قاعده ماكو شغل
فصورت لكم مقتطفات من مجلات
................
هذول عجبوني حق متحجبات وساع و مسترين و ستايل
هالبنطلون عجبني ستايله بس احلى لو نفس وسع البنطلون بالصوره الي بعدها لان هذا من فوق ضيج حق متحجبه
عجبني المقلم مع المنقط
عاجبتني هالجنطه من dvf
هني كانت مقاله عن الالوان النيون (الالوان الفسفوريه) ان لازن تتجنبون الاسود او الابيض معاها و الاحلى الرمادي او البني يطلع اللوك ارقى
هالستايل وايد حلو للصيف وفي نفس هالخام بالبلوكات
هالجاكيتات وايد احب ستايلهم حلوين حق متحجبات مع بنطلونات وساع او حتى مع قمصان طوال و سكيني
وايد حلو هالنفنوف
ستايل ال 60's
عجبني هالقلب
وايد ستايل الحين هالبنطلونات
وهاللون بعد موضه وعجبوني الاساور
خل اوريكم
يمكن ألبس هذا للعيد حاطه بموضوع وقلت اوريكم
طبعا احنا مانكشخ وايد للعيد عادي يكون جنه زواره عاديه نوعا ما نسلم ونطلع ومن باجر غدا بالشاليه
وجذي تقريبا اللوك
البنطلون نفس هذا كوبي بيست ٣\٤ وسيع وبليزر احمر خامته خيشه وقصير علشان جذي البنطلون وسيع وتوب منقط نفس الخامه بس ستايله انا عادي بدون قصات و الغوله عليها دانتيل اسود
وقاعده ادور نفس ستايل هالحزام
وهذا نفس جوتيي
ومفكره اشتري كلتش بالنسياغا او كارولينا هيريرا
شوو رإيكن !!
