فناتق استقبالات الولاده (فيدي واستفيدي)=تم دمج المواضيع المتشابهه

[الرشيقه]

آنا بعد اروح الاستقبالات وكأني مغصوبه ما احب وريلي يزيد الطين بله وكل ما اقوله بروح الاستقبال يتطنز علي ويقولي ليش بتسوين جيك اوت خخخخخخخ

 

[جرح الليالي]

خوووش موضوووع يعطييكم العافية

ويستااهل الرفع :ggdw:

 

[بنات حواء2]

هاي بنات اشلونكم انتوا وينكم عني الصراحه وايد استانست من جكيت الموضوع الصراحه خوش موضوع و مفيد واااااااااااايد

بنات حبيت انبه على طريقة الشيره ترى قديمه و الكل مسويها وايد يأجرونها انا سمعت انه في مره تأجرها اليوم بعشرين و الله سمعت من بنت المنتدى و ما عندي فكره منو بس وايد مسوينها بالاستقبالات يعني حلاته حركات يديده

 

[بنات حواء2]

حبيبتي الرشيقه انا عكسج بالعكس انا احب اروح استقبالات و اشوف الافكار اليديده و شنو الناس مسوين يعني انا احب آخذ افكار يديده عشان لمن اولد اسوي شي غريب و غير عنهم و يعني احاول ادور على شي احلى من إلي اهمه حاطينه عشان يصير شغلي مميز

 

[بنات حواء2]

و على فكره بنات لازم تلتفتون لى موضوع وايد مهم ممكن تكون وجهة نظر بس ما ادري انا اشوف جذي مثل ما انتو ملاحظين انه هلايام اي استقبال تروحينله تشوفينها مسويه الكفر و الشغل كله اوفوايت بذهبي او اوفوايت يعني تقريبا كل إلي يولودن و يسوون استقبال نفس اللون
فأنا حبيت انبه الجميع على هشغله يعني ليش ما اطلع بلون غريب بدال لون الاوفوايت في وايد الوان حلوه و غريبه
و من الردود إلي قريتهم وحده مسويه كفر شذري بذهبي الصراحه ما شاء الله عليها ذوق لأنه اللون عجيب و الله عجبني بس ماكو فايده خلاص فصلت لون واااااااايد حلو سويت اللون البنفسجي المايل على الفوشي يعني ( الليلكي ) مع الذهبي وايد حلو و روعه حتى المره إلي قاعده تسويلياه قالتلي لونج وايد صعب غصب حصلت تور و دانتيل نفس اللون إلي تبينه و بيني و بينكم ما ادري شنو قصتي على هلون عاجبني و انا اساسن كنت محتاره بين هلون و اللون التركوازي بس رسيت على البنفسجي لأني مقتنعه فيه وايد بس ما يه على بالي الشذري الصراحه فكره وايد حلوه و يعطيها العافيه و عليها بالعافيه صاحبة اللون المبتكر

 

[بنات حواء2]

و بنسبه حق المعجنات انا خليت المره إلي تفصلي الكفر تسويلي معاها سله تلبسها من داخل نايلون عشان لا تتوصخ من المعجنات و تلبسلياها من بره اللون البنفسجي نفس الكفر عشان اصف فيها المعجنات كشكل احلى و لا بج مع الشغلات الباجيه
يعني احلى من ما احط المعجنات كل نوع بروح في صحن يعني ما ادري شلون اصلن مو حلو و بعدين تعب يعني بله عندي 7 او 8 انواع مو معقوله رايحين و رادين ييبون انواع لأ مو حلوه الفكره ما ادري ما عجبتني

و بنسبه حق القهوه العربيه انشاله ناويه آخذ حق الاستقبال فناييل البسكوت و الككاو يمكن الاغلب يقول عنها قديمه بس الكل يتفق انها حلوه كفكره الصراحه انا عاجبتني و انا رحت استقبالات اهل ريلي و اهلي يعني بعدهم ما وصلوا حق هذا الاختراع فراح اكون انا اول وحده يعني تستخدمه راح تكون فكره غريبه

و اما بنسبه حق الشكر انشاله باخذ من رفيجتي شكر مغلف و ألوانه حلوه وايد و يتعلق على الاستكانه و عندها بدال القند الشكر الملون معبا في غراش عنونيات صغاااااار وايد يتعلقون بالاستكانه الصراحه انا عجبوني بس يعني صغار واحد و احنه اهلنه ما شاء الله عليهم يحبون الشكر يعني ما يشربون الشاي إلا إذا كان فيه شكر وايد فما ادري يعني اذا بعلق على الاستكانه جم غرشه اعلق 7 او 5

 

[بنات حواء2]

ادري اني طولت عليكم بس انشاله لي رجعه ثانيه و سوالف يديده
:nbptr:

 

[Na77olah]

بنات حواء2 حبوبه لونج حلو وانا من نفس رايج ملينه من البيج وانا كفري والمفارش ولبسي مسويته كله لونه بيج إبنفسجي فاتح وحتى التوزيعات وانشالله بعد احصل الأسكانات والفنايين بعد لون بنفسجي فاتح بس حبيت اعطيج رايي بالنسبه حق سلة المعجنات انا من رايي اذا تبين شغلج يكون راقي وفخم في ماعين يكون فخم وكبير إختي شرتلي منه حق الحلو والمعجنات نفس الشي بس ناسيه اسم المحل بس اذا بتشوفين مثله موجود بمحل أمبرس يبيعون الماعون طبعا خالي وله قاعده وفخم

 

[شندوخه]

موضوع عجيب لي رجعه بأذن الله

 

[Cute_Girle]

صج صج تعبت وانا اقرى ...


عالعموووم انا ولادتي هالشهر انشالله ... مسويه فناتق ...

اذا ربي تمم علي بانزلكم صور كل شي ...

مابي احد يسبقني <<< نحيسه


موفقين كلكم

 

[Shestylet]

آخر فناتق الاستقبالات في المستشفي ...2008

بنات ان شاء الله في هالموضوع راح نجمع احلى وارقى الفناتق اللي شفتوها في استقبالات المستشفي .. يعنى شي جديد مو قديم :blueSmCLR:

 

[Shestylet]

شدعوه 36 مشاهدة ولا وحده عندها فكرة

 

[زخارف]

سووووووري ما عندى

 

[أم حيدر]

انا داشة عشان اشوف افكار حق ولادتي بس ماكو شي

 

[june_m00n]

والله امس رحت حق جم وحده والده

ما كو فناتق

ورد عادي

وكاكاو تقدييم

وكاكاو جوكليت بار المجيس اكييد سامعه فيه وبس هذا هوو


ومره رحت حق استقبال لما تطلعين تعطييج علبه بلاستك فيها كاكاو مكسر لذييذ اقولون تبيعه بنت النعمه


وخووش موضوع تسلم اييدج

 

[toot^o^mishmish]

ما ادري احس انه الناس ملت من التهول ارجعت حق الشي البسيط الناعم
بس مر علي جم استقبال وحده كانت مسوية ديكوراتها ومفرشها كل شي فيه ليدي بيرد والثانيه كل شي بنفسجي وتركواز كان وااااااااااايد غريب لان مستخدمه المخامل

 

[زهقاانه]

وانا بعد ابي افكاار حق ولادت اختي

يعطيج العاافيه

 

[سبائك]

آخر استقبالين رحت لهم الاول كان الفناتك بالحلو فظيييييييييييييع شغلات غريبه ما شفتها من قبل حتى ماتدرين شلون تنوكل

ولما تطلعين يعطونج قلاص ملفوف بسوليفان ومعاه قفشه فضيه....داخل القلاص 3 طبقات نوتيلا تحت تالي رهش تالي حلوى يهبل

الثاني الفكره اليديده الي فيه انهم يدورون ببيالات (سحلب) على أساس بالشتا وبرد فحطو سحلب ببيالات ويدورون فيه بدال الحليب

 

[القطانيه]

لا تعلييق اخاف اقول حرام الفسق وانا اسوي اكثر منهم بس الله يرزقني وكلكم مدعويين انشاء الرحمن

 

[مركب الأمل]

يستاااااااااااااااهل الموضوع أرفعه


أبدااااااااااااااع صراحه