساقط
بس بما ان لقينا لها حل الحمدلله واهوا علاجها بالفيتامينات
لازم نلاقي حل للكثافه

والحل اهوا









السدر




يكثف الشعر يشكل خيالي يا بنات بس طيعوني واستخدموه
للامانه اهوا يجفف الشعر
بس احنا بنحطه على الجذور فقط لا غير
لمده ساعتين
وبعدها نغسل شعورنا بماء فقط لان اهوا مفعوله مثل الشامبو
ونحط حمام زيت على الشعر من غير الجذووووووووور يا بنات ركزو من غير جذور بس على شعركم

وثاني يوم ندهن شعورنا باي دهن نحبه ونغسله بشامبو اوكي

الطريقه :

ثلاث ملاعق سدر + ماي
فقط

بنات عن التخبيص الزايد مو زين للشعر .. تذكرو شعرنا تعبان وحساس واحنا بنعالجه
مو زين التخبيص


يتبع ..


لحد يرد الى اكتمال الموضوع لو سمحتوا

 

[sheraZia_Q8]

3. باهت .. مافيه حيويه .. خشن .. قشره


كل هذا بتنسينه بس بشرط

اول شي تقصين اطرافه عشان التقصف

ثاني شي

ماكو صبغ خلاااااااااااااص بيباي للابد

اكيد عرفتوها.. عدو الصبغ




















الحنه :eh_s(9):





يا بنات امانه بس طالعو صور امهاتكم القديمه وشوفو شعورهم تلمع تبرق تبرق
غير جذي ناعم
وصحي
ومافي قشره


الي تبي تحارب كل هالسوالف الخشونه وتبي لمعه بشعرها وتبي تنسى القشره
تتوكل على الله وتبلش بالحنه
والله حلوة ولا تقولون لي ويع ريحتها ويع ماادري شنو :eh_s(14):
تهبل ريحتها بس اخ من دلعكم الزايد

الي ما تحب ريحتها

عقب ما تطلعين من الحمام ... شعرج واهوا مبلول بخريه وبس بتروح الريحه :eh_s(15):

مو تحطون لي خمريه وقهوه :eh_s(16): ارد اكرر شعرنا تعبنا وحساس لازم ما نتعبه اوكي




الطريقه :

10 قفاش حنه او اكثر على حسب طول الشعر
+
فقشتين محلب
+
قفشتين حبه البركه
+
ماي

نقعد فيها لمده 4 الي 6 ساعات فقط لا غير
يا بنات بلا تحبيص وزياده
الاوليات يحطون حنه وماي بس وشحلات شعورهم
بس احنا حطينا محلب يطول وحبه سوده تقلل من التساقط ,, زياده للفايده
اكثر من جذي لا تخبصون اوكي فديتكم :eh_s(15):




يتبع ...

رجاءا لحد يرد ليم اخلص الموضوع

 

[sheraZia_Q8]

5 . شعر قصير ومتقصف


بنات الشعر المتقصف سبحان الله يسد مسام قشره الراس
قصو شعوركم وساووها من تحت اوكي
وبلشو حطو دهن الي ترتاحون عليه الدهن اهو الي يطول الشعر
حطوه لمده ساعتين بس

انا عن نفسي ما لقيت دهن يطول الشعر.. لان هالسالفه ما تهمني كثر سالفه ابي اكثف شعري واوقف التساقط عرفتو


بس امي تقول احسن دهن جدايل من القريشي الاحمر لتطويل الشعر




او دابر املا



عاد انا شريت جدايل وبستعمله وان شاء الله يطول
انا للامانه ابي اطوله لان قصيته مدرج
ابيه يطول عشان اساويه بس :eh_s(1):


يتبع ..

رجاءا لحد يرد الى اكتمال الموضوع ..

 

[sheraZia_Q8]

اخيرا :



طريقة الجدول في ايام الاسبوع

السبت سدر لمده ساعتين

الاحد دهن لمده ساعه او 2

الاثنين راحه

الثلاثه حنه لمده 4 او 6 ساعات

الاربعا راحه

الخميس سدر لمده ساعتين

اليمعه راحه

ويكرر الجدول

تحسونه صعب وزحمه
بس وقت الي بتبلشون تستانسون والله :eh_s(15):












قبل ما تبلشين بالجدول جهزي اغراضج الي اهيا :

1 . كيلو حنه
2. كيلو سدر
3. دينارين محلب مطحون
4. دينارين حبه بركه مطحونه
5. دهن دابر او برشوت او جدايل .. احسن شي غيرهم انا ما احب
6. فوطه خاصه لشعرج
7. قصي اطراف شعرج عشان تبلشين من يد ويديد
8. عشره كبابيس نايلون لتغطيه الشعر لمن تحطين الخلطات براسج
9. يريت الي عندها فلوس تشتري جهاز بخار للشعر من الوسيط ب25 دينار وكل ما تحطين خلطه قعدي تحت البخار لمده ربع ساعه فقط راح يفيدج بشكل خيالي ويسرع النتيجه
10 . الامتناع عن الاصباغ وفي حال طلع لكم شيب (( خلطو شويه كتم مع الحنه وحنو مكان الشيب فقط لا غير مو على كل الشعر تره بيتقطع .. بس مكان الشيب وبينصبغ انشالله )) والامتناع عن السشوار الا في الحالات الضروريه
11. حمام زيت مغذي للشعر انا عن نفسي جربت فاشكول بالثوم حلو + نخاع الثور همن حلووو وضعف على الشعر فقط من غير الجذوووور
12. فيتامينات تبلعينها كل يوم للشعر
13. الجدول كلكم بتسألوني لي متى بنظل عليه انا بقول لكم الى الموته لا تقطعونه يا بنات تراه يهبل للشعر وعلمي بناتج عليه خل يستفيدون منه بالمستقبل
واذا تعبتي وما عندج وقت حق كل هذا خلاص خلي كل شي مره بالاسبوع اوكي :eh_s(15):


امانه هالتجمع مدته الى 3 شهور اوكي يا بنات يعني ليم 12 \11\2011
بعدها بفتح موضوع ثاني تقولون فيه تجاربكم مع الجدول

اتمنى تكونون استفدتو من جدولي الي ببلش فيه معاكم من اليوم لي مده ثلاث شهور
باب التسجيل مفتوح واتمنى الالتزام

وعندي ملاحظه مهمه
الي تبي تشترك بالتجمع تمشي على المذكور فقط لا غير
ما ابي تشتتون العضوات وتكتبون خلطات غير عن الي انا حاطتها
انا حاطه شي انا بنفسي جربته ولقيته حلو للشعر
اي خلطه زياده او بيض او روب او بصل او ثوم او خرابيط تخبيص رجاءا ما ابيها تنطب نهائيا لان هذا تجمع لجدولي انا مجربته فقط لا غييييييييرررررر
الي تبي تحط شي ثاني على شعرها ,, تفتح لها موضوع غير موضوعي وتقعد تحط الي تحطه براسها
هذا شرطي

لا تنسوني بالدعوة الحلوة :eh_s(22):

 

[sheraZia_Q8]

اب اب

 

[آرنـــــوبه ..]

تسسسسلمين قلبي ..
المحلب معروف لتنعيم الشعرر ..
يعطيج العافيه ..

 

[sheraZia_Q8]

الله يعافيج حبيبتي شكرا على مرورج :****

 

[فدوووو]

ودي اشارك معك بس ماودي بالحنه والحلبه

الحنه لاني يمكن اصبغ بزاجي وغير كذا فيني شيب

والحلبه لان عندي حساسيه منها

 

[moon water]

اول شي مشكووورة على الموضوع رووعة صراحة و متعوب عليه ..
جدولك احسه كثير ممتاز ،، مشكلتي شعري خفيف و يتساقط فعشان كذا راح امشي عليه بأذن الله و الله يعين
ان شاالله ما اتكاسل

 

[..الزيــــــــن..]

روعه روعه

بس انا ما احب الحنه ولا ريحتها واخاف يضبغ شعري

وبسالج المحلب غير عن الحلبه ؟؟

ويعطيج العافيا قلبووؤ

 

[sheraZia_Q8]

روعه روعه
بس انا ما احب الحنه ولا ريحتها واخاف يضبغ شعري
وبسالج المحلب غير عن الحلبه ؟؟
يعطيج العافيا قلبووؤ

هلا حبيبتي الله يعافيج
الحنه مفيده جدا جدا صدقيني واهيا فعلا راح تصبغ لج الشعر
بس لو تبين تلغينها من البرنامج على راحتج
معني قلت يعني لونها احلى من الاصباغ بوايد لو استمريتي عليها بيقلب لون الشعر فاتح مع السنين
وريحتها قلت لج بخري شعرج واهو مبلول وبتروح الريحه باذن الله
اما على المحلب طبعا غير عن الحلبه اولا ماله ريحه وهذا الاهم
ثانيا المحلب للشعر اما الحلبه للشرب بس ماادري الناس ليش يحطونها على شعرهم

اول شي مشكووورة على الموضوع رووعة صراحة و متعوب عليه ..
جدولك احسه كثير ممتاز ،، مشكلتي شعري خفيف و يتساقط فعشان كذا راح امشي عليه بأذن الله و الله يعين
ان شاالله ما اتكاسل

ييالله يا حلوة جهزي شغلج وباجر اول يوم بيكون انشالله بالتجمع

ودي اشارك معك بس ماودي بالحنه والحلبه

الحنه لاني يمكن اصبغ بزاجي وغير كذا فيني شيب

والحلبه لان عندي حساسيه منها

اولا حبيبتي حياج بالموضوع
ثاني شي انا ما قلت حلبه قلت محلب فرق بينهم كبير اول فرق والاهم ماكو ريحه
ثاني شي اذا ما ودج حنه مو مشكله تقدرين تلغينها بس تلتزمين فباجي الجدول :eh_s(15):

 

[..~Goolz]

كنت انطرج تخلصين

مشكوراوايد ع هالموضوع
وعندي جم استفسار
المحلب وحبة البركه
مع شنو تضيفينهم ؟؟

 

[sheraZia_Q8]

تكفيني الذكرى
تضيفين حبه البركه والمحلب مع الحنه

 

[sheraZia_Q8]

اليوم انشالله بيكون اول يوم من التجمع

 

[عظيمة الشان]

هلا حبيبتي مشكوووووووورة ويعطيج الف عافيه

موضوعج مرتب وحلو

عجبني بس انه شعري ماتناسبه الزيوت لان

سعري اعالجه كيميائيا ومن النوع الي متنتف ويتكسر وااايد

احط زيوت يجف زياده ويزيد النكسر وانه اعشق اللون الاسود

فالحنه لونها احمر وثانيا جم مرة سويت حنه سوده اهي الي

دمرت شعري جففته بشكل مو طبيعي فانا برنامجي واحد

احط

صفار بيضه وعسل وروب وقهوووة احس احسن شوي

لان توني باديه

وبكمل العلاج بصالون علاجهم عجبني

اهو من كريستاس لوريال

وان شاء الله يتعدل شعري من التكسر والتنتف ابيه يطوووول

وحق ويهي

روب وسدر وهرده ونشا وعسل وحليب بودر وليمون يوميا

ومشكووووووووووووووووورة يعطيج الف عافيه حبيبتي

تحياتي
​

 

[صعب تفهموني]

السلام عليكم


حبييت اسالج اقدر استخدم السدر بروحه مرتين بالاسبوع من غير الحنه ؟؟

لان شعري حييل يطييح ابي شي يكثفه بس لان شعري ناعم ؟؟

ومشكووره وماقصرتي ​

 

[miss angel]

موضوووعج روعه

بس بسألج جم سؤال انا ودي احط حنه وابلش فيها مع العلم اني ولا مره حاطه

بس بعرف اذا حطيتها راح يتغير لون شعري ؟؟؟ انا شعري اسود شيصير لونه اذا حطيت حنه؟ اخاف يصير احمر او برتقالي ماحب كلش هالالوان

والحنه لازم كل اسبوع؟؟

ومشكوره ياقلبي

 

[el7ob Klah]

مشكوره على التجمع الرووعه

انا قبل فتره كان لي تجربه مميزه

والحمدلله تعدل فيها شعري

والحين باديه بتجربه يديده وشكلي بدخل معاج

بس جدولي فيه اضافات تختلف عنج عادي ؟

والي ماتبي شعرها يصبغ من الحنه تقدر تخلط معاه قفشه نسكافيه

عشان اللون يصير بني مو احمر