ماساتي مع قطوتي فيونكا

[{ شيوخهـ ~]

يآعمرري..
الله يعينج ويصبرج..
يجعله بميزآن حسنآتج آنششآلله..
صآرت فيني لمآ آلهآمستر مآلتي ولدت ومآتت فآضطريت آنآ آرضع آليهآل..
بغيت آموت من هآلحآل والله..
لكن آلله يسهل عليج آنششآلله مآكو آلآ آلعآفيه..
\

 

[ToOosh]

تسلموووون بنات على الردوووود انشالله الله يعيني

بس القطوو الابيض اللي يطلع الحليب من خشمة ( ماااااااااااااااااااااااات) اخخخ ياقلبي نايمة يمهم بطلت عيوني جان القاه ميت بقى يزر عقلي انشالله خيرة عسى ان تكرهوا شيئا وهو خير لكم
الله يعيني ويصبرني ويخليلي الباجي
كلمت وحدة اعرفها قطوتها صارلها شهر والدة وفيها حليب بس انشالله القطوة تتقبلهم

 

[Teddy Bear]

حبيبتي الله يرحمه ان شاءالله يمكن اريحله الموت ولا انه يعيش ويعاني ..
لاا ان شاءالله تتقبلهم بس حطي اليهال عندها لما ترضع عيالها واهي نايمه او مسترخيه وراقبي تصرفاتها
والله يسهل عليج و عليهم ان شاءالله ..
بس بسال الحين جم بيبي من الأم اللي ما يطلع لها حليب ؟

 

[ToOosh]

الله يرحمة الحمدالله على كل حال بس شكلة الوحيد كان هملايا نفس ابوه
كانووو 7 صاروا اربعة والله يستر

 

[ƒα6σσM]

أخــيه =( !
بـ ميزآن حسنـآتج يـآ رب ..
و إن شـآء آلله تقـدرين عليـهم

قـؤآج آلله ~

 

[Teddy Bear]

ماعليه. الله كريم ان شاءالله
دام 4 هين الوضع ان شاءالله وبإذن الله تتقبلهم
انتي لا تحاتين واللي عليج سويتيه والباجي بييد ربج وان شاءالله ما يضيع تعبج
والله يعطيج العافيه

 

[hello1]

ما في قطوه تولد وما عندها حليب

يمكن ماتوا من شي ثاني

 

[tnkora]

الله يعطيج على كثر ما تعبتي.

عليهم

ويا ربي.

يعيون ويكبرون وتشوفين عيال عيالهم

 

[ToOosh]

حبيباتي تسلمون على الردود وكلامكم اللي قاعد يهون علي
انا اليوم يبت القطوة وحطيتها معاهم ماتبيهم بس انشالله تتعود عليهم وترضى ترضعهم وانا معاهم لي الحين رضاعة صناعية

 

[((البرنسيسا))]

الله يعينج وإن شاء الله في ميزان حسناتج

 

[ToOosh]

ااااااااااااااااااااااااااااااااااااااااااااااااااااااااااااااااااااااااااااخ مااااااات واحد بعد اليوم

 

[((البرنسيسا))]

ليش للحين هذيك القطوة مو راضية ترضعهم @@

 

[النملة نواري]

بميزان حسناتج ان شا الله
و حاولي مني مناك و ان شا الله تلقين الحل
و خلي احد يساعدج و دوري يمكن تلقين دوا او شغلة تنزل حليب الأم
عسى الله يفرجها عليج

 

[ToOosh]

شوووفو الحرة عقب الفيتامينات واللوية طلع فيها حليب شوية وياافرحة ماتمت وماتبيهم كلش احطها عندهم تروح واذا جبرتها وقعدت ارد الغرفة ما القاهم اقعد احوس وادور والقى واحد تحت السرير وواحد تحت الكبت وقاعدة جنها عزوبية طلعتهم بعلاق الملابس المكان ضيج حيل مادري شفيها ينت وبتينني معاها
شالسالفة وبعديييين قولولي شسوي ؟؟؟؟؟؟؟؟؟؟؟؟؟؟؟؟؟؟؟؟؟؟

والثانية ماتبيهم حتى عيالها ماتبي ترضعهم

 

[((البرنسيسا))]

الصراحة مو عارفة أقولج شنو تسوين بس وديهم البيطري أو كملي ترضعينهم صناعي

 

[kuwaitya_zoGaa]

حبيبتى وديهم حق مستشفى رويال الدكاتره هناك وايد زينيين
وراح ينصحونج وكل اللى تسوينه باجره انتى بس وين ماتقعدين حطيهم بقوطي وفيه مثل مخده صغيره وخليهم يمج كل ماتميتى وكليهم

 

[كيميائيه87]

ياحيااااتي والله
حسستيني انهم عياااااالج فدييتهم
حطيلنا صوره

 

[لبى عيينش]

حبيبتي انا قطوتي اول ماولدت سوت جذي بالضبط مثل ماقلتي وماكان فيها حليب لان اول ولاده لها وكلهم ماتو لاني ماقدرت اسوي شي واهيا ماكانت تبيهم تقطهم كل مكان وثاني ولاده لها مثل ماشفتي بالصور هي من نفسها خلتهم يشبرون واهتمت فيهم بس امسكي الام وشوفيها يمكن الحليب متيبس عليها ومسدود مايقدروت اخذي فوطه فيها مااي داااافي وامسحي مكان الحليب واخذيهم وحطيهم عندها ولاتخلينها تقول انتي امسكيهم وحطي حلجهم بمكان الفتحه في بعضهم مايدلون وبعض القطط يسمونهم الام السيئه يعني اللي ماتعرف تهتم بعيالها اذا اول ولاده لها الولاده الثانيه بتكون احسن من الاولى وملاحظه مهمه حظيهم بمكان جوه يكون حر حر حر مو عادي يكون حرررر لانهم مايتحملون هفات الهوا يبردون بسرعه واذا خايفه على الثانيه وديها بيطري اللي عند سوق الحمام راح يهتمون فيها وبعيالها احسن اهتمام اذا كانت اول مرا تولد واي سوال اساليني اعرف كل شي بالقطط وجزاج الله خير وانشالله من ميزان حسناتج وحاسه فيج والله هم انا ماكنت انام اول يوم ولادتها حالتي كسيفه

 

[لبى عيينش]

حبيبتي المكان حطيهم بصندوق مايقدرون يطلعون منه لاتخليهم ييطلعون كلش وغطي الصندوووق عدل بطانيه علشان مايجيهم هوا بارد لانهم حساسين وايد والام لاتخلينها تطلع وايد ترا راح تخليهم بعدين بس اذا ماتبيهم اهيا ماتقدرين اتسوين شي لانج ماتقدرين تاخذين مكان امهم اذا ماهتمت فيهم لازم اهيا قطوتي بولادتها الثانيه صارت خوووووش ام ​

 

[ToOosh]

مشكورين على نصايحكم حبايبي
اول شي حبي لبى عينش هذي مو اول ولادة لها عيالها الكبار عمرهم سنة وبنتها يابت يهال عمرهم شهر ونص الحين يعني احفادها بس هالمرة مادري شاللي صاااار
بس اليوم انهرت رحت ابي ارضهم مالقيتهم ماخذتهم ومحذفتهم وعفست الغرفة وانا منهارة ولوماتعوذت من ابليس جان مادري شسويت فيها صرت مينونة اكلمها واقولها وين وديتيهم تككفيييين وييييين قوليلي الله يخليج جنه بترد علي وادور واطل تحت السرير ماكو واطل تحت الكبت واسحبة والا مييييييييت مييييييييييييييييييييييييت
وادور وادور مولاقية باجي 2 والقاه بكبت الجواتي والا خلاااص روحة بتطلع واحاول ارضعة يطلع من خشمة ومو قادر يبلع حطيتة وقعدت ادور الاخير اللي احبة والوحيد اللي سميتة والقاه بلزباااااله يلزباااااااااااااااااااااااااالة ياناس بس ماكان فيها وصخ واطلعة كان فيه حيل شوية رضعته شوي ولقيت امة قاعدة بالصندوق حطيتة على صدرها ورحت حق الثاني احاول فيه شويه جان يموت بيدي هسترت وامي خذتني تحت على ماهديت صعدت والا مو موجود وادوة لقيتة بالكبت بس حالتة كسيفة شكلة تغييييير صغر وصار مايطلع صوت يقط راسة لي وراااا والمصيبة اشربة يطلع من خشمة معناااتة خلاااااص
خذيتة عندي وقعدت مجابلنة واحاول واهو حركتة حيل خفيفة شوي والا مايتحرك حطيتة قلبة عندي اذوني والاااا مااااااااااااااااااااااكو شي ماااااااات بس مو مصدقة حتى تنفس صناعي سويتلة وقعدت انطر يمكن يتحرك لكن للاسف بالضبط اليوم اللي كملوا اسبوع يااااو 7 وماتو كلهم باسبوع
الله يرحمهم ويصبر قلبي وفيونكا طلعتها من الغرفة مو قادرة اشوفهاااا
بنات الحيوانات تموت لكن هذيل سهرت عليهم وصرت امهم وماتوا واحد واحد جدام عيني و2 ماتو بيدي اللي قالت حسستها جنهم عيالي اهم فعلها كانوو عيالي بس الحين خلاااااص ماعندي شي احاتيه والا اسهر عشانة بس الراحة مالها طعم بدونهم
الله ينسيني اياهم ويعوضني خييير
ماقصرتوا احس براحة لما اشوف ردودكم انشالله محد يصيرلة اللي صارلي وتفرحون بولادات قطاوتكم


انتهت الماساه بذكرى الييييييمة
شكرا لكل من تعاطف معاي او نصحني او دعالي او واساني وكل من حس فيني

مع السلامة

وبالنسبة للصور صورتة واهوميت للاسف اذا تبون تشوفونه قولولي