pure skin group .... beauty begins here&&e&&

[Anastasia]

ميمووووووووووووووووووووووووووووووو
صدددتججججج
الحمدلله على سلااااااااااامتج شلونج شخبار السفرة بشري عن الاهل طيبين ان شالله
وين صوغتي هععع d:

 

[Anastasia]

يا جماعة باركولي
انا اليوم خطيت خطوة جميلة .. من زمان ابي اقطع الماكرويف مابي اسخن الاكلات فيه سمعت انه مسرطن وخبركم الوسواس يشتغل كل ماسخنت اطالع بالاكل واحس ان مسرطن اليوم سخنت سحوري عالنار ادري سخيفة بس انتو صديقاتي اللذيذات لازم اقولكم عشان التزمممم
.
وقاعد اقرا واتوسع عن قانون الجذب وقانون 14/21 .. انا قارية عن الموضوع من سنتين بس تركته لظروف الدراسة وغيرها .. الحين راجعتله بقوووة وان شالله اجوف نتايج
اي وكليت رووب بالثووم ينظف الجسم ويشيل الكرووشة اللي تاعبتنا

 

[دآيم آلحب]

Anastasia

هلا هلا شخباااااااااااارج ان شاء الله طيبه وحلوه وتحبيني :$ .. تتهنيين حبيبتي بالسياره والله يعطيج خيرها ويكفيج شرها يااارب .. عاد الله الله مب زين اتدورين وايد اقعدي مثلي فالبيت احنا الدريوليه كلهم سافرو L ...

واااي على طاري السفره اخوي ماعنده اجازه وابوي على قولته صار مايحب يسافر تشبع من السفر واصلن احنا فالفتره الاخيره كله نسافر بروحنا فعشان كذا امي قالت اجلي لين بعد العيد بنروح قد اخوج خذ اجازه من دوامه وانا من الاساس باذن الله مقرره اسافر اعيد في مصر مع خالتي وعمتي والبنات عشان كذا مب عارفه اروح تايلاند ولا مصر بس انا ابي استانس صارلي سنتيين ماسافرت اول سنه ماتذكر ليه وثاني سنه اختي ربت فالاجازه ماقدرنا وهالسنه انا قلت بسافر كم بلده بس كله ماتتيسر فقلت الخيره في مايختاره الله .. والله حتى من كثر التعب ماثررر على وجهي كله افكر انا الوسواس ذااااابحني استغفر الله .. واخوج ياحياتي عليه الله يشفيه ويعافيه ياااارب وانتي لازم لازم تسافرين مع هلج ؟ روحي مع خالاتج عماتج بنات خالج اي حد < انا كذا اقط وجهي ههههههههههه بس طبعا اسالهم كنتو بتعزموني ولا لا ههههههه

ويتقبل الله صيامج وطاعتج ياارب وكل اللي صامو انا بعد صمت اليوم والحمدلله ماحسيت باي تعب بس الحساسيه تبع الجيوب الانفيه متعبتني حييييييييل قمت خشمي لونه احمررر وحولينه كله نقط حمرا L

بالنسبه لعيونج روحي جيكي بعد مب زين اتمين كذا من غير تشيك هاي عين مب لعبه بس لاتروحين اتشيك وانتي سهرانه لانه العين محتاجه راحه قومي من الصبح وروحي عشان عيونج تكون مرتاحه بكذا النتيجه بتطلع واضحه .. والله يشافيج

تعالي شنو قانون الجذب بعد ذي ترى انا مفهيه ههههههه

 

[دآيم آلحب]

عفوفه .. ماشاءالله عليج هاي الكلام اللي نبي نسمعه بدعي يختي بدعي

ميمو الحمدلله على السلامه يالطيبه ناطرينج

 

[دآيم آلحب]

بالنسبه لي اليوم ماسويت شي بس مرتزه واكل وكله بسوي رجيم بس اللهم لك الحمد والشكر ما امتن حيل
بالنسبه حق وجهي طالعتلي كمن حراره اول شي غسلت بمنظف جونسون وبعدين حطيت على الحرار نقطه من زيت الشاي الاخضر وتحت بوزي طالعتلي بقعه سودا لاني كنت طايحه من النطاطيه على ويهي وتزلقت وقعدت اقشره وطبع حطيت رتن اي
وامممم بعدين نطرته لين ينشف كله قمت حطيت فوقه بوندز اخر شي فالقوطي قلت حرام خلني استعمله حطيته على وجهي ورقبتي ..

ولايفوتكم امي تكلمني وتنبش فالغرفه وتحووس وتسولف معاي وتخليني اجرب كعابتي عشان اللي ابيه تخليه واللي ما ابيه تنزله عاد وانا افصخ الكعب اشوف رجلي على الاطراف بنيه مب بيضا غير عن رجلي ويدي بعد احتررريت عاد وانا مجابله المنظره اشوف الفيد اوت البني باقي منه شوي قلت بخلط معاه اشياء كانت على التسريحه جود يبيض خلطت معاه :

طبعا مافي مقادير بس بالنسبه للزيت حطيت قفشه كبيره وهاي كله صبيته فوق الفيد اوت البني اللي باقي منه شوي وخلطته وحطيت على رجلي ولبست دلاغ وحطيته على يدي .. على فكره هاي من تاليفي يعني لين الحين ماشفت نتيجه بس حاسه مع الاستمرار بتجيب نتيجه لانه الاشياء اللي حطيتها مفيده وتبيض

وبس شكرا جزيلا

 

[Anastasia]

ههههه تعالي انا اطلعج وياي لا دريول ولا بطيخ اصيرلج دريول .. ودريولنا عاش عاش ودريولنا بيب بيب ههههه
الله يكتبلج ويكتبلي السفرة اللي تشرح صدورنا ملييييييييييييييييييييييييييييييييييييييييييييييت طبعا عيزت وانا اقول هالحجوة اهنيه وعند امي وامي معصبة تقول مابيدي شي ومسميتني الفسقانة .. مليييييييييييييييييييييييييييت مليييت مليييت .. اي والله تصدقين ديوووم خن اجوف خالاتي .. ثلاثة سافروا وباجي وحدة خنجوفها جود تضفني ههههه تصدقين ما طرا علي ما شالله عليج
عاد ان شالله ابوي يرضا ابوي عسر الله يهداه بالطلعة هالنوب سفرة ماظنتي بيمشيني عالساهل ..
واي امبيه انا بعد الوسواس ذابحني .. الله يفكنا من شره
والصيام والله متعب مادري ليش .. يمكن لاني اقوم مبجر فماكو نشاط غير الاكل هههههه
الله يعينج عالجيوب والله .. ابوي فيه وميننا مانقدر نعطر البيت ولا انتبخر كله مأزمنا بجيوبه .. ولا كفخت عنده يغيب مسيجين ...
.
امبيه امبيه ام سو ديسبرت ابي اساااافر يا عاالم ..
والله حالتي كسيفة
.
ههههههههه تلعبين بالنقازية ههههههههه شخباااري متى اخر مرة لعبت فيها .. >> ترى جذابة اخير مرة لاعبة فيها العيد الوطني اللي طاف هههههه
.
بس خوش خلطة اهم شي سنفري وقشري المكان وتالي دهني ..
.
قانو الجذب سا طويلة العمر سهل .. يعني شتفكرين فيه وشنو طريقة توقعاتج تجذبين الاحداث لحياتج .. مثلا قمتي الصبح انكت الحليب على ملابسج .. تنرفزتي ونفستي , تالي عند الباب تعرجبتي عصبتي , يوم وصلتي الدوام الا متأخرة قلتي اليوم شكله ما راح يمر على خير .. شوي الا الدكتور زافج ومفشلج جدام الاوادم .. تالي استلمتي امتحانج ولا درجتج نفس ويه دريولكم .. وهكذا نفسيتج وتوقعج ان اليوم ما راح يمر على خير يجرجر احداث .. واهو من منطلق حديث الرسول عليه افضل الصلاة والسلام القدسي :" أنا عند حسن ظن عبدي بي فليظن بي ما يشاء " بس بشكل اوسع وادق اقري عنه بالنت وشوفي قانون 14/21 اختراع دكتور صلاح الراشد ..
.
انا ياجماعة الخير اليوم قمت وصبحت بويه امي وناجرتني عالطلعة وقتلها خلاص بنثبر بالبيت واذا صار فيني شي منج يمااا :'( .. يعني لا سفرة ولا طلعة شالصرفة
.
غسلت ويهي بصابونة فير اند وايت .. ورغيتها بعدين يبت برش نظيفة مالت الاسنان .. انا مخصصتها لهيك شغلات .. وفرشت ويهي ورقبتي بحركات دائرية بنعومة .. بعدين غسلتها .. صار ويهي نظيييييييييييييف بشكل مو طبيعي .. والاهم حركت الدورة الدموية حسيت ويهي خدر هههه
تالي طلعت طبطب بالفوطة وبعدين حطيت حوالين عيوني غارنييه لايت العصار .. وباجي ويهي وزعت نتفة من كريم بيبي فيس من الجميلة ميس bk عجييب كريمها يا بنات امس مرتين حطيته واليوم مرة .. ويهي صار فيه نضااااارة ونااااااااعم .. ياربييه صرت وسيمة
.
وبس دهنت رويلاتي بجونسون ولبست دلاغات .. وبمشط شعري وبحط تونيك كوموممنونونتو هههه مادري شسمه شطوله ..
وبقوم بلبس الكورسيه ..
.
ياربي مشتهههية جاي حلييييييييييب x_x
.
وثلامتكوم ..

 

[ميمو السعودية]

يسعد مساكم

الله يسلمكم وربي لكم وحشة
نفولة > يسرك الحال ... كلي لك أمري

انا طبعا بوقت سفرتي ما يمديني اسوي شي بس اللي واظبت علية
صابونة البابايا لوجهي .. وصابونة البابايا بالحبة السوداء لجسمي ... وترطيب وجهي وجسمي
وسنفرة وجهي بالبابايا ... واسكاينول البابايا مع فيتامين سي الفوار لشفايفي ومرطب لابيلو
​

 

[ميمو السعودية]

وبما انة سنفرة انل خلصت العلبتين قبل اسافر
اليوم سويتها من جديد وحطيتها بالثلاجة

بناااات ابغى شي يمحي لي الكرشة الصغيرة متعقدة انا والله ؟؟ :eh_s(2):
​

 

[ميمو السعودية]

باااااك ..
بكرة بزيت شعري بزيت جوز الهند وبسنفر جسمي > وربي هالسنفرة عجييييييبة فتحتني كثيييير
مش مصدقة دايم اطالع بيديني والحلوة فيها انة ترجعك للونك الطبيعي ~

بناااااات لقيتوووووة المشد ؟؟ تعبت وانا احووس علية حشى انقرض :bbbiu:

ولقيت مثل هذا ( مشد حراري )

بـ 70 ريال ومع التوصيل لباب البيت بـ 100
بس يقولون الاندونيسي احسن :bbbiu:
​

 

[عفوفة]

هلالالالا ميمو
من طول الغيبات جاب الغنااااااااااااايم

ألف الحمدلله ع سلامتكت عسووولة


اليوم عنايتي جدا بثييييييييطة
فرشا أسناني وغسلت وجهي بصابونت
وعاااااااااااايشة على هالمرطبات هع هع هع هع هع هع
اليوم اغلب شي تدهنت منه جرحنز بزبدة الشيا

اليوم آخررر الأيام البيض
أفطرت ع 3تمرااات +كاس مااااء (( أكيد بتشربين ماء وحدة صايمة يعني شتشرب هع هع هع ))

وعدة أكلت حبة كيري وشوووي خبز ((تميس ))

الساعة 8 أكلت حبتين لوز
وتعشيت الاعة 11 صدر دجاج مشوي وشوي حمص و خيار وشربت شوي بيبسي عن نفسي بس
وأكلت الساعة 12 حلى الفناجيل نص فنجاااال اشتهيتة هذي صورته هع هع هع الله يرحم الرجيم راااح وطي

والساعة 3 أكلت فنجاااااااااااال كاااااااامل أبوك يالطمع تدرووون ليش؟؟؟

لأن الله يسلمكم بكرة برجع لرجيم الحليب والتمر قلت خل ىكل قبل لآيجيني الفقرررر بكرة هع هع هع هع

وآخذت شوووور ع السريع
جسمي بصابونة البابايا (( أنتظر متى اتخلص واجيب شي ثاااني طفشت منها ))
وشعري بلوريال الوردي والله موعاجبني باقي فيه تقريبا فوق الربع بشوي وددي اغيرة بأسرع وقت
وطلعت ودهنت جسمي بفازلين البنفسحي
ولمااااااااااااااااا طلعت قالت أختي وجهك منور وبشرتكـ مفتحة قالت انتي تستخدمين شي هع هع هع قلت لآلآ هذا وجهي من ربي خلقني (( أووووووم الثقة ))
وتو غسلت وجهي بصابونتي وفرشت اسناني وتوضيت وصليت ودهنت يديني بفازلين الوردي
وأبغى انااااااااااااام

أدري كثرت قرقه عليكم لكن وش أسوي تحملوووووووووووني
تصبحون على ألف خيرررررررررررررررررر
أحلام سعيدة

 

[عفوفة]

عفوفه .. ماشاءالله عليج هاي الكلام اللي نبي نسمعه بدعي يختي بدعي

ميمو الحمدلله على السلامه يالطيبه ناطرينج

:eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15):

 

[عفوفة]

دآيم آلحب

شووفي حبوبة بالنسبة لحساسية الأنف عندي وعندك خيرررررر لكن الحمدلله تروح وتجي
لكن نصيحة رووووووحي الصيدلية واشتري حبوب اسمهااا سيريس رووووووعة ومالها اضرار
وتوقف الحساسية على طووووووووووووول
اتوكيلي على الله وجربيها

 

[ميمو السعودية]

ديوومة >> الله يسلمك يالغلا

انا صحيت وفرشت اسناني بمعجون كرست وغسلت وجهي بالبابايا وتركتها دقيقة وشطفتة بموية
ورطبت وجهي بـ كريم جونسون نااعم مرررة على الوجة ولايدهن
وحطيت بشعري زيت ..
​

 

[عفوفة]

وينكم بناااااااااااااات شوفو حملة..........زقمر العيد مشتطين وانتم ياحظي ناااااااااااااااااااايمين

بسررررررررررررررررررررررررررعة

 

[عفوفة]

مرحبا صبايا
أول ما صحيت فرشت أسناني بكلوس اب
وجهي بصابونتي

وشربت كاس ماء
وبعد اظن بساعة أفطرت لن ما لي خلق
افطرت 7تمرات +حليب السعودية خ د
ألحين باخذ فيتاميناتي

وتو غسلت وجهي بصابونتي وتوضيت وصليت ودهنت يديني بجرجنز بالشيا + فازلين الوردي

وبدهن رجولي بفازلين

وبطلع بعد شوي
ولما ارجع بسوي سكراب لجسمي وخلطة لوجهي ووووووووو.......الخ

لي عودة

 

[جوهرة البحرين]

بناااااااااااااااااااااااااااااااااااااااااااااااااااااات شخباركم فردا فردا زنقة زنقة كح>>احلفي
سامحووووني والله قاعدة ادرس الحين خلاااااااااص خلصت من فاينل الابات والحين بدينة بالفاينل الدسم
عندي 3 امتحانات اخر يوم اخلص تاريخ 27-7 تكفووووووووووووووووووون ادعووووووووووووولي صعبببببببببببببببببببب
خصوصا هالمادة الكسيفة اللي اسمها misa260 اخ يالقهر وادي اعطيها كف اعدل حنوجها اففففففففففففففف ههههههههههههههههه

بنات جد والله ادعولي محتاجة دعائكم يالغاليات
ماقريت الردود بس لفت انتباهي رد اناستاسيا قريتة بالبداية >>طلعت شارية سيارة احسن احسن يه يه يه مبرووووووووك حبيبي يعطيج خيرها ويكافيج شرها
يلا انا عندي اهل بالكويت واختي بعد عندكم باييج عشان تطلعيني شرايج هععععع اهم شي توديني الافنيوز مابي كيفي كيفي هههههههه وتعشيني بعد اممممممممممممممممة هههههههههههههههههههه ونروح سينما ونتم نفرفر اليما اندوخ ووووه ابي عشرين يوم وانا افر وياج ونضحك جي ونسولف وناسة خخخخخخخخخخخخ>>ما انعطى ويه كلش ههههههههه امزح يالغالية..

ودي اجيكم وناسة كنت عندكم شهر 2 كان عرس اختي عندكم ووووه وه بس الله يسامح الصالون عفسوني للحين مانسى هاليوم >>قلبتو علي المواجه اه يالقهر اه يالاليم الله يعين الله يعين>>هذي اغنية مسلسل خخخخخ

احم احم اليكم البيان التالي ::
سيداتي آنساتي.. مديرتي العزيزات اخواتي الطالبات اسعد الله صباحكن بكل خير>>هههههههههالله يرحم ايام طابور المدرسة
باسمي وباسم امواج حنان التمس من جنابكم الموقر العفو والسماح على فترت غيابنا القصيرة عن القروب فانها فترة شديدة الحزن على قلوبنا جميعا تهئ تهئ تهئ>>دشيت جو
ولا سيما الدعاء لاتنسوني بالدعاء جزاكم الله خيرا ادعن فليكن الله في عوني وعونكن جميعا >>كسلانة بالعربي هههههههههههههههه
ودمتم لنا سندا وعونا وذخرا ان شاء الله >>احم احم شرايكم بالخطاب الخطييييييير انفع صحفية"كاتبة" هههههههههههه


المهم تحذير تحذير ماطول عليكم باذن الله راح امر مرات خفيفات لطيفات ع القلب والمعدة هههههههههههه >كأني فاصلة اليوم مو طبيعية

يلا الى اللقاء
والملتقى قريبا بأذن الله تعالى

اي صح مباركم عليكم الشهر>>قلتها اول وحدة عشان محد يسبقني خخخخخخخخخخخخخخخخخ

تحيااااااااااااااااااااااتي
الجوهرة

 

[Anastasia]

ياجماعة :"(
أنا نفر مسكين .. أهلي بيسافرون ويخلوني .. يا جماعة أنا نفر مسكين بالحيل مسكين
صيرو أهلي ونسوني سلوني روحي عن قلبي :"(
يا جماعة انا نفر مسكين
>> أغنية مو رد ههههه
نرجعلكم قريبا

 

[Anastasia]

رجععععت
.
حيااااااج الله والله تنوووووور الكويت بالجوهرة .. يه يه عيل عندنا اخت جواجو وماندري ما شاالله ياعل دروبكم كلها سمحة ويوفجها ويجمع بينها وبين ريلها بالخيير والمودة والرحمة والحب والوئام .. فديت جواجو وخوات جواجو واهل جواجو وطوااايف جواجو يابعد دنيتي :***************
الله يوفجج يااارب ويسهل عليج ويفتحها بويهج وايسر الفاينلات عليج ويلهمج ربي بالاجابات يانظر عيني ولاتحاتين دامج مو مقصرة بالدراسة .. واخذي كفااايتج بالراحةة والنوم عشان ما تستعسرين بالامتحان وتنسين اسم الله عليج الله يحفظج ويبارك فيج
:****
.
وما شالله الحمممممدلله على سلاااااااااامتج يا ميمووووو اسفرت وانووورت حيا الله من يانا ونورنا .. ابي سلامتج ووناستج ما يامر عليج عدو يا بعد هلي بشرينا عسى استانسي وغيرتي جو :**
والله يبيييييله هالسنفرة ياختي العيز ذبحناااااااا .. بس ان شاالله بسويها والتزمممم
والله الكروووشة ودي اصورج كروشتي قبل وبعد اليوم لاحظظظظت .. رحت لاهلنا قبل لا يسافرون الوالد والوالدة وعاد كشخت ومالبست الكورسيه .. والله وييييييييين كناااااا ووييين صرنا فرررررق لا اله الا الله والله خفت لا انظل نفسي .. ما شالله ماااكو كرشة والله العظيم بس شووووية وماااتبين معني كنت لابسة ضيييج ليغنغ زيبرا ووالتوب خامته مثل النايلون لااصقة ولونها اسود سادة من صج اول مرة اقط الكورسيه وانا واثقة
بس مجرد خففت اكلي وما اكل عقب الساعة سبع بالكثير تسع وعقب اصك حلجي .. و جاي اعشاب مغيرة ملتتززمة فيه (زنجبيل ونعناع وجاي اخضر ومرقدوش وزعتر ومرمية) بس حسافة ما حطيت كمون جان لصقت بظهري .. وحيييلي ببارتنر لوف يوميا ادهن وكورسيه .. ومو ملتزمة بالتمارين حسافة بس عقب هالنتيجة والله بلتزم ..
وعالمشد .. اي شي يمعودة اهم شي شي يصك عشان ماتروح الدهون وتتمركز بهالمكان .. وخالتي مرة شرت مشد حراري من المعرض الصيني بس يصير كامل .. كذا قطعة لكل الجسم تقريبا .. والله ضعفت حيييييييييييييل والله كان مثل معجزة ما شالله
وبعد اذا شي ضاغط عالبطن مايخليج تاكلين وايد .. وهذي النقطة .. انتي طلبي المشد الاندونيسي شكثر عندكم يبيعونه احنا اصلا انييبه منكم .. بس ترا اخاف مو زين اخاف ينزل الرحم ولا مو زين عالبنات .. اخذي كورسيه عادي اللي يصير مثل حزام عريض انا البس اثنين فوق بعض عشان يصير ضيج كفاية .. اول شي يحز ويضايج بس بعدين راح اتعودين عليه
.
عفوووفة والله ياازييينج فديتج الله يحفظج اتيننين مثل النحلة اللهم بارك فيها ولا تؤذيها :**** ساعات مالي خلق ارد بس من اشوفج اطيع وايي ارد :***
واي شخباااري حلو الفناييل هبينا فيه هبببة قبل ثلاث اسنين اظنتي ههههه كان شيييييي بس الحين صااايرة ماااااااااااحب الحلو كلش امي تقولي احسلج .. بس هم مهم الوحدة تتعلم عالحلو انا خييير شر ماقمت اسوي لان احنا ابيتنا مو راعين حلو .. شغل موالح باستا مقبلات انحب جذي بس كيك حلو بارد ويييه نوت اور ثينغ .. بس جان بسبوسة وعيش السرايا بين فترة وفترة .. حتن اللقيمات مانشتهيها بس نسويها لي يونا ناس ايتفطرون ويانا
والله حدي متحمممسة لرمضان .. ها اشريتو اشماشريتو .. انا شريت جم قطعة فيها شغل وتصير ميدي لين نص الساق لان ماحب دراريع .. ولا قطعة مثل البلودزة وعلى بنطرون وبفصلي جم بنطرون ستن وامس لقيت بزارا بنطرون كحلي يازلي وخذيته ..
.
عنايتي صايرة مثل امس ماكو شي يديد .. اول ماقمت غسلت جسمي وويهي عالسريع بفير اند وايت .. وويهي نشطت الدورة الدموية مثل ما قتلكم امس ببرش اسنان بشكل دائري ناعم .. لين حسيت ويهي خدر ورقبتي .. تالي طلعت وحطيت غارنييه و كريم bk امبيه اينن هالكريم ما شالله صارلي يومين احطه بالصبح والمسا .. امبي ويهي صار نضررر اعيز واقول نضر .. انا ويعي الحمدلله صافي ومافيني حبوب ولا اثار وابيض بس احسه داين تعبان طافي .. وبشرتي جافة .. بس منصج عجييب الكرين .. حتن يبهتي شوي اقمج من ويهي من الشمس بس سويتلها تقشير من فترة والحين مع الكريم قاعد توحد لونها .. الحمدلله يارب كنت يائسة من يبهتي .. والله حتن اليوم لمن حطيت ميك اب ماحطيت فاونديشن ولا كونسيلر بس ايلاينر وبلشر وحمرة ومستاانسة قد الدنيا
الحين برد اسوي مثل الشي لويهي .. وبحط كريم التقشير مال الطبيب .. وبحب امي وبنام :****

 

[ميمو السعودية]

جوجو > الله يوفقك ان شاء الله وتحققي ماتتمنين
​

 

[ميمو السعودية]

نفوولة > فديتك .. اية والله انبسطت كثيييييير بس الجوو حااااار ...

بصراحة انا قطعت شاي الاعشاب ( كمون + يانسون + نعناع + حبة سوداء ) و سكر خفيف مرررررة وان شاء الله برجع له من بكرة مع اني ما اكل الا وجبة وحده والرز ما اكلة قطعتة من فترة وحتى الفاست فوود وهالاشياء كلها محيتها من قاموسي
وبالنسبة للمشد > انا سألت امي قالت وش دخل البطن بالرحم هههههههههههههههههههههههه وبشوف اللي يحصل لي اول بشترية ... وبسوي تمارين لشد البطن بديت فيها ويوم سافرنا تركتها برجع لهاا .... لانة بالايام اللي راحت واظبت عليها وحسيت خفت بكثيير بس اهملت ورجعت نفس اول >> وعندي جهاز مثل هذا

بتمرن علية باليوم نص سااعه وقبلها بدهن من كريم الفلفل وبتمرن وان شاء الله تختفي هههههههههههههههههه
​