©«-.¸¸.-»© ¶ *رابطة المتكممات* ¶© «-.¸¸.-»© الجزء الثاني

[مشاعر]

عذبه تسلمين علي الرد يالغلا

:

اووووفه

هلا يالغاليه

طنشي الميزان الحين اهتمي بصحتج وامشي علي النظام

ان شاء الله تنزلين ماعليه

انا الين الحين يوقف جم يوم وتالي ينزل بطيء وقاعده اقول ماعليه الاهم ان صحتي زينه

 

[ورد ورياحين]

صباح الخير
شلونكم خواتي
الحمد الله سويت منظار وتحاليل وحطيت موعد للمنظار انشاء الله يوم الأحد
سويتهم كلهم بمستشفي الهادي
السونار 30
التحاليل 97
والمنظار قالي 87 وقابل لزيادة ليش ماادري
والله كريم عسي الله يتم علي خير انشاء الله

 

[Svila]

صباحو بنات ...
موعدي للعمليه بعد اسبوعين انشالله ...

بسألكم عن التسريب لاني نسيت اسأل الدكتور عنه ..
احتمال حدوثه قريت انه خلال العمليه و في احتمال يصير بعد العمليه باسابيع او شهر ...
بسالكم متى نعدي مرحله الخطر << ماعرف اشرح لوول ..
اقصد متى نتطمن اننا عدينا مرحله احتمال حدوث تسريب لا سمح الله ؟؟؟
هل بعد العمليه بشهر ؟ شهرين ؟ ثلاثه ؟؟والا اكثر؟

وسؤال ثاااااني تحملوني انا مابي ادش عمليه شد بعد مااوصل الوزن المثالي (يااااااارب)
لاني خوافه و زين تشجعت للتكميم..يعني لو دخلت نادي ..الرياضه مع سباااحه ... هم راح يترهل الجسم ؟
وماينفع فيه غير الشد ؟؟؟
اتمنى تردون علي خصوصا اللي صارلهم شهور من سووا العمليه .. وضحولنا هالنقطه .. الرياضه تنفع و الا لأ ؟؟؟
​

 

[ليالي العاشقين]

صباااااااااح الخير يالربع ..

 

[عذبه الصوت]

صباااااااااح الخير يالربع ..

صباح العسل ياعسل :eh_s(17):

 

[ليالي العاشقين]

يااا هلاااااا ومرحبا..
عذووووووبه شلوووونش ياحبي ..؟؟

 

[عذبه الصوت]

حمدلله انتي شخبارج قلبووونه

 

[kat.kot]

ابي اسأل بنات وين اسوي سونار لاني باجر بروح العيادة وابي اخذه معاي

 

[هنآ دنيتي]

السسسلام عليكم ,,


انا عضوه جديده صراحه ما سجلت بهالمنتدى الا عشان هالرابطه اللي كنت متابعتها


انا مكممه من تاريخ 13 - 6 - 2011

و توني بفتره السؤائل و الجلي و المحلبيه و الروب

 

[أم مـنـ*ـار]

السسسلام عليكم ,,


انا عضوه جديده صراحه ما سجلت بهالمنتدى الا عشان هالرابطه اللي كنت متابعتها


انا مكممه من تاريخ 13 - 6 - 2011

و توني بفتره السؤائل و الجلي و المحلبيه و الروب

السلام عليكم حياك الله اختي معانا والله يتتم عليكم بالصحه والعافية والرشاقة

 

[مذهلة 78]

بنات شلونكم شخباركم عقب معانه من العمليه ودخولي المستشفى بسبب الحراره

اليوم اول مره اطلع مع ريلي وعيالي رحنا مطعم نارنج اللي بمجمع اولمبيا طبعا

كلهم طلبوا وانا كان طلبي شوربة عدس وعصير برتقال وكبة باللبن شربت ربع

صحن الشوربة والباجي عطيته حق بنتي وربع جلاص عصير البرتقال وكبة وحده

هرستها مع الروب وكليتهاا وعقب الاكل اييبون الضيافه وهي عباره عن صينية

حلويات مشكلة وصينية فواكهه كليت نص قطعه رقي مع انه ممنوع بس بنات ما

اقدر اقاومه احب الرقي وحسيت ان بطني بينفجر حدي انغثيت ورحت الحمام حاولت

ارجع بس الحمدلله ما رجعت ولهت على ايام المطاعم والطلب اخيييييييييييييييه

متى ارد اكل طبيعي اليوم صارلي 20 يوم بالضبط من سويت العمليه

 

[اميره بكلمتي]

مررحبا

 

[اميره بكلمتي]

مرحبا بنات اشلونكم ... انا بدش معاكم بهالرابط

الحمدالله الله كتب لي وسويت التكميم ... واليوم 30-6-2011 صارلي 9 ايام وزني 108 وماراح اشوفه الا بموعدي ان شاء الله

الحين انا بالمرحله الاولى والصراحه وااااااااااااايد صعبه علي لاني ما اشرب شي غير الماي وساعات نص علبة عصير تفاح كي دي دي ...

متى ابدي المرحله الثانيه بعد اليوم ال10 ؟ وشنو اقدر اكل

السلام عليكم
شبونكم بنوتات؟
مبروووك النزول

أنا صارلي 6شهور اسوي رجيم وماااكو فايده .. ما أقدر أمنع نفسي
أنزل 10 أرفع نصهم .. ملييييت

فقلت بسوي تكميم .. رحت الأميري علشان بشوف الدكتور خالد العنزي
وطلب مني التحاليل والمنظار والأشعه
وموعدي الأثنين إن شاءالله


خايفه وبنفس الوقت مستانسه
بسألكم شرايكم بالتكميم؟
وشنو مضاره؟


مشكورين =)

الحمدالله على سلامتكم
التكميم حلوو والافضل شي
بس اول شي تحسين بدوخه ولوعه وترجيع بس بعدين عادي

 

[أم مـنـ*ـار]

بنات شلونكم شخباركم عقب معانه من العمليه ودخولي المستشفى بسبب الحراره

اليوم اول مره اطلع مع ريلي وعيالي رحنا مطعم نارنج اللي بمجمع اولمبيا طبعا

كلهم طلبوا وانا كان طلبي شوربة عدس وعصير برتقال وكبة باللبن شربت ربع

صحن الشوربة والباجي عطيته حق بنتي وربع جلاص عصير البرتقال وكبة وحده

هرستها مع الروب وكليتهاا وعقب الاكل اييبون الضيافه وهي عباره عن صينية

حلويات مشكلة وصينية فواكهه كليت نص قطعه رقي مع انه ممنوع بس بنات ما

اقدر اقاومه احب الرقي وحسيت ان بطني بينفجر حدي انغثيت ورحت الحمام حاولت

ارجع بس الحمدلله ما رجعت ولهت على ايام المطاعم والطلب اخيييييييييييييييه

متى ارد اكل طبيعي اليوم صارلي 20 يوم بالضبط من سويت العمليه

السلام عليكم شلونك مذهله مو كنك خربطتي بالاكل
اخاف تعودين معدتك علي الاكل وتبلشين بعدين وانتي شفتي البهدلة اللي في العملية. اللي صار لك بعد العملية
حاولي امسكي نفسك شوي وانتي في مرحلة المهروس والرقي مت عليه قلت للاخصائية ابي اكله في مرحلة المهروس ما رضت قالت مو مناسب
والله انا مثلك ميته علي المطاعم متعوده عليها بس شسوي نبي نصبر عشان مصلحتنا الله يكتب لك الخير

 

[@الورود@]

مرحبا مذهله 78 الله يتم عليش ان شاءالله فديتج انتي معاي بالضبط لي اليوم 21 يوم بالضبط وصراحه حدي خايفه اكل بره من مطاعم كله اقول لما يصير لي شهر والله يستر انا موعدي الجاي عند التغذيه السبت والله يستر عاد تدرين اكل بفك ممكن يكون عشاي نص كيس بفك وشوي اذا جعت عادي البفك ؟؟ لاني بصراحه ما اكل اي شي الا هو او شوربه

 

[almashq28]

بنات للامانه هل تعرفون احد سوا العمليه وتعرض لمشاكل خطير اثناء العمليه او بعدها؟؟؟

 

[اميره بكلمتي]

مذهله الورود اشلووونكم حبايب قلبي

 

[اميره بكلمتي]

بنات للامانه هل تعرفون احد سوا العمليه وتعرض لمشاكل خطير اثناء العمليه او بعدها؟؟؟

للامانه في في وحده عضوة فشللت معاها العمليه لان جسمها على ماظن مايتحمل العمليات وبعدها ماالتزمت بالنظام الغذائي والسنه الجايه بتسوي تحويل مسار

 

[almashq28]

مشكوووره اميره بكلمتي علي الرد فديتج بس انا اقصد في احد تعرضت حياته للخطر بسبب هالعمليه؟؟

 

[اميره بكلمتي]

مشكوووره اميره بكلمتي علي الرد فديتج بس انا اقصد في احد تعرضت حياته للخطر بسبب هالعمليه؟؟

الصراحه لا ماشفت