جيل الستينيات ...وينكم؟؟؟؟

[new woman]

ام خالد مختفية وفطوووومة

وحرام انا شفتك من الصعب انها اتصادف أحد

صج اليمعة حلوة سواء كانت بالنت أو في البيت

 

[الغاليه ام احمد]

تسولف لي عن الضيقه وانا كلي ألم وأحزان
وأنا من وين ماناظر بعيني شفت ضيقاتي


تسولف لي عن الضيقه وأنا عنوان للحرمان
دخيلك لا دخيل الجرح لا تكشف معاناتي

دخيلك لا تشجعني أسولف وأكسر الكتمان
تعبت من السكوت اللي تعود يسكن بذاتي

العالم الله مافيني شبر يضحك فرح وأشجان
وأنا لو جيت ابضحك لك أجيك أضحك بدمعاتي

حياتي شعرن وشاعر وجمهوري بقايا انسان
ونقادي زمن قاسي ولا يفهم كتاباتي


أناظر للبشر حولي أحد يضحك أحد طربان
وأنا صعبن علي أضحك أسايرهم بضحكاتي


عجزت أكذب على نفسي بفرحه ما بها ألوان
وحزني ما عجزعني بدا يرسم نهاياتي



طريقي صعب وجروحي كثير وداخلي ضميان
أبي لو يوم واحد أحاول أجمع شتاتي

أنا قصه تبعثرت وتطايرت بزمن خوان
تعلمت أخسر البسمه وأداري عضة شفاتي

أبكتب لك وبالخط العريض وريشه الفنان
أنا الخسران توقيعي وانا الخسران بصماتي

أكمل لك عن الضيقه اكمل لك عن الأحزان
تأكد لو بكمل لك تصيح وتطلب سكاتي

 

[new woman]

دايما اقووووول خوش اختيار حق ابيات الشعر

ياأم أحمد

 

[new woman]

ام أحمد اتشوفين حلقت متعب القلب علا قنادة دبي

امبيييييه صج الآثاث يعور القلب بس شكله من ميداس


فخامة وانا اعشق اللون الأبيض والفضي والثراياااات حدهم دمار

الحلقة تطلع كل يوم الساعة وحدة بعد أسامة ماعدا يومين الخميس والجمعة

 

[الغاليه ام احمد]

البنات مالهم حس اليوم

ام خالد عندها زوار من البحرين

وفطوووومه وام حمنو ما ادري اشعندهم

 

[new woman]

اقول عندج اكاونت بالفيس بوك أو تويتر === يعني احنا من جيل العشرينات

اتصدقين انا عندي اعرف حق الفيس بوك

بس التويتر ما عرفته صعب

 

[new woman]

وعندي ايميل بصراحة الأيميل يمشي الشغل خاصة حق الحجوزااات احس ضرورةي

بس الباجي ماله داااعي

 

[الغاليه ام احمد]

لا والله ما عندي

وما اعرف الا الواتس اب بالاي فون

واقول للعيال علموني على التويتر بالاي فون

بنتي تقول اذا ييتكم اعلمج واذا يت تروح وننسى السالفه

وانا عندي اميييل بس ذاك اليوم ادش عليه وادخل الرقم السري ما يشبك قالولي اكيد مبيوق وبسوي غيره

 

[ام حمنو]

اسعد الله اوقاتكم بكل خير

 

[الغاليه ام احمد]

اهلا وسهلا ومرحبتين

هلا ام حمنو

وينكم اليوم متاخرين

شخبارج وخلصتي التجهيز للملجه

 

[new woman]

يا هلا باللي لافا من بعيييييييييييييييد

حياج الله ام حمنو

قرقت علا أم أحمد لما دوخت راسها جنها بتاخذ بندول مني

 

[الغاليه ام احمد]

حرااااااااااام عليج ام عبدالله

بالعكس سوالفج حلوه قعدت راسي

 

[ام حمنو]

ام عبد الله شلونج وشلون العيال الله يوفق بنتج وتنجح ويسخر ابوكم وتسافرون تغيرون جو


هلا وغلا ام احمد عسى الله يوفق دلوله وتييب نسبه

انا شفتك الله ينجح بنتج ووفقها

العيوووووف الف مبروك تخرج بنتج والله يحفظ ولدج وتفرحين فيه معرس

 

[ام حمنو]

هلا فيكم حبايب قلبي

تجهيزات الملجه تقريبا خلصت بس تجهيزات حفلة التعارف

قبل شوي ردينا من البيرق بنتي الكبيره راحت خذت ساعه وقلت اشوف لي بدله بغيت تيير محترم ومقاس كبير

عورتني ريلي من اللويه

 

[new woman]

الحمدلله الكل بخير

بدأت حقلة مطلوب رجال

منو متابعها ؟؟؟ أنا حلقتين اتابع بالتلفزيزون متعب القلب --- ومطلوب رجال خوش حلقات شوفوها

 

[الغاليه ام احمد]

ام عبدالله متعب القلب جني عارفتها

ذكريني فيها

 

[new woman]

الللي فيها هيا عبدالسلام ومحمود بوشهري التصوير بالأمارات واهيه من عايلة غنية

ومحمود مخرج سينمائي

 

[الغاليه ام احمد]

اي عرفتها

اللي هيا تتزوج بو شهري وهو ما اييب عيال

 

[الغاليه ام احمد]

تصبحون على خير

 

[فطووومة]

السلام عليكم


شلونكم خواتي


والله انا موجودة بس مادري شفيه الموقع كله معلق ذبحني :d