تجهـيز الـ baby بالصور ( كل مايخص أغراض البيبي صوريه وحطيه نفيد ونستفيد )

[ليمون ونعناع]

مشكورة كموله
احب ادلع نكج عاجبني كموله

 

[فاقده ابوهاااا]

مشترياتي امس
امس وانا اتفرفر في الكوت وبعدها طلعت ودشيت دواعيس فحيحيل لقيت وايد محلات بمجمعات سكه او محلات مو ذاك الزود كلها لليهال عاد بلاغة الشف فيني قلت خل ادش ولقيت والله بنات شغلات وايده واسعارهم وايد حلوه ورخيييييييييييييييييييييصه يعني شريت الافرول على دينار ونص والشي الغالي عندهم بثلاث دنانير عاد خذيت جم قطعه حق البيت













طبعا المجمع اسمه شاهبندر ما ادري مجمع اومحل والله ما ادري شنو اهو بالضبط يعني تمشين فيه تلاقين ملابس يهال بعد شوي تشوفين نفسج بين صحون واستكانات شوي تشوفين كاكاو لندن شوي تشوفين العاب يعني شااااااااامل بس المكان حده تحفه بس عاد لما تدشين المجمع انسي سوالف الذرابه وتغمسي الشخصيه واشتري

 

[فاقده ابوهاااا]

بنات انا قلت بطلب من كارترز حق بعدين عمر٣ليم ٦
عندي جم سؤال
اطلبه من امازون او لهم موقع
وقياساتهم مضبوطة نفس الي مكتوب والا اخذ اكبر او اصغر
ياريت تفيدونا

الي راح تفيدج كامل الزين
هالبنت ما تييوز كله تطلب من الامازون

 

[كااامل الزين]

فاقدة ايبا وصلت اليوم طلبيتي حلوة عجيييبة احولليييييييييت اليوم راح اوريكم مقتطفاااااااااااااااااات منها زوجي يقولي اولة شطالبة كل هدا كل شي طلبتة عجبني انا طالبة تقريبا 12 قطعة ما عدا شغلة وحدة بردها

 

[ام الحوراء زينب]

كااااامل بليييييييز طلبتج
لوووووول علميني شلون اطلب من امازون وايباي
انا ماعندي صندوق بريد تنصحيني اي شركه افتح ؟؟

 

[ام الحوراء زينب]

لوووول فاقده جان قلتيلي ادل بفحيحيل سوق سوق لووووووووول

ماشاءالله حلوين عليج بالعافيه
شكلي بروحله مادري شفيني ما طرو على بالي اسواق الفحيحيل

 

[فاقده ابوهاااا]

فاقدة ايبا وصلت اليوم طلبيتي حلوة عجيييبة احولليييييييييت اليوم راح اوريكم مقتطفاااااااااااااااااات منها زوجي يقولي اولة شطالبة كل هدا كل شي طلبتة عجبني انا طالبة تقريبا 12 قطعة ما عدا شغلة وحدة بردها

شوقتيني يلا حطي الصور خلينا انشوف والله انا ناويه اصير مثلج واطلب من الامازون لاني شفت وايد شغلات حلوه فيه

 

[فاقده ابوهاااا]

لوووول فاقده جان قلتيلي ادل بفحيحيل سوق سوق لووووووووول

ماشاءالله حلوين عليج بالعافيه
شكلي بروحله مادري شفيني ما طرو على بالي اسواق الفحيحيل

عاد غششينا عن هالاماكن

 

[ام الحوراء زينب]

ههههههههههههه
رحتي السوق اللي تحت اسمه الصالحيه مول
اللي فوق يكون مغل محل


وروحي اللي عند البيرق واااايد في محلات

 

[ام كوشه منكووشه]

فااقده
عليييج بالف عاافيه ماشاءالله حلوووين

كامل الزين
ماشاءالله عليج مغاامره بطلبات النت
انا كله اخاف ان يفرق عالطبيعه ويطلع مو نفس اللي تخيلته فاخذها من قصيرها واروح اشتري عالنظر
ملبوووس العافيه ان شاءالله وناطرين نشووف الصور

 

[ليمون ونعناع]

كموله عليج بالعافيه خل نشوف
انا طالبه من امازون بس لان في شغلات مالت استقبال وعليها طباعه فطولت شوي تاخذ اسبوع
ناطرة توصل واييبهم مع بعض
وانشالله توصل واحطلكم الصور

 

[كااامل الزين]

هلا ام الحوراء انا تخصص امازون ايباي ما اعرف فية قدامج يالغالية طريقين :
:eh_s(7):الاول انصح فية تروحين يا محفوظة السلامة الي شركات الشحن انا عن نفسي اتعامل مع ارامكس صج غويلي بس اغراضي توصل كاملة وما صادفت مشاكل وما يتاخرون بالتوصيل مكانة بالعارضية الصناعية وتفتحين صندوق بيطلبون منج بطاقة المدنية وتقريبا 11 دينار ويفتحونلج صندوق بامريكا وصندوق ببريطانيا + لازم يكون عندج بطاقة للنت انا عندي قبل تمويل نت وغيرتها لبطاقة الخير لييييييييييش مو بطاقة البنك العادية لان الانواع اللي دكرتهم عليهم حماية اكثر .
الطريق الثاني اي شي يعجبج سوي برنت من الموقع واخدي الورقة طيران على سيتي سنتر الشويخ او مجمع البستان عندهم شركة تطلب وتسوي الاجراءات كلها وتدفعين عمولة + فلوس الشحن يعني اغلى من الطريقة الاولي

التسوق عاد من امازون انا عاد تعلمتة بالخبرة صارلي 3 سنين واول شي بتصير مواقف حلوة :eh_s(10): وبتنصدمين شوي يفضل انج تقطقين شوي بالانجلش وكل شي بتشترينة اهم شي يا حلوة شوفي المقاسات والوززززززززن والوزن والوزززززززززن ولا بتروحين ورا الشمس :eh_s(2):لان شركة الشحن ما يحسبون بالكيلو يحسبون بالبوند اللي هم نص كيلو كل نص كيلو 2و750 وبعدين اقل 2ونص والحسابة تحسب يا حلوة ويفضل اختيار تقلييل عدد الشحنات ودمجها مع بعض بالتغليف عشان يطلع الشحن اقل علييج :ggdw:
نصيحة اخيرة لا تشترييين من النت الا الشي الغريب اللي مو موجود واللي صج تحسييين فية فرق سعر واي شي تشوفينة بالموقع زيدي علية 3 دينار سعر الشحن طبعا علي حسب الوزن
وافتري بسوق الكويت وقارني الاسعار هل الشغلة توفي معاج ولا لا :bbbiu:

 

[ليمون ونعناع]

فاقدة ابوها
عليج بالعافيه
رحت اتش اند ام السالميه خذيت الافرول التايجر الطقم الابيض والبرتقالي
نفس ماقلتي بس مقاس صفر ليم١ يعني كيجيك

 

[كااامل الزين]

اوله كل هدا رد طاحت ايدي تري هدا الكلام اللي كتبتة درررررررررر والله:ggdw: وطبعا كلة نظري وبالتطبيق راح تفهميييين القمندة تري سهلة الشغلة

 

[كااامل الزين]

بنات في نصايح و اشياء واجد للي بتطلب بالدات من امازون بس طاحت ايدي

 

[كااامل الزين]

انطروا علي خل بس اصور وانزل الصور جني حرامية اخشش الاغراض ما ابي احد يعرف اني فيني بنوتة

 

[ليمون ونعناع]

كموله انا اتعامل مع MyUsa

سويت العنوان البريدي وكل شي عن طريق النت

وعندي الفيزا ادفع فيها

هذي اول طلبيه

بس شغلهم مرتب كل شي يبين على النت شنو وصل اول باول

وانا مختارة ان مايوصلون لي شي الكويت الا الوقت الي اختارة يعني اقدر اجمع الطلبيات واييبهم مع بعض عشان تقل مصاريف الشحن*

 

[ام الحوراء زينب]

هلا ام الحوراء انا تخصص امازون ايباي ما اعرف فية قدامج يالغالية طريقين :
:eh_s(7):الاول انصح فية تروحين يا محفوظة السلامة الي شركات الشحن انا عن نفسي اتعامل مع ارامكس صج غويلي بس اغراضي توصل كاملة وما صادفت مشاكل وما يتاخرون بالتوصيل مكانة بالعارضية الصناعية وتفتحين صندوق بيطلبون منج بطاقة المدنية وتقريبا 11 دينار ويفتحونلج صندوق بامريكا وصندوق ببريطانيا + لازم يكون عندج بطاقة للنت انا عندي قبل تمويل نت وغيرتها لبطاقة الخير لييييييييييش مو بطاقة البنك العادية لان الانواع اللي دكرتهم عليهم حماية اكثر .
الطريق الثاني اي شي يعجبج سوي برنت من الموقع واخدي الورقة طيران على سيتي سنتر الشويخ او مجمع البستان عندهم شركة تطلب وتسوي الاجراءات كلها وتدفعين عمولة + فلوس الشحن يعني اغلى من الطريقة الاولي

:d التسوق عاد من امازون انا عاد تعلمتة بالخبرة صارلي 3 سنين واول شي بتصير مواقف حلوة :eh_s(10): وبتنصدمين شوي يفضل انج تقطقين شوي بالانجلش وكل شي بتشترينة اهم شي يا حلوة شوفي المقاسات والوززززززززن والوزن والوزززززززززن ولا بتروحين ورا الشمس :eh_s(2):لان شركة الشحن ما يحسبون بالكيلو يحسبون بالبوند اللي هم نص كيلو كل نص كيلو 2و750 وبعدين اقل 2ونص والحسابة تحسب يا حلوة ويفضل اختيار تقلييل عدد الشحنات ودمجها مع بعض بالتغليف عشان يطلع الشحن اقل علييج :ggdw:
نصيحة اخيرة لا تشترييين من النت الا الشي الغريب اللي مو موجود واللي صج تحسييين فية فرق سعر واي شي تشوفينة بالموقع زيدي علية 3 دينار سعر الشحن طبعا علي حسب الوزن
وافتري بسوق الكويت وقارني الاسعار هل الشغلة توفي معاج ولا لا :bbbiu:

فديتج والله
انا عندي فيزا انترنت
انا كنت ابي ارامكس قالولي يبوقون الاغراض لوووول

مشكورة حبيبتي
شكلي بروح افتحلي صندوق

 

[فاقده ابوهاااا]

فاقدة ابوها
عليج بالعافيه
رحت اتش اند ام السالميه خذيت الافرول التايجر الطقم الابيض والبرتقالي
نفس ماقلتي بس مقاس صفر ليم1 يعني كيجيك

يلا لبسيه وايد اول الايام حلليه لوووول. اعتقد لو رايحه افرع ثانيه جان حصلتي مقاسات

 

[كااامل الزين]