أمريكا2011؟! هالمرة سفرتي غير!!

[ذرابه]

ايييييييي


بقووووولكم



انا حطيت انه معانا مباغ فوق ال 10 الاف دولار كاش


وبالمطار سالنا جم معاكم وقلنا له

وعقب ماخذينا الجناط طبعا ما فتشونا بس عطونا استماره وقعد يسولف معانا انه الواحد يقدر يدخل اي مبلغ يبيه كاش مافيه اي شي بس لازم يبلغ وبس خذا عنوانا بالكويت وريلي وقع وكانو حبيبيين وسهلييين

 

[rawona]

رووناا

والله الصراحه اللي عجبني بسان فرانسيسكوو جووووهاا عجيييب بس اتصدقين اليوم اقول حق ريلي ما احس اني بامريكا

امبيييه كلهم شخووط يا كثر اليابانيين والصينين وهذيل ملوت شرق اسيا يعني مافيها امريكان وايد حتى مبانيها جنج قاعده باوربا

واليوم قضيته شوبنق واااي محل دزني يعور القلب لوول وباجر ان شاءالله بنروح البير والقولدن قيت والله يعينا عالبرررد  -------> احركم لووول


و والله ودني انزل صور بس صوري كلهم بالكاميرا والايفون

اتعرفون شلون انزل صور من الايفون ؟

عليكم بالعافية حبوبه ..

وعلى الصور مالج الا تدزينهم من الايفون حق ايميلج ومنه تنزلينهم على اللاب توب وتحطينهم ادري عباله وماعندج وقت .. استانسي وان شاءالله لاحقين على سوالفج وصورج لما تفضين :eh_s(17):

السلام عليكم
إحنا بسان فرانسيسكو الحين
فعلا نونا سبحان الله نفس كلام زوجي اليوم يقول للحين ماحسيت أني بامريكا
والصراحة رحت نيويورك والحين سان فرانسيسكو للحين ماشفت شي واااو
اتمنى بلوس انجلوس ولاس فيغاس:yaaaaaarb:

ماراح تحسين انج بامريكا طول ما انتي تروحين مناطق سياحية اورلاندو (فلوريدا عموماً) كاليفورنيا (بعض مناطقها السياحية) نيويورك وغيرهم مناطق سياحية يكثرون فيهم السواح من كل مكان والامريكان ينحاشون عنها علشان يفضلون الهدوء ..

بس اذا رحتي ولايات مو معروفه وغير سياحية بتشوفين وايد امريكان والحياة الامريكية بس مشكلة هالمناطق ان مافيها اماكن سياحية وترفيهية تسوى تروحينها ..

للمعلومة ميامي في فلوريدا فيها أكبر نسبة من الجالية الاسبانية وبعض المناطق فيها اللافتات مكتوبة بالاسباني .. وفي وايد من المشاهير بالمكسيك يعيشون فيها بصفة دائمة مثل الممثل المكسيكي "ادواردو يانيس" اللي مثل قبل في مسلسل عروس البحر - انا كرستينا - قوادلوبي

عموماً ان شاءالله تستمتعين في باجي اجازتج وموفقة

شوقتونا بنات .....نطروني بعد اسبوع عندكم إن شاءالله

روووونا حبيبتي من وين رااح تاخذين ال في؟؟؟؟ وتهقين سعرها ارخص من الكويت.؟؟؟؟؟؟؟
شنو فيه شغلات مميزه اخذتوها من هناك؟؟؟؟؟؟

هلا والله

انتي بتروحين كاليفورنيا صح؟ تقدرين تاخذين من ال في اللي في المول اللي في شارع المشاهير ووك اوف فيم او من الروديو الدرايف شارع كله ماركات العام خذيت منهم ..

هالسنة خذيت ايف سان لوران من نيويورك .. وراح اخذ ان شاءالله ال في يا من مول ات ملينيا في اورلاندو او من ميامي .. باشوف على حسب

بالنسبة لسعرها جنطتي العام كانت بالكويت ب580 دينار بس اطلعت علي ب 630 دينار لما شريتها من كاليفورنيا بسبب التاكس وفرق العملة ادري اغلى شوي .. بس ما احب او بالاحرى ما اثق اخذ شي غالي من الكويت حتى الايفون والايباد او اللاب توب والكاميرات اشتريهم من بره !

قربت سفرتج مو؟ موفقه يارب

شلونكم بنات
احس هاليومين وناسه شوي صاير اكشن ذاك الاسبوع كان كلن مشغول يجهز للسفر
لاتحرموننا من اخباركم

انا طاقتني شوية ندامه على أورلاندو
كلن يقول حر ومطر وماتصلح

محد موسع صدري الا كلام روونه عنها

عندي سؤال الحين لو رحنا لوحده من حدايق ديزني وصار مطر واجد وسكرو الالعاب
معناته خلاص راحت علينا !!!!!! ولا شلون

شوفي اهي اورلاندو ما تصلح وايد حق كبار افضلها حق اللي عندهم اطفال والعائلات اكثر .. بس انا رحت لها اول مره وانا عروس وايد استانست فيها وحبيتها ومن يومها كل سنه اصيف فيها انا وعيالي لأنها صج عائلية واهم شي اهم يحبونها .. والسفرة بالصيف اول وتالي لهم .. لو تقوليلي اذا باسافر من غير يهال وين اروح؟ اكيد راح اختار دولة ثانية اكثر هدوء ..

بس ان شاءالله تستانسون وتستمتعون فيها .. جم يوم راح تقعدون؟ اعتقد مو وايد فماراح تملون ان شاءالله ..

ورد و كادي حاولي تقولين لهم انج انترناشيونال ترافيلر و راويهم تذاكركم الاساسيه يمكن يمشونكم من غير ما تدفعين

wawa الي تقول ما شفت شي واو ... هل احساس يحوشج لان تكونين بانيه صوره بخيالج كبيره حيل ... بي لي رديتي الكويت عقب يومين بتحسين انج مشتااااااااااااقه وودج تروحين و تحسين انها ديره مريحه و كل شي موجود فيها

راونا ... بطاقتي الي سويت فيها كل الحجوزات كنسلتها حسبالي ضاعت و لقيتها و راسلت بوكينج قالولي غيري الكريدت بالاكاونت بس مافي شي جذي عندهم اصلا ؟؟؟ اخاف اتوهق و يكنسلون حجوزاتي شوري علي بخبرتج العريقه

تقدرين تغيرين الكريديت مثل ما قالت ام خلودي او انج عادي تطبعين ورقة الحجز وتروحين الفندق وتقوليلهم ابي ادفع بهالبطاقة ( الجديدة) بدال القديمة لأنها ملغية وماراح يقولون لج شي .. اعتقد موقع بوكينغ بس يسويلج حجز وانتي تدفعين بالفندق مو؟ لأني في ماليزيا حجزت منه وجذي سويت استخدمت بطاقة ثانية غير بطاقة الحجز وعادي ماقالولي شي ..

موفقة

 

[rawona]

متــابعه الموضوع من زمــان وااايد حلو
rawona مشكووره على الصور وتفاصيل رحلتج الحلوه
تعالو زورونا اب شيكاغو :eh_s(22):

سؤالي حق كل الي بامريكا الحين
مستعدين حق العيد الوطني باجر ؟؟ والالعاب النارية
كل وحده تقوولنا شلون بتقضي هاليوم وويـــــن بتروحوووووووون

هلا حبوبه .. والعفو

بالنسبة لي احتفلنا بالفورث اوف جولاي مع ديزني .. وكانت عروض روعه .. واليوم قعدنا بالريزورت كانوا مسوين فعاليات لليهال وبليل في عرض العاب نارية :eh_s(15):

رووونه مشكوووره الصور واايد حلوه ويلا ننطر صور الفندق
لا تتأخرين

العفو حبوبه .. وان شاءالله :eh_s(17):

شلووووووونكم بنااااات وناسه تذكرت تجمع العااام كنت كل يوم قاطه ويهي عندكم
صج كان وناااسه انا هالسنه قاعده بالديره ولا مكااان برووح

هلا فيج شلونج؟ وشخبارج؟

يلا ماعليه ان شاءالله بالمرات اليايه

العفو رنا 2011 وحياج الله


وايتونه شخبارج اذكر اول بتجمع 2009 كنتي برابعه ثانوي ومخطوبه تزوجتي ولا لا

كل عام وانتي بخير والعمر كله ان شاءالله ..

مرحبااا

الحمدلله وصلت سا ن فرانسيسكووو امبييييه برررد

واليوم محتفلييين واحنا دايخيين بس ترا

الاماراتيه عجيبه مريحه وماشاءالله ١٦ ساعه مرت بسهاله ولله الحمد

الحمدلله على سلامتكم .. ونورت امريكا

 

[أم صالح]

نونا بخصوص انج للحين ماحسيتي انج بأمريكا. حتى أنا ماحس بهالشعور الا بسانتامونيكا وهوليود. وبفرلي. ولاس فيغاس. اما فراسيسكو والجنوب كلش عادي. الإحساس.

 

[أم صالح]

بنات فيغاس تغيرت علي عن سنه ٢٠٠٩ طلع مجمع توني اشوفه اسمه كرستال كله ماركات أيهبل وراقي. حيل

 

[^noonaa^]

ذراابه

الحمدالله على سلامتكم وصاجه الاماراتيه عجيييييبه ماشاآالله
وامس على حظكم كاان الجو عجيييييب وبرد 
انا اليوم ان شاءالله ماشيه من سان فرانسيسكو


رواناا


على قولتج ان شاءالله لما ارد الديره احطلكم الصور


ام صالح

يلا خووش مابقى شي واروح هالمناطق 

 

[ميسوره]

بنات فيغاس تغيرت علي عن سنه ٢٠٠٩ طلع مجمع توني اشوفه اسمه كرستال كله ماركات أيهبل وراقي. حيل

حده عجيب هالمجمع بس لازم معاج جنطه متروسه فلوس ديكور فندي فظيع
وبرادا 3 طوابق فسقانين وبالكويت 3 جناط :krkrkr:وماركات اتهبل :eh_s(15):

 

[رنا 2011]

شوفي اهي اورلاندو ما تصلح وايد حق كبار افضلها حق اللي عندهم اطفال والعائلات اكثر .. بس انا رحت لها اول مره وانا عروس وايد استانست فيها وحبيتها ومن يومها كل سنه اصيف فيها انا وعيالي لأنها صج عائلية واهم شي اهم يحبونها .. والسفرة بالصيف اول وتالي لهم .. لو تقوليلي اذا باسافر من غير يهال وين اروح؟ اكيد راح اختار دولة ثانية اكثر هدوء ..

بس ان شاءالله تستانسون وتستمتعون فيها .. جم يوم راح تقعدون؟ اعتقد مو وايد فماراح تملون ان شاءالله ..


ياعمري روونه :eh_s(7):ياحلوج
الله يوسع صدرج بالعافيه:eh_s(9):

السنه الجايه بذن الله بروح لوس انجلوس وفيغاس:eh_s(22):

انا حارصه على نيويورك بصراحه هي اهم شي عندي عشان كذا اقرب شي لها اورلاندو
خصوصا وان ايام سفري قصيرة جدا لان دوامي الاجازات فيه عسره ومعدوده عددد:rgewrg:
والايام اللي بقعدها باورلاندو8 ايام بس
ومخططه من ثاني يوم اطلع ديزني ستوديو والثالث ايبكوت والرابع اليونيفرسال والخامس اليونيفرسال والسادس السي وورلد والسابع مولات والثامن نشوف اكثر شي عجبنا من الايام ونعيده مره ثانيه والبيت المقلوب واللي حوالينه
شرايكم:eh_s(10)::eh_s(10):

بس بودي اعرف اليوم اللي بنروح فيه حديقة متى بنطلع منها؟؟نطلع بالليل يعني مايكفي الوقت نروح مولات بنفس اليوم؟

وبسألكم ديزني أنيمل كينقدوم حلوه و تسوى حق كبار؟؟؟لان جيت بحجزها وترددت كثير

 

[ميسوره]

ياعمري روونه :eh_s(7):ياحلوج
الله يوسع صدرج بالعافيه:eh_s(9):

السنه الجايه بذن الله بروح لوس انجلوس وفيغاس:eh_s(22):

انا حارصه على نيويورك بصراحه هي اهم شي عندي عشان كذا اقرب شي لها اورلاندو
خصوصا وان ايام سفري قصيرة جدا لان دوامي الاجازات فيه عسره ومعدوده عددد:rgewrg:
والايام اللي بقعدها باورلاندو8 ايام بس
ومخططه من ثاني يوم اطلع ديزني ستوديو والثالث ايبكوت والرابع اليونيفرسال والخامس اليونيفرسال والسادس السي وورلد والسابع مولات والثامن نشوف اكثر شي عجبنا من الايام ونعيده مره ثانيه والبيت المقلوب واللي حوالينه
شرايكم:eh_s(10)::eh_s(10):

بس بودي اعرف اليوم اللي بنروح فيه حديقة متى بنطلع منها؟؟نطلع بالليل يعني مايكفي الوقت نروح مولات بنفس اليوم؟

وبسألكم ديزني أنيمل كينقدوم حلوه و تسوى حق كبار؟؟؟لان جيت بحجزها وترددت كثير

تخطيطج لايامج حلو تقدرين الصبح تروحين مول وبعد الظهر تروحين حديقه
انا رحت 3 حدايق ديزني ومارحت الانيمال كيندوم
واليونيفيرسال رحت بس حديقه يونيفيرسال استديو الثانيه مارحت لها
ولا يطوفج حديقه الماجيك كيندوم العرض لي عالمسرح والالعاب الناريه
واغراض ديزني تحصلينهم بالجمعيات والمحلات الي منتشره بالانترناشونال درايف
تبيع بسعر زين احسن من داخل ديزني


وبنيويورك اكيد بتروحين بالباص السياحي بفر فيج اهم المعالم في منهانتن
بس تمشي بالتايم سكوير وشارع 5 وشارع 34 محلاتهم حلوه
ورحله سعيده

 

[فديت حبوبي]

ترحون وتردون بالسلامه والله يهنيكم

 

[أم صالح]

اي صاجه ميسوره يبيله. فلوس وايد هالمجمع. كلشي حلو ماركات وديكورات تينن ولدي الصغير لما شافه. قال ماما هذا 360 صىح

في بعد بفيغاس. مجمع حلو نسيت اسمه اللي فيه زارا وa&f. ونيمون ماركوس. نسيت اسمه هذا شرين منه حلو ومناسب

 

[أم صالح]

أنا قعدت ٤ ايام في أنهايم ويومين سان ديغو و٣ لأس فيغاس. الحين امس بسانتامونيكا و باقيلي فيها ١٥ يوم. مادري وين اروح. يحاول اليوم نروح سانتا بربرا طريجها حلو مناظر حلوه للتصوير وبارده واسواق عالطريج. والاهم الأوتلت وبالليل الثيرد ستريت. صائر تجمع الخليجين. بأجر بودي اليهال اليونيفرسال.

بعد شنو ذكروني. وين اروووح احس الايام تركض. *

 

[لولوة الكويتية]

الله يهنيكم يا مسافرين يلاااا ننطركم

 

[ميسوره]

أنا قعدت ٤ ايام في أنهايم ويومين سان ديغو و٣ لأس فيغاس. الحين امس بسانتامونيكا و باقيلي فيها ١٥ يوم. مادري وين اروح. يحاول اليوم نروح سانتا بربرا طريجها حلو مناظر حلوه للتصوير وبارده واسواق عالطريج. والاهم الأوتلت وبالليل الثيرد ستريت. صائر تجمع الخليجين. بأجر بودي اليهال اليونيفرسال.

بعد شنو ذكروني. وين اروووح احس الايام تركض. *

سجلي عندج
اذا بتروحين سانتا بربرا عالطريج مري
منطقه ماليبو حلوه وفيها بيوت الفنانين عالبحر
وبعدين مري كاماريلو اوت لت
في محل ساعات يم محل جوسي كوتور وقريب من راف لورين
عندهم ساعات حلوه خذيت ارماني وفي ماركس جاكوبس وفي مايكل كورس
اسعارهم حلوه
وبعدين بربرا



مجمع قريب من اليونيفرسال
THE AMERICANA AT BRAND
ويمه The Glendale Galleria
لاطوفينه حلو


عندج ويستوود تمشي هناك وفيه مطاعم عربيه


Venice Canals قرييبه من سانتا مونيكا تمشيت فيها المنطقه
وتمشينا صوب المحلات المطله عالبحر حلوه


لاطوفين ontario mills محلاته حلوه لعيالج واسعارهم زينه



ما ادري اذا رحتي
هولليوود والمجمع الي فيه
بفرلي هيلز روديو درايف وذا قروف
وحديقه warner bros

 

[لولوة الكويتية]

ميسوره الله لا يحرمنا منك ولا من هالمعلوومات
مشكوووووره

 

[ورد وكادي]

يعطيكم العافية علي الردود الحلوه ما تخيبون ظن أحد فيكم

في أحد مجرب الريزورت اللي ناويه أسكن فيه حجزته من اكسبيديا والله يستر اسمهEve lake resortبالإنترناشونال درايف مواصفاته نفس شيراتون لايك بونيا فيستا اللي سكنته قبل العام والتقييمات بالموقع ممتازه كلهم يمدحونه

وسؤال أخير أنا راح أكون بأورلاندو بس ويمكن نروح لميامي بنف اليوم ونرد وين ألاقي محل سيفورا لأني قبل ماخذه منهم سيت كامل يتكون من بيس وبودره منثوره ولمعه وكنسيلر روعه من Laura Mercier كل من شافني حاطته لازم يسألون عنه وهالمره ناويه أشتري كميه منه إن شاءالله

 

[عيون&الريم]

مرحباا شو اخباركم ؟؟؟

انا يمكن اسافر مع زوجي بسيارة لاس فيغاس ولا سان فريسسيكو لوس انجلوس وسان ديغو ونروح دزلاني لاند نلعب ونمرح ههه

انا بنص امريكاا واافضل السيارة وناسه حده هههههههههههههه

 

[^noonaa^]

ام صالح

انا الحين بسانتا باربرا الجووو عجييب والمناظر مو صج وكفاااايه انها هاديه ومافيها سواح واااايد واتحسين انج صج بامريكا لوول
الصراحه انا وايد استانست عليها واهي يبي لها يومين او ٣ بالكثير بس
انا اليوم وصلت سانتا باربرا وباجر بنروح ان شاءالله سان ديغوو
واذا تبين اسم الفندق اللي انا قاعده فيه قوليلي لانه واايد حلو ونظيف

 

[ذرابه]

مرحبا

روونه حياتي امريكااا منوره فيكم مو فيه اهلها

اليوم رحنا بيير 39 وايد حلوو و ونيس والجو فجاه يصير باااارد حيل ومرات لا بس عموما الجو حلو

ورحت اليونيون سكوير ماعجبني فكتوريا سيكرت حسيت مافيه شي


اللي محتارين بالخطوط انا خذيت لي من تي موبايل

خط مع مكالمات مجانيه بامريكا مع مسجاات دوليه شهر كامل ب٨٠ دولار

 

[بركاتي]

السلام عليكم بنات وتروحون وتردون بالسلامة انشالله
استفسار الله لا يهينكم ، عندك فكرة عن كروزات ديزني اذا حلوة ولا لأ , اذا بنروح اورلاندو 3 اسابيع يسوى ناخذ كروز ديزني من هناك (فلوريدا) ؟
مشكووورين مقدماً