(ظلمني الزمان اللي جبرني على فرقاااك) >>عشق بدوي

[لفتة فرس]

(((((((((((((((الجزء الساااااااادس)))))))))))))))))
منال عند امها وخواتها وتبجي من قلب ندمانه ع كل اللي قالته لبدر
امها:انتي اللي جبتيها لنفسج اكو وحده تقول لزوجها انت مو رجال وانا انغشيت فيك ولا واحد يرضاها ع نفسه
منال:يما نرفزني والله نرفزني الحين يجذب علي ويقولي ابوي طلع عنده شغل وبروح بداله واخير شي يطلع رايح مع شباب وبنات العايله كلهم والله شي يقهر لا ودلال معاهم احلى اصلا انا ما نرفزني الا دلال مضبط الروحه عشانها وانا اقعد هنيه مثل الهبله
امها:ولو انت خبله المفروض ما تقولين الكلام اللي قلتيه اصلا هو مواعدج بسفره اذا خلصتي الصيفي بس انتي خربتي ع نفسج
منال:اقص ايدي اذا كان ناوي يسفرني والله يقص علي ويسكتني بس عشان يروح مع الحبيبه انا اشوفه يقولي اكلي حبوب وبناجل سالفة الحمل اثاريه ما كان يبيني وناوي يطلقني عشان ياخذ حبيبته
امها:انتي اتوهمين البنت صغيره ولو انه يبيها جان اخذها قبل لا ياخذج انتي الحين هدي واذا رجعو من السفر بقول لابوج يكلمه ويفهمه ان البنت ندمانه ع كلامها ومن هالكلام عشان لعل وعسى يردج ولا انج تصيرين مطلقه وانتي ما صارلج ثلالث شهور من تزوجتي
زادت دموع منال لمن ذكرت امها سيرت الطلاق هي فعلا ندمانه وودها ترجعله والا الغيره بتاكل قلبها مع ان بدر ما كان يدلعها ولا كان يعطيها اهتمام وحياتهم كانت سطحيه بس حبته وحبت رجولته وغشمرته وروحه المرحه

بدبي
قعدو البنات اساعه 8 وشافو ان الشباب للحين نايمين
شيخه:ويه هذول للحين ما قعدو خنقعدهم
ساره:اي والله ع ما يقومون ونتريق عشان يمدينا نطلع
شيخه:يالله انا بروح اقعد العيال وانتي قعدي الكبار
ساره:نعم لا والله روحي انتي قعديهم وانا بروح للعيال
شيخه:والله ما اروح عاد انا بنفسي اخاف من عبدالله اذا كان نايم ترى ما يحب احد يقعده
ساره:هااااا يعني بتقطينها براسي ها
شيخه:والله عاد انا بروح اقعد العيال وانتو تصرفو كيفكم
قامت دلال وكشت ع شيخه وساره:مالت عليكم انا اللي بروح اقعدهم كل هالطول وهالعرض وخايفين عاد انتي اخوانج وانتو اخوكم وانا اللي بقعدهم
حنان:بعدي والله دلوله حيلج فيهم
ساره:هههههه احسن ختطيح براسج
مشت دلال ولا ردت عليهم طقت الباب مره ومرين وثلاث
خالد بعصبيه :منو
دلال:قووووومو الساعه 8
بدر وعبدالله تنبهو ع الصوت وقامو ردت دلال لغرفتهم وقعدو البنات يلبسون وع الساعه تسع كلهم خلصو ونزلو للبوفيه
خالد يكلم البنات:روحو اقعدو ع لطاوله هذيك واحنا بنقعد هنيه راحو البنات للطاوله اللي اشر عليها خالد اما بدر ما كان عاجبه اسلوب خالد يعني بدر عادي عنده يقعد مع البنات بس خالد فيه ثقل شوي
شيخه:ياخي اخوج هذا ليش جذي يعني غصب انا رجال
دلال:مادري عنه جنا عاد احنا غرب والا بنستحي منهم
ساره:لا والله انتو ما في وجيهكم حيا اكيد ان لا قعدنا معاهم بنستحي ومراح ناخذ راحتنا لا والله زين ما سوا
حنان :وانتي الصاجه اكيييييد لمن نقعد معاهم مراح ناخذ راحتنا وجذي احسن هذيل عادي عندهم
ساره:ههههههههه
دلال:تضحكين عجبتج ها اقول شيوخه قومي خنقعد عند الشباب احسنلنا
شيخه:يالله
وقامو وهم يضحكون لانهم رايحين للبوفيه مو للشباب
حنان:امبيه من صجهم هذيل راحو
ساره:والله يسوونها
حنان:هههههه لا رايحين للبوفيه
ساره:ههههههه يالله قومي خنلحقهم

يتبع >>>

 

[لفتة فرس]

بعد الريوق وعند طاولة الشباب
بدر دز مسج لدلال(دلول وين ودج نروح الحين) دلال انصدمت بدر اشسالفته معاها يمكن عشان هي الوحيده اللي ما معاها اخو كبير عشان جذي سالها يمكن (دلال كانت كل ما يدزلها بدر مسج تستغربه بس ما تعشم نفسها كله ادورله اعذار)
ردتله(كيفك المكان اللي يريحك ^_^)
بدر ابتسم وشافته دلال من بعيد بس صرفت النظر
بدر للشباب:ها يالربع وين ودكم نروح اليوم
عبدالله:يالله خنسويلنا جدول للرحله كلها
خالد:شوف ان شاورت البنات بيخلون الرحله كلها سوق
عبدالله:ههههههه عز الله انك صاج
بدر:لا عاد لازم نخلي ايام للسوق
خالد:يوووووووه تكلم عاد نصير المراه
بدر:ههههههه لا والله من صجي يعني انتو الحين تفهموني انكم ما تبون السوق
عبدالله:لاوالله فكنا من الاسوقه الكويت متروسه
تركي:اي والله الكويت متروسه احنا جايين نستانس ونفتر ما نبي السوق
بدر:اكيييييييد
خالد:اكيييييدييييين
بدر:حتى السوق الصيني
عبدالله:ها لا لا بس نبي السوق الصيني
خالد:لا عاد السوق الصيني نبيه بس حنا نقصد المجمعات
تركي:الا نبيه السوق الصيني
وليد:امبلا امبلا نبيه
عبدالرحمن:اي اي نبيه
بدر مات من الضحك لانهم كلهم تكلمو بوقت واحد:ههههههه اشوفكم صكيتو ع البنات
خالد:هههههه لا عاد صج خلونا نستانس هاليومين بالطلعات والسوق خلوه اخر شي عشان البنات تخلص فلوسهم
عبدالله:ههههههه احلا يالتخطيط والله انك حقير
خالد:هههههه شفت شلون اعجبك انا
بدر:عناد فيكم ابودي البنات اليوم السوق
الكل:لااااا تكفا
بدر:هههههههههههههه لا اضحك اضحك خلاص اليوم نروح لاتلانتس ونتمشى ع البحر وع العصر نروح برج خليفه ونقعد ع القهاوي اللي عند النافوره الراقصه ونتعشى ونرد مبجر ما نبي نتاخر وباجر نروح قرية الثلج وونشوف السينما اذا فيه افلام جديده ما نزلت بالكويت ندشها والاحد نروح للسوق الصيني والثلاثا نروح الشارجه نتمشى فيها والاربعا يوم مفتوح اذا البنات يبون السوق نوديهم واذا انتو تبون تطلعون بروحكم تروحون وانا اودي البنات للسوق والخميس بنريح الصبح لان طيارتنا العصر يعني لازم نروح مبجر ها شرايكم
الكل:خوووووووش راي
بدر:اجل توكلنا ع الله
قامو واشرو للبنات يقومون ونزولو للوبي وطلبو تكسي
شيخه تكلم عبدالله:وين بنروح
عبدالله:اتفقنا ع الاسبوع كله كل يوم مكان واليوم بنروح اتلانتس وعقبه برج خليفه
البنات من بعيد:لاااااا نبي السوق
عبدالله لف يطالعهم ويضحك:عفيا اذون شلون سمعتوني
ساره:قول لا اله الا الله
عبدالله:ماني قايل
تركي:اي تكفى لا تقول تنيذل عليهم
دلال:لا تحرشه انت
عبدالله:ما عليج منه انتي شكوا قول تركي مالك شغل فيها
خالد:هههههههه عبدالله شيبون
عبدالله:يبون السوق
خالد يكلم بدر:ههههههه ها شقلنالك
بدر يكلم البنات:ههههههه وانتو بعد مشفوحين ياخي بنطلع وبنتمشى ولاحقين ع السوق
حنان:مالكم شغل فيهم جدولكم حلو اهم شي ان بداية الطلعه بحر
دلال:وانتي الصاجه هذا اهم شي
ساره:انزين نبي السوق الصيني
بدر:بنروحله بس مو اليوم ولا باجر عقب باجر
شيخه:ليش يعني شمعنى حركات نذاله عشان تخلص فلوسنا
عبدالرحمن يكلم خالد:هههههههه صادت حركتك الفاشله
خالد:عاد السوق الصيني كلنا نبيه واحمدو ربكم انا نبيه لو ما نبيه جان اجلناه ليوم الاربعا
ساره:يا سلاااام انزين وباجر وين
خالد:قرية الثلج
دلال:الااااااااه احلى شي
حنان:واااااو ما عليكم من هالخبلات اللي نفس الشي(تقصد شيخه وساره) جدولكم فضييييييع
دلال:انا لو راده علي مابي السوق ابي كله طلعات
ساره:مالت عليج انتي اسكتي لا تخربين علينا
شيخه:اي والله اسكتي لا تقبسين علينا
الشباب ميتين ضحك عليهم
بهاللحظه دق تلفون حنان شافت والا نفس الرقم الغريب ما تدري ليش ارتبكت لفت شوي عنهم ووقف بعيد وردت

>>>يتبع

 

[لفتة فرس]

بهاللحظه دق تلفون حنان شافت والا نفس الرقم الغريب ما تدري ليش ارتبكت لفت شوي عنهم ووقف بعيد وردت
حنان:الو
المتصل:الو مرحبا
حنان:منو
المتصل:ردي السلام بالاول
حنان(حست ان واحد يستعبط):انتو منو شتبي؟
المتصل:امممم انا متعب وابيج
حنان:متعب ما اعرف احد بهالاسم وشكلك مضيع لو سمحت لا تدق مره ثانيه
المتصل:لحظه لحظه انتي مو حنان
حنان:بلا بس ما في حنان غيري لو سمحت انت اكيد مضيع وانا الحين مسافره ومابي ازعاج خلاص قلنالك ما اعرف واحد بهالاسم
متعب:اي انتي ما تعرفيني بس انا اعرفج
حنان:انت شكلك راعي طويله اسمحلي بسكر ورجاء لا تدق مره ثانيه
وسكرت حنان التلفون واعطته مغلق وردت لهم
ووصل التكسي ومشو استانسو باتلانتس وطبعا البنات ما خلو التصوير وبعدها طلعو وراحو يقعدون ع البحر في كوفي شوب المكان كان فضيع بس هالمره كلهم قعدو بطاوله وحده وقزروها ضحك وسوالف الكل كان يتكلم ويسولف ويضحك ومحد كان مستحي من الثاني بس بقولكم كل واحد شنو كان يفكر فيه...
بدر(كان اغلب الوقت يتعمد السوالف مع دلال وطول الوقت وهو يطالعها ويقول بخاطره اعترفلها الحين والا لمن ارد بس هنيه احسن ابيها تحس فيني وتبادلني نفس الشعور بس اخاف تعصب وتكون معتبرتني بس اخوها ولمن اقولها تنقلب السالفه علي وما عاد تكلمني واتحاشا السوالف معاي)
خالد(هو بطبعه ثقيل وما يعطي البنات وجه بس كانت لافته نظره وحده من البنات بعفويتها وغشمرتها يحس انها ع نياتها بس ما حب انه يبين لها شي بس كان مفكر انه اول ما يرد الكويت بيكلم ابوه عشان يخطبها لا تروح من ايده)>>بعدين تعرفون منوj
عبدالله(كان وضعه عادي يسولف مع الكل بس لفت نظره ساره اول مره يشوفها عن قرب ويسمع سوالفها كانت غشمرجيه بس حياويه وكان يقول بنفسه ليش ما فكرت فيها كزوجه وخصوصا ان امي دايم تقولي بخطبلك بس ما طرت علي والله انها خوش بنت ويكفي انها بنت عمي وعارف اخلاقها)
دلال(كانت فاصله وتضحك وتسولف مع الكل وهي اجرا وحده بين البنات فكانت تسولف واتغشمر مع الكل من غير ما تنخجل بس كانت تلاحظ نظرات بدر لها كان بعض الاوقات يسكت ويتسند لورا ويطالعها وهو مبتسم وساكت فكانت تقول بداخلها اكيد انه يحبني اكيد نظراته مو طبيعيه ياي ياليت اكون انا اللي يحبها والا بنجن عقب ما تعلقت فيه والله الحين احبه واموت فيه وما اتخيل حياتي بدونه ياليت يتجرا ويصارحني لو كنت انا اللي يحبها وياليت يصارحني هنيه لان الجو يساعد)
ساره(كانت مستحيه شوي بس تضحك ع خبالهم وسوالفهم لانهم كانو حيل فاصلين بس اكثر واحد عجبها عبدالله كان حيل فصله ويضحك ما توقعته جذي بالاول عبالها انه ثقيل بس الحين اكتشفت العكس وحيل كان جرئ معاهم كلهم)
شيخه(كانت كل خمس دقايق اتطالع خالد وكان ودها يلف ويطالعها ويبتسم لها ويبين لها انه يحبها بس هي مو قاعده تشوف منه اي شي يبين انه يحبها فكانت تقول بداخلها يا خوفي انه يطلع ما يحبني وانا اتوهم صح اني انا احبه بس لو ما كان يحبني شالفايده بتحطم ع الفاضي فعلا جنها تدري انه ما درى عن هوا دارها)
حنان(نوعا ما كانت مثل وضع دلال وكانت اهي ودلال جريئات وتسولف مع الكل عادي يمكن لانها تشوف نفسها صغيره من بينهم فهذا الشي اللي مجراها اكثر بس الشي الوحيد اللي يختلف عنهم انها كانت تفكر بالشخص اللي دق عليها ويعرفها منو هذا وشيبي)
اما تركي ووليد وعبدالرحمن (كانو هم اللي محلين القعده غشمرتهم وسوالفهم حلوه وتضحك بس كانو بوادي ثاني لمن شافو حريم اجنبيات لابسين لبس بحر لبس سباحه يعني قطعتين فكانت عيونهم اتطاير عليهم لانهم عمرهم ما شافو هالمناظر فكانوا اذا شافو وحده ماره يتساسرون والا يطالعون بعض ويضحكون وبدر انتبه لهم)
بدر:يا عيال اعقلو انت وياه استحو ع وجيهكم
الكل سكت بهاللحظه والعيال خافو من بدر بس ضلو يضحكون
بدر:يالله تبونا نمشي عشان نروح نتغدى
الكل:يالله
قامو وراحو لمطعم وتغدو بس كانو البنات بكبينه والعيال برى والبنات اقتنعو واخيرا ان راي خالد عين العقل لانهم يبون ياخذون راحتهم بالاكل
ووبعد الغدا اتجهو لبرج خليفه وطبعا هم ما تغدو الا متاخر فوصلو برج خليفه المغرب ودخلو صعدو المطل دلال كانت خايفه وماتبي تركب بس اجبروها


يتبع ...

 

[لفتة فرس]

ووبعد الغدا اتجهو لبرج خليفه وطبعا هم ما تغدو الا متاخر فوصلو برج خليفه المغرب ودخلو صعدو المطل دلال كانت خايفه وماتبي تركب بس اجبروها وصعدت اول ما طلعو من الاصنصير دلال ضربات قلبها زادت ما تحب الاماكن العاليه البنات اسرعو وطلعو برى في المطل والكل وراهم الا بدر لاحظ دلال انها واقفه
بدر:شفيج امشي
دلال:مابي خايفه خايفه بدر نزلني>>>كانت اتكلم وهي متوتره
بدر:شفيج والله عادي امشي انا معاج لا تخافين
دلال:بدر والله انا اخاف من الاماكن العاليه ما اقدر تكفى نزلني
بدر:خلاص خليج هنيه بروح اقولهم اني بنزلج
دلال من كثر خوفها مسكت ايد بدر بعفويه:لا بدر تكفى لا تروح وتخليني دق عليهم
بدر تجمد بمكانه وما يدري شصارله من مسكة ايدها ودلال من خوفها ما انتبهت وهدت ايده وهي مو منتبه
بدر:خلاص خلاص يالله امشي للاصنصيرات واصلا تلفوني ما فيه سيرفس هنيه اذا نزلنا ادزلهم مسج ركبو الاصنصير وكان وياهم ناس ودلال حست انها دايخه من الخوف لانها تخاف من الاصنصيرات وهذا غير سريع ويدوخ كانت واقفه يم بدر مسكت ايده ووضغطت عليها حيل وسكرت عيونها بدر لف يطالعها وما يدري يضحك والا شنو بس كان مستانس قال ياليتنا رايحين للبرج من زمان بس قال بقلبه هذي اليوم بتخليني ارتكب فيها جريمه مو متحمل لمسة ايدها وقربها منه بس تعوذ من الشيطان وقال هذي فرصه اعترفلها فيها الحين انفتح اللفت
بدر:يالله وصلنا يالخوافه
دلال:الحمدلله
بدر مشي معاها متجهين للنافوره اللي جدام البرج بيقعد اهو وياها ع الكوفي اللي ع النافوره وجدام البرج
بدر:ههههههه والله انج خوافه توني ادري
دلال:يوووووه لا اتطنز
بدر:هههههههه كان شكلج تحفه
دلال:بس عاد
بدر:ههههههه يوه نسيت ادز لخالد تعالي خنقعد ع الطاوله هاذي
وقعد وقعدت هي جدامه والنافوره يمهم والبرج بوجهم
دز بدر لخالد مسج
-----------------------------
ساره:الا صج بنات دلال وينها
شيخه:امبيه ليكون طاحت
حنان:وين طاحت يالغبيه ما تشوفين الاسوار
شيخه:ما اقصد طاحت من فوق انتي الثانيه انا اقصد طاحت غشيانه من الخوف
ساره :امبييييه لا تقولين تعالي بسال خالد
ساره:خالد دلال وينها مو معانا
خالد:ههههههه صباح الخير بدر دزلي مسج يقول انها تخرعت مادري داخت ونزلها
ساره شهقت:امبيه حياتي وليش ما قالتلنا
خالد:مادري عنها اذا نزلنا اساليها
ردو البنات يفترون والشباب والكل يصور بس ساره سرحت وقامت الافكار ادور براسها يعني معقوله متعمدين بس لا دلال فعلا تخاف من الاماكن العاليه واحنا اللي اجبرناها بس ليش ما خلتنا احنا اللي انزلها اشمعنا بدر يالله اذا نزلنا بعرف
طبعا الكل عاجبه روعة المنظر
تركي:تصدقون هنيه برد
عبدالرحمن:اي والله برد
ساره:متى بتنزلون
خالد:بننطر شوي لين الدنيا اتظلم وبنشوف المنظر وبننزل
شيخه:وييييييه باقي نص ساعه تقريبا
عبدالرحمن:عادي اشورانا
عبدالله:اي والله اشورانا احنا متعمدين نجيه هالحزه عشان نشوف المنظر الصبح وبالليل
ساره بقلبها تحاتي اللي تحت ما تدري ليش الافكار السوده امتلت براسها

دلال:ها دزيتلهم
بدر:اي دزيت لخالد يالخوافه خلاص انا قررت اسيفج بتلفوني الخوافه بدل اللي مسيفه
دلال(تبي تغير الموضوع عشان ما يحرجها):صج انت شنو مسيفني عندك
اهنيه بدر توهق لانه قبل شهر مغير اسمها من دلال لي الحب وما يدري شيقولها بس سوا روحه لاهي بتلفونه وما رد عليها
دلال:بدر يا كرهي لهالحركه اذا كلمت احد وما عطاني وجه اتنرفز
بدر:هاااااا
دلال:جاوبني ع سؤالي
بدر:وشنو سؤالج
دلال:اصعب سؤال اللي جوابه للاسف مثله سؤال
بدر:هههههههههه الله يا حلو الاشعار اتحبينهم
دلال:ومنو ما يحب الشعر بس لا تغير الموضوع جاوبني
هنيه بدر لقاها فرصه يعترفلها فيها
بدر:واذا وريتج انا شنو مسيفج بتلفوني شنو بتسويين
دلال:ياخوفي مسيفني الخبله والا المزعجه والا شي من هالقبيل
بدر:هههههههههه والله انج قربتي وضربتي الحروه
دلال:نعممممممم
بدر:يالله جاوبيني وبوريج انا شنو مسيفج عندي
دلال:شوف والله عادي مراح اعارض بس اذا كانت مسبه انا بسيفك بتلفوني نفسها بس بشيل هاء التانيث
بدر:وعد تسيفيني بتلفونج نفس اللي تشوفينه
دلال:والله يعتمد ع حسب
بدر:لا والله يعني لو كانت مسبه بتسيفيني فيها واذا شي حلو مراح تسيفيني فيه لا اجل هونت مراح اوريج
دلال:خلاص خلاص والله اسيف رقمك بنفس الاسم اللي انت مسيف رقمي فيه
بدر:وعد
دلال:وعد
ابتسم بدر بخباثه وطلع رقمها وحط الشاشه بوجها وترقب ردة فعل دلال
دلال كانت متحمسه وتنطر ع نار لانها تعرف حركات بدر بس شافت جدامها مكتوب الحب بردت ضحكتها ووجها قلب احمر حيييييييل ووقلبها فجاه صار طبول ما تدري شنو تقول والا شنو تسوي هي من داخلها كانت اتمنى هاللحظه من زمان بس لمن صارت تمنت الارض تنشق وتبلعها فرحت بس ارتبكت حييييييل بدر شال التلفون عن وجها بعد ما لاحظ وجها شلون قلب وبان عليها الارتباك بس استاننس من داخله وابتسم دلال لفت اتطالع النافووره
بدر بخباثه بضحكه:ها بتسيفين رقمي نفس ما وعدتيني
دلال غمضت عيونها وحست قلبها بيوقف كانت اتمنى هاللحظه وتحلم فيها بس لمن عاشتها تغير وضعها لانها تحس بطنها قام يعورها من الخوف والارتباك
بدر:ادري استغربتي انا طول عمري اكلمج ع اني اخوج والكل عارف هالشي حتى انتي بس انا كنت غير صحيح كنت اكلمج بامور شبابيه بس كنت بس اتغيبا بس عشان اسمع صوتج واكلمج واكون قريب منج قبل قبل لا املج كنت ودي اخطبج بس كنتي صغيره وقتها بالمتوسط ولمن وصلتي الثنوويه امي قامت تحن علي بالزواج وقتها كنتي بثالثه ثنوي مستحيل اخطبج لاني عارف مالي امل ابوج يوافق يزوجج بهذاك الوقت فقلت الظاهر مالي نصيب فيها خل اجرب حظي مع غيرها وفعلا تزوجت بس اكتشفت اني اقص ع نفسي قبل اقص ع الناس وكنت ادور اي سبه بس عشان اكلمج وافضفضلج عن اللي بداخلي والحين انا مستحيل افكر اخسرج مره ثانيه شفتي البنت اللي كلمتج عنها وقلتلج اني احبها هذي انتي
دلال طول هالفتره وهي منزله راسها وتسمع وما رفعته كلش صحيح انها مرتبكه بس ارتباكها خف شوي لان كلام بدر هادي وما تجرا معاها
دلال:ومنال
بدر:طلقتها
دلال رفعت راسها بصدمه واستغراب وطالعته وهي من مساع ما طالعته ولا حطت عينها بعينه:طلقتها!!!! متى؟
بدر:انتي اول وحده دريتي بموضوع طلاقها لانج انتي الوحيده اللي تهميني حتى امي وابوي ما يدرون لاني امس طلقتها
دلال:امس؟؟؟؟
بدر:اي امس شفتي لمن جيت الطياره متاخر وقلتيلي ليش تاخرت كنت اكلمها بالتلفون وطلقتها
دلال:لمن سالتك انهيت المشكله وقلتلي بشكل نهائي اجل كنت تقصد هالموضوع
بدر:اييييييييوه عليج نور
دلال:.............
بدر:الحين ما علينا من السوالف اللي تضيق الخلق بس ابيج تعرفين اني طلقتها بس عشانج وقلتلج انا مراح اخسرج مره ثانيه ولا راح اخليج تضيعين من ايدي
دلال ذابت بهدومها وجسمها صب عرق من الاحراااج ودها تنحاش بس ما تقدر
بدر:يعني ما سالتي نفسج ليش سافرنا دبي ترى كل هالسفره عشانج
دلال باستغراب:عشاني
بدر بنص عين وابتسامه:اي عشانج اتذكرين لمن كلمتيني وقلتي ودي اروح دبي ع طول شيشتلج العايله الكريمه كلها وتعمدت انها تكون روحه شبابيه بس عشان اخذ راحتي معاج
دلال ابتسمت وراسها بالارض
بدر:فديت الابتسامه وراعيتها
دلال:بدرررر
بدر:فديت اللي يستحون والله انزين انا الحين صارلي ساعه اهذر وما عرفت ردج
دلال:شنو
بدر:يعني يمكن انتي تشوفيني مثل اخوج وما تفكرين فيني غير جذي
دلال:..............
بدر تخرع من سكوتها:دلال بصراحه ولا تستحين قولي اللي بخاطرج
دلال:مادري شقول
بدر:قلتلج قولي اللي بخاطرج
دلال مسكت تفونها وقعدت اتطقطق وبدر ايطالعها باستغراب وفجاه حطت التلفون بوجه والا مسيفه رقمه ب(الحب)
ابتسم بدر:يعني افهم من هاللقب انه طالع من قالبج والا بس عشان وعدتيني
دلال بحيا وعيونها بالارض:الاثنين
بدر:هههههههه من قدي والله يا دلال اني انا اليوم اسعد انسان بالدنيا
ابتسمت دلال وقطع كلامهم النافوره لمن شغلوها كانت فضيعه مبرمجينها مع الموسيقى ودلال اندمجت معاها اما بدر فكان شوي يطالع النافوره وشوي يطالع دلال وعقب ما خلصت
دلال:الااااه اتجنن
بدر:صج حلوه حسسوني ان الماي صج يرقص
دلال:هههههههههه
بدر:دلال قبل لاحد يجينا ابي اقولج شي
دلال طالعته باهتمام
بدر:مابي اللي صار ياثر عليج والا ع مستواج انتي الحين متوجه للجامعه والجامعه مو سهله مثل الثنويه يبيلها مجابل و ابيج جدام الناس انا وياج بنضحك ونتغشمر نفس قبل ماكو شي تغير ومابي اي احد يلاحظ وانا مابي اندم اني قلتلج ماشي
دلال:ماشي وللحين وجها احمر من الحيا
بدر:مو جنهم تاخرو هذول صارلهم ساعه بالضبط من نزلنا وللحين ما نزلو معقوله
دلال:صج تاخرو
رن تلفون بدر:هههههه لو طارين مليون مو احسن ع الاقل نبني فيه بيتنا مستقبلا
دلال رفعت حاجبها وماتت ضحك ع غشمرة بدر اللي ما يتوب عنها ووجها قلب احمر ورد بدر ع التلفون وهو يطالعها ومبتسم
بدر:هلا خويلد وينكم ياخي تاخرتو
خالد:حنا تونا نازلين انتو وينكم وين قاعدين
بدر:حنا بالكوفي اللي جدام البرج تلقانا قاعين ع طاوله خارجيه ع النافوره
خالد:يالله جايينكم
بدر يكلم دلال:كاهم جايين عفيا دلوله مثل ما اتفقنا اوكي
دلال بابتسامتها:اوكي


يتبع ..

 

[لفتة فرس]

وصلو
الكل:السلام عليكم
بدر + دلال:وعليكم السلام
خالد:يارجل طاااااااافك نص عمرك
عبدالله:اي والله طافك
بدر:اسالو هذي >>>وياشر ع دلال
ساره:دلوله شفيج ليش نزلتي
شيخه:عسى ماشر دلال
دلال(تكلمت بصوت عالي والكل قعد يسمعها):شسوي خفت ونزلت انا قايلتلكم مراح اركب بس انتو جبرتوني
ساره:انزين ليش ما قلتيلنا نجي معاج يعني شمعنا بدر؟
ساره شوي سؤالها خبيث واربك دلال اللي لاحظها بدر وحب يرقع الموقف لان دلال مو ناقصه ربكه
بدر:انا اللي كليتها انتو لمن طلعتو من الاصنصير كلكم استعجلتو ورحتو الا هي وقفت وانا من قرادت حظي كنت يمها وسالتها ليش واقفه وجلبت فيني بغت تبجي (عاد بدر قعد يقلدها ويبالغ شوي)تكفى بدر نزلني انا خايفه,,يابنت الحلال امشي قالت ما امشي نزلني قلتلها انزين بروح اقولهم اني بنزلج قالت لا لا تروح وتخليني والله ابتلشت عاد شسوي نزلتها
الكل:ههههههههه
ساره ابعدت شكوكها واستغفرت ربها ونقدت ع عمرها شلون فكرت هالتفكير وهي عارفه دلال انها تخاف من الاماكن العاليه
عاد قعدو يسولفون ويضحكون
شيخه للبنات:شرايكم بنات نروح للمجمع انتمشى فيه
ساره:خووووووش فكره
دلال:بس منو يقولهم
ساره:انا
لفت ساره ع الشباب:بدر ودنا نروح المجمع نتمشى شوي
عبدالله:لعنبو داركم ما يمديكم
ساره:ههههههه ياخي بدل قعدتنا نفتر شوي وقبل العشا
شيخه:شفتو حقارتكم وين ودتكم اتو ما تبون تودونا السوق باول الايام وجبتونا برجولكم لدبي مول
خالد:حريم ما ينقدر عليكم انتو حتى المجلس وصلتوله
الكل:ههههههههه
بدر:خلاص روحو بس حمني انت وتركي ووليد روحو معاهم حنا بنقعد هنيه وبعد ساعه جذي بنلحقكم عشان نروح للمطاعم اللي بالمجمع ونتعشى عشان نرد السكن
عبدالرحمن:ماشي
قامو البنات والعيال وراحو للمجمع وافترو فيه وع السعه تسع جوهم الشباب وراحو للمطاعم يتعشون ولمن طلعو تذكرو المترو وقرروا نهم يردون فيه بدل التاكسي وردو فيه بس قطهم عند سيتي سنتر وسكنهم قريب عنده ونزلو وراحو مشي لسكنهم
--------------------------------
بالليل الكل منسدح بفراشه بينام الكل نام الا دلال ما جاها النوم من التفكير قاعده اتذكر كل اللي صار ما تدري حلم والا صج فعلا كان مثل الحلم وبغرفه ثانيه الكل نام الا بدر كان مستانس من اللي صار هو كان خايف من ردة فعل دلال بس زين انها طلعت هي بعد تحبه وقطع حبل افكاره مسج فتحه والا من دلال(تصبح ع خير)
وردلها(وانتي من هله بس انتي للحين ما نمتي!)
دلال ردت(نفس حالتك وانت بعد ما نمت)
بدر صادته دلال وتوهق بس ضحك وردلها(انا من الوناسه ما نمت انتي ليش ما نمتي)
دلال(وانا بعد من الوناسه ما نمت مع ان كل اللي عندي نامو)
بدر(ممكن اعرف شنو اللي مونسج)
دلال(انت قول بالاول شنو اللي مونسك وبعدين انا بقول)
بدر(اللي مونسني اني اعترفتلج عن اللي بقلبي وارتحت لاني من زمان كان ودي اعترفلج بس متردد ,, ها قوليلي شاللي مونسج)
دلال(واللي مونسني ان اللحظه اللي كنت انطرها من زمان صارت)
بدر(شتقصدين؟؟اي لحظه)>>طبعا سؤال خباثه
دلال توهقت ما تدري شنو ترد وتعرف ان بدر يتغيبا وفاهمها بس يبيها اهيا اللي تقول وردت(يووووه لا تحرجني بدر انت فاهمني انا شنو اقصد)
بدر مات من الضحك ورد(ههههههه خلاص مراح احرجج بس والله انا ما كنت متوقع انج اتحبيني مثل ما انا كنت احبج وكنت خايف انج تعتبريني مثل اخوج وهذا اللشي اللي كان مخليني متردد قبل اقولج)
دلال(صحيح انا قبل اعتبرك مثل اخوي بس من وعيت ع الدنيا اكثر وفهمت تغيرت نظرتي فيك وصرت متعلقه فيك اكثر واستانس من اتصالاتك كنت اغار حيل من زوجتك وكنت اتمنى لو انا بدالها واللي ضايقني زياده لمن اعترفتلي بحبيبتك بغيت اموت وقتها بس لمن اشوف تصرفاتك معاي شلون تغيرت كنت احس اني انا المقصوده بس ما كنت ابي اعشم نفسي بس اللي صار اليوم ونسني) >>دلال قالت كل اللي بخاطرها بالمسج لانها ما تقدر تقوله وجها لوجه وتجراة بالمسج
بدر(اجل كل هذا كان بخاطرج وانا مادري بس خلاص مدام اتصالاتي تفرحج مراح اقطعهم)
ما ردت دلال ع المسج الاخير لانها جد انحرجت وما عندها رد وبدر لمن شافها ما ردت حط راسه ونام

نهايــــــــــــة البارت

ابي اشوف توقعاتكم للبارت الجاي
ان شاء الله راح انزله اليوم بالليل او باجر
الله اعلم​

 

[صعب الكلام]

وااااااااااااااااو

أخيـــرآآآ اعتــرفوا حــق بعــض

نـــأطرينج قلبـــي...

 

[محبة بوليود]

و أخيرا اعترفوا حق بعض
وااااااااااو
ناطرينج

 

[حنان امي]

كملي كملي كملي
نااااااطريــنج

 

[لفتة فرس]

نوووورررررتو بردودكم :eh_s(17):

ترقبوا الجـــــــزء الـســــابع بعد شوي بالليل
*

 

[لفتة فرس]

اسمحـــــــووولي بنات ماا قدرت أنزل البارت

صار عندي ظرف مفاجأ
(حالة وفاة)

ما أوعدكم انزل البارت باجر
بس ان شاء الله هاليومين بنزله

 

[حنان امي]

مسموووووحه
وعظم الله اجرج

نااااااااااطريييينج

 

[3thab 2lroo7]

حياتي عظم الله اجرج الله يجعلها اخر الاحزان يارب

واخذي راحتج حبيبتي احنا ننطرج باي وقت

 

[لفتة فرس]

مسموووووحه
وعظم الله اجرج

نااااااااااطريييينج

اجرنا واجرج يالغاليه

 

[لفتة فرس]

حياتي عظم الله اجرج الله يجعلها اخر الاحزان يارب

واخذي راحتج حبيبتي احنا ننطرج باي وقت

حبيبتي اجرنا واجرج واجمعين يارب

 

[لفتة فرس]

((((((((((((((((((((الجزء السااااابع))))))))))))))))))))))

الصبح ع الريوق
البنات قاعدين ع طاوله والشباب ع طاوله قريبه منهم وطبعا اللي مقعدهم ع هالطاوله بدر بس عشان يشوف دلال ع راحته وكان غالبية الوقت يطالعها ويضحك وهي ما خذت راحتها بالاكل حيل انحرجت وكانت يمها شيخه اللي ما انتبهت لنظرات بدر نهائيا لانها بعالم ثاني مع خالد اللي معطيها ظهره ولا درى عن هوا دارها
وبعد الريوق اتجهو للامارات مول عشان قرية الثلج ودخلو طبعا هنيه طاحت الميانه بالمره وبدت الفصله صج الكل قعد يصور والصور غالبيتها جماعيه ساره ما انتبهت لدلال وبدر وفصلتهم اللي مو طبيعيه لانها لاهيه مع غشمرة عبدالله كان بس يتغشمر وحيل سوالفه اتضحك والبنات يموتون ضحك عليه فكانت حيل شخصيته عاجبه ساره اللي فصلت اليوم وراح المستحا نوعا ما اما خالد طلعت شخصيته الحقيقيه وما كان ثقيل نفس دايم كان فاصل مع عبدالله وبس يتغشمرون ويتطنزون وشيخه انذهلت من شخصيته اللي انقلبت دايم يتثيقل وشكله غثيث بس اليوم اكتشفت العكس
وبعد ساعتين طلعو لانهم ماتو من البرد وقعدو يتمشون بالمجمع كانو بيدخلون السينما بس ما لقوا فلام حلو فقروو انهم يتسوقون

ابو بدر توه جاي من برى
ابو بدر:السلام عليكم
ام بدر:وعليكم السلام
ابو بدر:ما كلمتي اهل دبي
ام بدر:بلا مساع مكلمتهم بخير ويسلمون عليك
ابو بدر:انزين بدر شصاير بينه وبين مرته
ام بدر:شصاير؟
ابو بدر:مادري توه دق علي ابو منال يقولي البنت متحسفه ولو بغيتها تعتذر من رجلها بتعتذر ومن هالكلام بس انا فهمت ان بدر الظاهر انه مطلقها
ام بدر:مطلقها!!!! مستحيل متى وليش حنا ما درينا لا يمكن بس متهاوشين
ابو بدر:مادري بس الظاهر الموضوع جايد وانا ما حبيت ابين له اني ما ادري عن شي قلتله انا مشغول شوي واذا فضيتا كلمك انا بس كنت بتاكد من بدر
ام بدر:مادري دق ع بدر واساله بس لا تضايقه ولا شي خله يستانس بسفرته واذا رد يصير خير
اب بدر :ع خير
وبعد الغدا دق ابو بدر ع بدر وسلم عليه بدر كان يمشي معاهم بس لمن دق ابوه قالهم يكملون وهو بيلحقهم قعد ع الكرسي وعرف ان ابوه يبي شي
ابو بدر:بدر انت صاير بينك وبين مرتك شي
بدر:والله يبا موضوع طويل مو وقته الحين اذا ردينا افهمك الموضوع
ابو بدر:انزين فهمني حطني بالصوره مو تحطني امام الامر الواقع
بدر:ليش اشصاير
ابو بدر:ابو زوجتك اليوم دق علي يقولي نبي نحل المشكله وانا مافهمت عليه لاني ما ادري عن شي
بدر:يبا السالفه ان وانا بالمطار قبل اركب الطياره كنت اكلم منال وقلت ادبها معاي وقالت كلام محد يرضاه ع نفسه ولمن وصلت حدي طلقتها
ابو بدر:ما يصير يابوك انت توك ما صارلك حتى اربع شهور من تزوجت وبنات الناس مو لعبه تاخذ وتطلق ع كيفك مدام انك مو قد المسؤوليه ليش اتزوج
بدر:الحين قلبت الموضوع علي يبا البنت تقولي انت مو رجال وانا انغشيت فيك اشتبيني اقولها
ابو بدر:انا الحين ماني فاهم الموضوع بس اللي بيصير انا بناجل الموضوع لين تجي من السفر وكل شي بينحل ا نشا الله لان لو مهما صار ما توصل للطلاق
بدر:اذا جيت يصير خير
ابو بدر:ع خير ا نشا الله يالله سلملي ع ربعك
بدر:يبلغ يالله تبي شي
ابو بدر:سلامتك
راح بدر وهو حده معصب ما يمديه يستانس الا ويعكرون مزاجه مره ثانيه الحين تحسفت وطرشت ابوها يحل المشكله عاد المشكله فابوي اعرفه ما وده ينحرج مع الناس مادري شبيسوي
وصل بدر عند ربعه كانو البنات داخلين محل والشباب برى واقفين عند كشك وقف بدر عندهم وكان باين عليه العصبيه وطلعو البنات ومشى معاهم بدر ودخلو محل بس دلال تبطات ووقفت يم بدر
دلال:شفيك
بدر بعصبيه:مافيني شي
دلال طالعته باستغراب وحست انها تلقفت ودخلت المحل وهي تفكر اما بدر ما انتبه انه كسح دلال
المهم ع العصر طلعو ووراحو لسيتي سنتر وافترو فيه وتعشو وردو السكن والكل نام
دلال ما فيها صبر ودها تعرف بدر شفيه بس تضايقت لانه كسحها مساع فما حبت تناقشه وحطت راسها ونامت وقالت مصيري بعرف
اما بدر مو قادر ينام من التفكير يحاتي كلمة ابوه لمن قاله اذا رديت بنحل المشكله وانها ما توصل للطلاق هو خلاص ما صدق ع الله يفتك منها والحين ابوه بيتدخل والله يستر شبيصير وبالاخير قال بر انا الحين بستانس هنيه لانها لحظات مراح اتعوض واذا رديت يصير خير
---------------------------------------------------

يتبع >>>

 

[لفتة فرس]

صبااااح يوم جديد بدر قام ونسى كل اللي صار امس ودلال لاحظت انه متغير عن امس فما حبت تساله عن اللي صار واللي كان مضايقه المهم توجهو للسوق الصيني او سوق التنين بعد الريوق
عبدالله:بدر السوق كبير واحنا نبي اشياء معينه والبنات يبون محلات معينه فشرايك احنا بنروح بروحنا
بدر:تدري شلون انا عن نفسي مابي شي بمشي مع البنات وانتو روحو بروحكم واذا خلصتو بينا اتصال
عبدالله :اوكي
راحو الشباب بروحهم وبدر راح مع البنات طبعا غالبية الوقت ساكتين يدشون محل ويطلعون ويدشون غيره فكانو ما يتكلمون واجد وبدر كان يمشي بهدوء وساكت البنات شرو كذا شغله وع وقت الغدار احو للمطاعم يتغدون طبعا بما ان بدر هو الوحيد اللي مع البنات فقعد معاهم ع طاوله وحده وهالشي عادي عنده وعند البنات كلهم الا دلال كانت حيل مستحيه من اعترفلها بحبه لها صارت حيل تستحي منه وبدر ملاحظ هالشي بس يتعمد السوالف والغشمره بس عشان ما يحرجها وبعد ما خلصو غدا وقبل ما يمشون جوهم الشباب كان معاهم شوية اكياس حتى صغيره بس تفاجاو لمن شافوا لسله اللي فيها اكياس البنات
عبدالله:اوووووووله العن خيركم اشخليتو بالسوق
خالد:لا وهذا بعد بس بساعتين وما جو كل السوق
بدر:هههههههههههههه والله تقول مشفح جنه ما عندنا اسواق بالكويت
تركي:شوفو حنا ما معانا الا كم كيس ومستانسين انا شارين بعد
الشباب:هههههههههههههههههه
البنات انقهرو من طنازة الشباب عليهم وما عندهم رد يردون عليهم فكانو يطالعون وساكتين وبعد الغدا كملو شوبنق وهم بالطريق مرو كشك عنده كفرات تلفونات واستكرات واشاء حلو
بدر:دلال تعالي خنشوف المحل هذا
ساره:يوووووووه عاد بدر ودلال ولقو شغلات تلفونات شللي يخلصهم الحين
شيخه:لا بعد الدرب جدامنا طويل في محلات واجد جدامنا
دلال:هههههههههههه شسوي هذي نقطة ضعفي
وقفو عند الكشك وكانت خرابيطه واجد وقعد يطالعون
حنان:انا بروح للمحل هذا اوكي
ساره:وانا بعد
شيخه:حتا انا يالله
ساره:بدر احنا عند المحل هذا اوكي
بدر:يالله اوكي
بدر شاف كفر حلو عليه حرف ال D وعجبه
بدر:please excuse me show me this cover
عطته الكفر لف ع دلال وهو مبتسم:شرايج فيه حلو لتلفوني
دلال(بدلع):يجنن
بدر:اجل باخذه ع ذوقج يالله بس انتي ما تبين شي؟
دلال:امممم ما عجبني شي ,,,, وفجاه لفت نظرها نفس الكفر اللي خذاه بددر بس عليه حرف الB
دلال:بلا بلا ابي هذا
بدر:اي واحد
دلال:اللي عليه حرف الb
بدر:ههههههههههههههه تقلدين
دلال:ههههههههههههه
شرا بدر الكفرات ع حسابه ودلال راحت للبنات بالمحل
ساره:شنو شريتي دلول
دلا هنيه توهقت :كفر لفوني
ساره خمطت الكيس منها بسرعه:خل اشوفه
طلعته ساره وانصدمت انه عليه حرف البي
ساره(بشك):منو بي؟
دلال:بي اي بي انا شاريه ع حرفي>>>ما تدري شلون طرت عليها هالجذبه
ساره:بس هذا مو حرفج معطينج غلط شفتي شلون انقذتج روحي بدليه
دلال:لاااا انا شاريه ع حرفي وبدر ع حرفه اكيد تبادلنا الاكياس واحنا ما ندري
ساره:ههههههههههههههههه اجل روحي اخذي كفرج لا يروح عليج
طلعو البنات مع بعض واتجهو لبدر
دلال(وهي تغمز لبدر):ههههه بدر عطني كفري وهاك كفرك انا خذيت كيسك بالغلط
بدر(يكمل الجذبه لانه فهملها)فتح الكيس وطلع الكفر:لااااا اي والله هذا مالج ههههههه هاج
البنات:هههههههههههههه
مشو وكملو شووبنق بدر دز لدلال مسج ما كان يبي يكلمها جدام البنات عشان محد يسمعهم
بدر(شالسالفه؟)
دلال(ساره شافت الكفر معاي توهقت مادري شقولها جان اقولها اني انا شاريه ع حرفي وانت ع حرفك بس تبادلنا الاكياس بالغلط)
ووع المغرب صارو فارين السوق كله وخلصو طلعو وراحو مطعم بشارع الرقه صلوه ع الساعه 7 وقعدو سوالف وضحك وغشمره لي العشر وتعشو وردو
____________________

يتبع >>

 

[لفتة فرس]

اليوم الاخير بالسفره ما صارت فيه احداث تذكر طبعا الشباب طلعو بروحهم وبدر والبنات بروحهم راحو يتسوقون باماكن معينه
من باجر قامو الظهر وجهزو اغراضهم واتجهو للمطار كانو فاصلين بزياده والميانه طايحه بين الكل بس كانو مشتاقين للكويت واهاليهم فكانو مستانسين بالرده دخلو جناطهم وقعدو بكوفي يسولفون
بدر:يالله شوفو بما ان الحين بنرد ابي كل واحد يقولي شرايه بالسفره بكل صراحه وشنو الشي اللي عجبه وشنو الشي اللي ما اعجبه اوكي يالله نبدي من اليمين عبدالله
عبدالله:والله بصراحه السفره حلوه ووناسه بس خربها شي واحد
حنان:لا تقول السوق بعد
عبدالله :بلا بقول السوق
الكل:هههههههههههههههههههه
عبدالله :بس بشكل عام عمري ما سافرت سفره عائليه حلوه مثل هالسفره
بدر:وانت تركي
تركي:شوف انا انظم لراي اخوي عبدالله فاللي خرب ع السفره السوق(ولف ياطلع البنات ويمكل)موتو حره
بس صج حلوه وناسه
لف بدر ع عبدالرحمن يطالعه
عبدالرحمن:شوفو بالحقيقه والواقع
خالد يطقه ع كتفه:فكنا من فلسفتك الزايده
عبدالرحمن طالعه بنص عين وكمل:حلوه واللي محليها ان ما معانا حريم كبار يحاسبوا ع الطالعه النازله بس اللي خربها ان معانا عنصر نسائي يعني لو شباب بس جان صارت ويييييه احلى بواجد
حنان+دلال+شيخه+ساره:لا والله احنا شسوينالكم واصلا احنا اللي محلين السفره ولولانا جان ما سافرتو>>طبعا كله تكلمو بوقت واحد
خالد:احلى والله طلع منك شي عرفت شلون تضغطهم
ساره:هه جانا الثاني
عبدالرحمن:اشعلى بالك
خالد:والله انا من رايي ان احلى شي سويناه انا سوينا جدول للسفره من اول يوم وخلينا السوق اخر شي(ويطالع البنات ويضحك)
ساره:موت قهر فرينا بالسوق لين قلنا بس
وليد:والله السفره هذي احلى سفره سافرتها وحيييييل استانست
بدر:يالله الحين دور البنات عاد بنشوف رايهم
خالد:الله والراي
عبدالله:الحين يسوونلنا سالفه ع السوق
ساره:لو سمحتو عطونا مجال خنتكلم
تركي:اقول بلى تفلسف بس
ساره:جب جب انت عدال
عبدالله:هههههههههههههههه تكفون اسكتو خنسمع رايهم
حنان:والله طايحين من عينهم
دلال:الله يخليلنا بدر هو اللي واقف بصفنا
ساره طالعت دلال وما تدري ليش طالعتها
خالد:هذا من صجج هذا واقف بصفكم هذا بس يجامل
دلال:لا ما يجامل شرايك بدر
بدرر:ما عليكم منهم هذول بس يضغطونكم
عبدالله:تكلم نصير المراه
بدر طالعه بنص عين ولف ع ساره:يالله سارونه كملي ما عليج منهم
ساره:السفره عجييييبه بس لو المده اطول تكون احلى
حنان:بالعكس المده زينه والسفره ما عليها كلام صج تغيير جو
شيخه:اي والله اهم شي تغير جو ووناسه والسفره صج حلوه
بدر لف ع دلال وهو متشفق ع رايها
دلال:انا عن نفسي السفره تهبل ومراح تتكرر واحلى سفره سافرتها بحياتي وخصوصا في اشياء صارت مستحيل انساها بس لو رايحين بسياره مو احسن>>كانت اتطنز طبعا
بدر وعبدالله وخالد والشباب الصغار والبنات:هههههههههههههههههههههههههههههههههههههههههههههههههههههههههههههههههههه
خالد:طالع هذي شتقول
عبدالله:لهدرجه خوافه
بدر:هذي نزلتني من برج خليفه الله يستر جان ما نزلتنا كلنا من الطياره
دلال:والله السياره احلى تراهنون
عبدالله:لا والله بالهشي صاجه السياره احلى بس لما تكون شبابيه يعني شباب ما معانا بنات ونكد والا شرايك خلود
خالد:عز الله انك صاج
دلال:هه شفتو ما تقدرون علي
خالد:احلى يالواثقه
عبدالله :اقعععععد
دلال:ما علينا منكم انت بدر كلنا قلنا راينا قول انت رايك
الكل لف يطالع بدر باهتمام بما انه هو صاحب الفكره
بدر: والله شوفو بما اني انا صاحب الفكره فاكييييد عاجبتني لاني كنت متوقع لو نروح روحه شبابيه من غير عوايل وجهال وعوار راس اكيد بتكون احلى بس اللي ما تعرفونه ان هالروحه كلها عشان شخص معين
الكل استغرب ودلال وجهها صار احمر وارتبكت بس محد انتبهلها لانهم انتبهو لبدر وينطرون رده
بدر:ما قلتولي منو
الكل:منو
دلال قلبها زادت نبضاته وقالت شكله بيبطها وبنكشف وزادت لمن شافت بدر يطالعها وهو مبتسم بس طبعا ما بين لاحد لانه كان يطالعهم كلهم
بدر:انا طبعا
الكل:ماااااااااااالت
بدر:هههههههههههههههههه عليكم واحد
طبعا بدر كان قاصدها وجنه يبي يوصل لدلال ان هذا احلى شي بالسفره ودلا بعد كانت تقصد كلامها ووصلتله رساله لمن قالت مواقف صارت مستحيل انساها وهو فهملها
بدر: يالله تبونا ندش
الكل:يالله
دخلوا لطياره بس كانت ثلاث مقاعد وثلاثه فاصلهم ممر خالد وعبدالله وتركي قعدو يم بعض وساره وبدر ودلال يمهم ووراهم حنان وشيخه ووليد اما عبدالرحمن كان يمهم بس جنبه رجال وزوجته
طارت الطياره وبدر يعلق ع دلال ويضحك عليها لانها خايفه ويلف يكلم الشباب اللي قامو يعلقون ويتطنزون عليها بس يضغطونها دلال وصلت حدها وغمضت عيونها عنهم اما ساره فكانت ميته من الضحك عليها
دلال:انتي بعد تضحكين ها
ساره:شسوي انتي تضحكين
دلال:لا والله انتي اللي ركبتيني عند الدريشه ووهقتيني
ساره:يا سلااااام لا تقلبينها علي انتي اللي قعدتي عند الدريشه لمن دريتي ان بدر بيجي وقلتيلي اقعدي عنده والا تنكرين
دلال:لا لا ما انكر خلاص بدليني ما اقدر اتحمل المنظر
بدر:هههههههههههههههههههههه
ساره:لا والله جهال حنا الحين اللي يشوفني بيقول هذي الظاهر اول مره تسافر وتبي تقعد عند الدريشه
دلال:يووووووووووووووووه يا غثج انزين شسوي الحين
بدر:سكري الريشه
دلال:هه هذي الحلول مو انتي
ساره لفت تطالع الشباب اللي قاعدين يمهم وتضحك اللي هم عبدالله وخالد وتركي وهو طبعا يضحكون عليها بس ما كانت ماخذه بالها منهم بعالم ثاني
جتهم المضيفه
المظيفه:لو سمحتي افتحي الشباك ممنوع تأفليه
دلال:ها
بدر:هههههههههههههههههههه
المظيفه وفيها ضحكه:مالك فيكي ايه اتبلهتي كده؟
دلال:ليش افتحه مابي اطالع المنظر
المظيفه:ههههههههههههه بالعكس ده احلى منظر وخصوصا وقت المغيب
دلال:بلاج ما عندج مثل قلبي
المظيفه:ايه؟
بدر وساره:هههههههههههههه
دلال:لا ولا شي ان شاء الله بفتحه وامري لله
بدر لف ع الشاب:تقولها بلاج ما عندج نفس قلبي قالتلها المضيفه ايه
الشباب:هههههههههههههههههههههههههه
عبدالله:بدر
بدر:هلا
عبدالله:تكفى خرعها قولها العاده ما يقولونلنا افتحوه اكيد الحين فيه شي
تركي:ايه ايه تكفى اضغطها نبي نضحك عليها
بدر:اجل اسمعو
بدر:تصدقين دلال عمري وحياتي ع كثر سفراتي ما عمرهم منعو تسكيرة الدريشه اكيد الحين فيهم شي
دلال:لا عفيا لا تخليني الحين اطب منيه
الشباب:ههههههههههههههههههه
دلال:صج اول مره يقولون جذي يالله الله يستر بس
ساره:حرام عليكم بس دلال والله ترى يضحكون عليج
دلال:يضحكون ويقعدون والله توبه معاد اسافر بطياره
بدر:مو بكيفج
دلال:اجل بكيف منو ان شاء الله
بدرطالعها بنص عين وضحكه وما تكلم فهمت قصده ولفت جنها تقول حدك فاظي ومو وقتك بدر مات ضحك
واخيرا وصلت الطياره ع خير ونزلو كانو مستعجلين مشتاقين لاهلهم والكل يمشي بسرعه وساره تكلم خالد لقتها دلال فرصه اتجهت لبدر اللي كان يمشي بروحه
دلال بصوت واطي:مشكور بدر ع السفره
بدر:ما سوينا شي وعشانج اسوي كل شي
دلال اكتفت بالابتسامه لانهم طلعو وشافوا ابوهم برى وكل واحد راح البيت وارتاحو عقب تعب السفره

نهاية البــــــــــــــارت​

 

[صعب الكلام]

وااااااااااااااااااااااااااااااااااااااو

ررووعه ياحلو بدر والله حبيته

ناطرينج

 

[3thab 2lroo7]

تسلم الايادي حبيبتي والله الروايه عسل مثلج

اتوقع ابو بدر بيخلي بدر يرد زةشته وحاسه تنها هالمره راح تحمل و دلال راح تحاول تبتعد عنه

بانتضارج يا حلوه

 

[بنوتة الامورة]

رواية وااااااااايد حلوة تسلم ايدينج
بانتضارج يالغلااااااا