تجمع مراجعات مستشفى رويال حياة

[غلا جابر 2010]

رد: تجمع المراجعات عند دكتورة ( ليلى اشكاني ) و الي جربوها حياكم

قوة ياحلوات

بالنسبه لدكتوره ليلى انا كنت اراجع عنده بحمالي والحمدلله ولدتني بعد ... اهي وايد هاديه ومريحه ونجاوب على كل الاسئله .. يعني الوحده قبل لاتروح تحط كل الاسئله الي تبي تعرف عنها بورقه وتسأل ..

واحسن شي تراجعين الصبح ... العياده هاااااديه ...وبالنسبه لمواعيد العياده برمضان من ال 9 الصبح لي ال 3 العصر

اسعار المراجعه للمره الاولى 40 او 43 ... وبعدين 32 لان السونار ب 20

جهاز السونار مو وايد واضح بس زين .. وتسوي الملون الثلاثي بنفس السعر ومن نفسها بالشهر السابع

ممكن تودين تحاليلج سويهم بالحكومه لان اهي اصلن ماعندها مختبر

بالنسبه لولاده الطبيعي 250 والقيصري 350

انا ولدت بطلق صناعي .. وايد مريحه بالولاده وتصبر على الوحده وتذكر الله دايمن يعني جنها امج ...

اللع يعطيها العافيه وبصراحه ما افكر اروح عند غيرها ابداااا

 

[غلا جابر 2010]

رد: تجمع اللي ناوين يولدون برويال حياة يا الله تعالوا

انا والده برويال حياه قبل شهر ... دكتورتي من بره .. اخذت الليلي وسويت استقبالي بقاعة الجوري ...

العنايه الطبيه وااايد زينه ... ودكاتره الطوارئ كلهم حريم ... ووايد زينين ... وانا كنت داخله اولد بطلق صناعي .. وايد اهتموا فيني والحمدلله

وبالنسبه للاستقبال سويته بالقاعه ووايد اريح وكل شي منهم اللهم يبت حلو القهوه والتوزيعات واهما يرتبون كل شي


بس نصيحه الي تولد تقولهم اييبون البيبي وترضعه طبيعي من اول ما ينولد لان يعلمونه عالصناعي ...

واسعارهم انا اشوفها زينه ومقبوله ..

 

[زينانه]

رد: تجمع اللي ناوين يولدون برويال حياة يا الله تعالوا

غلا جابر
بجم طلعت ولادتج
وشلون كمامهم قوي والا خفيف

 

[نور الدنيا 88]

رد: تجمع المراجعات عند دكتورة ( ليلى اشكاني ) و الي جربوها حياكم

غلا جابر يعطيج العافية
بس بسأل عادي كنت تصومين برمضان ؟

 

[غلا جابر 2010]

رد: تجمع المراجعات عند دكتورة ( ليلى اشكاني ) و الي جربوها حياكم

نور الدنيا انا ولدت 11-7 يعني قبل رمضان والحين انا نفاس والحمدلله نظفت وقاعده اصوم بس اذا قصدج وانتي حامل لتوقع عادي بس بعد الفطور اكلي الاشياء المفيده وعوضي ...

وسئلي فيها احسنلج

 

[نور الدنيا 88]

رد: تجمع المراجعات عند دكتورة ( ليلى اشكاني ) و الي جربوها حياكم

اوكي
الحمدلله على سلامتج
وين ولدتي اي مستشفى و متى الدكتورة يتلج بسرعة و الا تأخرت عليج
و شلونها وقت الولادة

 

[غلا جابر 2010]

رد: تجمع المراجعات عند دكتورة ( ليلى اشكاني ) و الي جربوها حياكم

الله يسلمج .. شوفي انا ولدت برويال حياه .. دخلت اولد بطلق صناعي والدكتوره تكون على اتصال دائءم مع الستاف هناك ..
ويتني لمن فتحت 3 سانتي وجيكت علي هذا كان الصبح الساعه 7 وبعدين راحت العياده ويتني لمن فتحت 9 سانتي والحمدلله واايد مريحه وهاديه .. وتخليج على راحتج ما تستعيل ...

وخياطها بعد وايد زين .. انا للحين ماطلعت من الاربعين بس لله الحمد ما تأذيت منه ..

توكلي على الله ولاتحاتين ..

 

[غلا جابر 2010]

رد: تجمع اللي ناوين يولدون برويال حياة يا الله تعالوا

زينانه

انا لاني دخلت اولد بطلق صناعي وبت ليله بالميموسا اللي اهي غرفه الملاحظه قبل الولاده ..

اخذت اليلي وقاعة الجوري يوم واحد حق الاستقبال .. ودكتورتي من بره .. واخذت ابره الظهر .. جربت الكمام بالملاحظه بصراحه عادي مو قوي واايد ..

كلفتني تقريبا 1600 دينار واذا تبين تفاصيل انا حاضره

 

[Roty]

رد: تجمع المراجعات عند دكتورة ( ليلى اشكاني ) و الي جربوها حياكم

قوة بنات انا بعد ولدت عندها الحمدالله وايد زينه

غلا جابر بسالج شلون اعتنيتي بالخياط يعني شنو حطيتي وشنو الممنوع
بس لان ابي ادير بالي المره الثانيه لان انفتحت غرزتي الخارجيه مرتين وماقصرتي خيطتني

 

[نور الدنيا 88]

رد: تجمع المراجعات عند دكتورة ( ليلى اشكاني ) و الي جربوها حياكم

اوكي انا ابيها اهي تولدني ان. شااء الله

 

[worood82]

رد: تجمع المراجعات عند دكتورة ( ليلى اشكاني ) و الي جربوها حياكم

بنات بس اذا ما عليكم امر سؤال
250 سعر الولاده مع التجميل ولا لا
واذا لا چم تاخذ على التجميل

 

[نور الدنيا 88]

رد: تجمع المراجعات عند دكتورة ( ليلى اشكاني ) و الي جربوها حياكم

ورود و الله ماعندي فكرة

ان شاء الله اللي ولدوا قبلنا عندها يعلمونا

 

[غلا جابر 2010]

رد: تجمع المراجعات عند دكتورة ( ليلى اشكاني ) و الي جربوها حياكم

روتي بالنسبه للخياط كنت احط 3 كريمات : فيوسيدين + ميبو + زايلوكين على قطعه شاش واحطه على الخياط ولمن اسبح كنت اغسل بالبيتادين الي بطله اخضر وهالكريمات توصفهم لج الدكتوره

وللمانه انا ماتنقعت بولا شي لا ماي وملح ولا جفت ولا بابونج ... ولا تتحركين وايد اول 20 يوم يعني لا تبطلين ريولج وتسوين جمباز

بالنسبه للسعر انا دفعت 250 والخياط عادي بس في فرق بين التجميل والتضييج ..
التجميل اهو الخياط العادي اللي يسووونه بحيث يكون الخياط مرتب وهذا اللي يسوونه دايمن اما التضييج اهو اللي عليه مبلغ 50 دينار زياده .. وانا ماسويته لاني بجر وماله داعي ..

 

[نور الدنيا 88]

رد: تجمع المراجعات عند دكتورة ( ليلى اشكاني ) و الي جربوها حياكم

غلا جابر بمشي على نصايحج صراحة و بسوي مثلج

انزين مااسوي تضيج اخاف اطلع مو شي
عاد لما تطلعين من الاربعين تعالي قوليلي شلون خياطها رجعتي نفس قبل و الا فيه فرق

 

[غلا جابر 2010]

رد: تجمع المراجعات عند دكتورة ( ليلى اشكاني ) و الي جربوها حياكم

انشاء الله ..

بس اهي عطتني تحاميل مهبليه ان شاء الله من باجر احطهم لمده 6 ايام .. هذي التحاميل تنظف الرحم ..

 

[نور الدنيا 88]

رد: تجمع المراجعات عند دكتورة ( ليلى اشكاني ) و الي جربوها حياكم

اييي ان شااء الله
الله يسهل عليج و علينا

 

[درة أهل الطولات]

رد: تجمع المراجعات عند دكتورة ( ليلى اشكاني ) و الي جربوها حياكم

الله يوفقها الدكتورة عسلللللللللللللللللللل

 

[Mi$sLe$s]

رد: تجمع الحلوات اللي يراجعون عند الدكتوره سلوى الرفاعي ؟؟؟

حبايبي شلون الدكتوره ودي بوحده مجربتها قريب لان انا بالتاسع ودكتورتي بتسافر
فحولت ملفي عند د سلوى على ما ترجع
شلون خياطها لان انا ثاني بيبي فودي بخياط زين

 

[مس لوتس]

رد: تجمع الحلوات اللي يراجعون عند الدكتوره سلوى الرفاعي ؟؟؟

توها اختي والده عندها وطول الحمل تقولها فيج ولد وحزت الولاده يابت بنت وخياطها اي شي شوهت اختي وكله تبجي من خياطها

 

[++MesK++]

رد: تجمع المراجعات عند دكتورة ( ليلى اشكاني ) و الي جربوها حياكم

؛
؛


up


uP



؛
؛