البق ...وشلون نقضي عليه

[مواضي]

بنات الله يعافيكم وشلون نقضي على البق ماخليت شي ماسويته
حتى الاثاث وقطيناه ورش ورشينا واختفى مده والحين تو لقيت كم وحده وهو بسرعه يتكاثر الله يوفقكم من صارمعاها جذي
وقدروا يقضون على البق :eh_s(2):انجدونا :eh_s(16)::eh_s(16)::eh_s(11):وعطوني حلووووول

 

[ام جي جي الحلوه]

ما حبيت اطلع بدون رد
ان شاء الله البنات يفيدونج وتلقين حل

 

[استكانه1]

حبيبتي في عجين بسيتي سينتر حق النمل والحشرات ووووووايد زين ,,
وعندج بعد شركات مال الحشرات اهم ييون يسون بالبيت ويحطون عجينه مالتهم
والله يعينج,,,

 

[مواضي]

جزاكم الله خير
بس الشركات جربناها بدون فايده
االي تعرف وصار بيتها بق او احد تعرفه تقولي وشلون قضوا عليه
المشكله بنهار مافيه وعلى اساس خلص من البيت البارح باليل
مريت على عيالي بغطيهم الا لقيته عليهم تخيلوا الصدمه ومادري منين جاي
3 شهور نكافح فيه وحتى الاثاث وسراير عيالي حذفتهم وتعاملنا مع الشركات واخرتها بدون فايده
فيدوني الله يعافيكم قولولي شاسوي

 

[نفيخة]

مواضي حبيبتي انصج بالغاز هو اللي قضي علي البق في بيتي
اول شي لازم تعرفين وين اماكن البق وهو يكون مثل النقط السود هذا بيضها وحاولي تقطين كل الفرش والمخدات والاثاث اذا غالي رشي عليه الغاز وخليه بالشمس لان البق يموت بالشمس والغرف اللي فيها بق لازم تهجرونها يعني طلعي كل شي بالغرفة وتخلينه بالسطح بعد ماترشين عليه الغاز ولازم تمسحين الطوف والارضيان اذا كانت سراميك بالكرولكس الابيض
ولازم تهوين الغرف بطلي الدرايش لان الحين الجو حار من الساعه 7الصبح الى الساعة 3 العصر كل يوم
انا عانيت منه مدة 5شهور والحين الحمد الله افتكيت منه
الله يعينج عيشنا في رعب حتى تمنيت اعيش في خيمه في البر ولا اقعد دقيقة وحدة في بيتي بس الحمد الله الحين مرتاحة وعرفت انام عدل
الغار موجود في محطة البنزين لازم تكون عندة مطارة او بطل عشان يعبونها لج غاز
اتمني انج فهمتي شرحي واستفدتي من تجربتي
اي سؤال حاضر لايردج الا لسانج

 

[مواضي]

والله يا اخت كل الي سويتوه حنا سويناه غاز وشركه وسراير عيالي كنت توني شاريتهم قطيناهم واثاث والمخاد والديباجات وكلشي فيه نقط سودا وعلى اساس البيت نضيف خلاص وكنت كل شوي اشيك على الاثاث اذا فيه بيض وماكان فيه شي الين قبل كم يوم لقيت وحده على ولدي ورجع الكابوس مره ثانيه والقا بسيب 2يمشون والله اني انصدمت والمشكله عيالي فترة امتحانات بس قلت خل ادور حل علشان نبدا بالحرب مره ثانيه

 

[مواضي]

سبحان الله وبحمده -سبحان الله العظيم

 

[كاجـــو]

الله يعينك امي كانت تعاني منه

اذا بيتك اجار اتركيه.....بجد معاناه


الله يكون بعونك

 

[مشاعر]

في بخاخ البق في الجمعيات
انا استعملته وصار البيت تمام ولابقه فيه
تبخين البيت كله وتصكرين الدرايش والتكيف وكل الفتحات وتطلعين من بيتج علي الاقل 3 ساعات
تالي تردين تغسلين البيت وتنضفينه عدل
ولازم كل اسبوع تسوين جذي
وراح يروح ان شاءالله

 

[مواضي]

الله يعافيج مشاعر شسم البخاخ مال البق واي جمعيه شريتيه منها انقذينا

 

[ليان الامل]

شوفي انا بقوولك طريقه
ان شاء الله تنفع معاك وتدعين لي
انا قريتها بشاات بدايه وجربتها
والحمد لله انتهت المشكله بعد معاناه طويله معااه
بخري البيت بفلفل احمرر حاار
خذيه وجففيه وبخري البيت فيه
بس لازم مايكون فيه احد بالبيت
وكل ماتبخرين غرفه سكريها
او وزعي المباخر بالغرف وحطي الفلفل وقفلي الغرف
لاني يخنق ويحررق بالحلق والعيوون بالمره ويكتممم
والله لو فيه ثعبان بالغرفه ان يمووت
جربيها وادعي لي

 

[مواضي]

جزاج الله خير ياليان طريقه سهله حيل انتي انفعت معج حق البق

 

[ليان الامل]

هلا اختي ايووه نفعت
والحمد لله لي فتره ماشفته
بس من جد انتبهي راح تختنقيين
انا مادريت عن هالنقطه الا بعد مابخرت
وكنت بالبيت وزوجي بالدوام
وبناتي نايميين
بغيت امووت من حراره الفلفل بعيوني وحلقي
بس النتيجه ميه ميه

 

[مواضي]

جزاج الله خير يا ليان وان شاء الله راح اطبق والله يستر
وان شاء الله تكون النتيجه حلوه

 

[pink ink]

فيه طريقة مرة حلوة و مافيها ضرر المبيدات الحشرية والاذية
ازرعي ريحان عندك في البيت اذا تقدري في البلكونة او اذا عندك حوش واذا مافي حطيها على الشبابيك من برا
وكل يوم خذي كم غصن و وزعيهم تحت الكنب وفوقه ومرتبة السرير والمخدات وانثريها في كل مكان
مافي زي الريحان يقضي على البق ويمنع رجوعه نهائيا
المبيدات تنفع فترة وترجع المشكلة مرة ثانية بمجرد انتهاء مفعول المبيد
هذا غير الخوف من الضرر من المبيدات خصوصا البيت اللي فيه اطفال الله يحفظهم
بس الريحان طول ماهو في البيت ماتقدر حشرات البق تعيش فيه وريحة حلوة ولا منه ضرر
حاولي يكون موجود عندك على طول
خذي كم شتلة جاهزين و استخدميهم فترة وبتشوفي ان شاء الله مشكلتك تنتهي
لاتنسينا من دعواتك الطيبة لي ولك ولكل المسلمين

 

[مواضي]

بينك انك جزاج الله وماقصرتي يالغاليه
وان شاء الله بسويها

 

[super star]

يختي قبل مانعرف هالحشرات

الحين ذبحتناااااااااااا الظاهر من الحر

حتى البق قام يطلع لنا

وانا مثلج اعاااااااااااااني زهيويه وبق

ماخليت شركه ماخليت عجينه ماخليت مبيد

الله يفكنا منهم على خير

 

[مواضي]

ايوالله ذبحونا ها الحشرات بس على الاقل الزهيوي ينفع معه الرش والمبيدات بس البق
الحين صارلي اكثر من 6شهور اكافح ومايموووووووووت يرجع مره ثانيه والله ذبحنا

 

[Strawberry Flower]

اغلب البيوت في الكويت تعاني من هالمشكله واحنا بعد ملينا لدرجة كرهنا البيت منه
بالنسبه للاخت اللي قالت ابخر بالفلفل عادي اخذ الفلفل المجفف بالجمعيه او البودر والا لازم انا اجففه
وبالنسبه للاخت pink تقصدين الريحان والا المشموم وبالنسبه للريحان احصل شتلاته عند المشاتل انا شايفه المشموم واللي يعافيكم ردوا علي حتى لو عالخاص

 

[مواضي]

سبحان الله وبحمده سبحان الله العظيم