اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[^noonaa^]

صباااح الخييير

شلوونكم بناااات


مجنونه حبه


الصوور رووعه ماشاءالله

سوده

الله يعينج عالحمل وريحي نفسجكثر ماتقدرين

 

[عيد الفرح]

بنات انا متابعتكم بس ماشاركت مع اني كل سنه بامريكا ودي اشارك اليوم بموضوع محد تطرق له
الحين رتبنا حجوزاتنا لامريكا وجهزنا الهدوم والجناط والفيز وكلللللل شي بس بقى شي مهم ماتجهزناله
الاخلاق والتصرف الحضاري بالسفر
اقولكم ليش لاني بالسفر الاحظ ان بعض الخليجيات يكونون قمة بالكشخه وعيالها لبسهم كللللله ماركات بس تصرفاتها ماتدل على اي رقي وذرابه
مثلا اذا مرت خليجيه صوبها تقعد تخزها من فوق لي تحت ا
والله يابنات صارتلي مواقف استغرب وقتها شلون هالناس تسافر وماتعلمت من السفر شلون ترتقي باخلاقها
مااطول عليكم ابي كل وحده فيكم تقولي اذا مرت صوب خليجيات او كويتيات وقعدو يخزون ويطالعون شلون تتصرفون
انا عن نفسي ولا حتى التفت حتى لو رفعو صوتهم وقعدو يتكلمون عشان يلفتون النظر لهم عااادي اسولف واضحك مع عيالي وريلي ولا كانهم موجودين
وبالمقابل اذا شفت وحده ذربه تبتسمبتسملها واتعرف عليها لان هذي فايدة السفر ان الواحد يتعرف على علاقات يديده
انتو شلون تتصرفون ناطرتكم

 

[ملاك الشوق]

صح لسانج عيد القرح

والله انج صااااجه مشكله الخززززززز

قوولينا شرايج بامريكا وخاصه اورلاندو رحتي لها ولا لا انا بقعد فيها 14 يوم

 

[^noonaa^]

عيد الفرح

اييي والله صاااجه عااد ياااكررهه اللي جذي انا حيل اتنرفز من هالسوالف

ليش يعني الخز شدعوووه والله صج يبطون الجبد 

وعلى قولتج الواحد لازم يرتقي شوي

 

[wewe1234]

اليوم نزلت داخل سان فرانسيسكو عند بير ٣٩ مسويين جبره موسميه دايما اتكون موجوده لمده ٥ اشهر
دشوا وشوفوا الصور

http://www.q8yat.com/t787571-379.html

السلام عليكم حبيبتي اشلونج
حبيت اسال اول شي انتوا صارلكم وايد بأمريكا زوجج يدرس ؟:eh_s(2):
وشنو تقترحين علي وين اسكن بسان فرانسيسكو احنا بنطب فيها بتاريخ 30-6 امدة 4 ايام انتي قلتي السكن بره افضل لان جنوس وهوم لس ابي اقتراحاتج وين افضل مكان نسكن كعايله :eh_s(7):

 

[كويتية أصيله]

انا انشالله مساافره 16-6
وهذه المره الرابعه اللي اروح فيها امريكا

بس توني من 6 شهور متزوجه و للمره الاولى اروح مع زوجي

والمشكله الحين انا حامل بنص الشهر الثاني بالتحديد الاسبوع ال11

ولا دكتوره رحتلها راضيه اني اسافر
وحدي متوهقه

اي حبيبتي هذا عرف عند الاطباء اول جم شهر وآخر جم شهر ماينصحون فيه ....... بس إذا كان حملج مافيه مشاكل لاتخافين ماعليج إلا العافيه........ بس اهم شي حركي ريولج بالطياره حركه دائريه واصابع ريولج بعد وتحركي كل ساعه امشي ولا تحطين ريل على ريل واشترى من بوتس دلاعغات الضاغطه علشان تتجنبين جلطة الرجل الله لايقوله

 

[wewe1234]

اي والله يابنات على سالفه الخز
السنه اللي طافت بالنمسا قعدنا بمطعم ويمنا كويتيات قاعدة اسولف مع اختي وريلي وعيالي اصلا هدو الاكل وقام يسمعون سوالفنا
ومرات لما اشوف خليجية وخصوصا :q8:كويتيه ابتسم :sfg:عشان بسلم تعنفش وتعفس بويهها وتلفه وتمشي :rgewrg: الله واكبر اشصاااير ليش جذي
امبيه
ومرة هم تجرأتت سالت وحده وين المكان الفلاني ردت بعصبيه مادري مادري

عاد شوفوا اي وحده بشوفها بامريكا يمكن تطلع وحده منكم وببتسم وبسلم اذا ماسلمت ياااويييلها:23_asmilies-com:


:dddds:

 

[كويتية أصيله]

الاخلاق والتصرف الحضاري بالسفر
اقولكم ليش لاني بالسفر الاحظ ان بعض الخليجيات يكونون قمة بالكشخه وعيالها لبسهم كللللله ماركات بس تصرفاتها ماتدل على اي رقي وذرابه
مثلا اذا مرت خليجيه صوبها تقعد تخزها من فوق لي تحت ا
والله يابنات صارتلي مواقف استغرب وقتها شلون هالناس تسافر وماتعلمت من السفر شلون ترتقي باخلاقها
مااطول عليكم ابي كل وحده فيكم تقولي اذا مرت صوب خليجيات او كويتيات وقعدو يخزون ويطالعون شلون تتصرفون
انا عن نفسي ولا حتى التفت حتى لو رفعو صوتهم وقعدو يتكلمون عشان يلفتون النظر لهم عااادي اسولف واضحك مع عيالي وريلي ولا كانهم موجودين
وبالمقابل اذا شفت وحده ذربه تبتسمبتسملها واتعرف عليها لان هذي فايدة السفر ان الواحد يتعرف على علاقات يديده
انتو شلون تتصرفون ناطرتكم

هلا والله فيج حبيبتي
شوفي انا وحده ابداً مااهتم انه في احد يطالعني يخزني واتصرف تصرف عاااااااااادي جداً ......

بالنسبه اشلون اتصرف مع الخليجيات .... ابتسم نص ابتسامه واشوف ردة فعلهم اذا ابتسمو سلمت وكملت النص المتبقي من ابتسامتي هههههههههههههههههه وبعض الساعات ممكن ينفتح باب للحوار على حسب الاشخاص ........ اما اذا اهما اللي ابتدو بالسلام ارد عليهم بصوت عالى شوي علشان اتاكد انهم سمعوني ....... اخاف مايسمعوني ويقولون قطيعه مايجه ماردت السلام........




بالنسبه لتصرف الحضاري سالفته سالفه........ وااااااااااايد ناس يحسبون لي كشخو ولبسو ماركات صارو حضارييين الحضاره تصرررررررررررف واخلاق

والله اني شفت ناس من تصرفاتهم عرفت انهم محدثي نعمه ...... على سبيل المثال لا الحصر كنا مسافرين اوربا و شاريه جنطه من lv وقبلي خليجه قاعده تدفع وانا عقبها بالطابور......إللي تبيع بالمحل قالت للخليجيه نطري دقيقه اسويلج ورقه التاكس فري علشان المطار .. تدرون شرت عليها الخليجه؟؟؟؟؟؟ انا مو محتاجه فلوس عطيها إللي وراي وتأشر عليي ....... جان اخزها خزززززززززززززه وعقب ماطلعت من المحل تأسفت لي البياعه عن اسلوب الخليجيه بالكلام حسيت فعلاً انها محدث نعمه..........

 

[رنا 2011]

يعطيكم العافيه
الا على طاري اللبس يقولون حررر صخه هالصيف صج
انا اول مره اسافر امريكا وبروح نيويورك وأورلاندو ويقولون حرررررر اللهما يا كافي
طيب شنلبس بهالحرر شهالورطه

 

[blues]

لازم نسوي تأمين عالسفر ؟!

,, و لما نأجر سياره يكون التأجير من اهني ولما من اهناك و شلون طريقتهم ؟!

وشرايكم باورلاندوا ونيويورك ؟!

وبالنسبه حق خطوط التلفون ,, وخدمه النت جم اسعارهم و شنو احسن الشركات تلفون عندهم ,, وخط الكويت لما اوديه امريكا ما يشتغل وحتى خدمه النت ؟!

وباورلاندو او نيويورك ينظمون رحلات سياحيه او شي جذي ,,

وشلون جو نيويورك هالشهر ؟؟

وشنو الولايات اللي يم اورلاندو تنصحوني اروحلها ,, ناس يقولون تامبا مدري شتطلع هذي اصلا !!

اييييييييييييييي

وسؤال اخير : ادري ثقلت عليكم بأسألتي السخيفه

اذا بنركب الكروز اشلون ؟! يعني احنا حاجزين حق كل المده بالفنادق ,, وهذي رحله الكروز جم تاخذ وقت ,, واشلون تكون بدايه انطلاقها و وين تنتهي ,, و صج تسوى ولا لاء ؟!

وصج مشكوورين واايد استفدت من تجمعكم

واللي تعرف اشياء حلوه من مجمعات و اسواق و مطاعم بنيويورك او اورلاندو تقول لنا

وشنو احسن فندق بنيويورك !!

 

[عيد الفرح]

اشكركم الي عرضوا رايهم عن سؤالي واحب اقولكم قبل كم سنه ماكنت اشوف بامريكا اللا الناس الكلاس طبعا قصدي كلاس بتصرفاتهم مو باللبس لان باللبس حدث بلا حرج الكل لابس وكاشخ
بس الحين اللهم ياكافي من يلمحون انج خليجيه يبداء الخز هذا اذا ماتعدى لاكثر من خز مثل قط كلام
انا العام الماضي كنت طالعه من فلم بديزني داوت تاون وقاعدين نسولف انا وريلي ونضحك على الفلم وكان قدامنا واحد سعودي وياه زوجته ( مع كل الاحترام لبنات السعوديه ) التفت علينا وقال لزوجته> قايلك اكيد كويتيين استغفر الله >ويطالعونا من فوق لي تحت
طبعا انا مو صغيره بنات بالعمر وكنت متحجبه وزوجته مو متحجبه !!!!!!!!!!!!!!!!!!!!!!!!!!!!!!!
ريلي كان بيتهاوش معاه بس قلتله اذا نزلت لمستواه يصير مافي فرق بينا وبينهم بالهلاقه وتعلم مني التطنيش ودايم يقولي والله كلامج صدج الواحد يتحاشى يطالع هالاشكال ويستمتع بسفرته الي قعد يخطط لها وينطرها
وسلامتكم

 

[مجنونة حبه]

السلام عليكم حبيبتي اشلونج
حبيت اسال اول شي انتوا صارلكم وايد بأمريكا زوجج يدرس ؟:eh_s(2):
وشنو تقترحين علي وين اسكن بسان فرانسيسكو احنا بنطب فيها بتاريخ 30-6 امدة 4 ايام انتي قلتي السكن بره افضل لان جنوس وهوم لس ابي اقتراحاتج وين افضل مكان نسكن كعايله :eh_s(7):

السلام حبيبتي
اي ريلي يدرس وصارلنا تقريبا سنتين اهني
بس انا الي اقصده السكن يعني العيشه مو سياحه
سياحه اي انصحج تقعدين بتايم سكوير لان المجمعات تحتج
وهومليس وجنوس يطلعون بعد ساعه تسع بليل لان كلشي يكون امسكر صوب البحر
فلا تحاتين حبيبتي
عالعموم في مناطق ثانيه مو بس داخل سان فرانسيسكو في بره الجسر صوب الجبال مناطق ثانيه سكنيه وجامعات
بس الي يحب يتمشى داخل سان فرانسيسكو يسكن داخل

 

[رنا 2011]

شلونكم قررربت السفره
تتوقعون اورلاندو تنفع لناس كبار يعني بدون اطفال
ولا بنزهق وبنمل
حيل محتاره وشايله هم​

 

[أم صالح]

رنا اذا أنتو كبار وحملهم خفيف روحوالوس أنجلوس لانها كبيره وفيها اماكن وخيارات وايد وجوها حلو اورلاندو بعد حلوه بس جوها حار*

 

[q8tiaa81]

قوة بنات قاعدين ولانمتوا انا صايرة جني خفاش ادش المنتدى بليل بس لوووووووول

 

[أم صالح]

الحال من بعضو حبيبتي

 

[واصله]

اشلونكم بنات
بنات اورلاندو ليش ما تاخذون كبابيس من حنان دشتي وايد حلوين يغطون الشعر كله وخامتهم صيفيه وفيهم سكارف ينلف عالرقبه خفيف وايد اريح من الحجاب خاصه حق الالعاب
انا خذيت معاي جم واحد ملوت اختي لانها جربتهم ووايد ارتاحت منهم وشعرها كلش ما يطلع هذا الحلو وشكله بعد حلو متفخ مو لازق بس حبيت افيدكم ياحلوين

سفرتي قربت بس كنت بسال الاماراتيه فيها نت؟

 

[q8tiaa81]

والله ياواصلة ماعندي وقت كلش خلاص سفرتي الاثنين وسكرت جناطي

 

[كويتية أصيله]

ما ادري ليش متلخبطه جني اول مره بسافر....... شكلى بسلم على اهلي يوم الأحد علشان الاثنين ما ابي اطلع من البيت باخذها رااااااااااااحه ما ابي اتعب عمري بلوية الشوارع بهالحر.........والجناط ما ادري مو راضيه تسكر كل شوي يطلع لي شي جديد ........ حطيت حق عيالي بيجامات قديمه وانا بعد حطيت لي بيجامات وقمصان نوم قديمه قلت هناك احذفهم واشترى جديد ....... ياربي من الحين احاتي الوزن.......


واصله

انا اول مره اروح على الاماراتيه........... انتي نفس وقتي ولا لأ؟؟؟

 

[ملاك الشوق]

الله يتتم عليكم السفره على خير

انا سفرتي بعد اسبوعين


شرايكم بنات كل وحده تقولنا شنو اهم الشغلات اللي حطتها بالجنطه

وهل امريكا مثل اوربا تحتاجين تاخذين بعض الكل انا لما رحت اوربا

خذيت معاي شاي وقهوه وبساكيت وبعض الشغلات