ديوانية --<-@ {{ One Day We Will Be Slim}}

[Melazlaza]

لولو ماعليج من احد ترى الكبار يغارون اكثر من الصغار لووووول
والله يرحم موتاكم يارب

 

[Melazlaza]

بيشو سلامات الله يعدي هالتعب وترتاحين وتفرحين يارب

 

[أم عامر]

ام عموووور
يقولون من طول الغيبات ياب الغنايم
ها شيايبة وينج زفيتيني يوم اختفيت
بنات تكفون لا تغيبون والله يضيق صدري

شسوي غصب عني تعرفين طباخ وبيت وعيال وعلى ما اخلص من الفطور غسل مواعين الفطور بعدها اروح لصلاه التراويح ولما اخلص اروح زواره

بس اليوم اللي قدرت اشبك رحت للصلاه ورجعت للبيت ماطلعت عندي شغل قلت اخلصه


بيشو توج على بالي وقلت الظاهر صابها ماصاب ضيون احملت واقطعت

والله يسهل عليج ويعينج صيام ووحام جربتها يوم كنت حامل بعمور صادف رمضان على وحام بغيت اموت وفطرت 3 ايام من اللوعه والتعب ربي يفرح قلبج


عطووف عادي تحوشنا هالحاله طوفي عادي :eh_s(9):

رمضان كريم

 

[BiiShOoO]

لا ان شاء الله ما اقطعكم ام عامر بس تدرين من التعب و النساة

المشكلة انا اداوم هذا الي متعبني زيادة

 

[فواصل]

هلا بنات


شخباركم


مبارك عليكم الشهر

وعوافي على ما كلتوا

بقولكم علا تعليقات امس
الصراحة نرفزتني اوكي
وحدة من الموجودات الله يسامحها ومغروفها بعيونها الحاااااارة قل اعوذ برب الفلق استلمتني مع ان بنت اختها مسوية مثلي وضعفت اكثر مني تقولي وااايد ضعفانة قلت لها الحمد لله تقولي اي بس وايد جان اقولها حتا بنت اختج جان تقولي لا انتي مبين اكثر قلت لها لاني طويلة جان تقولي لا انتي كنت متينة وايد حقرتعا ومشيت عنها شوي جان تقولي جسمج ما يحتاج شد قلت لها لا ماراح اشد جان تقولي معقولة هالضعف اللي ضعفتي ماراح تشدين هديتها ومشيت المهم قعدت وقعدت قبالي واشوفها تكلم اللي يمها واطالعني جان ابتسم بويها يعني انا حسيت تتكلمين عني جان تقولي يعني انتي ماتاكلين كان معاي كوب القهوة قلت لها امبلا اكل جان تقولي عيل شنو عذا قلت لها انا ماشرب حليب فهذا يعوض الحليب تسالني شحقا ما تشربين حليب قلت لها ماحبه تسالني شنو اكلج بابضبط قلت لها اكل كلشي مثلج المهم قمت شوي والا تكلم اللي يمها وتاشر علي قلت لها خير جان تقولي جم كيلو نزلتي قلت لها مادري تقولي خمسين كيلو صح قلت لها لا قالت اربعين طبعا انا نزلت ٤٢ قلت لها مادري وتحن اربع خمس مرات تقولي امبلا اربعين وانا اقولها مادري تقولي معقولة ماتدرين مثل ماحرجتني جان احرجها قلت لها مابي اقول طبعا اهي كبيرة وجدة بعد بس اسلوبها مثل ويهها حرتني
وكملت عليها مرت اخوي تقولي قومي امشي خل اشوف قلت لها الله يهديج مو جدام الناس والا بنت عمي تقولي نفس الكلمة قلت لها ليش انا عرض ازيا شنو عجب الانسان يضعف
والله احتريت من اللي صار
ما انكر ان بعض التعليقات كانت حلوة واعجبتني لانها ذربة بس لما توصل ان تدخل بالخصوصيات والله تنرفز *

لا حول ولا قوة الا بالله

ان لله وان اليه راجعون

عظم الله اجرج يا لولو


بخصوص المرة

انا تنرفزت شلون انتي !!!:eh_s(14)::eh_s(14)::eh_s(14):

هاي بعد في رمضان جذي !

عنبوه محد ضعف في العالم غيرج انتي !

الله يكفيج شرها

رددي هالدعاء دايما كل صباح : اللهم من أراد بي سوء فأشغله في نفسه.. ورد كيده في نحره وأجعل تدبيره تدميرا له يارب

حق اي شخص حاط دوبه دوبج

ولكل انسان حاقد وحاسد

ولا تنسين اذذكار المساء و الصباح


بيشو

ليش ما تاخذين اجازة في رمضان وخاصة انج توج في البداية على الاقل ترتاحين شوي


لاحقة على الشغل

 

[نونة حبيبها]

مرحبا بنات اخباركم
انا الحمدلله بس مكتفية بالفطور ماتسحر
لولو...عظم الله اجركم حبيبتي
وحصني نفسك حبيبتي كل ليلة ترى عيون الناس ماترحم
بيشوو..اخبارك ياقمر والله يعينك على النساة

 

[ام مهرة 2009]

هلا بنات
اشلونكم
شخباركم

لولو ::عظم الله اجركم الله يرحمها ويبدلها دار خير من دارها
لا تردين على هالاشكال عشان تصك حلجها ما تسأل مره ثانية

بيشو ::
سلامتج والله

كتون وينج عسى ما شر

 

[Queen of Sadnes]

السلام عليكم بنات
لولو حبيبتي عظم الله اجركم والله يعين بناتها وعيالها ياارب الصج الدنيا فانيه
وبالنسبه لهالناس ولا يهمج الواحد مهما سوا الناس ماتسكت عشان جذي لاتنقهرين ولا يهمج احلا طااااف
بيشو الله يعينج عالنساة والله يثبت حملج ان شاء الله
ام عمور يعطيج العافيه
عطوف بالعافيه عادي كلنا تيينا هالحاله عادي مومشكله المره اليايه كل مايعتي اشربي قهوه او شاي اخضر
باجي البنات بالعاااافيه
انا قاعده الحين اشوف مسلسل الملكه خلصت طباخ وتنظيف ولليلحين الفطور ماصار اليوم طوووووويييييييييل على مانفطر خلاص نقفل بعد الله يعينا بس اشوه باجي ساعه عالفطور ان شاء الله
عاد انا مويوعانه بس ميته من العطش

 

[Zain_ALZain]

هاي بنات شلونكم اليوم

لولو بعد قلبي عظم الله اجرج الله يرحمها ويغفر لها ويصبر بناتها وعيالها

ولا تردين على هالاشكال ترى ما ايي الاحباط الا منهم

اليوم فطرت قلاص ماي + حبة سمبوسه + طاسه صغيره شوربة عدس

رحت صليت ولما رجعت

كليت 3 او 4 قفاش مجبوس دياي مع نص صدر يمكن اقل + 3 قفاش سلطه + ربع خبزه ايرانيه مع تشريب ماي خالي بدون بطاط

بس لحمه صغيره

السناك عالساعه 10 اختي العوده يايبه جيز كيك على جلي كليت قفشتين عن خاطري

سحوري :/ استحي اقول







كليت وجبه من ماك اخر مره ماراح اعيدها

وقبل الامساك بربع ساعه شربت جاي الضيافه وبس باجر بسوي تقشف بقلل من اكلي وايد بشيل السمبوسه + العيش + الحلو

عشان انزل وزني الحلو ابي اصيررقمين

 

[Lady <3 A]

شفيكم اليوم ادش واطلع مافي ولا مشاركة بالمرة
زيوووون يومج حدة يونس وعساج تنزلين بصحة وعافية ان شاالله
كتون انا احب القراءة بشكل عام وقرااية القران بشكل خاص فاستغل فرصة ان عيالي نايمين ومافي احد يقاطعني واخلي المصحف معاي وين مارحت والحين الاي فون ما يقصر حتا عند الاشارة افتح واقرا استغل اي وقت فراغ واقرا والحمد لله ربي يعينا ويتقبل ان شاالله
صبوووورة حبتج العافية انا بعد احبج بس انتي واحد والا اثنين
كوكو الله يسلمج والله امس طووول الليل خشمي مسكر واذني مضغوطة الحين احسن الحمد لله
بنات بقولكم شي وايد ضيق خلقي اليوم صج مافي احد دايم
زوج عمة زوجي توفي بنص رجب المهم امس رحت الدوام مع زوجي واحنا راجعين جان اقوله خلينا نروح حق عمتك مسكينة والله امس كنا عندها وكانت تتكلم عن المرحوم زوجها وانا اقولها عمتي هذا طريج الكل يمشي في وكنت اصبرها واقولها ان الدنيا فانية وكانت تسولف مافيها الا العافية اليوم الصبح ريلي طلع ماكو خمس دقايق دق جان يقولي عمتي توفت ماصدقته قلت له جذاب امس كنا عندها قالي شفيج الموت ما يعرف امس والا اليوم والله كش شعر جنبي واليوم بالعزا بناتها يعورون القلب مساكين الله يصبرهم ويمسح علا قلوبهم ويرحم والدينهم وابوي وموتاكم وامة محمد كلها بحق هالشهر الفضيل ان شاالله

قلبي عورني والله .. الله يرحمها وعظم الله اجركم .. الله يصبر عيالها ان شاء الله :eh_s(2):

اكلي اليوم
كنت اليوم حدي عطشااااانة وذااايبة من الحر
شربت نص قلاص لبن تالي رحت صليت عقبها اكلت ثلاث قفاش تشريبة ورول زعت وسمبوسة سبانخ وربع قفشة لزانيا تالي اكلت حبة لقيمات وقفشة كنافة وحاشني دامبنج جسمي قام يرجف قمت بسرعة اندعست يزاوية القنفة وتلحفت
رحت العزا تالي شربت سكم لاتيه وعقب اخذت نتيجة تحاليلي الشاملة مالت وظايف الجسم الحمد لله كلشي طبيعي ماعدا انزيمات الكبد نازل شوي ولما قلت لها عنا نتيجة الالترا ساوند والتحليل قالت لي بالعكس هذا يبين ان الدهون اللي كانت تغلف الكبد قاعدة تنزل وطمنتي
رجعت اكلت رول زعتر وسمبوسة
والحين قاعدة اكل اناناس
مشتهية سندويجة حلوم مع بيض من شموع الافراح اللي بشارع المطاعم

صحتين وهنا لولو .. والحمدلله النتايج طلعت طبيعيه والله يعطيج الصحه والعافيه ان شاء الله

بقولكم علا تعليقات امس
الصراحة نرفزتني اوكي
وحدة من الموجودات الله يسامحها ومغروفها بعيونها الحاااااارة قل اعوذ برب الفلق استلمتني مع ان بنت اختها مسوية مثلي وضعفت اكثر مني تقولي وااايد ضعفانة قلت لها الحمد لله تقولي اي بس وايد جان اقولها حتا بنت اختج جان تقولي لا انتي مبين اكثر قلت لها لاني طويلة جان تقولي لا انتي كنت متينة وايد حقرتعا ومشيت عنها شوي جان تقولي جسمج ما يحتاج شد قلت لها لا ماراح اشد جان تقولي معقولة هالضعف اللي ضعفتي ماراح تشدين هديتها ومشيت المهم قعدت وقعدت قبالي واشوفها تكلم اللي يمها واطالعني جان ابتسم بويها يعني انا حسيت تتكلمين عني جان تقولي يعني انتي ماتاكلين كان معاي كوب القهوة قلت لها امبلا اكل جان تقولي عيل شنو عذا قلت لها انا ماشرب حليب فهذا يعوض الحليب تسالني شحقا ما تشربين حليب قلت لها ماحبه تسالني شنو اكلج بابضبط قلت لها اكل كلشي مثلج المهم قمت شوي والا تكلم اللي يمها وتاشر علي قلت لها خير جان تقولي جم كيلو نزلتي قلت لها مادري تقولي خمسين كيلو صح قلت لها لا قالت اربعين طبعا انا نزلت 42 قلت لها مادري وتحن اربع خمس مرات تقولي امبلا اربعين وانا اقولها مادري تقولي معقولة ماتدرين مثل ماحرجتني جان احرجها قلت لها مابي اقول طبعا اهي كبيرة وجدة بعد بس اسلوبها مثل ويهها حرتني
وكملت عليها مرت اخوي تقولي قومي امشي خل اشوف قلت لها الله يهديج مو جدام الناس والا بنت عمي تقولي نفس الكلمة قلت لها ليش انا عرض ازيا شنو عجب الانسان يضعف
والله احتريت من اللي صار
ما انكر ان بعض التعليقات كانت حلوة واعجبتني لانها ذربة بس لما توصل ان تدخل بالخصوصيات والله تنرفز *

قهر والله . . الله يكفيج شرهم ويكفيج عيون الناس والله الناس ما تقول خير الواحد يمتن يقطعونه بتعليقاتهم ويضعف نفس الشي ما يسلم منهم !!!
خلج مثل ما سويتي الي يسألج قولي مادري ماعرف بأسلوب غشمره او مابي اقولكم طبقي هالشي مع الكل ماتدرين كل شخص شو شايل بقلبه

السلاااااام عليكم شلوونكم شخبااركم

هلا بيشو وحشتيينا
والله يعينج يارب وماتشوفين شر ان شاء الله

بزبز وينج ليش ماقلتي شاكلتي
لا يكووووون مخربطة

هههههههههههههههههههه شبه مخربطه بكتب يومي شوفيه وعطيني رايج
انا اليوم فطرت وطلعت ورديت البيت قعدت مع اهلي ولهيت وياهم ​

 

[Lady <3 A]

يومي مو زين مثل اول يومين

العصر رحت الممشى ومشيت كيلو ونص .. ودي امشي 3 كيلو بس من اكمل كيلو احس بكتمه وماقدر اتنفس اروح السياره وانطر اختي على ماتخلص الدوره الثانيه بحاول ازيد باجر ان شاء الله

فطرت شوربة كويكر + حبة سمبوسة بطاط + حبة باكورة

وبعدين شربت نص قلاص فيمتو (اول مره اشربه من بداية رمضان )

وبين الفطور والسحور شربت ماي وحليب قليل الدسم بنسكافيه واكلت روب واكلت قفشتين من حلاوة الجزر اعتقد حلاوه هنديه

وسحوري 4 ميني حبات فطاير قد صمونه وحده :/ وبيضه مفيوحه وحبة ورق عنب

وبعد السحور اكلت قفشة حلاوة السنافر

احس اني وايد خبصت والله يستر من وزني باجر

بعد السحور شربت قرين تي وميغا دايت وكملت تقريبا لتر ونص ماي لهذا اليوم والحمدلله ع النعمه

 

[Lady <3 A]

بنات مقهوره من ويهي قبل صافي الحمدلله تطلع لي حبوب بين فتره وفتره أيام الدوره او الضغوطات فترة الدراسة
بس صارلي 10 ايام ويهي كله حبوب مادري شسوي احط عليهم معجون اسنان قبل ما انام واغسله الصبح واحط كريم فيوسدين وما تخف نفس ما هي مع انهم كانو يقضون ع الحبوب قبل لما استخدمهم
واستخدم غسول للحبوب مرتين باليوم

شو الحل برايكم مابي اروح عيادات والعب بويهي واخذ حبوب وادويه

 

[صبرت ومل الصبر]

شفيكم اليوم ادش واطلع مافي ولا مشاركة بالمرة
زيوووون يومج حدة يونس وعساج تنزلين بصحة وعافية ان شاالله
كتون انا احب القراءة بشكل عام وقرااية القران بشكل خاص فاستغل فرصة ان عيالي نايمين ومافي احد يقاطعني واخلي المصحف معاي وين مارحت والحين الاي فون ما يقصر حتا عند الاشارة افتح واقرا استغل اي وقت فراغ واقرا والحمد لله ربي يعينا ويتقبل ان شاالله
صبوووورة حبتج العافية انا بعد احبج بس انتي واحد والا اثنين
كوكو الله يسلمج والله امس طووول الليل خشمي مسكر واذني مضغوطة الحين احسن الحمد لله
بنات بقولكم شي وايد ضيق خلقي اليوم صج مافي احد دايم
زوج عمة زوجي توفي بنص رجب المهم امس رحت الدوام مع زوجي واحنا راجعين جان اقوله خلينا نروح حق عمتك مسكينة والله امس كنا عندها وكانت تتكلم عن المرحوم زوجها وانا اقولها عمتي هذا طريج الكل يمشي في وكنت اصبرها واقولها ان الدنيا فانية وكانت تسولف مافيها الا العافية اليوم الصبح ريلي طلع ماكو خمس دقايق دق جان يقولي عمتي توفت ماصدقته قلت له جذاب امس كنا عندها قالي شفيج الموت ما يعرف امس والا اليوم والله كش شعر جنبي واليوم بالعزا بناتها يعورون القلب مساكين الله يصبرهم ويمسح علا قلوبهم ويرحم والدينهم وابوي وموتاكم وامة محمد كلها بحق هالشهر الفضيل ان شاالله

هلا ام العيال الله يعينا على مشاغل الدنيا وانتي صاجه ياخويتي نستغل الوقت بقراءاة القران لان اتعرفين رمضان جمعات وناسه وان شاء الله مابنتهى رمضان الا عاتقنا ربنا من نار جهنم قولي امين بس لازم اخلاص النيه بقراءه القراءن وكل شي في رمضان اجرة مضاعف



ام العيال انا صبورة الصغيرونه فديتج ابشرج رحت حللت مابغى غير الملكه حدي مستانسه رمضان هذا غير اللي يسمعني يقول جني طايحه بجبد اهلي ههههههههههههههههههههههههههههههههههههههههههههههههههههههههههههه:krkrkr::krkrkr::krkrkr::krkrkr::krkrkr::krkrkr:

 

[صبرت ومل الصبر]

مرحبا :eh_s(7): شلونكم بنات ​

هلا صبوره وحشتيييييييينا :eh_s(7): وين منخشه عنا
ها بشري نقوول مبروك :eh_s(9): ؟
وصبوره الثانيه وينها ؟! مالها حس كلش ؟!

الله يسمع منج انا حللت وتو ماطلع التحليل وان شاء الله املج على خييير اختي مشغوله حدها واهيا بخير ودايم تسال عنكم حبيبتي ​

هلا ام عمور وحشتينا :eh_s(7): بالعافيه عليج ويالله شدي حيلج وجابلينا شوي ههههههه​

اي والله اشتقنا لج ا م عمور وش هالثقل علينا

 

[صبرت ومل الصبر]

ام العيال كم وزنج الحين عسى ربي يحرسج يعني انتي نازله 42كيلو اكيد الناس منصدمين منج عين الحسود فيها عود قطع يقطعهن الله يحرسج ولااله الا الله وماشاء الله عليج

 

[الحراير]

مرحبا بنات شلونكم

وعوافي ماكليتوا

لولو عظم الله اجرج وهاذي الدنيا

 

[LadY BuG 80]

سلام شلونكم شخباركم

انا بخير بس مشغوله مع رمضان , طبخ العيال البيت قران بس اخلص شغل انام مثل القتيييييل

ولله يوم اكل خفيف مرررررررررره و انزل 700 جرام و اليوم الثاني ما احرم نفسي و ارجع 200 او 300 جرام و على هلحال ,, but over all am doing great

نجي للأكشنات و الواضيع الي تغث ,,, ام عموور تذكرين مره يوم فصلنا و قمنا انسولف في الممنوعات ,, و انا قلت تخيلو يكون بينا رجال متنكرين ولا اي وحد من قروبنا تطلع رجال

و انتي قلتي اصلا ارجال ما يجون هنا عند المتان كلهم في قسم الحياه ازوجيه يدورون المواضيع ادسمه ههههههه

اول امس شفت كل مواضيعي مسيفه في الفيفورت في لاب زوجي :eh_s(1): اول ما شفت موضوع نيو بودي نيو لايف ,, قلت يحليله كيوت يتابعني اكيد كان ولهان علي و هو هناك ,,, بعدين شفت كل مواضيعي :rgewrg: انقهرررررررررررررررررررررررررررررررررت حسيته يراقبني و مو واثق فيني ,,, ,,, هو كان برا البيت ,, انصدمت ,, كل مواضيعنا بناتتتتتتتتت كلهم

المهم خاصمته لين اليوم اثاني و ما كلمته بعد عدت محاولات و الحاح ,, قلت له . كنت ودي اعرف ايش ممكن يقول ايش عذره ؟؟؟؟ ,, تدرون ايش كان الرياكشن ؟؟؟

:krkrkr: هاذا ,,,, مات ضحك ,, يقولي امانه هاذا الي مزعلك من امس

قالي صحيح انك سخيفه ((( اناااااااااااااااااااااااااااا اسخيفه ,,, صحيح الي اختشوا ماتوا !! كاني انا الي اتجسس وراه ))

المهم كل الي قاله مو فاضي اتابع كل الهذره كلها 5 مرات يمكن بس اشتقت اشوف ,, و ما اذكر شي منها ,, و بعدين هي على العام انا ما فتشت اشيا خاصه و ما كنت مهتم ذاك ازود كلها سوالف رجيم تملل ,,, المهم بعد حوار طويلللللللل انحلت اسالفه ,,,

و انا كنت اقول مستحيل في رجال سخيف يتابعنا ,, طلع زوجي :krkrkr: :krkrkr: :krkrkr: اقول حبيبي لو بتقرى تعليقي هاذا ودي تعرف انك سخيف مو انا اسخيفه

اليوم داخله انشر غسيلي كله ههههههههههههههه بس جد انقهرت في البدايه :bbbiu:
​

هلا بنات
اشلونكم
شخباركم

لولو ::عظم الله اجركم الله يرحمها ويبدلها دار خير من دارها
لا تردين على هالاشكال عشان تصك حلجها ما تسأل مره ثانية

بيشو ::
سلامتج والله

كتون وينج عسى ما شر

حبيبتي الي تسأل عني ,, اشر ما يجيكي يالغاليه :friends:



لولو عظم الله اجركم و الله يثبتها عند اسؤال و يرزقنا حسن الخاتمه ,, مشا الله موتتها في رمضان يا الله ارحمها و اجعل قبرها فتحه من فتح الجنه و صبر اهلها :yaaaaaarb:

ادعله هاذي الي تغث يبيلها :j013:

تدرين ,, قبل لا اسافر ادوحه ,, لمن تقولين انتي و البنات عن لقافه بعض اناس ما اصدق ,, هنا ما عندنا احد يدخل ولله و يحسونه عيب هلكلام ,, بس يوم سمعت المغثه من البعض هنا و شفت القافه ,,, قلت اففففف صدقوا البنات اناس هناك غيييييير يتليقفون توو متش و مافي ذوق في بعض اتعليقات ,, يعني انا تعبت و ضعفت ليش ما تطيح عيونكم الا على اسليبات ,, مثل ,, لا توو متش وع وجهك مو حلو ايدينك صايره عضام ,,, شعرك خفف ,, ترى الضعف ازايد مو زين ,, تخرعين ,, ما انصدم زوجك ,, قلت لها الا و عجبه ,, تقولي عجبههههههه ...؟؟؟ ما قال ضعيفه واجد ,, قلت لها ,, لا تقول ,, اكيد مو حاب يجرجك يحليله :eh_s(14):

وربي عكرو صفوي و زدت هناك 2 كيلو و رجعت هنا و زدت اثنين بس مرتاحه على وزني اوكي الحين :yaaaaaarb:

بشبش حبيبتي الله يعينك على الوحام و المود سونغ بس ترى الحمل يهبل استمتعي فيه

و انشا الله مع الوحام تضعفين كم كيلو بصحه و عافيه ( دعوه اخويه )

​

 

[شوكولاته&فانيلا]

السلام عليكم بنات تقبل الله طاعتكم

لولو عظم الله اجرج

باجي البنات بالعافية حبيباتي

​

 

[LadY BuG 80]

ايه صح لا تنسون بكره الميزااااااااااااااااااااااااااااااااااااان

تدرون غيرت رايي طرشوا الاوزان على الخاص

اوكي

ابغا الوزن السابق ( من السبوع )

الوزن الحالي


الوزن المفقود

و بكره ادري الكل راسب و راح ازفكم زف و طق

يلله بكر ابي الاوزان كلها هلوقت تكون واصلتنييي​

 

[شوكولاته&فانيلا]

هلا كتون لج وحشة كبيرة والله وياحلوج انتي وزوجج عادي يامعوده خليه يقرأ حكي النسوان عاد كل سوالفنا رجيم وبلعه

تيك ات ايزي​