جيل السبعينات وينكم ؟؟؟

[شقرديه كيوت]

النوري---------ياخوفي لا باجر تنقلب الايه وتقعد تضحك علينا المستغفره

 

[سراب كذاب]

من جكليته لي شرنقه .... والوجه ..(اخاف امه عندج وتزعل )...لليحين مكوي والا انعفس ..

حلو عبد الرحمن ..(فيس يقلد كيوته )..الله يخليه لكم ..ويحفظه ..ومن مواليد السعادة (شي جذي )

ويصلحه ..يهديه ..

تري اليوم اقول لها علي سالفه عيال حليمه راح يطلعون مزايين قالت من حلات حليمه عاد؟ تري اختي احلي من حليمه بوايد وريلها احلي من ريل حليمه البارد ..

الله يسلمج ويخلي لج عيالج يارب ويبارك لج فيهم .. الوجه اسم الله عليه يهبل اليوم ..

 

[بلسم جروحي]

السلام عليكم
حبيت انقل لكم قصص من جدتي وسع الله في قبرها كانت تقولي القصص وانا بالمتوسط والحين انا متزوجة وعندي ثلاث عيال الله يسلمهم
شوفوا اثر القصة وشلون ترسخ في الذهن وقولوا لبناتكم من هذي القصص لانها توصيل غير مباشر ينفعهم
القصة:
كان يمكان في قديم الزمان
كانت سلحفاة متزوجة من ضب وتزوج عليها خنفسانة ويوم من الايام تعب الضب وماقدر يعبر النهر للجهة الثانية وكانت السلحفااة الخدومه شالت الضب على كبره بظهرها تسحبه والزوجة الثانية الخنفسانه طبعا الغلا لها ~~~~~فوق ظهر الضب
وبعدين مروا بموجة قويه وبعدين كانوا بيطيحون الا ان السلحفاة مسكت نفسها وعدت الموجة على خير~~~
وقال الحبيب الضب :يسال الغاليه الزوجة الثانيه الخنفسا:: ها عساج بخير ؟
وردت: الحمد لله
وغارت السلحفاة~ِ~ وقالت بكل عصبية::: وشايلت الحملين؟؟ ـتقصد نفسها انها شايله الضب وفوقه الخنفساه ~~~~تذكره بطيبها
قال الضب: من المعنين ـيعني اهيا متعبه نفسا معنيه عمرها
وعقب كل هذا ازعلت السلحفاة وقلبت الضب وغرق اهو وزوجته وعدت النهر بسلام


شنو استفدتوا؟؟؟؟؟؟؟
نقلتها لكم

قصه مؤثره عسى مو هو الضب اللي يمه المشروب والزقاير ​

 

[المستغفرة 74]

يبه الرياييل جلاب والي يبي يزعل محد راد عليه ..

انا من امس مقهورة عالسلحفاء

والي ضيق خلقي اكثر رد زوجي لنا سمع القصة

( اية حرام لازم يسال عنها يمكن مو مرتاحة بقعدتها )
والله حقدت علية

 

[النوري نور عيني]

الا المستغفره يا النوري كافي ظل ما ندري وين راحت .. لا حس ولا خبر من ورا دبايرج فيها ..

بعد عمري عمرها ...العصر كانت موجوده ...وطاقتها سوالف مع سارنه ..ما قلت لج ...سارونه ..بتشغل منقذه ..فى احواض المسيله ..وبتلبس علاق اصفر ..وشورت احمر ..وصفارة ..ومعاشها 150 د ..ما شاء الله عليها ..واسالها ..تعرفين تسبحين ..تقول ...لا

(فيس نشرة الاخبار )...وينج يا سمين ..من قالت كيوته اني تؤامها ...والمره زعلانه ..

 

[شقرديه كيوت]

شنوووووووووووووو باجر
من الحين :sfg:

تعجبني ثقتج بنفسج

 

[سراب كذاب]

عشون عيل

تبين اقول لج فوق ميتين شخص من قوم الردح ومجنسين ؟؟ يعني اذا ايينا للصراحه اهم من ثلاث جهات وتجنسو عجم وسعوديين وعراقيين ..

 

[النوري نور عيني]

قصه مؤثره عسى مو هو الضب اللي يمه المشروب والزقاير ​

هههههههههههههههههههههههههههههههههههههههههههه بلى اهوههههههههههههههههههههههههههههههههههههههههههههههههههههههههههه

 

[سراب كذاب]

بعد عمري عمرها ...العصر كانت موجوده ...وطاقتها سوالف مع سارنه ..ما قلت لج ...سارونه ..بتشغل منقذه ..فى احواض المسيله ..وبتلبس علاق اصفر ..وشورت احمر ..وصفارة ..ومعاشها 150 د ..ما شاء الله عليها ..واسالها ..تعرفين تسبحين ..تقول ...لا

(فيس نشرة الاخبار )...وينج يا سمين ..من قالت كيوته اني تؤامها ...والمره زعلانه ..

منو توأم المستغفره انتي ؟؟ اي من يوم تقاسمتوا السنه نص لج ونص لها تكونون سندرلات وانا وظل محد ردا عنا

 

[مزون203]

المستغفره هالقصه نشوفها بالواقع ذكرتيني باختي مسكينه

 

[المستغفرة 74]

قصه مؤثره عسى مو هو الضب اللي يمه المشروب والزقاير ​

باسة قوي

 

[النوري نور عيني]

ليش يسحبون جنسيتها لا يكون عشان تردح ؟؟

في كل عرس تردح ونرقص على قلب قلب ..وبلى بلى ..وهزي ...

 

[تكييف]

اذن والا لا؟؟

 

[المستغفرة 74]

بعد عمري عمرها ...العصر كانت موجوده ...وطاقتها سوالف مع سارنه ..ما قلت لج ...سارونه ..بتشغل منقذه ..فى احواض المسيله ..وبتلبس علاق اصفر ..وشورت احمر ..وصفارة ..ومعاشها 150 د ..ما شاء الله عليها ..واسالها ..تعرفين تسبحين ..تقول ...لا

(فيس نشرة الاخبار )...وينج يا سمين ..من قالت كيوته اني تؤامها ...والمره زعلانه ..

لاوالله مو توامي ولا اعرفج
من قلت لج توؤمي وانتي قلبتي علي
لاوالله مو توئمي
اعويذ الله من ابليسج

 

[سراب كذاب]

انا من امس مقهورة عالسلحفاء

والي ضيق خلقي اكثر رد زوجي لنا سمع القصة

( اية حرام لازم يسال عنها يمكن مو مرتاحة بقعدتها )
والله حقدت علية

المستغفره انتي لو تشوفين ابوي شنو تسوين غير تشقين هدومج .. امي والله شايلته بعيونها لدرجه انها تفضله علينا وضحت فينا عشانه ويوم تزوج عليها واحنا زعلنا تقول لنا انتوا مالكم شغل لا تضايقونه واقسم بالله ومو لانها مرت ابوي شايفين اكو كحل الكرتونه مالته صفره ما ادري شنو اسمه عليها صوره وحده اندنوسيه منفوخه جنها هيه ولاا بعد ايرانيه .. اقسم بالله يقول عنها جنها انقليزيه وسواها عنزيه وهي ايرانيه شلووون ما ادري .. الحين الانقليزيه لها مواصفات ،شقره ، طويله ، ظعيفه ،، هي لا هذا ولا هذاك يمكن طولها 150 ومتينه لدرجه انها سوت عمليه تشيل الشحم الي حوالين الرحم عشان تقدر تحمل .. اقسم بالله كلمه جلاب ماتكفيهم .. كثر ماتعطينهم يقهرونج وكثر ماتحقرينهم يدورون رضاج خوو شايفه مع حريم الاخوان انواع الحريم ..

 

[شقرديه كيوت]

تبين اقول لج فوق ميتين شخص من قوم الردح ومجنسين ؟؟ يعني اذا ايينا للصراحه اهم من ثلاث جهات وتجنسو عجم وسعوديين وعراقيين ..

يااابنت الحلال ان جينا للصجيه ترى الكويت توها ماصار لها 300 سنه يعني اللي سكنوها من هالثلاث ديار واكثر شي طبعا اهل نجد ----

 

[المستغفرة 74]

تعجبني ثقتج بنفسج

هههههههههههههههه
يحقلي
ما عليج بالنوري تاثر على عقلج :d

 

[النوري نور عيني]

منو توأم المستغفره انتي ؟؟ اي من يوم تقاسمتوا السنه نص لج ونص لها تكونون سندرلات وانا وظل محد ردا عنا

علشانج ..بتنازل السنه هاذي والجايه والراحت ..واخليج انتي السندريلا ...

ما لي خلق افتر بصفحات امس ...اجيب الدليل ..اهي قالت ..انا تؤامها ...

 

[سراب كذاب]

في كل عرس تردح ونرقص على قلب قلب ..وبلى بلى ..وهزي ...

اذا يبون يسحبون الجنسيه بهالسبه عز الله الكويت فظت ..

 

[شقرديه كيوت]

لاوالله مو توامي ولا اعرفج
من قلت لج توؤمي وانتي قلبتي علي
لاوالله مو توئمي
اعويذ الله من ابليسج

هههههههههههههههه اظاهر صابتكم عين