pure skin group .... beauty begins here&&e&&

[ميمو السعودية]

السلااااااااااااام بنات
انا انشاالله بسافر هالاسبوع و ما راح اقدر اشبك فاذا بغيتو شيي عندكم جوهرة اهيا الboss وياي ... يلا اشوفكم على خير بنات

تروحين وترجعين بالسلامة :eh_s(7):
​

 

[ميمو السعودية]

هذي صور لعنايتي بالبشرة كل سبت اسوي لها جلسة جذي طبعا من غير الماسكات الثانية..
نبلش:


جهاز بخار احط فيه ماي ونعناع واتم مجابلتة 10 دقايق خخخ

هذي صورت العدة كلها

هذي صورت الكريمات.. لايغركم ترا ماستخدمهم كلهم اكثر شي استخدم مال نيفيف للترطيب والباقي ماهتم فيهم وايد

اسفنجتين ابلهم في ماي وعقب اشيل فيهم الكريم

سنفرة بالعسل خطيييييييييييير حلووووو ريحتة وووه فن

قطن لداير مدار العين احط فيهم ماي دافي لمدة خمس دقايق ع عيني وعقب اشيلهم واحط يدد بماي بارد خمس دقايق>>يشيل الانتفاخ يخففة شوي

كريم ترطيب..

زيت للمساج حق الرقبة

فرشة للويه>>استخدمها بحركة دائرية

كريم للعين للانتفاخ والهالات السودة

وووووووبس

وبكرا راح احط لكم ادرات اليد والرجل..
تصبحون ع خير..

ماشاء الله عليك

ننتظر ادواتك الباقية ~

وينكم بنااااااااااات ؟؟ :ch12:
​

 

[ميمو السعودية]

راح اجرب هذا الماسك لان حتى رفيجتي تقول عنة وصج يوم شفت ويها ماشاء الله عجيب

انصحك فية حده رووووووعه :eh_s(15):
​

 

[ميمو السعودية]

استخدامة مررررة حلوو ... ادهن يدي قبل انام
​

 

[قلبهـ 86]

مرحباااااا للكل



انا اليووووم مسوووويه off حق جسمي وشعري

بس صاابونه المره ما استغني عنهااااا حق وجهي ٣ مرات باليوم



وبس

 

[قلبهـ 86]

بنااااات ابي مسااااعده


انتو تتكلمون عن ماي الورد حق الوجه
ابي شنو اسووووي فيه يعني ،،،،


ابي مسااااعدتكم

 

[دآيم آلحب]

بناااات انا ماحبيت ريحة ماي الورد معنه مكتوب للبشره بس كلش ما استصيغ ريحته ارشح من احطه
شنو البديل عنه ويعطي نفس الايفكت

 

[#تولين#]

با التوفيق

 

[Anastasia]

يؤؤؤؤؤؤؤؤؤؤؤ حبيبتي انتي درعمي ع طول دشي وانتي بغمضة وبكل ثقة
حياج الله معانة
وظفنة اسمج بالقائمة

اللللللللللللللللللللللله <3 <3
وايد احبكم :eh_s(22):
ننضاف بقائمة الجنة كلنا يارب وكل اللي نحبهم ويعزون علينا :eh_s(22):
يالله نطلع لمواهب ههههههه
.
ميمي انا بعد وياكم عندي كريشة ومهملتها .. انا الحمدلله جسمي واايد زين اعتبر ضعيفة وعندي خصر . بس مشكلتي بالمواهب هيهي يعني عندي كذا مكان يتكود الدهون فيه مثلا الاجناب الفخوذ شوية
ويهي صغير وخديدتي على قدي .. واذا سويت دايت خقت خدودي وصار ويه اصفر وتعبان
فشسويت :ggdw:؟؟؟
قلت لازم نركز عالاماكن اللي نبي نضعفهم بدون باجي الجسم .. بس شلووووون ؟
انا اقولكم شلون
.
مثل ما قلت حق الامورة المتلثمة ..
باربع خطوات
- المساج
- كريم التخسيس
- الكورسيه او الحزام او المشد ماعرف شسمه بالضبط
- جاي الاعشاب والغذاء بشكل عام
نشرح بشكل مفصل .. وصج النتيجة رهييييبة من بداية الاستعمال
.
أولا المساج اخو جهاز المساج المعروووف .. انا كنت طالبة حق خالتي من التاجرة ماي ورد خلطة الخطوط البيضة مع الجهاز .. لمن وصلي شفت عالجهاز مكتوب فات بيرننغ .. يعني حارق الدهون واهوا يشتغل عالضوء
طبعا نغرت ورحت شريته هي هي
الجهاز جميييييييل ووسيييييييم لان من اول مرة استخدمته و مو يومي بعد بس مرة استخدمته وتعبت وخليته .. طبعا دلكت بضضممميير بالراس المدب مو المسطح .. من ثاني ثالث يوم جان احي فخيذاتي خقو وضعفوا مو مثل اول .. قلت انا شمسوية ! معقولة من الشورت اللي البسه ! صارلي عممر وانا البسه مو معقوله هالنتيجة الملحوظة ياربي احس روحي خفييفة .. جان اذكر:ggdw:
اني قبل يومين مسوية بالمساج عااد طحت فيه .. الشهرين اللي طافو سويت يمكن خمس مرات
اهوا مايصير يومي مكتوب لازم تريحين الجسم .. وانا حسيته خطر بعد يومي لان صج يتعب الجسم المنطقة اللي تدلكينه تظل نافرة ووارمة شوي ..
وانا استخدمته للسيلولايت بعد .. انا مو وايد فيني خفيف جدا عند الفخوذ من ورا والحمدلله انتبهت عليه وعالجت المشكله بالجهاز وجل-كريم نيفيا غودباي سيلولايت
والموضوع هذا وااااااااااايد فادني بالنسبة للسيلولايت .. واي وحدة تعاني من المشكلة لااازم لاازم تقرااه
http://www.q8yat.com/t608530.html
قمت اشرب ماي على طووول واكل سبال وزبدة الفول السوداني ومع المساج وجل نيفيا الحمدلله شبه اختفى:eh_s(15):
اييييييييي
وتحذذذييير مهممم .. لاتسوونه اثناء الدورة الشهرية مكرم القاري .. او قبلهاا باسبوع
من تحسين ان الدورة تكرمين بتييج او هاذي حروتها .. لا تقربين صووب الجهاز
مكتوب عليه اصلا
ومرة انا ماكنت ادري متى بتييني لاني مو من النوع اللي يحسب متى اتيي ومتى تروح متى مايت حياها الله .. فمرة سوته وظليت ادلك ادلك ادلك بضمييير .. من باجر جان تنزل الدورة
واااي وااااي واااااااااااااااااااااااااااي شقووولكم الم الدورة والتقلصات والكرامبز فظيييييييييييييييييييييييييييعة .. تخيلو كنت طالعة مع رفيجاتي نتغدا .. جان تييني طحت عليهم قامو يدزووني دز وانا مو واعية باللي حولي من العوااار الفظييييع حتن خليت رفيجتي تردني وخليت سيارتي بالسوق اخوانيراحو يابوها ..
فاحذروا واعو
.
الجهاز هذا شكله

تبيعه كذا تاجرة ماعرف منهم الا ماي ورد اسم يستحق الثقة
واللي ماتبي تشتري من تاجرة تحصلونه بمحلات الاكترونيات وجرايد الاعلانات الصغار فيه توصي
وهذا اهو الجهاز اللي استخدمته A.n.l حق خطوطها البيضة

.
خلصنا من المساج
اول ماتخلصين مساج واليلد توه حار دافي حطي كريم التخسيييس .. او اذا فيج سيلولايت حطي جل-كريم نيفيا غودباي سيلو لايت .. عجيييب قضيت تقريبا على 95% من مشكلة السيلولايت بس على فكرة انا السيلالايت خفيف عندي فمادري عن الحالات المتقدمة بس الاكيد انه يخففها

حلوووو .. وصج يخفف السيلاولايت بشكل ملحووظ .. والالى ريحته تينن لوتس اكستراكت , و ينعم حييل حتن الخشونة والحبوب اللي تصير بالمؤحرة ينعمهم
.
كريم التخسيس اللي حاليا قاعد استخدمه اسمه

قريت عنه اهنييه وركضت بشتريه الا الاقيه عند امي .. احلى شي لمن تكون امج وياج تقرا نفس المواضيع وتتحمس ههههههه
http://www.q8yat.com/t884443.html

صارلي يومين استخدمه وجني شايفة نتيجة حلوة .. بس ماقدر احكم صبروا علي
عموما اي كريم ثاني ممكن ينفع لان لازم تحطين كريم تخسيس ايا كان عقب المساج والكورسيه عشان يكون عامل مساعد فهمتوا الفكرة هاف يو قت ذي بوينت ؟ بيرفكت
ميخالف توني ساحبة الصيفي وليلحين حاسة عمري بمحاضرة الامريكان واللنغوستكس وع هههه
.
نكمل بالرد القادم علما اصور الاشياءات:eh_s(17):

 

[Anastasia]

بنااااات ابي مسااااعده


انتو تتكلمون عن ماي الورد حق الوجه
ابي شنو اسووووي فيه يعني ،،،،


ابي مسااااعدتكم

حطي بطل الماي الورد بالثلاجة .. وقبل لاتنامين واول لاتقومين نظفي ويهج ونشفيه وبعدين مسحي بقطنة بالماي الورد البارد ..
انا هاذا استخدامي واينن اينن اينن شوية عليه
.
او جربي خلطة انل .. اللي ماي ورد وحبة فايتمن سي الفوار وملتي فايتمنز الفوار بعد وذوبيهم فيه وحطيه ببخاخ او رشاش او ايا كان ورشي على ويهج او مسحي بقطنه ماجربته بس وايد جربوه وكلللهم يمدحوونه :d

 

[قلبهـ 86]

ماااااا قصرتي حياااااتوووو ( anastasia )

 

[Anastasia]

نكمل يا قمرات
وصلنا للحزام او الكورسيه او المشد او ايا كان ..
انا دايم اقول ايا كان لان انا اسمي الشغلات باسماء غلط او اسماء اشياء ثانية فاذا التبس عليكم شي سألوني
.
المهم
الحين الكورسيه مو الكورسيه مغيره مال حليمة لا .. يصير مثل حزام عريض تلفينه عالبطن
ماذكر منوين شاريته قبل خمس سنين بس شحليله قاعد عندي لاتقطع ولا اخترب معني اكده واغسله على طول .. اظنتي خذيته من السعودية بس ماذكر منين ..
ترا شكله قدييييم ومكدود .. بس من حبي لكم صورته واتحمل الفشلة وازرطها ميخالف
اهمه اثنين على فكرة واحد وردي والثاني اسود

مادري واضحة الصورة .. كاميرت موبايلي صايرة كحيانة بس خلاص راحت عليك يا ثري جي :eh_s(16):
كنت البسه بين فترات وفترات ولا التزمت
بس قولوا ما شالله :ggdw: صارلي اربع اشهر يوووميا البسه من اقووووووم ليين انام
جسمي تغيييييير والله صار محدد وخصري صار اضعف من قبل .. اذكر دكتور قال حق خالتي ان المكان اللي ماتبين الدهون تتكود عندج شديه واللي تبينه يتكود فيه خليه يروح حق المنطقة الافيلبل .. مثلا انا ابي مؤخرتي مابيها تنمسح خليتها بدون شورت ولا شي يحزها .. حسيت بفرق صراحة وفرق مقبول وجميل لكن مو اوفر مو بعدين تحطون ببالكم كيم كرداشن وتالي انا ابتلش .. تبون نفس كيم غيت ا سيرجري هي هي
.

انا حسيت ان واحد ما يشد حيل فقمت حطيت فوقه واحد ثاني يعني انا البس اثنين فوق بعض
يقولون المشد الاندونيسي نفس الفكرة .. توني قريت ان طوله عشر امتار وعرضه شبر تلفينه تلفينه تلفينه لين توصلين الضيج اللي تبين

بداية راح تتعبون وراح تقولون فراااغة .. بس ضغطوا على عمركم .. راح يصير ضيج ويضايج اول شي بس .. بعدين راح تحسيت ان جسمج مو على بعضه ومترهل بدونه :eh_s(15):
واحلى شي ان مايخليج تاكلين وايد اذا كثرتي تحسين الاكل واصل بلعومج هههه نفس بنت خالتي سوت تحزيم والمعدة ماتتحمل الا كمية صغيرة نفس الفكرة لان هذا يضغط عالمعدة بشكل خفيف
مو مضر كلش ولا يأثر .. ولو صج مو زين جان حريما اول اللي يتربطون بالشماغ واللبنانيات اللي يلبسون جينزات ضيجة وينامون فيها صار فيهم .. اللي صج مو زين اللي اهو مال حليمة المخصر يضغط ويأثر عالاعضاء .. بس هذا مطاطي مايضغط بس يشد عالمنطقة
.
مهم:
لاتنامون فيه مو زين
لبسوه عالافل ثمان ساعات باليوم
.
خلصنا من الحزام
.
الاكل
جاي الاعشاب المعروف
جنزبيل وينسون ونعناع وكمون حطوه بمطارة او زمزمية عشان خواتنا وحبايبنا يتبعون ويانا
وانا صايرة اكل مكسرات بكميات قليلقة يقولون مفيدة للخلايا والسيلولايت مثل ما قريتوا بالموضوع اللي حطيته وسمنة الفخوذ ..
خففوا اكلكم بدون دهون ولا نشويات وركزوا عالخضرة والاشياء المفيدة وان شالله بتشوفون نتيجة ولا اروع
هالاجانب ششاطرين فيه غير الاكل والرياضة والمساجات ؟ الوحدة فيهم كبر امهاتنا واجسامهم مثل خواتنا الصغار اللي بالمتوسط :eh_s(16):

 

[Anastasia]

ماسويت شي حبي :*
واي نكي صعب هي هي .. اسمي انفال اسهلكم بعد خلاص انقبلت بالقروب و صرنا ربع بالسسترهود ههههه
انا توني رادة من عرس وشعري بدهنه بزيت البصل ( اي زيت انا حطيت خروع وزيت حيادر + ماي البصل والثوم) على قمة راسي وفروني وباجي شعري باراشوت لان شعري طويل حيل وما ايزي زيت البصل عليه
باجر نكمل وياكم :****

 

[المتلثمه بعلم الكويت]

عنايتي يوم الاحد/
غسلت شعري بشامبو تريسمي وحطيت حمام زيت فاتيكا
تحممت فركت جسمي بصابونه عيوشه والوجه ورطبت جسمي بلوشن الاطفال مع مسك بودي شوب ووجهي بسكن سكس وبس,

هذي صوره سكن سكس

 

[دلووووعة نجد]

بنااااات ابي مسااااعده


انتو تتكلمون عن ماي الورد حق الوجه
ابي شنو اسووووي فيه يعني ،،،،


ابي مسااااعدتكم

حطيه في قوالب ثلج وكل ما غسلتي وجهك بالصابونه الخاصه لوجهك
حركي عليه قالب الثلج عدل:rerrerek:لين يذووووب
وبس

 

[دلووووعة نجد]

انا و الله مقصرررره في دخولي للموضوع بس مشغوله ورانا سفره يعني حالتنا حاله
بس انا الحين استخدم خلطه للبياض الريفدوررر
يمدحونها و انا قبل فتره مسويتها
وللشعر زيت نارجيل
بس من زمان ما حطيته

 

[دلووووعة نجد]

علبة فكس صغيره
كاس جبن ليمون
كاس جبن كلونيا الريفدور
العلبه المتوسطه جليسوليد الأجمر
تخلطينها في الخلاط وتستخدمينها كل ليله وفي الصباح تغسلينها بصابونة البابايا
وسلامتكم ......
هذي خلطة الريفدور للبياض
بس انا اغسل جسمي بملح اليوكو او الصابون المغربي
وما احطها يوميا كل ما طرت ع بالي

 

[Anastasia]

احبها هالخلطة الريفدور .. تنعم وتوحد لون الجسم وتشيل التصبغات وريحتها حلوة كلونيا رفدور
بس تغطي عدل ليش فيها فكس والحين صيف والسنترال والتكييف يطحنون
و ديري بالج تحطينها على ويهج وصج نتايجها لذيذة وحلوة

 

[جوهرة البحرين]

صباح الخير
لا لا القروب منور اليوم شصاير؟؟
حياج الله اناستاسيا حركتي القروب فددددددددديييييييييييييييييييييتج
يلا خل الحق ع محاضرتي خخخخخ>>تكلمكم من الجامعة

سي يو ليتر

 

[Anastasia]

منوووور باصحابه والله <3
انا مواصلة ليلحين وقام احاول اصمد لين الظهاري عشان اعدل نومتي
وي الله يعينج ماخذة صيفي .. انا داومت اول يومين ومااقدرررت صراحة سحبببت الكوورس
ماجوورة وانتبهي ويا الدكتور/ة مو كلساع اتجيكين عالابديتس هههه <<<حركاااتي ههههه