استفساراتكم عن الحضانات تجدونها هنا - الجزء الأول

[mother_care]

]هلا اختي فور ايفر صاجه انا رحت الارتقاء وماعجبتني لان فوضى اليهال بالباب ولويه بصراحه ماعجبتني انا رفيجتي حطت ولدها بالحضانه اليديده تمدحهم ومستانسه منهم في منهج في ترتيب فصول نفس الروضه وابلاتهم زينين

رحت لهم وشتفهم بس ابي تجارب بعد

اهياسمها هابي كيدز وبقطعه 4 ورقمهم 5180954

 

[mother_care]

السلام عليكم ابي حضانه زينة قريبة من الصليبخاااات دورت وااايد وماحصلت وانا حدي محتاره واتمنى انكم اتساعدووني

وعليكم اسلام اللي اعرفها بعبدالله المبارك مادري اذا يناسبج او لا

 

[لوكريسيا]

شلونكم أمهات

دخلت ولدي حضانة بيبي جاردن اللي بجنوب السرة .. الحمدلله واااايد مرتاح معاهم صج ان اول ما اوديه الصبح يبجي شوي بس من اوصل الدوام اتصل عليهم يقولون لي من طلعتي سكت الحمدلله

و حبيبي توه صارله اسبوع فيها و الله يتمم عليه هالركادة

 

[أم أحمد كول]

حبيت اكلمكم عن حضانة لتل ستبس اللى فى مشرف :


الحضانه روعه وايد من حيث الاهتمام والرعايه انا سجلت ولدى وصار له يومين يداوم عندهم .. لمن اروح آخذه معطرينه وحاطيله لوشن ومشطين شعره .. واول يوم خذيته معاه ورقه فيها حرف d رسمة باب يعنى دور ورسمة بطه يعنى دك وثانى يوم راح رحله معاهم لحولى بارك وكنت احاتى واايد ولمن خذيته اخر الدوام ولا ملبسينه ملابس انا كنت حاطتله اياهم بالجنطه احتياط وشحلاته متعطر ونظيف ومعاه ورقه فيها بيت من قص ولصق .. والاداره تهبل ونفسيتهم وايد حلوه .

 

[fife4ever]

mother_care

ايه شفت الحضانه بس شكلها عادي من برى شنو منهجه انا كنت ابي امرهم الاسبوع الي طاف بس صار ظرف ونسيت

انت لسه ما لقيتي حضانه زينه

 

[mother_care]

fife4ever

هلا حبيبتي انا بحط ولدي بالحضانه اللي قلت لج عنها هابي كيدز لان رفيجتي حطت ولدها وايد تمدحهم يعطرونه ويمشطونه اخر الدوام ويهتمون بالتغذيه السليمه للاطفال وانا رحت وشفت الحضانه من داخل مرتبه وفيها فصول كبيره وعدد الاطفال صغير عندهم ويعطون تطبيقات منهجهم قالتلي ثنائي عربي وانجليزي وقران وفي نادي العصر وفي عندهم كمبيوتر وتجارب علميه راوتني وايد شغلات وارتحت لهم باذن الله بخليه يدوام هناك لان مافي الا اهيا والارتقاء والارتقاء اخاف عليه لان لويه وزحمه اتمنى اكون افدتج

 

[fife4ever]

mother_care

رحت لحضانه هابي كيدز بس مافي اطفال كلهم ست ومافي عمري ولدي
صج الارتقاء مو شيء بس كله من المديره ترى صاحبة الحضانه مكلفها على نفسها حيل بس
الادارة باااااااااااد

 

[kholood86]

حبيبتي
لا طوفك حضانة بلازا حولي وايد حلوه وابلاتها احلى واحلى ومديرتهم ام عبدال عزيز الطيار احلى حضانة وايد راقية ومستواها عالي وايد ولدي استفاد منها وحتى العاملات فيها وايد طيبين ودوامهم روعة من الساعة 7 صباحا الى الساعة 2 ظهرا مناوبة وفي دوام بعطلة الصيف بعد

اذا بتروحين قوليلهم أم مشمش تمدح حضانتكم وايد

شكرا
حضانة بلازا - حولي - الدور الأول
2631515
2641515
اشتراك 70 دينار شهريا
اشتراك 200 دينار 4 شهور

 

[mother_care]

mother_care

رحت لحضانه هابي كيدز بس مافي اطفال كلهم ست ومافي عمري ولدي
صج الارتقاء مو شيء بس كله من المديره ترى صاحبة الحضانه مكلفها على نفسها حيل بس
الادارة باااااااااااد

اي فايف فور ايفر صاجه انا شفت الاطفال شويه بس مايهمني العدد كثر الاهتمام وانه يكون في ترتيب شوي

اليوم انا بيت اهلي وقعدنا نسولف وفي وحده موجوده بنتها بعد بعبدالله المبارك تقول حطتها بالارتقا ءوتاذت حيل من الاهمال خوفتني اكثر انا ولدي صغير ومابي يكره المدرسه ولدج جم عمره؟؟

على ماعتقد قالولي عندهم من الرضع //4

 

[سارة_kw]

حبيبتي
لا طوفك حضانة بلازا حولي وايد حلوه وابلاتها احلى واحلى ومديرتهم ام عبدال عزيز الطيار احلى حضانة وايد راقية ومستواها عالي وايد ولدي استفاد منها وحتى العاملات فيها وايد طيبين ودوامهم روعة من الساعة 7 صباحا الى الساعة 2 ظهرا مناوبة وفي دوام بعطلة الصيف بعد

اذا بتروحين قوليلهم أم مشمش تمدح حضانتكم وايد

شكرا
حضانة بلازا - حولي - الدور الأول
2631515
2641515
اشتراك 70 دينار شهريا
اشتراك 200 دينار 4 شهور

والله بنتي بالحضانه مستانسة وايد

خوووش حضانه
وابلاتها حبوبات

 

[عشق]

بنات في حضانه بالرميثيه ب قطعه 4 منو يعرف عنها شي

 

[موني موني]

بنات منو تعرف عن حضانة اليرموك ؟؟ شلونها ؟؟ او حضانة الروضة النموذجية ؟؟ شلونهم ؟؟

 

[خياليه]

ana bente kant eb 7a`9nt el yarmook wayed zaina o elablat wayed e7laywat o ehya men zeman mafto7a

 

[توته]

السلام عليكم بنات تعرفون شي عن حضانة ستب باي ستب اللي بالاندلس او التوب كيدز لانه ودي ادخل ولدي بس ماعرف عنهم شي

 

[موني موني]

انه سمعت ان في حضانتين باليرموك ؟؟ اي وحده الافضل ؟؟

 

[موني موني]

ana bente kant eb 7a`9nt el yarmook wayed zaina o elablat wayed e7laywat o ehya men zeman mafto7a

شلون مستوى تعليمهم ؟؟ هل يعلمون انجليزي ؟؟ و بشنو فرقت عليج بنتج لما دخلتيها الحضانة ؟؟

 

[mms]

من يعرف حضانة happy land أو gulf montessori في سلوى؟؟؟

السلام عليكم ..
شلونكم يا بنات ..
واللي يسلمكم من يعرف حضانة happy land أو gulf montessori في منطقة سلوى ..
ابي وحدة مدخلة ولدها أو بنتها ومتعاملة مع الحضانة عشان اذا دخلت ولدي أكون مطمنة عليه ..
وتسلمون ​

 

[mms]

من يعرف حضانة happy land أو gulf montessori في سلوى؟؟؟

بنات واللي يسلمكم الموضوع باين من عنوانه ..
من يعرف حضانة happy land أو gulf montessori في سلوى؟؟؟
عيزت وانا أسال أبي وحدة تكون مدخلة ولدها أو بنتها فيها .. شلون تعامل المدرسات ؟؟ هل في اهتمام ؟؟؟؟
يا ريت تفيدوني .. وتسلمون ​

 

[رقي]

منتسوري بالجابريه قبال مستشفي مبارك

 

[mms]

مشكورة يا قلبي على الرد
بس اللي ابيها gulf montesorri مو منتيسوري اللي جبال مبارك أعرفها
شدعوا يا بنات محد يعرفها ؟؟؟؟؟؟