عرايس ما بعد الولاده ، تعالي وشدي الهمه معانا

[toofaa79]

هلا ليدي وصج سوري نسيت اباركلج والحمدلله على سلامتج سامحيني مومنى من هالجهال الله يخليهم

 

[.:lady bug :.]

الله يبارك بعمرج ويسلمج ي حياتي
معذورة ي الغاليه الله يصلحهم ان شاء الله
حبيبتي فديتج

 

[قمر 28]

مرحبا بنات مبروك للوالدات والفال لنا ان شاء الله انا باقيلي كم يوم وادش التاسع بس ماقدرت اجهز لبعد الولاده لان انا مسويه ربط ومااقدر امشي
بس سويت جدول للشغلات اللي ابيها وراح اقدر اخلص شغلي خلال فتره الاربعين
اول شي القمصان بطلب من النت لان طلبت قبل من وحده معانا يهبلون وارخص من السوق بواجد نفس ملوت محل روج اذا تعرفونه
العطور معروفه فرنسيه وكم عطر عربي
الصالون بروح اصبغ شعري عند صالون بنت السلطان حيل يمدحونه
الحمامات عند رمادا ولا حياه بلس يهبلون
بدله الاستقبال عند مشغل يهبل بالجهره عروس الكويت يهبل
الدراريع العاديه من العربيد او حريم اشوف
ماادري اذا ناسيه شي
ايييييييييييي اهم شي خلطه الوجه للتبيض لوجهي ابي استخدم خلطه من حرمه
اما جسمي ورقبتي امي تجيبلي كريم مو من الكويت احطه يجنن يبيض خلال اسبوعين
العبي بروح افصل في الفحيحيل وبس اذا تذكرت اقولكم واي شي تحتاجونه من الجهره اسالوني:rerrerek::rerrerek:

 

[زبدة ككاو]

انشألله أنا ناوية إشرب قشر القهوة مع خلطة القهوة ..
ولمما أتم اسبوعين بجرب خلطة ماي ورد مع جهاز المساج للبطن
الشعر ادهنه بخروع وجرجير بس انشألله ما أنسئ !!!!!!
ودي أجرب البيو أويل للسترتش مارك

 

[Violetta]

امس سمعت معلومه في حبوب اعشاب عند الحواي الحريم يستعملونهم حق فتره النفاس تنظف و تضعف و موجوده عند كل العطارين
وحده من صديقات خالتي استعملتهم

 

[.:lady bug :.]

قمر يعطيج العافيه ي قمر
وهالمشغل وايد ابعيد ماتنزل معارض

وزبدة الله يوفقج وتطلعين احلى عروس

و فواليت الحبوب وااايد ينخاف منها القشر اضمن
واكييد قريتي عنه بالنت وشفتي فوائدة
ابركلج من الحبوب

 

[Violetta]

اي القشر خلاااص قررت انشالله لمى الله يسهل و اوولد بستعملها

 

[.:lady bug :.]

الله يسهل عليج ياارب طمنينا عاد
والقشر اشتريه من الحين عساس ماتنسين
و ادويتج وكل اغراضج عساس ماتنسين منهم شي

 

[عذوق]

الله يسهل علينا كلنا يااارب وترزقنا بالذريه الصالحه

انا عن نفسي شريت كم قميص نوم قبل كم شهر وعندي ٣ دراريع استقبال من تجهيزي ما لبستهم جداد لاني كنت مسويه شكثثر دراريع وبدل

بسوي ثنتين بعد وبفصل عبايتين وبشتري كم بجامه والعطور باخذ من الجزيره اثنين وباخذ اثنين فرنسي ومن اجمل باخذ دهن عود

اممم

بعد اي بجامات باخذ كم وحده من لاسنزا وسنتر بوينت

باقي النيو لوك

بصبغ شعري في جاك اللي بمشرف صح غالي بس ع الاقل اسلمهم شعري وانا مطمنه
وبساوي شعري مابي اقصه

وبسوي حمام مغربي قبل لا اطلع

اما المكيااج مايحتاج اشتري كل مارحت سوق اشتري واقط بالكبت شكثر عندي شغلات ما استخدمتها
يمكن اشتري عدسات بس


وبث


شرايكم بتجهيزي ؟؟؟

 

[.:lady bug :.]

عذوق الله يسهل عليج ويقومج بالسلامه
وحلو تجهيزج الله يسهل عليج

واستمري وخلصي شغلي والله بترتاحين ي قلبي
واقري الموضوع وشوفي شناقصج

تر في تناتيش نغفل عنهم واهما اهم شي

اي خلكم جذي ي كروشات عساس النفاس ترتاحين
وترخين وترتاحين

 

[ورد و ريحان]

كأن مركز المسيله مسويين عرض عالعدسات
٣ ب٨ ونص بروح اشوف سالفتهم وابلغكم
وشريت من المنصور رموش ١٠ حبات ب٣ ونص
وانتي تختارين بكيفج طويل او قصير
كثيف او خفيف يعني اللي تبينه
مكياج ما ابي اخذًشي
لان عندي واجد كل ما رحت السوق شريت
واغلبه بقراطيسه

 

[.:lady bug :.]

المكياج حدث ولا حرج
كل مارحت اتمشى او اتسوق لازم اقش منه
لا وذاك اليوم رايحه السوق اقول لريلي بس مكياج
رحت سنتر بوينت
وقشيت حمر وماسكارا وكحل
وكل ماقالت تبين كريم
اقولها عندي
شدو اقولها عندي
تخيلوا بس رحت طماشه
وقشيت جم شغله

و ١٠ حبات ب ٣ ونص والله زين يبيله

والمسيله ع اي ماركه امسووين

وماقصرتي ياكل الورد



اي بنات ابيكم جذي صحصحوا التجمع

 

[.:lady bug :.]

انا توني 13 يوم بدش معاكم
ابي رقم صالون رشنا

حبيبتي سوري تاخر بالرد
هذا طلبج
صالون رشنا لتجميل السيدات

فهذا عنوانهم :
منطقة الشعب البحري
شارع الشعب - قطعة 8 - مبنى 72
شقة رقم 3 , 4 الدور الأول

و هم متخصصين في نقش الحنا وعليهم مدح مو طبيعي

و يطلعون للبيت لكن أسعارهم تكون أعلى
ويقولون نقشهنم احلا من الاماراتيات
ورقمهم
2617048- 2656519



بنات في احد مجربهم

 

[عذوق]

اي رشنا حلوو نقشهم خواتي وخالاتي مجربينه حلووو حيييل ولونه حلوو بعد

 

[شهد الحلوة]

صج صالون بنت السلطان يمدحونه توه مرت اخوي صابغه وقاصه شعرها عندهم عجيييب مشالله اتقول طلع عليها 50 دينار صبغ وقص زين سعرهم زين انا انشالله بروحلهم حق الاربعين وهذا رقمهم 99762273 واللي صبغتلها اسمها كارمن واللي اتجربهم اتبلغني بالخاص ​

 

[.:lady bug :.]

شهود
انا سمعت مدح بس ماجربت للامانه

 

[mo0on-q8]

مساء الخير حبايبي ..
يسعدني اكون معاكم وبهالتجمع ..

 

[mo0on-q8]

بنات انا والده قيصريه متى البس الكورسيه وابلش حمام مغربي ..

 

[.:lady bug :.]

مساء النور ي حياتي

والله ماعندي فكرة عن الكورسيه

 

[ورد و ريحان]

صراحة انا اخاف البسه قبل ٦ شهور
احسه يخرب الارحام مدري ليه
جربت مره بعد شهرين وعورتني عمليتي حيييييل