خريجات كلية العلوم الادارية-جامعة الكويت(قسم المحاسبة)

[leolady31]

فراوله مره قريت ان المكافئات توصل 1700 حق البكلريوس سنويا و اقل شي 1400 توني اتذكر اول ما تخرجت كنت ابحث عن الموضوع
و قريت ان بتنفصل بعد على قولتج
و اهو صج اسمج بالديوان بس لو تيبين كتاب ترشيح احسن عشان يقبلونج لان عليها طلب كبيييير
معشاتهم توصل 1000 حق المحاسبه هذا اهو الفرق بينها و بين الوزارات الثانية

 

[leolady31]

اذا ماني غلطانه 900 و شي اول التوظيف بس مادري عن اللي عندهم خبره

 

[I HAVE DREAMS]

امم اي اتوقع كلام الدكتور اهو الصح ... الاداره كل من يقول لها مستقبل .. بس انا بعرف شكثر تفرق رواتبهم وهل لهم كادر بروح بونص وهالسوالف

شوفي عاد جم وشلون مادري بس الدكتور يقول ليش راح تكون مهمة لان مع الوقت راح يقرون
الضرايب الله لايقولة فراح تكون ادارة مهمة ويحتاجون موظفين وبالذات محاسبين وراح يكون هالمكان
ثاني اهم مكان بعد ديوان المحاسبة

اتمنى اني فدتج
​

 

[frawlah_83]

مشكوره ماقصرتي يعطيج العافيه ...

وثانكس فالودا خل اسجل بالديوان وتالي بروح لهم ان شاءالله واسال بالموضوع .. اف ترا ماعرف سوالف كتب الترشيح وهالسوالف فراح اطلب منكم المساعده لي يه وقتها ان شاءالله

 

[leolady31]

اهو كتاب ترشيخ اعتقد اهم يطلبونج يعني المرادف لهل (واشته)

 

[^^ROSE^^]

منا ومنج فراوله

انا ذاك اليوم اسولف مع امي عن الواسطات قاعده تقولي خل اشوفلج احد حق ديوان المحاسبه
قلتلها يما ليش تذلين نفسج و تكلمين فلان و علان على وظيفه؟ وانا مو ميته عليهم صار صار ما صار ترى نصيب
يعني اذا في واحد بيقدر يتوسطلي حق ديوان المحاسبهلازم يكون منصب قوي جدا جدا بالبلد حتى الاعضاء مو اي عضو يقدر يتوسط
واذا لقيتي هالشخص شوفي جم واحد طالب منه نفس الواسطه
بيتوسطلي انا اللي مايعرفني ولا بيتوسط حق عيال الهوامير واهله؟
انا اكره اخلي اهلي يكلمون احد حق شي جذي

مثلا يوم توظفت بالداخليه الحقيره التعبانه
كنت ابي اروح مركز خدمه العصر لان ابي ادرس الصبح
مارضوا يحطوني فكلمنا عضو ضبطني
بس المكان دايخ مو ديوان المحاسبه فما حسيت بتانيب ضمير ولا حسيت اني طلبت شي لو اكلم مدير يقدر يسويها مو شي قوي

بس ديوان المحاسبه لا احس ظلم اذا واحد مايعرف كوعه من بوعه بس ولد مادري منو و عنده واسطات و يتوظف وانا معدلي فوق 3 اقعد
بس انا ادري ان هذي حالتهم فكلش مو متعبه نفسي عليهم
اصلا حاطه ببالي ديوان الخدمه واربط بمكان زين وان شاء الله اتوظف بدون واسطه ولابطيخ

وترى المعاش مو بكثرته المعاش ببركته

ان شاء الله كلنا نتوظف بمكان زين ومحا بحاجه واسطة احد

 

[leolady31]

صح كلامج روز يبط الجبد لو بيوظفون اغبيه علبو واسطه يبين لمن يقبلون
بس انا اتوقع مو بس واسطه لان المكان مسؤولية و تدقيق عرفتي يعني بالمنطق بيوظفون كله واسطه ما يدرون شالطبخه ما يمشي الوضع
و لا تحاتين روز لان انا اللي شفتهم بالامتحان معاي كانوا اعرفهم 2 الى 3 مو اكثر من 3 فيعني فرصتج اكبر
اهم المشكله السنه اللي فاتت اقبلو وايد فيعني الفرصه اتقل الحين

 

[nonosha]

هلو جميعا
الله يكتب اللي فيه الخير ان شاء الله بنات بسالكم حطيتوا ان كاتبين بالجرايد ان تشكيل الوزارة ماراح يصير الا بشهر 5
احد عنده معلومات عن هالموضوع
لان ناس قالوا قريب :s

 

[leolady31]

اي امبلا انا قريت و ان راح يقولون بداية شهر خمسه بس ما راح يطولون لي نص الشهر يعني 15 من شهر 5 لازم متشكلين

 

[frawlah_83]

اي انا سمعت لي نص شهر خمس الظاهر يبون ينحاشون من الاستجوابات فبشكلون الحكومه مع قرب عطله المجلس ...

تصدقين روز انا ابوي جذي مايحب يكلم فلان وعلان الا اذا الشخص اعرفه وموون عليييييييه اي ممكن اكلمهم اما اروح اكلم مادري منو اكلم مادري منو ولا اروح حق عضو منطقتنا انسييييييييي على قوله ابوي دام عندج شهاده زينه وكفاءات وخبره ياخذونج بدون واسطه ..

انا ابوي يشتغل في مكان حكومي بس مو وزاره واهو يدش لجان المقابلات فيقول عندنا مانقبل واسطات نختار الشخص المناسب والي عنده الموهلات ووايد ايوون اكلمونهم يبون واسطه نرفض بس مره انفرض علينا واحد بالطول بالعرض لازم يشتغل واهو كلش مو شي مايعرف لاانجلش ولا فاهمه بتخصصه فالمهم اضطروا يقبلونه ماطول شهرين طلع ماعجبه الوضع دوام ولويه وضغط شغل وماكو تزرق وهم بعد اداره ماقصرت كدشوا شغل والاخ ماقدر يستوعب ولايفهم شي

 

[frawlah_83]

ها فالودا بده العد التنازلي

 

[leolady31]

لووووووووول اي والله فراول
ترى انا اعرف هم ناس يعتبرون اغنيه يعني فيلا بمشرف حديقه شكبرها مزرعة بالوفرة و الابو عنده مدرسه خاصه بعد ها
ترى هالنوع من الناس عيالهم مالهم خلق دوام ولده متوظف بوزاره خربوطيه بس عشان يطق كرت و يرد ينام (هذا المجتهد يعني الثاني ما يداوم راتبه من ابوه) يعني مو تحطون في بالكم ان الاماكن تبيهم اهم عارفين منو ياخذون حتى لو خذو بواسطه مو اي احد اللي ما يشتغل مثل الناس ما يمشي

 

[^^ROSE^^]

شفتي؟؟ انا هذا اللي يبط جبدي ان الناس يحرمون غيرهم و ياخذون مكان هم مو قده و تاليتها يطلعون
لو هو مو متليقف و متوظف جان واحد كفو اشتغل وترزق الله

نفس السالفه تصير ايام ماكنت بالجامعه
في ناس مستانسين على بو قست و كشخه على بالهم الافينيوز
ومادري ليش الناس حاطين ببالهم جامعه خاصه=واسطه!! على بالهم مصر
المهم تلقين الملاقيف اللي توهم طالعين من الثنوي مايعرفون كوعهم من بوعهم ينقبلون بعثه و تدرين البعثات اماكن محدده ماتزيد
ويدشون مايعرفون انجليزي فلازم تمهيدي كورس او كرسين حسب مستواهم
لاشافوا ان الانجليزي تكدش ومحادثه و كتابه و لاب ولويه يقعدون كورس ولاسنه ويطلعون
وطبعا لاطلعوا باول سنه مايدفون للتعليم العالي شي
عقب السنه يردون اللي اندفع لهم
ويروحون اداريه ولا اي كليه بجامعه الكويت

بس شنو يكون صار؟ هاللي مايخافون ربهم زاحموا الناس اللي ميته عالجامعه وتبي البعثه
خذوا مكان و هذولاك ما انقبلوا
اخرتها طلعوا من الجامعه
انا مره قعدت جدامي وحده كانت يايه تاخذ اوراقها تقول صعب كل شي بالانجليزي بروح حقوق قالولي يقبلوني قبول فوري
جان اقولها يعني انتي دشيتي قست تفلسف لان ترى مو سر ان الدراسه بالانجليزي؟ ونتيجه امتحان القدرات طالعه من قبل لا يطلع القبول بالبعثه يوم دريتي انج مو قد الانجليزي ليش ظليتي وخذيتي مكان غيرج و حرمتيهم انهم يدشون؟
من بزنس لي حقوق؟ حدج مو عارفه شنو تبين بحياتج
اللي طموحه بزنس مايدش حقوق واللي طموحه حقوق مايدش بزنس
بس هذا التخبط والتفلسف ومايسوي
قلتلها ما استبعد تقعدين بالحقوق سنه و تحولين علوم اجتماعيه
لان جان على بالج سهل ترى الحقوق كرف

اففف اشتطيت
بس صج تبط الجبد السالفه اللي مو قد المكان لايدشه

 

[frawlah_83]

ههههههههه روز بعرف شردت علييج <<< اشتغلت فيني اللقافه

 

[^^ROSE^^]

لوووووووووووووول ما اذكر والله من كثر ماكنت مشتطه بس جنه ماتحجت
عاد يومها لاتشوفيني مركبه السيور ملوت التقويم ويالله اتحجى وفوق هذا مشتطه ومعصبه
ورفيجتي اللي هي رفيجتها (لاني ماعرف البنت اول مره اشوفها) قاعده تقولي
يبه لاينكسر تقويمج حاطه سيور انتي خلاص البنت غلطانه بتطلع من الجامعه اصلا مانبيها عندنا لووووووووووووووووووول

 

[leolady31]

لوووووووووووووول ما اذكر والله من كثر ماكنت مشتطه بس جنه ماتحجت
عاد يومها لاتشوفيني مركبه السيور ملوت التقويم ويالله اتحجى وفوق هذا مشتطه ومعصبه
ورفيجتي اللي هي رفيجتها (لاني ماعرف البنت اول مره اشوفها) قاعده تقولي
يبه لاينكسر تقويمج حاطه سيور انتي خلاص البنت غلطانه بتطلع من الجامعه اصلا مانبيها عندنا لووووووووووووووووووول

اي صج شي يبط الجبد بس هم روز اللي الله كاتبلج في الخير يصير انتي بس ادعي و راح اتحصلين احسن مكان يناسبج


فراولة وينج مع السي اف اي؟ اشكثر بقالج انا بقالي كتابين بس بخلصهم بسرعه لان واحد حيل ضعيف و الثاني يعني

 

[frawlah_83]

سيم سيم كتابييييييين بس ان شاءالله باذن الله اول اسبوع من شهر 5 خالصه ان شاءالله لانه من ثاني اسبوع ببلش احل كتب التمارين عندي كتابين وكل واحد في 3 امتحانات وغير الموك اكزاام مال السي اف اي وهم ان شاءالله بشتري من فن كوز موك اكزام واذا في وقت باخذ من شوايز هم موك ... هالمره ان شاءالله ابي احل واايد اسئله فلازم اضغط على روحي هل 3 اسابيع اخلص الي باقي عشان ابلش مراجعه ووووووووووووي تذكرت بعد باقي اثكس وفي توبك الكوربرت قوفرننس ماقريته لانه ماحبه :\\\\

شنو باقيلج هالكتابين ؟؟ انا باقيلي

alternative investment
fixed income
derivitaves
portfolio

 

[nonosha]

موفقيييين بال cfa
الله يسهل عليكم
والله يصبرنا صج بدت تنبط جبدي :s
خل يشكلون الوزرا ويفكونا

 

[leolady31]

fixed income
derivitaves
هذول بقولي
بس بيني و بينج ترى مخي قام يطلع دخان اخاف ما انجح بحياتي ما سقطت اخاف اموت اذا سقطت
انتي شنو كانت ادعيتج حق النجاح ؟

 

[frawlah_83]

مشكوره نونوشاا والله صج محتاجيييييييييييين هالدعوات كثروا منها ان شاءالله

يله ان شاءالله اتشكل الحكومه باسرع وقت انا بالنسبه لي ماتفرق معاي لاني محتاجه اجازه طوووووووويله ابي ارتااااااااااااااااااااااااااااح شوي :\\