جيل الستينيات ...وينكم؟؟؟؟

[الغاليه ام احمد]

ام خالد تسلم عليكم

امس راحت البحرين عندهم عزا

 

[الغاليه ام احمد]

يالله كل وحده تعطينا اطباق حلوه سوتها للفطور

انا اليوم بسوي صينية توست بالدياي

وطريقتها

توست نشيل اطرافه بالكميه اللي تبينها حسب صينيتج

ديايه مفيوحه ومفتته

نحمس بصل وثوم بالزيت ونحط الدياي المفيوح عليه وجزر مبشور وفليفله ومكعب ماجي وشوية بهارات

الصلصه

علبتين قيمر (قشطه) و4 ملاعق مايونيز و5 ملاعق جبن قلاص

نحط شويه من الصلصه بقاعة البايركس ونصف طبقة توست ونرش عليها شوية صلصه

وونحط فوقها خلطة الدياي وعليها شوية صلصه وبعدين طبقة توست وعليها باقي الصلصه

وفوقهم جبن موزريلا مبشور

وندخلها الفرن نفتحه شوي من تحت ومن فوق لما تتحمر

وبالعافيه

 

[الغاليه ام احمد]

يالله اخليكم الحين بحوس بالمطبخ

 

[بشوره الكويت]

ربي يسلمك ام احمد

ما تقصرين عساج ذخر وسند

الله يرجعهم بالسلامة ام عبدالله

ام خالد عظم الله آجركم يا رب ما تشوفون شر

تسلم الأيادي

حسافه كل ما ادخل ما القا احد

 

[فطووومة]

السلام عليكم

عظم الله اجركم ام خالد وترجعين بالسلامة

بشورة هلا وغلا شلونج حبيبتي
مبارك ليكم الشهر

تسلم ايدينج ام احمد على الطبق اللذيذ وباجر بجربه ان شالله

اليوم سويت كبة بطاط
بس انا اسويها مخلوطة
يعني اجهز الحمسة بالبصل والبهارات والكركم واللحم المفروم
والبطاط المسلوق


واخلطهك كم بعض واكورهم واغطيهم بالبيض والبقسماط

وافرزنهم

وبعدين اقليهم

 

[بشوره الكويت]

هلا فطووووم الحلوه

علينا وعليج يا رب يتقبل منا يا ربي

تسلم ادياتكم ويعطيكم العافيه

 

[بشوره الكويت]

اليوم يا حلوين سويت ملوخيه بس طريقه

وحده سوريه رفيجتي عطتني اياها وفعلا احلي

من مرق الملوخيه جربوها راح تحبونها


طريقة الملوخيه
قطعت اللحم مكعبات وفحته بالطريقه العاديه

تالي تحمسين له جوانح بصل وثوم مهروس وكزبره وتقطين اللحم المفيوح وتبهرينه وتحطين شوية معجون طماط لاتكثرين

تالي قطي الملوخيه تكونين مقطفتها بدون فرم*
ممالورقه على عدالها*
بعد ماتذبل وتستوي حطي قفشة دبس الرمان*

زينيها بجوانح بصل مقلي وشرايح ليمون*

وبالعافيه

 

[بشوره الكويت]

منو موجود

 

[بشوره الكويت]

وسويت لهم خلطه البيتزا وحطيتها بعجينه الصينيه

والخلطه حلوه حتي اليهال بحبونها
وطريقتها
تبشرين ٤ انواع من الجبن

مازورولا وجبن كرافت المستطيله او العلبه

جبنه فونك وجبنه كره الحمرا وفي منها مقطعه مغلفه

وتضيفين عليه زعتر بري وفلفل بابريكا اشوي

وتحشينه بشرايح عجينه الصينيه

وتغلينها روعه وعليكم بالعافيه

 

[ام حمنو]

السلام عليكم خواتي العزيزات


حيا الله بشوره شلونج تسلم ايدج ومنج نستفيد

ام احمد الله يعطيج العافيه يا ريت تكثرون من هالسوالف مو الحين بس انفكر بالمطبخ

ام خالد عظم الله اجرج وطريج السلامه

 

[ام حمنو]

انا اليوم فطوري كان يريش وبلاليط وشوربة قرع وفته وكبه

وقاعده افكر شسوي باجر

 

[بشوره الكويت]

هلا ام حمنو اشلونج

عليكم بالعافية الفطور

 

[عصير ليمون]

اللهم كما أتممت علينـا صيـام اليـوم الأوّل ,والثاني
وهـا نحـن بـاليـوم الثـالث مـن شهـر رمضـان
اللهـم أتمـم علينـا صيـام شهـر رمضـان كـامـلاً وتسلمـه منّـا متقبـلاً


السلام عليكم ورحمة الله وبركاته

شلونكم خواتي مبارك عليكم الشهر
وكل عام وأنتم بخير
وعوافي على قلوووبكم الفطور والسحور والغبقات كلها :eh_s(7):
والله يتقبل من الكل يا رب صيامه وقيامه

أم خالد ( عظم الله أجركم ) ويجعلها خاتمه الأحزان
والله يرحم موتانا وموتى المسلمين يارب العالمين
وهم نفس السؤال عندج خدامه ثانيه ؟؟:eh_s(10)::eh_s(10):
أم أحمد عليج بالعافيه المواعين الجديده وتتهنون فيها
والله حتى أنا مدري شفيني على المواعين هم خميت من كل مكان
شوي وأخذ من دومو اللي في الضجيج حلو مواعينه أشكالهم حلو

فطووومه شلونك وشلون البنات
حلوه طريقتك كبه البطاط بحاول أسويها
وعليكم بالعافيه

بشوره الكويت
شلوونج وشلون العيال ومشكووره على طريقه الملوخيه أنا أحب الملوخيه
وهمن طريقة البيتزا حلوه وسهله
عليج بالعافيه

أم حمنو الله يهنيكم يا رب وعسى المعاريس مستانسين
أهم شي العروس لا تخلوون بنفسها شي :eh_s(7):زيدي الجيله :eh_s(7):
والله يجمعكم على المحبة يا رب


الله يرد الغايبين إن شاء
ويرد أم عبدالله بالسلامه وتنور بيتها :eh_s(7):
​

 

[ام خالد الغلا]

السلام عليكم خواتى الغاليات على قلبى

ولهت عليكم حبيبات قلبى واجرنا واجركم ومشكورين وما قصرتو

رحت اول يوم رمضان قبل الفطور البحرين علشان اعزي اهلنا ورجعت امس وصلت الساعه 8 وفطرت وريحت وعقب رحت حق خالتى الكبيره كله ثانى رمضان يتجمعون عندها الاهل

وعلى الساعه 2 الفجر رحت المطار استقبل الحلوين مع امهم اوصلو بالسلامه

 

[ام خالد الغلا]

حيالله الغاليات ام احمد هلا وغلا وعليج بالعافيه المواعين ويعطيج العافيه على الطبق الحلو

ام حمنو عليج بالعافيه الفطور

وفطومه وعصير ليمون اى عندى خدامه ثانيه اوصلت قبل لا تروح والاوليه اهى الطباخه اللى عندى من زمان

بشوره حياج الله نور المنتدى بعد هالغيبه الطويله ويعطيج العافيه على هالطبخات وزودونا بالوجبات الحلوة

 

[ام خالد الغلا]

وين ميثا وام ثامر وانا شفتك والعيوووووف ومشاوىوباجى البنات طلو علينا

ام عبدالله الحمدالله على سلامتج وناطرين طلتج علينا يا الغاليه

 

[الغاليه ام احمد]

السلام على الغاليات

 

[الغاليه ام احمد]

شلونكم وشخباركم زين رديتوا وشبكتوا

امس كانت صفحتنا شاكحه ورا

ام خالد الحمد لله على سلامتج وسلامة الحلوين

وعظم الله اجركم بميتتكم الله يدخلها فسيح جناته

 

[الغاليه ام احمد]

بشوره وام حمنو وفطوووومه وحنووونه شلونكم وشخباركم

العيوووووف وميثاااا ومشااااوي وام ثامر والحضرميه وووووينكم ما بينتم

ام عبدالله الحمد لله على سلامتج وناطرين تنورين النت

 

[بشوره الكويت]

هلا بالغوالي

تسلمون يا قلبي تستاهلون الطيب كله

ما عليكم زود وعسي الله يجمعنا بالاخره مثل ما جمعنا يالدنيا

ربي يتمم علينا الجمعه ولا يفرقنا *

حمد الله علي سلامتج ام خالد وان شاء الله نهايه الاحزان