وين سكنتي يوم سافرتي؟ تعالي عرضي تجربتج

[& حكاية حب موعود &]

انا الله يسلمكم
بتاريخ 2/2/2011 كنت في حبيبتي فرنسا
سكنت بالكونكورد..... فندق كونكورد لافاييت 15 ليله
من ناحية السعر 8/10
ومن ناحية النظافه 9/10
ومن ناحية المكان10/10
ومن ناحية اكل الفندق 2/10 بس الصراحه طلبات الغرف يحطون بسخاااء عكس باقي الدول جنه حق عصفوره

الصراحه مكانه حلو حلو حلو وبعده عن الشانز 5 دقايق مشي
ويمه الليدي فانس قريب منه واايد
وبالفندق الساعه 10 يبطلون اخر دور اهو مطعم و اهوو بار عشان قعدت برج ايفيل الصراحه رووووووعه شوي عليه يطل على البرج مباشره
ملاحظه على الفندق... كنت ارد الغرفه يرتبونها بس ماكنت القى الشيل ولا الامطه وضاع جم لبس وبجاما
ولما اشتكيت اكثر من مره صعدلي المدير لي الغرفه يتعذر وقال انا اعوضج بفلوس
طبعاا رفضت
بس الحلوو لما جيت بسوي الجيك اوت نزلي بالسعر 50 كويتي


وباجر انشاء الله اذا ربي سهل 22/3/2011
طيارتي حق باريس بس هالمره حاجزه نابليون اللي بالشانزليزيه ويارب يطلع حلوو ونفس المتوقع

 

[q8ya-barby19]

ماليزيا أول سفره لها كانت في 2007 وكان بالشيراتون أمبيريال عجيييب حده وفخم بس عيبه موقعه بعيد عن شارع العرب وعن البرجين يبيله مشي 5دقائق

سفرتي شهر 1/ 2011 كانت بيننج هوليدي ان موذاك الزود بس موقعه عجييب وبكوالا بيكلو هوتيل 4نجوم بس رووعه نظافه والرسيبشن أحلييوين ورخيص وبشارع العرب يعني مؤووقعه حده عجييب مجابل الملينيوم ويمه مجمع فهرنهايت على اليمين وعلى اليسار بيبي بلازا

 

[الدلال]

راح اعرض تجربتي مع فندق بريكشاير الموجود في ا كسفورد ستريت في لندن

بصراحه الموقع ماعليه كلام ابد بالسووق وكل شي يمج

الفندق يتبع لمجموعة راديسون ساس واهو 4 نجوووم

نظيف ومرتب بس سعره شوي غالي بالنسبه لحجم الغرف, شوي صغيره بس يشفع له موقعه ونظافته

 

[الدلال]

Booking.com: hotel Presidential Marylebone / Mayfair, London, United Kingdom - 207 Guest reviews. Book your hotel now!

انا سكنت فيها الصيف اللي فاات وذاكره تجربتي في تقريري اللي كتبته عن سفرتي لندن 2010

كموقع عجييييب

وتحت المبنى في جمعية تيسكو

وبعد في تحتها مجموعة كافيهات تصلح للريوق وقعدة العصاري

لما تطلعين وتمشين يسار تلقين بنك الكويت الوطني والخطوط الجويه الكويتيه وتعدييينهم وتوصلين لي اكسفورد

ولما تمشين يمين يطلعج الشارع على الهايدبارك

وبالنسبه للاستيديو بصراحه نظيف مع ان الاثاث نوعا ما شوي قديم بس نظيف

والتلفزيون في مجموعة قنوات عربيه

والتنظيف طول الاسبوع ماعدا السبت والاحد

واماااان جدا

 

[eman84]

السلام عليكم

في بانكوك سكنت مره بهوليدان ان كان عادي نوعا ما مافي زود

ومره بانتركونتيننتال حده عجيب وغرفهم نظيفه وراااهيه ومودرن

 

[eman84]

لندن جربت راديسون ساس حلوو موقعه بس غرفهم صغيره حيل

ثيستل ماربل آرش حده مليييييق ماحبيته و الغرف الستاندرد اتعب واقول ضيجه بس احلى مافي الفندق مكانه فقط اشتري من السوق وقطي الاغراض وردي طلعي .

 

[بخـــارى]

لو مسويتها مسابقه احسن
انا راح ارشحlow love للفوز

ومشكوره وايد على هالموضوع المفيد

 

[jojowa]

موضوع وايد حلو و انا حابه اشاركم ببعض تجاربي بالفنادق و بما اني احب السفر وايد فراح تكون تجارب وااايد و ان شاءالله تستفيدون منها ,,,,

أبدأ اولا بدبي ,,,فندق كمبنسكي مكانه بمول الامارات و هالفندق وايد حلو و غرفه و سيعه و نظيفه و الاهم موقعه داخل المول و وايد انصحكم فيه و اعتقد سعر الغرفه كانت ب 80 دينار الليله ,,,

و هذي صور الفندق من النت ,,,

وهم جربت فندق اتلانتس ,,,او بالاحرى منتجع لانه صج مكان ترفيهي و ممتع و اليهال و الكبار راح يستانسون غرفه حدها وسيعه و كشخه و غير الاكوافنشر صج مدينه مائيه روعه و الكل استانس فيها هذا غير الاكوريوم و عروض الدلافين صج مكان متكامل فيه كل سبل الوناسه و الراحه ,,ووالليله خذيناها ب 75 لان كان عليهم عروض ,,

و الفندق الاروع كان ذا ادريس داون تاون صج هالفندق اتعب و اقول عجيييب و راقي و شي يفتح النفس موقعه مو طبيعي على نافورة دبي مول و مقابل برج خليفه و الغرف مودرن و واسعه و الفيو مو طبيعي صج تجربه اتينن و كانت سعر الليله 110 دنانير صج غالي بس يستاهل ,,,

والتجربه الي اعتبرها غير جيده كانت بفندق الجميره بيج ماعجبني مع انه الغرف كبيره و موقعه ممتاز بس حسيته قديم نوعا ما و سعر الغرفه كانت 85 دينار تقريبا ,,,

و في ابو ظبي قعدنا بفندق ياس و اهو يم فراري لاوورلد صج فندق عجيب و راااقي لابعد درجه و الغرف واسعه و مودرن و كشخه و موقعه وايد حلو و سعر الليله كان تقريبا 70 دينار ,,,

ولي عوده مع باجي تجاربي و راح تكون المره اليايه الفنادق الي سكنتهم في لندن ,,,

 

[jojowa]

بالنسبه حق الفنادق الي جربتهم بلندن اول فندق قعدت فيه كان هيلتون ميتروبول مانه بآخر شارع اجواروود كان نظيف و غرفه زينه بس الي قعدت فيها كانت ضيجه و بشكل عام الفندق زوين ,,,و سعر الغرفه كانت بحدود ال 70 دينار ,,,

وجربت فندق ثيتسل مارب آرش موقعه في شارع اكسفور و مكانه وايد زين كل شي حولج الهايد بارك و البيكر ستريت و الاكسفورد ,,,بس يعتبر قديم و غرفه مو ذاك الزود و طلعت علينا الليله ب 75 دينار تقريبا ,,,

وهم جربت فندق هيلتون بلاك بول في منطقه بلاك بول موقعه وايد حلو و الفندق نظيف و الغرف حلوه و مرتبه بس بصراحه ماذكر جم سعرها ,,,

و هم جربت نظام الشقق و الشقق الفندقيه بلندن ,,,مره من زمان سكنا في شقه بالاكسفورد ستريت بالضبط مقابل محل ديزني ,,,العماره تعتبر قديمه شوي و الشقق زينه بس مو كشخه يعني مرتبه و كانت بالاسبوع اعتقد ب 800 باوند ,,,

و هم مره قعدنا بشقق فندقيه بالباركلين 55 صج شي راقي و مرتب و مكانه حيييل حلو مقابل الهايد بارك و قريب من الاكسفور بس كانت الشقق غاليه تقريبا 1800 باوند بالاسبوع بس شي يسوى سعره صراحه ,,,

وتوني من اسبوعين راده من لندن و قعدنا بشقق فندقيه باكسفورد ستريت صج كانت روعه و نظيفه و يديده و نظامها مودرن صج شي راقي و الاحلى كان سعرها خذا منا 200 باوند بالليله و اهم شي طبعا مكانها مقابل ديبينهامز باكسفورد و يمنا بوند ستريت و الريجنت ستريت صج استانسنا منها و قررنا انه كل مره ان شاءالله بننزل فيها ,,,


و لي رجعه ان شاءالله مع الفنادق الي قعدت فيهم بفرنسا ,,,

 

[jojowa]

الفنادق الي سكنتهم في باريس ,,,

اول فندق كان كونكورد لا فاييت اهو مكانه حلو و تحته مجمع صغير و فيه محطه اندر قراوند بس الفندق قديم و غرفه ضيجه فما عجبني وايد و سعر الغرفه تقريبا كان قريب ال 70 دينار بس هالحجي من 5 سنين فالحين اكيد اغلى ,,,

وهم قعدنا في فندق نابليون بالشانز مكانه طبعا في بدايه شارع الشان طبعا الموقع عجيب و الفندق نظامه فيكتوري يعني الغرف كلاسيكيه و يعتبر قديم شوي و احنا خذينا سويت و طلع علينا ب 110 الليله ,,,

وهم قعدت بفندق كاليفورنيا و مكانه بعد بالشانز بس بوسط الشانز موقعه ممتاز و هم خذينا سويت يصير نظام الدوبلكس يعني طابقين بس هم يعتبر قديم و ديزاينه كلاسيك و طلعت علينا الغرفه ب 120 دينار ,,,

وفي ديزني لاند مره قعدنا بفندق هوليداي ان ديزني ,,,موقعه برا الحديقه خمس دقايق تقريبا بالشاتلز الي فندق يوفره ببلاش ,,,والفندق حلو ونظيف و غرفه وسيعه و مرتبه و المناظر الي حوله عجيبه و سعر الغرفه اعتقد قريب ال 70 دينار ,,,

و آخر مره رحنا يورو ديزني قعدنا بفندق نيويورك داخل الحديقه ,,,الفندق زين و مكانه حلو و الغرف كبيره و نظيفه و طلعت علينا الغرفه 170 دينار شامله تذاكر دخول الحديقتين,,,

ولي رجعه ان شاءالله مع باجي تجاربي ,,,

 

[رشيديه كووول]

صج موضوع مفيد ويستاهل التثبيت

يعطيج العافيه ع الموضوع

 

[الدلال]

كل الشكر لكل عضوه مرت على الموضوع وافادت العضوات بتجاربها

وايضا كل الشكر لكل من شارك ولو بكلمه

 

[رشيديه كووول]

و هم مره قعدنا بشقق فندقيه بالباركلين 55 صج شي راقي و مرتب و مكانه حيييل حلو مقابل الهايد بارك و قريب من الاكسفور بس كانت الشقق غاليه تقريبا 1800 باوند بالاسبوع بس شي يسوى سعره صراحه ,,,

وتوني من اسبوعين راده من لندن و قعدنا بشقق فندقيه باكسفورد ستريت صج كانت روعه و نظيفه و يديده و نظامها مودرن صج شي راقي و الاحلى كان سعرها خذا منا 200 باوند بالليله و اهم شي طبعا مكانها مقابل ديبينهامز باكسفورد و يمنا بوند ستريت و الريجنت ستريت صج استانسنا منها و قررنا انه كل مره ان شاءالله بننزل فيها ,,,





حبيبتي جوجو

بالنسبه للشقق إلي بالباركلين 55 شنو اسمها ؟؟ الشارع اسمه باركلين ولا الفندق ؟؟

وشنو اسم الشقق الي تمدحينها بأكسفورد ستريت ؟؟ وشنو بعدها عن الكمبرلاند ؟؟

بعيدة عنه ولا قريبه ؟؟

 

[jojowa]

هلا رشيديه بالنسبه حقق شقق الباركلين اهو الشارع اسمه باركلين و العماره اسمها parklane 55 شفتي نهايه شارع اكسفورد بعد بريمارك تمشين شوي و تاخذين يسار هذا شارع الباركلين و العماره تبعد تقريبا 10 دقايق عن اكسفورد صج شي راقي و كشخه ,,,

اما حق الشقق الي باكسفورد اهو بالضبط بالسكه الي مقابل دبنهامز اسم العماره وود ستوك 16 صج هالعماره نظيفه و سيكيوريتي و الشقه وسيعه و مودرن و سعرها حلو انصحج فيها ,,,و اي استفسار ثاني اخذي راحتج حبيبتي

 

[رشيديه كووول]

ماقصرتي يا الغآليـــــــهـ

اليوم بالسفريات امدحولي شقق فندقيه اسمها ( ليــــــــــــنورد ) خلف الكمبرلاند ,,

منو جـــــــــــــــــــــــــربه ؟؟

 

[كويتية طيبه حنونه]

الفنادق الي سكنتهم في باريس ,,,

اول فندق كان كونكورد لا فاييت اهو مكانه حلو و تحته مجمع صغير و فيه محطه اندر قراوند بس الفندق قديم و غرفه ضيجه فما عجبني وايد و سعر الغرفه تقريبا كان قريب ال 70 دينار بس هالحجي من 5 سنين فالحين اكيد اغلى ,,,

وهم قعدنا في فندق نابليون بالشانز مكانه طبعا في بدايه شارع الشان طبعا الموقع عجيب و الفندق نظامه فيكتوري يعني الغرف كلاسيكيه و يعتبر قديم شوي و احنا خذينا سويت و طلع علينا ب 110 الليله ,,,

وهم قعدت بفندق كاليفورنيا و مكانه بعد بالشانز بس بوسط الشانز موقعه ممتاز و هم خذينا سويت يصير نظام الدوبلكس يعني طابقين بس هم يعتبر قديم و ديزاينه كلاسيك و طلعت علينا الغرفه ب 120 دينار ,,,

وفي ديزني لاند مره قعدنا بفندق هوليداي ان ديزني ,,,موقعه برا الحديقه خمس دقايق تقريبا بالشاتلز الي فندق يوفره ببلاش ,,,والفندق حلو ونظيف و غرفه وسيعه و مرتبه و المناظر الي حوله عجيبه و سعر الغرفه اعتقد قريب ال 70 دينار ,,,

و آخر مره رحنا يورو ديزني قعدنا بفندق نيويورك داخل الحديقه ,,,الفندق زين و مكانه حلو و الغرف كبيره و نظيفه و طلعت علينا الغرفه 170 دينار شامله تذاكر دخول الحديقتين,,,

ولي رجعه ان شاءالله مع باجي تجاربي ,,,

اختي بسألك عن الفنادق بدزني لاند اي فندق احسن؟ وشتقصدين داخل الحديقة او برا الحديقة ؟
اذا بروح مثلا اتسوق او بروح الشنزلزيه اشكثر مسافة من الدزني الى شارع الشان للكا فيهات !

 

[jojowa]

هلا كويتيه يورو ديزني فيها فنادق داخل الحديقه يعني ما تحتاجين باص او تاكسي عشان توصلين تروحينلها مشي و يصيرون تابعين للحديقه و انا انصحج تقعدين داخل افضل و فندق نيويورك الي قعدت فيه حلو و نظيف ,,,وبالنسبه حق المسافه بين دزني و الشانز تقريبا ساعه بالاندرجراوند ,,,انا انصحج تاخذين فنادق قريبه من الشانز اذا تبين شوبينغ و هم حجزيليج يومين في ديزني لانه فيه اوتلت و سوق يم دزني حلوين ,,,

 

[rayqh]

هلا رشيديه بالنسبه حقق شقق الباركلين اهو الشارع اسمه باركلين و العماره اسمها parklane 55 شفتي نهايه شارع اكسفورد بعد بريمارك تمشين شوي و تاخذين يسار هذا شارع الباركلين و العماره تبعد تقريبا 10 دقايق عن اكسفورد صج شي راقي و كشخه ,,,

اما حق الشقق الي باكسفورد اهو بالضبط بالسكه الي مقابل دبنهامز اسم العماره وود ستوك 16 صج هالعماره نظيفه و سيكيوريتي و الشقه وسيعه و مودرن و سعرها حلو انصحج فيها ,,,و اي استفسار ثاني اخذي راحتج حبيبتي

حبيبتي الشقه اللي مقابل دبنهامز كيف استاجرتوها من مكتب او لهم رقم تلفون ياليت تفيدينا

 

[jojowa]

حبيبتي الشقه اللي مقابل دبنهامز كيف استاجرتوها من مكتب او لهم رقم تلفون ياليت تفيدينا

هلا حبيبتي احنا اجرناها عن طريق واحد نعرفه بلندن و اعطيج رقم تليفونهم بلندن دقي عليهم و استفسري عن كل شي هذاالرقم 0442074954422 اسمه ثروت - وهذا هم تبعهم 044207886692636 اسمه داني​

 

[سماء الشرقية]

هلا رشيديه بالنسبه حقق شقق الباركلين اهو الشارع اسمه باركلين و العماره اسمها parklane 55 شفتي نهايه شارع اكسفورد بعد بريمارك تمشين شوي و تاخذين يسار هذا شارع الباركلين و العماره تبعد تقريبا 10 دقايق عن اكسفورد صج شي راقي و كشخه ,,,

اما حق الشقق الي باكسفورد اهو بالضبط بالسكه الي مقابل دبنهامز اسم العماره وود ستوك 16 صج هالعماره نظيفه و سيكيوريتي و الشقه وسيعه و مودرن و سعرها حلو انصحج فيها ,,,و اي استفسار ثاني اخذي راحتج حبيبتي

ما قصرتي معلومات استفدت منها بس ممكن تحطين لي السايت للشقق وبعدين الشقق امان ؟
ياليت تردين علي بسرعة
طيب العمارات فيها اصانصيرات انا الحين حاجزة بفندق احد فنادق ماربل ارش بس تفاجئت مافيه اصنصير وابي اغيره ما ابي اركب ادراج واتعب حالي
مع شكري لش ولصاحبة الموضوع الرائع