بقى شهرين على ولادتي لحقو علي يالايواااااد

[غلا-زوجي]

السلام عليكم ورحمة الله وبركاتة..

بنات انا بالشهر السابع الله يتمم علي ويحفظ جنيني ..

تعبت من التفكير لي درجه احلم كوابيس واتفزز وما اشتهي اكل تعبت والله
افكر بكذا شغله اولهم

1- شلون بتكون ولادتي؟؟ عسرة ولاسهله؟؟ بيموت البيبي حزة الولاده؟؟
2- شلون عوار الطلق؟؟ بستحمله؟؟
3- اروح قبل الولاده مستشفى خاص اقولهم ابي بنج عام ولدوني الحين وافتك؟؟
4- خلال هالشهرين راح اجهض؟؟
5- النفاس 40 يوم ينزل علي دم؟؟ عزكم الله
6- عشان انظف بالنفاس لازم حسو ولهوم انا ان شميت هالسوالف ازوع ويييع ماستحمل شراح اسوي
7- خياط الولاده شلون؟؟ يعور ؟؟
8- شلون يشوفون جم سانتي ؟؟ شلون يكشفون علي
9- شنو يعني لو مالقيت دكتورة حزة الولاده مافي الا ريال شسوي؟؟
10- اذا ولدت وطلع معاق او مشوة او احتاج اوكسجين او او او

العلم عند الله والسهاله من الله

والله بنات من التفكير ما اكل وشعري قاعد يطيح هرمونات جسمي معتفسه ومابي اروح طبيب ولا اراجع ولا افتح ملف بس تعبت

ابي ارتاح

:eh_s(2):​

 

[قلبي خالد]

والله مثلي انا حامل ببجر اكثر شي افكر بالجنين اتمنى يصير زين و اكل انفاس انا تلوع جبدي انا الكل يمتن بالحمال الا انه ضعفت انا مااحب اكل لحم و لا دياي و لا سمج اليوم كله نص صمونه اكل بس وانا كله احس اني شبعانه اخاف اضغط على نفسي و ارجع انا اذا رجعت ادوخ و امرض انا انطر الدوام لانه الحين عطله و اقعد افكر و اذا ياه الدوام ماراح افكر. اصلا ماعندنا. وقت نتريق عشان نفكر اما الحين فاضيه وواتعب بالطلعه فا اقعد بالبيت و اوسوس و بالنهايه و اهم شكلي و كلي امرج لله و مارح يصير الا اللي كاتبه لج و عسى الله يهون عليج و علينا *

 

[غلا-زوجي]

يااااااااااااااااااارب

 

[كااامل الزين]

بنات ( من يتوكل علي الله فهو حسبة ) توكلي علي الله وتدكري اللي انتي الحين فية نعمة من رب العالمييين ناس تسافر وتهايل تدفع ما ورا ودونها عشان هالنتيفة تدكري نعم الله عليج اللي لا تعد ولا تحصي والرسول صلى الله علية وسلم يقول ( لا تمارضوا فتمرضوا فتموتوا ) يعني لا تهولوون حيل ولا كل هالحريم اللي يحملون ما ماتوا ولا صار فيهم شي تطلع من الولادة شوي وتموت وترد شهرين وتحمل عادي يا حبيبيت عوار كم ساعة وادا مسكت البيبي تنسيييييييييييييييييين كل شي يهون لعيونة الله يقومكم بالسلامة ويهدي قلوبكم والسهالات من الله مو بنج ولا دكتور قوي علاقتج بربج وبتشوفين كل شي مسهل

 

[كااامل الزين]

اهم شي غلا راجعي عند مكان واحد لا تحوسين وضبطي مع الدكتورة اساليها عن كل شي قوليلها انا خوافة ابي كمام وبالراحة علي لا تسوين نفسج بطلة والخياط راح يعطونج ابرة تنوم ما راح تحسين بشي لا تخافين

 

[كوكي العسل]

انا نفسج خاصتا هالافكار على البيبي الله يحفظهم لنا ويبلغنا فيهم سليمين معافين ومايحرمنا منهم يارب

بس انا فرق عنج اني خلصت التاسع وولادتي ممكن باي لحظه ونفسيتي زففففففت ميته من الخوف على البيبي

ومن كل شي يارب ارحم بحالي ولا تحرمني من ضناي يارب

 

[ام الشوامس]

استهدوا بالله
لا تهولون الموضوع و زيادة التفكير تييب الوسواس و الخوف
اقروا شلون الولاده من الناحيه العلميه انا ببجري قريت و الحمدلله لما مريت بمقدمات الولاده خفت بس على سنع لاني قاريه وعارفه تقريبا السيناريوو
و الله يسلم الكمام الحين ماتحسين الا شووي

ولاتنسون الاذكار والادعيه وقراءة القرآن
و الله ييسر لكم ولاداتكم

 

[دندن_الكويت]

وااااااااااااي حبيبتي عورتي قلبي


انا بجاوب على أسألتج:


- شلون بتكون ولادتي؟؟ عسرة ولاسهله؟؟ بيموت البيبي حزة الولاده؟؟


اولا من الحين لازم تكثرين استغفار و تديرين بالج على نفسج خصوصا انتي الحمدلله بإذن الله حالتج طبيعية يعني ما حددو اذا لا سمح الله قيصرية او ولادةمبكرة
و البيبي بإذن الله لو الله كاتب له عمر بيعيش و الله يحفظه يا رب




2- شلون عوار الطلق؟؟ بستحمله؟؟


لا يكلف الله نفسا الا وسعها و لو تدرين شنو الذنوب اللي بتنغفر لج بالطلوق بتحمدين ربج بس بإذن الله الله يسهل عليج و عادي عوار الطلق نفس عوار الدورة بس على اقوى يعني مو شي غريب و لا عوار من مكان غريب تحسين عوار نفس لوايا صوب الظهر و الخاصرة





3- اروح قبل الولاده مستشفى خاص اقولهم ابي بنج عام ولدوني الحين وافتك؟؟



من رايي بالتاسع اي شي تحسين فيه روحي على طول لانج ماتدرين مفتوحة جم سانتي و لو رحتي واصلة ما يبنجونج و لا يخدرونج




4- خلال هالشهرين راح اجهض؟؟



لا بإذن الله يتمم على خير و الله سبحانه و تعالى يقول انا عند ظن عبدي بي يعني ظني و امني ان الله يتمم عليج و الله يسهل بإذن الله




5- النفاس 40 يوم ينزل علي دم؟؟ عزكم الله



اي عادي بعد شنو بتروحين عند ريلج تخرخرين دم لازم تتنظفين




6- عشان انظف بالنفاس لازم حسو ولهوم انا ان شميت هالسوالف ازوع ويييع ماستحمل شراح اسوي
شوفي حبي بقولج شي اول 10 ايام شربي حلبة بسسسسسسسسسس و اهي نفس الحليب و عقبها شربي اعشاب دارسين او زعتر او نعناع بس بدون شاي
و كثري من الخس و الشووووووووربة اللي معاها دجاجة كااااملة محشية بفلفل اسود و ادوية بس مو اي شي مثل حبة البركة و رشاااد احسن بس لا تكثرين بعدين محد يقعد يمج لان ريحتج تصير حلوة و عقب 20 يوم بس وقفي عشان الريحة و كملي بس اعشاب و تمر و اكلي لحم و لا تاكلين معكرونة عشان لا تسمنين و لا عيش بس العيش ول 10 ايام عشان يسد جوعج و كثري من الفواكة و اهم شي الخضرة الخضرا و سلامتج





7- خياط الولاده شلون؟؟ يعور ؟؟





اهو عادي يعور اول جم يوم بس لو ما تبينه يعورج عقب ما تولدين بالسلامة اممممممممشي المشي يخفف العوار و طبعا ادهنيه بكريم للجروح عشان يلتئم و بخاخ بيتادين عشان يسكن الألم و اول الايام بتحسين صدرج نفس الصخر يعووووور عشان الحليب و من الحين جهزي المسكنات حق الصدر و حق الخياط




8- شلون يشوفون جم سانتي ؟؟ شلون يكشفون علي



يدخلون الايد من داخل و اهو طبعا يعور بس انتي لو ما تبين تحسين قولي خدروني بعد بفلوسج





9- شنو يعني لو مالقيت دكتورة حزة الولاده مافي الا ريال شسوي؟؟



اللي كاتبة الله بيصير بإذن الله و الضرورة مالها حكم عادي






10- اذا ولدت وطلع معاق او مشوة او احتاج اوكسجين او او او





لا يا قلبي تعوذي من ابليس لا توسوسن و الله مو زين لج و نفسيتج ترى الحين تأثر على البيبي ديري بالج




الله يسهل عليج

 

[باربي للابد]

عسى الله يسهل عليج وتولدين بالسلامة انشالله

كل ماتفكريين جذي تعوذي من ابليس وقولي سهالات انشالله

ودايما خلي تفكيرج ايجابي​

 

[tmtmt]

كلنا مرينا بهالحاله
وانا اعوذ بالله افكر اذا حامل ولا اذا خواتي حمل شلون وشلون
وكل شي سهالات واحلى لحظات تكون اهيا
الله لا يحرم احد منها

ان شاءالله ماكو الا العافيه
وكل شي بصير وماتحسين فيه

 

[noo7a]

الله يسهل عليج و علينا

 

[ديانا سبنسر]

وساوس جنج انا التساهيل من الله الله يهون عليييج ويقومج بالسلامة

 

[نشيج الروح]

تعوذي من ابليس ... وتوكلي على الله .... وإن شاء الله كل الامور سهالات ....
المهم لا تخلين ابليس يلعب بنفسيتج لأن النفسية تأثر على الجنين إذا صج بتحافظين عليه

 

[الـــذربـــة]

وأنـآ ع بآلي هالوسوآس بس فيني !!

حبيبتي آنـا اتوقع هالافكآر لابد منها وعند الكل ؟

بس الحل بسيط الدعااء وربج مآيخيب ظن عبده

اللهم أني أسألك آن تجعل آجنتنا التي في بطوننا من عبادك الصالحين الطائعين
اللهم انت رزقتناا فحفظ لنا رزقك واتم خَلقه وخٌلقه ..

اللهم آمين

 

[قمر الكويتية]

إخت دندن الكويت ما شاء الله كفت ووفت ،،

و بزيد عليها شوي قوي التوكل علي الله عندك ،، و إلي الله كاتبه بصير

و الحمد لله إحنا بنعمه ألحين مع تطور الطب فكري بأمهاتنا إشلون كانت الولاده عندهم ،، كانت الوحده تولد بالبيت

لا رعايه طبية و لا شي

و لا تفكرين بألم الخياط و الفحص خلي كل شي بوقته ،، كل نساء الدنيا يولدون و ربك يسهل و يعين

و نصيحه إذا إنتي خايفة روحي أولدي بمستشفي خاص ،، و أقترح عليك مستشفي الهادي ،، لان يعطونك كمام وما تحسين

بالالم حيل ،، و الله رح يعينك كله تكفير لذنوبك

 

[gannan99]

خواتي ماقصروا وخاصة دندن يعطيها العافية
اللة يسهل علينا جميعا ولادتنا
والامور سهالات ان شاء اللة

 

[ام ساره 4]

توكلوا على الله والتساهيل من رب العالمين عليكم بالاستغفار بنات علطول وصلاتكم بوقتها واقروا قرآن وادعوا ربكم ان الله يسهل ولادتكم والله يهون عليكم ان شاء الله​

 

[منتهى الرقة86]

اقولك كلمة وووحده



توكلي على الله

ًًًقل لن يصيبنا الا ماكتب الله لنا.ً*

 

[Grass]

ماكو الا العافيه

ليش كل هالوسواس ؟!!!!!!!


كل ماتي هالوساوس تعوذي من ابليس واكثري الاستغفاااار

وكل اسئلتج هذي !!!!! راح تجاوب على نفسها بنفسها لي وصلتي مرحلة الولاده

الحمدلله حملنا وولدنا ثلاث واربع ومع ذكر الله ما اذكر اني مريت بحالة خوف لهالدرجه !!!!

تعوذي من ابليس وذكري الله والله يهون عليج وتولدين بألف ألف سلامه

 

[علا العلياء]

حبيبتي تعوذي من ابليس واشكري ربج على هالنعمه ولا توسوسين السهالات
من رب العالمين وان ربي كتب شي بيصير يعني بيصير ماله داعي تفكرين بالعكس
لابديتي توسوسين غيري الي انتي تفكرين فيه
مثلا لو بديتي وسواس تعوذي من ابليس وضيعي السالفه مثلا شنو راح البسه لما اطلع من المستشفى
شلون بخلي نظام اكله شلون بتطلع عيونه مثلي والا مثل رجلي وجذي

انا مجربه الوسواس بس بشغلات ثااانيه وتعبت سنييييين منه

حبيبتي سورة الزلزله تخفف الطلق اقريها والله يسهل عليج