Yes We Can Do It " Lets Go Girls ( part 2)

[Zain_ALZain]

تصبحون على خير يا حلوين

 

[B7rainia]

تصبحون على خير يا حلوين

وانتي من اهله

 

[ALMZa^_^JeYa]

السلاااام شلوونكم

ماشاء الله اليوم مسولفين واايد

عسى دووم هالسوالف والوناسه يارب


انا اليوم خربطت واعترف اني مخربطه لاني من بلشت رجيم ما خربطت الحمدلله بس مره وحده خذيت اوف


قعدت من النوم متأخره حيييل

وعالساعه 6 تقريبا كليت حبتين صاج فلافل قد اصبعين تقريبا

والساعه 7 ونص كليت دونات محشيه كاستر من كرسبي كريم

والساعه 8 رحت السينما وشريت بوب كورن وعصير برتقال فرش


لاني منقهره من ثبات وزني قلت بكسره يوم وان شاء الله باجر سوائل بس

 

[ضي]

باااااك


اي والله مزمز الثبات يقهررر

وعلييج بالعااافيه حبيبتي

 

[{meme}]

شنو رجيم السوائل ؟
ويكون اسبوع كامل ؟

 

[Melazlaza]

قوة بنات شلووونكم كلكم واي والله فاقدتكم صج اني ماادش بس افكر فيكم واقول شكلهم سووولفوا ولاراح يمديني اقرى لوووول احاتي القراية

سوري انشغلت والله والا الود ودي كل يوم ادش واقرق معاكم

الحمدلله لازلت ملتزمة بالتخفيف ولانه تخفيف التزمت لو ريجيم جان خربطت من زمان


مس يووووووووووو كلكم والله

 

[ALMZa^_^JeYa]

باااااك


اي والله مزمز الثبات يقهررر

وعلييج بالعااافيه حبيبتي

الله يعافيج

شنو رجيم السوائل ؟
ويكون اسبوع كامل ؟

رجيم السوائل حبوبه كدته ما تزيد عن 3 ايام

وفيهم يقولون سويه يوم وترك

يعني يوم سوائل ويوم تاكلين عشان حرق السكريات مادري شنو بالضبط مابي افتي من عندي

بس السوايل مثلا حليب خالي او قليل الدسم كابشينو لايت

الشوربات بأنواعها بس ما يكون فيها شعريه او شوفان او كريمه

مثلا شوربات الخضار والمشروم

وتقدرين تاكلين سلطات بس ما يكون فيها نسبة نشويات مثل الفاصوليا الحمرا او البيضه او ذره

والفاكهه عادي بس المانجا والموز ممنوع

والخيار والروب مسموح فيهم بعد

 

[ALMZa^_^JeYa]

هلااااا عطوووف

شلووونج حبيبتي

صارلج فتره غاطه وحشتينا

الله يعطيج الصحه والعافيه

 

[Melazlaza]

حبيبتي مزمز ماتشوووفيش وحش والله لهيت واذا شبكت ولدي استنفر الا يكتب ويخربطني ويعصب و تصير لوووية وصراخ لول واللاب توب مخترب وريلي متعييز يصلحه وهذي حالتي قمت احط حرتي بشغل البيت والطباخ

عاد اسم الله عليه نام جان اشبك قبل لا انام

 

[ضي]

عطووووووووف

عاد اليوم ساالت البنات عنج

اي والله لو رجيم جان خربتي الدنيا


بشررينا شخبارج؟ وشلون وزنج؟

 

[ALMZa^_^JeYa]

عطووف الله يعطيج العافيه

وصاجه بس تشبكين ولا ودج تسولفين اليهال يتسلطون عليج

سبحان الله الظاهر شي فطري فيهم

الله يخليلج وليدج ان شاء الله

 

[{meme}]

حلو رجيم السوائل بس عقب بسويه

 

[LadY BuG 80]

لا مو متفشلة بس بعضهم ماينقالهم

مثلا قبل فترة وحدة سألتني شنو بتعشين قلتلها ماتعشى الحين الا شي خفيف تسوي ويي ههه يازعم ريجيم؟

كلشششششش تضايقت وقلتلها لا بس ماشتهي آكل ع العشا

عقب جم يوم جافتني تقولي ويهج ضعف شمسويه ريجيم لاااا قلتلها لا بس ما آكل وايد

ناس مادري شلون تفكر عشان جذي انا اتجنب

يمكن لاسمح الله يصيرلي ظرف يخليني اوقف بعدين بيتشمتون عشان جذي ماحب امشي واقول

حتى لو ضعفت بيقولون ذابحة روحها وماضعفت الا شوي

وبالنسبة حق الصور سوري حطيتها بدون قصد نسيت ان مانحط ان شاء الله آخر مرة
[/center]

اففففف ايش لقافه لهدرجه فاضيه تراقب تحركاتك ... الله يعينك على هناس . معذوره حبيبتي :eh_s(7):

 

[LadY BuG 80]

good night all am too sleepy ​

 

[ضي]

نوووم العافيه كتوووون

انا كليت خضار سوتيه ---- ٥٠ سعره

قلت دام يصير فاكهه يصير خضار ----- واللا غلطت :/

 

[عيون سارة]

صباح الخير
اشلونكم بنات

 

[ضي]

اهلييييين سارونه

شلونج حبيبتي؟؟ بشريني عنج شلونج الحين؟؟

 

[عروووب21]

صباحكم ورد وفل ونويييييييير


صباحكم اراده ونشاط ورشااااااااااقه



بالنسبه لرجيم السوائل ماقد دخل مخي

بس لماقريت هالموضوع حسيت انه رجيم حلو وخفيف

وبكل تاكيد مفيد

واتوقع بكرا راح ابدا فيه


اليكم الموضوع



>>>>
هام للجميع رجيم السوائل

سواء كانت خطتك للحمية واتباع ريجيم السوائل من اختيارك أو برنامج طبّيًّ يشرف عليه مختص فهذه الخطوة قد تكون الطريق الصحيح لفقدان الوزن ....وقد بدأ اتباعها منذ عام 1970م لكنها اكتسبت سمعة سيئة آنذاك بسبب عدم تطبيقها بشكل سليم.

نظرة واقعية
بينما فعلاً تتسبب أغذية سالة كثيرة في خسارة الوزن الزائد في البداية ، لكن هذه الميزة هي في الواقع عقبة كبيرة لنجاح البرنامج على المدى البعيد لأن عملية التمثيل الغذائي تتباطأ عندما يحاول الجسد أن يحصل على الطاقة ، وهذا التباطؤ قد يؤدي إلى صعوبة فقدان الوزن أو عدم القدرة على الحفاظ على خسارة الوزن على المدى البعيد. وتعتبر برامج التخسيس المعتمدة على الغذاء السائل الأغلى ثمناً وقد تصل إلى 150أو200دولار في الأسبوع



مشاكل غذاء السوائل
معظم النّظم الغذائيّة السائلة منخفضة جدًّا في السّعرات (البعض يقتصر على 500 إلى 800 سعرات في اليوم). وبالرغم من احتواؤها على فيتامينات و معادن، لكنها تفتقد الألياف والمواد المضادة للأمراض والموجودة في الفواكه والخضروات والحبوب.
بشكل عام هذا البرنامج الغذائي من أهدافه فقدان الوزن السريع وكثيراً ما يتبعه الأشخاص الذين يعانون من زيادة في الوزن وعليهم فقدانه لإجراء عمليةجراحية...ويبدأ البرنامج ببرنامج يومي يعتمد على السوائل ثم يبدأ بادخال بعض الأغذية الصلبة إليه تدريجياً...أما الطريقة الأخرى هي بتناول السوائل فقط كوجبة أو وجبتين يومياً مع مراعاة ان تكون بقية الوجبات العادية سعراتها منخفضة.

نموذج للطريقة الثانية من ريجيم السوائل
الإفطار: قهوة

بين الوجبات:
• كوب الماء
• تفّاحة

الغداء :
• عصير تفاح أو توت مخفوق.

بين الوجبات :
• شاي بدون سكر.
• فراولة مقطّعة

العشاء:
• 4 إلى 6 أوقيّات من الدّواجن و السّمك أو اللّحم الغير السّمين
• نصف بطاطا البطاطس مطبوخة بالفرن
•خضروات مطهوّة بالبخار
• طبق كبير سلطة.

الحلوى: فاكهة طبعا مع ضرورة شرب 8 أكواب من الماء على مدار اليوم

 

[simple.girly]

السلام عليكم ورحمة الله وبركاته .... صبحكم الله بالخير ..

صج صج صج بنات ببجي صج ... ما ابي اقول فقدت الأمل بس جني بفقده ..
4 اشهر وانا اخفف .. ومرات ما اكل شي من نزل وزني 5 كيلوات ... اشدعوة عليه لا فيني غدة لا فيني شي .. الحمد الله والشكر ... بس ما ادري شالثقصة .. كل من قالي كسري كسري .. كسرت يومين جان اسمن 3 كيلوات تقريبا ليش جذي ؟؟

 

[فواصل]

صباحو