الآن الساعه الثالثه والنصف بتوقيت الكويت
وعرسي باجر ان شاء الله
وحبيت اسلم عليكم قبل لا اطلع
وان شاء الله الملتقى اول يوم زواره لي لبيت اهلي متى اي دونت نو
بس عندي كلاام بقلبي لااازم اقوووله قبل لا اطلع (الزعل مرفوض بالملتقى )<===شعار عرايس منتدى كويتيات
اول شي انا بصرااااحه من اشتركت بالمنتدى حتى هاللحظه ماتحسف الا على شلووون ضيعت وقتي بالمنتدى وماعرفتكم
بصراااحه كنتووو ونعم الخوااات ونعم الصديقااات ونعم البنااات اللي ينشد فيهم الظر
كنتووو بالنسبه لي شي كبييير ما اقدر اوووصفه ولا يمكن اقااارنكم باحد معنه كان بخاطري اشوفكم بس ان شاء الله نلتقي بالقريب العاجل
ثانيا :
نعنوووووعه احبج احبج احبج احبج هالبنت يابنات لحد يلووومني فيها الله عطاااها الغلااااا وعسى ربي يديم المحبه بينا والله يوفقج ان شاء الله
دلوووووعتي كنتي ونعم الاخت حبيتج من كل قلبي عسى ربي يوفقج وتتخرجين ويحقق لج اللي ببالج
سلطووووووووونه يا حيااااتي ماراح اوفيييج حقج بالكلااام عسى ربي مايحرمني منج يالغاليه وكان ودي تحضرين عرسي لولا ظروووفج عسى ربي يرحمها ويرزقها الجنه وان شاء الله تتوفقين بتجهيزج واهم شي يوفقج مع المسعد قولي امين
ميوووووسه ياعيووون عيوووني كنت احبج بس الحين تفجر قلبي بحبج ياحبي عسى ربي يوفقج وتخلصين دراستج وتتهنين وكل تأخيره فيها خيره ياعيوووني
حوووور عسى ربي يديم المحبه بينا والله يوفقج ويكتبلج مافيه الخير
يـــــــــااارااا الظاهر غيبتج هذا حضرتي الكتوووراه فيها مستحيل اقتنع انج صوب الدراااسه باختصار الدراسه متبريه منج واحبج احبج حبج وطولتي الغيبه
صفصف ياصفصوووفه حياتي انتي مستحييييييل انساااج محد كان يسهر معاااي تالي الليل الا انتي فديييتج والله لي ذكريااات انصاف الليالي معااج يابعدهم
ساااااارونه فدييييتج صرتي مادشين واااجد بس مااقول الا الله يريح بالج ويوفقج وتاخذين المركز الاول
ممتي ياحلوج وياحلو سووااالف يالدكتوووره دشيييت القلب سيده عسى ربي يوفقج ويسهل لج امووورج
فطووووووم باعرووووستنا ربي يتمم عليج فرحتج ويوفقج ويرزقج ان شاء الله
فنوووورا يافنر حياتي فديتج والله ربي يحقق لج اللي ببالج ويوفقج
زهووور-انسه منشن-مركب الامل-هاسب-شموووخ-جاب-انا والدنيا-ورووود عسى ربي يوفقكم ويهنيكم وييسر لكم اموووركم
باجي البنات اعذروني اذا نسيت احد
ما اقووول الا ربي يوفقكم ويرزقكم ويصلح مابينكم وبين ازواجكم وييسر لكم اموووركم ويريح بالكم قولووووووووووووو اميــــــــن
لا افجـــــــــــــــــــــــــر فيكــــــــــم قنابل وذخائر حيه وصواريخ واخرتها جراخي عشاان البنات النواااعم
بنــــــــات تكفوووون طالبتكم طلـــــب لا تردووووني
دعـــــــــــواتكم لي بان ربي ييسر لي اموووري ويرزقني ويوفقني ويصلح مابيني انا وزوجي ويريح بالي ويجمع مابينا عالخير والحب والموده ويبعد عنا عيووون الحساااد واجمعيـــــــــــن ان شــــــاء اللــــــــه
تكفــــــــــــون الله يشهد شكثر محتاجه للدعوه هذي
ترى فيني البجيه تعودت عليكم حبيتكم ومالي غناااااة عنكم يالغاليااات
استودكم الله استودكم دينكم وامانتكم وخواتيم اعمالكم
وعسى ربي يجمعنا عالخير والحب والموده
