روايتي وطن عمري(أحبك لا تقول اشلون)بقلمي

[miss 3yara]

~البارت الثالث والعشرون~​

ـــــــــــــــــــــــــــــــــــــــــــ​

:شيخة​

شيخة لفت ويها ولا خالد!​

شيخة انصدمت:خاالد​

خالد ابتسم بخبث:اي خالد شيخة انا ياي اتسامح منج على كل شي سويته فيج​

شيخة وهي مستغربه:لا عادي مسموح بس اتمنى هالشي مايتكرر وعن اذنك...ومشت​

خالد قعد يطالعها مده​

ـــــــــــــــــــــــــــــــــــــــــــ​

وبعد مرور اسبوع​

بوفيصل طلع من المستشفى وام فيصل سوت له حفلة محفوفه بينهم وبين اهلها واهل ريلهاا​

ـــــــــــــــــــــــــــــــــــــــــ​

مطار هيثرو​

ـــــــــــــــــــــــــــــــــــــــ​

حصة:وااي خالتج طولت​

شيخة:اووش لاتسمعج تقولين جي ماترضى بعدين ليول موكبيرة علشان اناديها خالتي​

حصة:هههههههه يحليلها...كاهي كاهي موهذي الي لابسة نفنوف كحلي​

شيخة:اي كاهي​

ليالي وصلت حقهم وعلى طول لمت شيخة :وااااااااي حيااااتي شيوختي مس يو ماما​

شيخة:مي مور لولي​

ليالي:اووه حصونه اشلونج حبي​

حصة وهي تلمها:تمام​

ليالي:اشتقت لكم والله​

حصة:حبيبتي​

ليالي:امم يالله خل ناخذ تاكسي ولا مأجرين سياره​

شيخة وهي تلبس نظارتها الشسميه :لا لا مأجرين سياره​

حصة:ليالي​

ليالي بدلعها المعتاد:عيوونها​

حصة:ترى بنقطج شقتنا بعدين بنروح الجامعه حدنا متأخرين​

ليالي:امم اوكي بس ترى برتاح شوي بعدين بتلع (بطلع:p)​

شيخة وهي تبطل السياره:اي عادي اساسا المفتاح عندج​

....​

وهما بالسياره ​

ليالي اقعدت جدام يم شيخة الي تسوق وحصة وراهم​

ليالي:اقول انتو اي سنة الحين​

حصة:سنة ثانيه​

ليالي:عاد سمعوا موتحبون لي واحد من طقتكم​

كلهم تنحوا بويها -_-​

ليالي:اي لا تقعدون تطالعوني جي وانتي شيخوه جابلي تريجج(طريجج:p)
ليالي:اي ماما حبولكم من سنة رابعه علشان ياخذ الشهاده مني يتزوجج مني عاد موتختارون لي اي واحد ​

حصة:لا لا ليالي مانفكر احنا بهالاشياء​

ليالي:مالت عليكم تيعوني لو مره واحده(وحده:p) شوفوني كاني قاعده بلا زواج صج اني مرتاحه بس ابيكم تصيرون احسن مني ​

شيخة:وليش يعني​

ليالي:يالخبال وبعدين لاتروحون الجامعه بتريننق او مهلقين لاصيرو انيقاات شوي وي لا انتوا يبيلكم درووووس ​

شيخة وقفت بالاشاره وطالعت حصة بالمنظره وشافتها متنحه :o​

ـــــــــــــــــــــــــــــــــــــــــ​

بالكويت​

ــــــــــــــــــــــــــــــــــــــــ​

ام هدى:هدى​

هدى وهي تعدل جنطتتها:نعم يما​

ام هدى:وين بتروحين قاعده تجهزين اغراضج​

هدى:برد جامعتي وباجر طيارتي الصبح​

ام هدى:نعم!!!​

هدى:يما انتي الي حديتيني اسوي كل هذا​

ام هدى:ويوسف؟!​

هدى:الله يوفقه مع وحده غيري​

ام هدى:لا انتي ينيتي !​

هدى:يما منو الي كانت قبل اكثر وحده مشجعتني عالدراسه بره​

ام هدى:انا عادي عندي انج تدرسين بره بس هالمره غير ​

هدى:اشلون غير​

ام هدى:ملجي على يوسف وسوو عرس وسافري معاه وكملي دراستج​

هدى:لا والله يما!! انا اصلا توني صغيرة عالزواااج !! وباقي لي جم سنة واتخرج ليش اضيع تعبي كله يما انا هدى بنتج الي طول عمرج تحلمين انها تكون مهندسه وترفعين راسج فيها موهذا الي تبينه وين حجيج لي يالله يا يما يا هدى متى اشوفج داشه جامعه ....... بلندن واشوفج اكبر مهندسه واتفاخر بين الناس اقول شوفو بنتي هدى صارت مهندسه وافتخر فيها والحين تبين اتزوجيني االواحد اعتبره نفس اخوي !​

ام هدى نزلت راسها ودموعها نزلوا:روحي يما يا هدى عسى الله يوفقج​

هدى رفعت راس امها:يما....ولمتها حيل وقعدت تبجي بحضنها كانت محتاجه لحضن امها من زمان​

ـــــــــــــــــــــــــــــــــــــــ​

قطر​

ــــــــــــــــــــــــــــــــــــــ​

فاطمة تكلم اخوها راشد بالفون​

فاطمة:اوووه رشود افهم ريم ماتبيك​

راشد:وانا ابيها وبعدين خل تحمد ربها اني بتزوجها وبخليها تكمل دراستها معاي بأمريكا​

فاطمة:ترى ريم تحب واحد ثاني غيرك !!​

راشد سمع جي:امم خل اتزوجها وانسيها هذا الي تحبه​

فاطمة:انت ليش جي​

راشد:فطوم انا مشغول يالله باي​

ــــــــــــــــــــــــــــــــــــــــ​

لندن ​

ـــــــــــــــــــــــــــــــــــــــ​

بالجامعه​

ـــــــــــــــــــــــــــــــــــــــــ​

ضاري واقف ينطر عبدالله ياخذ منه بوكه ناسيه عنده​

ولا تيي له لورا:السلاااام​

ضاري:وعليكم السلام هلا والله​

لورا عطته ظرف:هاك هذا حقك​

ضاري تنح:وشنو فيه هالظرف​

لورا:امم انت تشوف احسن​

ضاري:اوكي​

لورا:يالله باي​

ضاري تنح وحط الظرف بين كتبه​

ـــــــــــــــــــــــــــــــــــــــــــ​

بشاير:شنو هالظرف الي عطيتيه اياه​

لورا :مالج شعل​

بشاير:انزين حرام عليج شيخة شسوت لج علشان تسوين فيها كل هذا​

لورا:شيخة شكو ومنو ياب طاريها​

بشاير خذت جنطتها وكتبها:عن اذنج​

لورا تطالعها وبقلبها اشفيها هذي ينت​

ـــــــــــــــــــــــــــــــــــــ​

الساعه 4 العصر​

ــــــــــــــــــــــــــــــــــــــ​

ضاري:مالي خلق انزل كتبي..وحذفهم ورا وكان معاهم الظرف !​

ـــــــــــــــــــــــــــــــــــ​

ليالي:انا بفهم انتو رايحين الجامعه تدرسون ولاتحشون بالاوادم وتعلقون​

حصة:امممم تقدرين تقولين ال2​

ولايرن جرس الشقه​

ليالي:منو يايكم​

شيخة قامت:مادري..وراحت بطلت الباب ولا ضاري​

شيخة ارتبكت:هلا ضاري بغيت شي​

ضاري:اي شيوخ هاج عفيه طبعي لي هالبحث طابعتي مافيها حبر ​

شيخة:خلاص اوكي الحين اطبعه حقك انطرني..وصكرت الباب​

ليالي:شيخوووو منوو ضاري @@
ــــــــــــــــــــــــــــــــــ​

انتهى البارت وادري انه قصير

​

 

[حنطاويه عسل]

البااااارت عجيب بس قصييرر
واتوقع الظرف في شي عن شيخه
ناطرينج قلبوو
متى البارت الياي ؟

 

[Q8K-2]

والله انا امس امس الفير شفت القصه وقعدت وقريتها من ساعه ٥ الفير الى ساعه ١١ الظهر ماقدرت اخليها
ولين وصلت صفحه٦٣ تعبت ماقدرت اكمل

واليوم ساعه٤ كملت الباجي والحمدلله وصلت لين اخر شي
والحين بقول اخر توقعاتي

ماراح اخرب ع نفسي
لانه اذا توقعت شي راح افكر فيه


حبي متى راح تنزلين بارات
وجم بارت باقي؟؟؟؟؟

 

[Miss.madry]

البارت حده مو سج > بسيير نفس ليلووه :$

بس حده قسيير واايد

يله ماعليه

بس وربي سج سج الله يوفقج ماشاء الله تبارك عليج مبدعه

 

[miss 3yara]

حياكم الله وادري ان البارت قصير
وصراحة لي الحين ماحددت جم بارت
وانتو الي موسج
يالله عاد ابي توقعاتكم

 

[zizo0ou-x3]

يسلموو اصوول
اتوقع الظرف فيه شي يخص ضاري مو شيخه
حبيت ولد عم ريم زين يسوي
ويتنغ الياي

 

[مريوم]

تسلمين اصووله على البارت الحلوو واشوة ان راشد ماهون ومصمم على ريم خل نفتك منها لوول وخالد شكله ماراح يخلي شيخة بحالها مادري يعني نظراته لها كانت ماتطمن وانشالله يطلع توقعي مو بمحله ولورا اخيس انسانه بالوجود >> شدعوة لوول وبس حبيتي ناطرينج ونبي البارت اطول بليييز

 

[Føzöø]

يسلموووو حياتي
ناااطرينج قلبي
اممم و اتوقع ان شيوخ راح تعترف حق ليول عن كل شي يخصها و يخص ضاري 
وووووووووووو بس 

 

[فتاة الكئابه]

تسلمين حبيبتي على البارت
اتوقع تقوول حق ليالي انه زميل بالجامعه و بسس
وتسلمين
ووو
ناطرينج

 

[بنت ال نهيان]

اب اب اب اب
اب اب اب
اب اب
اب
يسلموووو

 

[بيبي 22]

الصراحة قمة الروعة :eh_s(15):
اتوقع لياااال مو سج :krkrkr: بتتعرف على ضاري وبتكون علاقتهم قوية بما ان شيخة تحبه :eh_s(22):

ان شاء الله ضاري ما يجووف الظرف وشيخة تجوفه قبل ضاري وتاخذه :yaaaaaarb:

انتي وااااااااااااااو :eh_s(22):​

 

[جفاكـ ضيع غلآكـ]

لوووول لياال توونس

اتووقع يكون الظرف مع الكتب وشيوخ تشوف كل شي قبل ضاري

ووو اممم اي اي تذكرت .. شيوخ تقول ححق ليال عن ضاري


ووووو قبل لا انسى بععد ثاانكس ع البارت

 

[Føzöø]

اليووم في بارت ولا لاا !!

 

[ديموم *_*]

واااي ليول اتونس موصج 
شيوخ بتشوف الضرف قبل ضريو و الضرف مايخص شيووخ 
و بتقول لليول عن علاقتها بضاري 

وبس
وناطرين الياااي متى بكون

 

[miss 3yara]

حياكم الله وامم يمكن توقعاتكم صح
واليوم مافي بارت انشالله يوم الخميس

 

[Føzöø]

ناااطرينج يا قلبي ;$

 

[Shine~Flower]

مشكوره على البارت ؛*

 

[miss 3yara]

حياكم الله

 

[ديموم *_*]

حياكم الله

الله احيج حياتي...،،،
و مو مشكله ناطرينج الخميس *

 

[*الهنوف*]

اليوم قضيت علي باجي البارتات

قطيعه ليش ضاري وشيخه يردون السلام علي خالد ولورلا المنحطين لومنهم طاف واطالعهم بحتقار ...شكو تقوله مسموح
اندمجت شوي ماعليه.....

اصووول مطي علي كيفج نبي مسلسل تري عادي وصلي 100 بارت وياج لي اخر 2011 بس بعدها خلصي 
بعدين هدى وشوق وعبدالله مالهم لزمه مادري شيلهم

ونبي مواقف حببببببب اكثر بين شيخه وضاري فديييييييته
وبعد نبي مواقف عوار قلب بين حصه بعد قلبي وفيصل قطيعه يبط الجبد

عندي احساس ان القصه تسمت(احبك لاتقول شلون)لحصه تقولها لفيصل

توقعاتي ان التقرير اللي عطاه ضاري لشيخه عشان تطبعه اهوا الظرف وفي صور لشيخه مع خالد لما جافها عند الجمعيه

شيصبرنا لي الخميس