أمريكا2011؟! هالمرة سفرتي غير!!

[روانتي 12]

مبرؤؤؤؤؤؤكـ .. ماشاء الله غرفة نووم حلووووووه

عقباالي

 

[روانتي 12]

امبييييه اليوم صار اكشن بالجمعية انا مقرووده ماخذه عيالي وياي :rgewrg:
طبعا قبل لا ادش الجمعية قلت لهم حبايبي لا تاذوني لا تقولون باخذ جذي ولا جذاك ترى الفلوس حدها حدها ماتبون تسافرون امريكا قالو امبلا قلتلهم خلاص هذي الاغراض اللي بشتريهم حق السفر غيره مافيه طبعا مسوين روحهم مطيعين اول مادشيت الجمعية ولا ولدي العود يصرخ يمه يمه يمه ولا يقول لقيت هالعلج بخمسين فلس اخذه يمه ترى بس بخمسين رخيص يمه مو غالي طبعا يمي حريم خزوني خر يقولون شهالجعصه فضحني فضحني والله بغيت الارض تنشق وتبلعني ودي اكفخه
ولا ةالا الثاني عاد شيقولي يايبلي جيس ككاو جلاكسي ويقولي يمه بس هذا عاد انا اقوله شقايلتلكم جان يقط اللي بيد ويقعد يصارخ وانا مابي اسافر امريكا ابي الكاكاو خلاص جان اييلي شايب ويقولي يابنيتي خليه ياخذ الكاكاو انا ادفعله امبييييه:rgewrg::eh_s(2):
اليوم بصراحه اكشن عيالي فضحوني وياريت يعني حارمتهم لا كل واحد شاريله هالبفك والعصير والحلاو ويقولون انتي مو ام

هههههههههههههههآآي عيآآآآآآلج مو صج

الله يعينج عليهم

 

[ميسوره]

مرحبا بنات

اشلونج روونا شخبار بناتج ان شاء الله مستانسين
انا السنه هذي رحت نيويورك لوس انجلوس لاس فيغاس سان دييغو بوسطن

بس اشتقت لاورلاندو حيل حسيتها اونس وشرحه وفيها بساطه وسهله حيل
واقرب الاماكن لبعضها وفيها اكشن

صارلي 5 ايام راده وما كان ودي ارد ياحلاتها من ديره

وقررنا ان شاء الله انا وزوجي السنه الجايه اورلاندو

 

[ناسي626]

هلووووووو امركياااااااااات وينكم
زوووووووغه شسوتي شنو اخر المستجداااااااات مع عيالج

 

[زوووووغه]

لووووووووول
الله يقطع بلسج ناسي اليوم حدي تعبت من ترتيب الجناط ولابعد ماخلصت ولاطبعت الكوبونات يمكن اشتريهم من الاوت لت نفسه لان مافي وقت الله يعين
والتامين باجر بسويه
ان شاءالله باجر هالحزه تطير الطياره ادعولنا عسى الله يسه دربن يارب

 

[ميسوره]

زووووغه انا المره الي طافت كنت طابعه الكوبونات بس من شفت السوق انعميت ونسيتهم
وهالمره ماخذيت بس سوقهم مو غالي اذا للملابس بس الجناط الماركه اسعارهم اغويليه اشوي

انا كنت رايحه دبي 3 ايام قبل لا اسافر امريكا باسبوع وعرفت شالجديد طلع سوق دبي قديم
بالنسبه لامريكا وارخص امريكا بالجناط والصنادل مقارتة بالكويت ودبي

 

[ميسوره]

القطريه بمطار جون كندي بترمينال 8
وبتذاكرنا الي خذناها من السفريات ترمنال 4
تاكدوا بالرده انه من ترمنال 8
لان اغلب الطيران الخليجي والعربي بتريمنال 4

 

[زوووووغه]

هلا والله ميسوره كتبتلج رد بالموضوع تجمع امريكا اقول ولا ذكرتينا بايام تجمع امريكيا٢٠٠٩ كان احلى تجمع بصراحه وعلى طاري اورلاندو ا والله صاجه تهبل وياحاوها شرحه
وبالنسبه للكوبونات حتن انا اولت العام نفس الشي طبعتهم على الفاضي اصلا اشتري من المحل واخر شي اطلع ناسيتهم لوووووول
والحمدالل على سلامتج وياحلوج يايب ريحت امريكا وياج

 

[ناسي626]

وااااااااي تعبببببببت :cxxxp:سويت تقريبا اكثر من الثلاث ارباع
باجر بروح اشتري بطاريه زياده حق الكاميرا وحده مااااااا تكفي

 

[زوووووغه]

الله يذكرج بالخير تصدقين ماشحنت بطاريه كاميرتي

 

[ناسي626]

يا حلوين شلون تسووون قهوه عربيه بالفندق انا ماقدر استغني عنها

 

[فرحه عمر]

بنات منو معاي على الاماراتيه تاريخ 5\7 دايركت لوس انجلوس؟؟

انا باجر بروح دبي ان شاء الله مع عيالي 5 ايام وعقبها نرجع ليلتين ونرد نسافر لامريكا عفيه ماعندي وقت كلش اقرى التقارير ويدوب 4 ليالي بلوس انجلوس شنو احلا الاماكن فيها ؟؟؟
وبعدها لاس فيجاس 3 ليالي وطيران للوراندو 9 ليالي اظن مع اني متخوفه انه يضيع علينا الوقت بسبه الامطار لاني اشوف الكل يشتكي من المطر يخرب عليهم طلعتهم
ومن اورلاندو طيران لنيويورك 4 ليالي ودي اروح لنياجرا فالز بس بعض الناس يقولون ماتسوى الطريج والمكان الحلو بكندا ولازم تكونين مفيزه واحترت يعني ممكن يوم نروح لليبرتي ليدي ويوم للسنترال بارك وبالليل بالتايم سكوير وباقي الايام شسوي؟؟

دبروووووووووووني عفيه مالي غيركم خبيرات امريكا <<<< ماكسرت خاطركم

 

[فرحه عمر]

يا حلوين شلون تسووون قهوه عربيه بالفندق انا ماقدر استغني عنها

قبل العام لما رحت لبنان بالشتا سخان الماي اللي بالغرفه ريحته قهوه عربيه وكانو حاطين ورقه مكتوب فيه ( رجاء استخدام السخان لغلي الماء فقط) لانه الظاهر وايد يستخدمونه للقهوه العربيه

ولما رحت الدوام قالت لي رفيجتي انه وحده من اهلها تاخذ سخان ماي صغير للفندق او اذا مسافره بالسياره عشان تسوي فيه القهوه تركبه على ولاعه السياره او بلاك الغرفه وتقول انه بسرعه يخلص وحلو ....انا كلللللشش مو راعيه قهوه عربيه فماجربت

 

[ناسي626]

انا بشتري غلايه صغيره وبسوي فيها مو مالت الفندق بس ابي الطريقه شلون اخلي الماي يفوح نصه بعدين احط القهوه ولا من اول شي احط القهوه ؟؟

 

[فرحه عمر]

والله يا ناسي ماني راعيه قهوه مثل ماقلت لج
بس اتوقع انه الماي بسرعه يغلي ويفور....فأظن اذا شفتيه ابتدى يغلي حطي القهوه واذا غلت سكرتيه انتي جربي قبل لا تسافرين احسن

 

[فرحه عمر]

ناسي انتي مسافره معانا هالسنه ان شاء الله امريكا؟

 

[ناسي626]

اي انشالله باجر سفرتنا
بكرا السفر بكرا بكرا السفر
انشاءالللللله

 

[فرحه عمر]

الله يسهل عليج سويتي الجناط؟؟

انا باجر بروح دبي وماسويت ولا شي وعقبها برجع يومين واسافر الفجر لامريكا تاريخ 5\7 بروح ان شاء الله لوس انجلوس -لاس فيجاس -اورلاندو -نيويورك

وانتي؟؟

مادري ليش حاسه محتاسه يمكن عشان ماكو وقت؟؟

 

[ناسي626]

سؤال لقافه
ليش بتروحين دبي وبعدين امريكا
امريكا احلا من دبي بوااااااااااااااااايد

 

[فرحه عمر]

ههههههههههههههههه
لا مافيها لقافه يا قلبي بس اللي صار كنا ندور حجز شاليهات بالكويت من شهر 4 ومالقينا فزوجي قال خلاص منها سفره ومنها وناسه لليهال وحجز لنا بأتلانتس عشان يشبعون من حمام السباحه ويبربسون على كيفهم وبنتي تبي كيدزينيا ومنها تمشي وتسوق لهم ولي وعقبها نرجع نخليهم عند الوالده الله يحفظها واسافر معاه بروحنا شهر عسل السنه اللي فاتت خذيناهم معانا استراليا لكن انا رايحه لها من قبل عشان جذي خذيتهم يتسانسون معانا لكن هالمره بنروح بروحنا واذا الله كتب المره اليايه بناخذهم معانا

انا متعوده على السفر ودايم اغراضي خفيفه واعرف شنو اللي ابي اخذه معاي واللي البسه واستخدمه يعني مو طبعي اكود بالجنطه لكن اللي صاير انه يدوب بس ارجع مايمدين اغسل ملابس اليهال وارد اصففهم بالجناط عشان اوديهم بيت الوالده وارجع اسوي جنطتي للسفره