زوجي عباله اني سيلانية بيتهم .. شسوي معاه

[بولندية]

الله يعينج و يسخره لج

 

[فنيسيااا]

عادييييييييييييي مثل زوجييييييييييييي
مع الوقت يفج انا توه ياللاه يرضا اروح مع خواتي ولا يرضا اروح يمعه بنات لكافيه او مجمع حتى لو مع خواته
ولي طلعني لوع جبدي
بس شتسوين
انا كان يطلعني البر تخيلي ماكو صحرا ولا لي وصلنا يقعد وما يتكلم كاني غاصبته
توج حبيبتي روس وم الوقت بلين ان شاء الله
ولا تشكين بريلج حرام والله شكله خوش ريال

 

[q8moood]

يحليلج ... تصدقين اني شكيت بعمري ان انا كاتبة الموضوع وناسيه !!!!!!!!

نفس حالتي بالضبط .. والله لو تحاولين من اهنى لي مية سنه .. هذا طبعه ماراح يتغير ..

انا عن نفسي انطره يسافر عشان اطلع والحين عقب العيال قمت اتعذر فيهم عشان مايتعقدون ..

عيشي حياتج وتكيفي مع الوضع ..

 

[ice mo0oca]

انا اول سنتين كنت مسجونه عنده حتى من كثر ماكان يمنعني من طلعتي مع اهلي انفجرت عليه قلتله شنو شقصدقك مو واثق فيهم والا شنو قصدك اهلي فيهم شي؟ قال لا محشومين والله انهم خوش ناس وانا موقصدي قلت لا امبلى فيهم شي والا ليش مااطلع معاهم خخخخخخ عقب قام يخليني اطلع عااااااادي ههههههههههه

 

[dectora 7elwa]

عاد ليش سيلانيه
فتره ويفج
اكيد توكم متزوجين

 

[هيبة ملك]

تكلمي معاه بهدوء

 

[زوجة عزيز]

بل نفس اللي عندي هذاني مجابله اربع اطوف الله يعينا

 

[علمتني حبك]

امبييييييييييييييييييييييييييييييه عروسه داجه جنج تتكلمين عني ورب الكعبة لا لا مو صج
وااااااااي احس ودي المج واعبر <<<< فلم هندي
انا نفسج بالضبط ريلي حده يونس اذا حاجزين شاليه او بمكان ما فيه ناس بس بالاماكن الزحمه يحسسني انه براد بيت وانجلينا جولي يدقق حيييييييييييل ولا بسمه ولا كلمه يحسسني ان الناس ما عندها شغل الا اطالعنا وتراقبنا وطلعاتنا شهريه ومستحيييييييييييييييييييييييييييل يطلب نطلع من نفسه لازم انا احن واترجى وكله ماله خلق او تعبان سينما عادي ومطاعم ابيه والله مصخره ما ابالغ كل 5 شهور يمكن مره كله هوم ديلفري وااااااااي يا بنات لو تدرون هالموضوع شكثر مسبب مشاااااااااااااااااااااااااااااااااااااااااااااااااكل بشكل مو طبيعي واذا قلت بطلع مع احد لازن بالشهر مره مو اكثر
احس صرت هيلقيه حتى لبس ما عندي يعطيني فلوس بس اقدر اصرفهم اذا رحت رحت مره بالشهر ولازم بالبوقه<<<<<<<قصه حياتي بس جد جد تعبت وما صدقت القى احد نفسي
ابيه حبيتج عروسه داجه بشكل مو طبيعي

 

[قطيف]

فترة و تعدي , ريلي كان أعظم من ريلج و تغير واااايد بعد السنة الولى و عقبال الباقي ان شاء الله

الصبر زين يختي

 

[نورعيونك]

الحين انتي عرفتى زوجج ونظامه مايحب الزحمه والاماكن الى فيها ناس
حاولي تطلعين اماكن مافيها ناس ولا الصبح اختارى وقت تكون ااماكن شوي موزحمه علي مايتعود

 

[شنكوروه]

حااااااااااااااولي معاه

بس اذا انتي توج متزوجه عاااادي


لانه اول الزواج حكره بعدين فرج لوووووووووووول



الله يسخره لج

 

[coralia]

الله يعينج ويسخر لج زوجج

 

[آزٍرٍيت آتوٍبهٌ]

,ََ

شوفي حبيبتي آنا زوجي تقريبآ مثل زوجج بس آلفرق آنه يطلعني عآدي

آنتي قولي له آنا عندك مآآطلع يعني آسبوع كآمل قآعدده مستخسر علي آني لآرحت لآهلي آطلع معآهم آتمشى

آنا مو كل يوم آتمشى بس لآجيت لآهلي يعني آسبوع كآمل قدآم عينك من حقي آروح لآهلي وآسير عليهم وآنام عندهم

مثل مآ آنته لك حق علي آهلي بعد لهم حق علي وآبي آستآنس معآهم وبآلنسبه آذا طلعتو يتلفت ويسير رسمي آكيد لآنه مومتعوود

ترى آنا زوجي كآن يعي آطلع وآتمشى آلحين سآر يسكت عني لآني علمته آن آنا وآهلي جذي لآزم نتمشى ونطلع وعودته على

طبعي .


وبآلتوفيق حبوبة


,َََ​

 

[انصاريه قمره]

والله ما عندي حل لي لقيتي الحل بشرينا انا صارلي 3 سنين وهذا وضعي ما تغير

 

[كارلوفي فاري]

ترا اغلب الرياجيل جذيه بس نصيحتي لاتعودينه انج تدورين الطلعات مع اهلج ترا تمر السنين وتلقين نفسج حتى طلبات عيالج يبيج تقولين لاهلج يقضونها
انا عن تجربه صبري عليه وشوي شوي راح تكسرين هالحاجز اللي هو حاطه يعني اذا مايحب الطلعات خلي يوديج مشاويرج خياط صالون زواره المهم خليه يعرف انه ملزوم بمشاويرج حتى لو يتاخر وما يوديج الا بعد فتره طويله هم ميخالف لانه والله بالاخير راح تلقينه تعود وعرف انه ملزوم منج ومافي احد يتكفل فيج اما اذا عودتيه على احد يوديج ترا والله بعدين تتعذبين معاه

 

[نـعـومـه]

طبع ريلج حجر صج ما أيد هالشي بس هم موشي غريب

وانا مالومج لانج متعوده بيت اهلج كله طلعات وحاولي تخلينه يطلعج بس بظروف زينه

وخواتج مع الايام بيرضى وخصوصا اذا يبتي الياهل

 

[اميره1980]

حبيبتي احسج مهوله الموضوع كله حتى عنوان مشكلتج تهوين و اسم اشتراكج تهويل ليش جذي؟ سايسي ريلج و راح يعطيج اللي تبين بس لا تصيرين مهوله جذي

 

[دمثة]

الله يكون بعونج
ويسخرة لج

 

[قلبي عبدالله]

هذي يسموها ربشة وخرشة العرس مايبيج تطلعين قابلني وقابلك

خيرته يطخ والانظمه اللي مسويها تسقط ويفك عنج الحصار

 

[السيده ام حسين]

حببتي انا مع نفهما صح
والله في هالزمن الرجل يصير كذا افضل حلاتها كذا وثانيا حببتي توك متزوجه بعدين يتغير مع العيال
هذا النوع من الرجل تثقين فيه لو خرج برا البيت