تخيلوا قالي اخطبي لي !!!

[يارب نور حياتي]

السلام عليكم ورحمه الله وبركاته. اليوم جبت لكم موضوع جديد غير كلمه تزوج علي يابنات فديته قالي ام ساره بعد عمري انا مابي اجذب عليج خلاص كفاج اللي جاج ونا خاطري بعرس جديد ابيج تخطبين لي انتي عاد خذيته على قد عقله وقلت ابشر يالغالي انا بصراحه ودي ازوجك وحر اللي حارني ونت بعد عمري ماغيروك الحريم اللي اخذتهم وواثقه فيك انك راح تعدل وحبيت عاد اساله شنو المواصفات اللي يبيها عشان اعرف ذوقه تدرون شنو المواصفات. يبيها بيضاء شديده البياض وطيبه وحبيبه وتخاف الله وقول بشوف اذا اهي طيبه راح اسكنها جنبي وذا قشرا راح اطلقها نفس غيرها يا الله ماعنده احساس مات احساسه من كثر ماتزوج بنات شرايكم بكلامه وشنو علي اتصرف الله يهديه علما انا كنات حنطاويه فاتحه بس بعد الحمل سمرت ومتنت والحين انا بالتاسع !!!!!!تخيلو شكلي بس الحمد لله على كل حال بس قلت لازم اغير لا ولدت بستخدم ابر تبييض وبضعف والله كريم وبهتم بنفسي اكثر وشنو تفسير لتصرف زوجي وودي اقرا افكاره ليش كل سنه يتزوج ونا ماخذته عن حب وتحدي وبشهاده الكل انا احلا مت كل حريمه الي خذاهم ماعدا وحده خذاها بشهر وطلقها بس كانت جميييييله وبيضاء*

 

[dandrma]

اشفيه هذا يتزوج ويطلق وين قاااعد ؟؟ بنات الناس لعبة بيده ولا شنو

لا حبيبتي ذكريه ان وراه حساب وحوبة البنات الي تزوجهم وطلقهم مراح اتعداه ابدا

ويمكن عقب هالكلام يخاف ويطخ عن سوالفه

 

[نشيج الروح]

قولي له ما راح أخطب لك الحريم مو للجنس .... ولا أنت راح تتزوج لأنك لعبت وايد ببنات الناس .... حاسب نفسك ....

 

[رؤى القلوب]

لا حوله ولا قوة الا بالله العلي العظيم

 

[classicyah]

يتزوج و يطلق ؟

ريلج مزوآج !!

قوليله مآ يستوي تتزوج بنية طلآق ،

و خآف الله في بنآت النآس ، و اهتم في بيتك و فينيْ و في بنتك ،

لآ الله بآجر يسلط عليهآ ريآل مثلك

لآ تآخذ الدين لعبه !!

،

مآلت عليهم :/

 

[يارب نور حياتي]

بنات والله مادري شفيه قسم بالله ماعاد ابيه اطلق اخاف من الحوبا تجي بناتي والله لكن يبي يتزوج اقول ابي اتزوج ابي عندي اربع حريم واحنا 2 عاد وراه عرسين الله اعيني وطلق 2 قبل ليش جذي اسوي مادري والله مادري شفيه قلت قبل ليش طلقت قال وحده اهي طلبت الطلاق والثانيه ةالله اعلم انه شاك فيها وطلقها على كلام الخدم اللي عندي وبعدين تو متزوج ماسارله سنه ونا من تزوجني 7 سنوات 3 سنوات ماحملت فيها والسنه اللي حملت فيها تزوج يعني اربع سنين تزوج فيها 3 مرات والحين يبي شسوي

 

[كويتية222]

الله يهديه يارب هذا قاعد يلعب بنات الناس !!

خليه يدور له وحده عن طريق اهله

وتاليتها بيطيح بوحدة تربطه عدل

وانتي اختي اهتمي بنفسج لنفسج مو له هذا ربي حسيبه

 

[عاشقة هواك]

استغفر الله

 

[يارب نور حياتي]

بنات انا مستغربه كان لما يتزوج يهفي عني مادري الا من الناس انه ملج الحين اقول اخطبي لي ليييش ماعنده احساس انا مره واغير من صجه اخطب له ليش معقوله احنا مو مريحينه تخيلو ميت عالولد ونا حامل بولد الحين المفروض يهتم فيني اشفيه ماكان جذي ابد انقلب حاله يوم تزوجته غير والحين غير

 

[يارب نور حياتي]

مايفكر في بناته حرام عليه ونا اللي ضحيت بكل شي لحبه ليش اقول شحقا تغارين وعصب بعد تخيلو شنو سويت عشان تغارين لاشفتيهم ولاجيب لهم طاري

 

[fdeet_shosho]

الله يعينج يارب
قوليله خل يخاف ربه بنات الناس مو لعبة يتزوج ويطلق
بعدين قوليله انا استحى اخطبلك الناس تدرى فيك مزواج ومابي يدعون علي
ليش هالتعذيب النفسي استغفر الله صج استخفوا الرياجيل ماعاد فى تقدير واحترام لمشاعر المره
ولاتحطين العذروب فيج انتى مالج ذنب وتقولين انتى سمرة ومتينه ؟!! حبيبتى خلج واثقة من روحج يعنى هو الحين مزيون وابيض ومجسم .؟؟ ترا مثل ما الرجال ينقى ويختار ترا احنا الحريم بعد نقدر نتشرط ونطلع فيه مليون عيب
اذا بتعدلين بنفسج فلازم يكون لانج انتى تبين حق نفسج مو عشان هو مايتزوج لان زوجج مزواج ماراح يقتنع لو شنو سويتي
ادعى ربج يهديه ويسخره لج ولعيالج
ودام كل سنه يتزوج من وينله فلوس حمليه كل المسئولية بالبيت من عيال ومدارس وطبيب وكل شي يمكن من الفراغ اللى عنده يبي يشغل وقته بالزواج
والله يسخره لج ولعيالج

 

[يارب نور حياتي]

بنات الحمد لله ربي رازقنا مافيه نقص ولله الحمد اهو من كثرت فلوسه كثرو حريمه وكلن يزوجه عادي بس تدرون اشوف بناتي فرحانين ببوهم يموتون فيه والجبيره ماتاكل الا لما تشوفه تخيلوا بناتي متعلقين فيه بشكل مو طبيعي الله يعين اكلمونه تنقو بالاي بود مالهم وبكل وقت وساعه ولايزفهم حتى لو بجتماع اخاف عليه من كثر العرس الله يهديه ويحفظه لبناته راضيه يعرس بس لايميل ويتركنا ولايلعب في بنات الناس وطلق خلاص كافي راضين بالحلال الله اصبرني ويهديه يارب

 

[*الشيـــهـانـة*]

فلوسه واااجد
الله يعينج عليه
يبي يصير الحاج متولي

 

[يارب نور حياتي]

تخيلو سوا المستحيل عشان يتزوجني وتحمل كل شي عشاني حتى عدم تقبل اهلي له وجماعتي لاني بدويه وهو حضري وتحديت وتزوجته كان يرسل لبيتنا ورد بسني وكيك بسمي وحلو وهدايا وقبل لايطلع للدوام بنات كان يجي يشرب القهوه وياي الصبح ادش غصب وقول كيفهم لو يذبحوني كل ماجا ازفه ابوي زف بس يقول شويه بسلم عليها واللي من يوقف عند بابنا لخوي اعصب وقول شتبي اقول بشوف زوجتي متحمل بس عشان اشوفني وتزوجنا احلا 3 سنين وبعدها انقلب ليش تهقون مني التقصير والحين اقول ابي وحده من جماعتج تخيلواااا*

 

[جوري 2007]

شنو هذا كل سنة يتزوج !! ريلج مريض حريم الله يعينج

لا تسوين شي عقب الحمال الا الشي المعقول ولا ابر ولا تبيض ولا خرابيط

خلج مثل منتي لانه مو فايد فيه

ضعفي واهتمي بنفسج وصحتج وعيالج

 

[last-moon]

الله يعينج على بلوااااج​

 

[ماني من الناس]

لحظه ويت

شكو تطقين ابر تبييض على شانه لا تلعبين بنفسج محد يستاهل


اهتمي بنفسج بالطريقه الصح مو بالابر والادويه

 

[حبك بلاني!]

يققققققققهر زوجج الله يكون بعونج لا تزوجينا خلي يقول بتزوج بتزوج لين يطخ​

 

[FeShinGoOo]

اشفيه هاذا 7 سنين متزوج 4 مرات وناويه عالخامسه ؟؟ لا السالفه ماينسكت لها قلنا حلال الزواج بس شنو اذا زينه اسكتها عندج واذا فشره اطلقها الموضوع جنه عادي عنده يتزوج ويطلق ؟؟ حسبي الله ونعم الوكيل فيه

 

[ريوومة 1982]

الله يهديه