تجمع رشيقات صيف 2011 Yes We Can Do It " Lets Go Girls

[rymyy]

:krkrkr: شفيكم قلبتو قسم الحياه الزوجيه "رجاءا لا تخربون العزابيات لوووووووول"

 

[brat]

هلا ريمي شخبارج؟

يالله ناطرين الصور

لوووول كله من صبوره اهيا ساس البلا

 

[LadY BuG 80]

مرحبا اففف كان انقاش ساخن و انا مادري

انا اقرا قبل سوالفكم بثمان صفحات و اكتب معاكم ,, عشان كذا ما كنت معاكم بلمره

شسوي ما الحق واجد قرقر :rgewrg:

الحمدلله اليوم احسن بكثير و راح تشوفون من اكلي ,, قدرت اكل اكل طبيعي نوعا ما بس في اشيا كثييير ممنوعه منها لمدت اسبوع تقريبا لمن بطني تتقبل الاكل مره ثانيه ,, الحمدلله

ولله مساكين احنا يالحريم ,, نكسر الخاطر ... كل وحده متروسه ,, بس من جد قلبتوها قسم حياه زوجيه لووووووول

بس الحلو انه مو تشليخ و صواريخ ,,, ضحكتوني ولله

,, كسرت خاطري بيشوا حسيتها غلبانه و حساسه كثييير :eh_s(2): اصلا امبين عليها حتى من اسلوبها معانا متحفظه ما تحب تغلط على احد وتخاف تزعل احد عادتا اناس الي كذا ما يحبون انقد حبيبتي بيشو شخصيتك كيووووت مره :eh_s(7):

ام عامر ادري فيك مانتي هينه هجوووووم مره وحده لووول

و انا عبالي تتكلمون عن ابو خيط غطى الوجه طلع ابو خيط غطى ... :eh_s(10):

المهم الحين بسدح يومي و بروح انام و احط مجودي بحظني و انسى ادنيا ​

 

[rymyy]

هلا ريمي شخبارج؟

يالله ناطرين الصور

لوووول كله من صبوره اهيا ساس البلا

هلا ولله بوبو انا بخير الله يسلمج
انتي شلونج؟؟

 

[rymyy]

مشترواتي للريجيم

كباب متبل

دياي

شيش طاوق

جبنه بيضاء قليله الدسم

زبادي حالي الدسم

لحم غنم صافي

قشطه لايت

لبنه لايت

شرائح الجبن خالي الدسم

لبن خالي الدسم

"بالاضافه الى خضار وفواكه"


وتصبحون على خير انا برب بنام

 

[LadY BuG 80]

وانا اقووووووووووووووووووووول ايش في المنتدى منور كتووووونه هنا

حبيبتي بشرينا عنج ان شاء الله احسن الحين؟؟

طلعت لمبه و انا مدري يابختي :krkrkr:

منور يوجودكم حبيباتيييييييي :eh_s(7): اليوم الحمدلله اناقز ...

اليوم اول ما روحوا عيال من المدرسه و انا اهاوش تعال سو شيل حط ليش ما تفهمون ميت مره اقول ,,,,,, الا ولدي يقول لحظه بس ,, اول شي اشلونك اليوم انتي بخير ؟؟؟

قلت له دام تشوفني اهاوش و صوتي واصل يعن خلاص قمت مافيني الا العافيه و رجعت اكمل هواش ,, و هو يضحك علي :krkrkr: ,,, ولله الثلاثه اصغار يجننوني ,, عبال ما يروحون الكبار من المدارس اكون مجنونه رسمي ,, عشان كذا هم يتحملوني يدرون اخوانهم شياطين :eh_s(16):

بس كلهم في الاخير على قلبي مثل العسل ,,, بس لمن اروح الجم ساعه ما اصدق ارجع البيت اشتاق لهم :eh_s(2): مالي غيرهم :yaaaaaarb:

انا الحين احمل اصور ​

 

[rymyy]

الله يخليهم لج كتونه وان شاء الله على طووووووول تهاوشين وتعالي بعد كملي علينا هوااااش بس اهم شيئ تبقين بصحه وعافيه

يلى حبيبتي تصبحين على الف خير انا برب بنام

 

[brat]

كوتن

لوووول ساخن جدا ً، لي غاب القط إلعب يا فار

يالله الحمدلله إنج صرتي أحسن

أمبيه من صجج عبالج البرقع؟ لوووول تخيلي ننطر نضعف عشان نلبس برقع :krkrkr:


ريمي

آنا الحمدلله زينه، مشترياتج نفس مشترياتي بالكويت، بس شيلي القشطة
عليج بالعافية وتصبحين على خير

 

[LadY BuG 80]

اليوم الجمعه 8 - 4 - 2011

اول ما صحيت اخذت حبتين مسكن و بعده ادوا

و فطرت توسته و نص عليهم مسحت حبنه فلادلفيا خاليه من ادسم
( ممنوعه من الشاي الكوفي )

تغديت كوب شربه لبتون بلخضار

نص موزه و جلو

عشاي

سويت شربه فيها ملفوف و بطاط و شويه سبانخ بدون ليمون او مرقه ماجي ولا دهن

و اكلت 6 كراكرز مسحه خفيفه جبنه لايت بعد الشربع بساعتين

و اخر شي اخذت الياف ( على شكل بسكويت , تذكرون الاياف الي كنت اشربها عصير برتقال , نفس المنتج , الحين ممنوعه من العصاير الحامضه )

طعمه عادي , طبها شربت وراه 2 كوب ماء لانه الياف

مجموع الكالوري = 650 احسن من امس 300 و قبله 250 اليوم قدرت اكل اكثر و اقل الم :yaaaaaarb:

و ابشركم كنت اخذ حبتين مسكن كل 4 ساعات من المغرب اخذت حبه كل 4 ساعات :ggdw:


و صورت لكم عشا عيالي يوم كنت اكل الكراكرز بلجبن

فطاير تركيه

سبانخ . لبنه و زعتر . لبنه بزيتون و فلفل حار

طبعا جمبو سايز و قصصتهم بعدين

المثلثه سبانخ مسحت عليها فلفل حار

الي على شكل قارب لبنه و زعتر و نصها لبنه و شطه و زيتون

اسبانخ كان حامض و العجين كان طريييييي يذوب ( بنتي الي عجنت مشا الله عليها )

زوووووووووووووووم عشان تشمون اريحه

كانو يمي على قولت مجودي :rerrerek:

حطيتهم نغير جو عن صور اكل ارجيم

عجبتني صور اكلات لولو تسلم دياتها و استمتعت بلمنظر قلت حلو انزل صور طبخاتنا

لاحد تقول ما يصير و تضعف الاراده :eh_s(4): انا يوم شفت التشيز كيك تبع بنت لولو صراحه صار نفسي اضعف بسرررررعه عشان اسويها و اتمتع فيها ,, اقدر اسويها الحين ,, بس مارح استمتع فيها الا عذاب و تأنيب ضمير ,, بس بصبر لين اوصل صراحه عطتني بوش:rerrerek:​

 

[brat]

عليج بألف عافية كتونه

الله أمووووت بالفطاير شكلها حده يشوق، ماشالله عليج وعلى بنوتج

عيل آنا مثلج، إنشالله ما آكل فطاير إلا وآنا رشيقة عشان لا أحس بتأنيب الضمير الحين

إنشالله باجر تقدرين تزيدين أكلج ويخف العوار

 

[Melazlaza]

صباااااااح الخير يا رشيقات يا مشدودات وبالعافية ما اكلتوا
ماشالله عليكم بنات وااااااااازد سوي قرقر :d والله ماقدرت اقرا كل الصفحات بس الي فهمته انكم فصلتوا ياالله انشالله فصلة العافية
طبعا امس نمت تسع واليوم قعدت ست شنو شبعانة نوم الحمدلله قمت شربت قلاص ماي وعقب ربع ساعة اكلت بيضة مفيوحة ورشة فلفل وتوستة بلبنة وشريحة اناناس والحمدلله بطني انترس احس اكلي قل عن قبل بسرعة اشبع الله يزيدنا شبع ان شاء الله
اشتقت لكم والله

 

[Melazlaza]

كتووونة ماشالله الحمدلله على سلامتج واهتمي باكلج ولا تعصبين عالعيال ترى العصبية تأثر عالصحة الله يديمج بصحة وعافية

 

[ضي]

:eh_s(2):

:eh_s(2):


:eh_s(2):


:eh_s(2):








يرضيكم اقرا ٢٠ صفحه :eh_s(16):



ماااشاءلله الله يديييييم علينا هاليمعه الحلوه :ggdw:


انا الحمدالله عدددت العزيمه علي خيرر

والحمدالله ماااخربطت

كليت نص صدر دياي مشوي مع خضار سوتيه بس كان مع الخضار بطاطس

ورربع خبزه سمره الخفيفه وشووية سلطه والحمددالله ماااكليت من العيش ولا حليت :ggdw:

وبس علي مارديت وغسلت وبدلت وبدلت ولدي وقعدت اقراااا وقرااااا


حبايبي والله ودووووم كتون انج بخيرر ياررب


بس لاحظت كوكو مو موجوده من غير شرر




عطوووف نوم العاااافيه حبيبتي وصحح النوم:eh_s(7):

 

[Melazlaza]

هلا ضيوونة عواااااااااااافي وعفية عليج والله صج اثبتي قوة الارادة الله يقويها اكثر واكثر والله يعافيج وصح بدنج لووول

شفتي ماشالله البنات وايد سووا قرقر انا ماقدرت اقرى كل الصفحات قعدت انظف البيت وعلى ماقعد ولدي الا خلاص مافيني اسوي شي سويتله ريوق اهوا وابوه شكشوكة مادري اذا صح الاسم اهوا بيض بطماط وشوية بصل وحطيت عليه جبن مقطع وانا عن خاطري اخذتلي قفشتين بدون خبز طبعا

*

 

[Melazlaza]

لولو جكيييييتج تحت. ها شخبارج اليوم

 

[om l3yal]

هلا عطوف قاعدة اقرا اللي طافني
نوم العوافي وبالعافية عليج اللي كلتي
والله يعطيج العافية
امس البنات فصلوا بس ترا انا مالي شغل كلش
كنت اهاوشهم بس اهما موراضين الا بيكملون

 

[om l3yal]

شلونكم بنات شخباركم عقب سهرة امس
بالعافية عليكم كلكم وان شاالله دوم الفرحة والوناسة تعم عليكم كلكم
كتونة عسا دون ومنها للاحسن ان شاالله ربي يديم عليج الصحة والعافية
والجيز كيك طااااااارت في نفس اليوم انا ذقت نتفة كبر عقلة الاصبع بس كانت حيييييل خفيفة
جربيها مع باوند كيك تصير احلا واخف بعد وبالعافية عليج

 

[om l3yal]

ضيونة شلونج حبيبتي ولهت عليج
عليج بالعافية ماكليتي والحمدلله الارادة حديد الله يتمم ويثبت

 

[أم عامر]

شلونكم بنات شخباركم عقب سهرة امس
بالعافية عليكم كلكم وان شاالله دوم الفرحة والوناسة تعم عليكم كلكم
كتونة عسا دون ومنها للاحسن ان شاالله ربي يديم عليج الصحة والعافية
والجيز كيك طااااااارت في نفس اليوم انا ذقت نتفة كبر عقلة الاصبع بس كانت حيييييل خفيفة
جربيها مع باوند كيك تصير احلا واخف بعد وبالعافية عليج

صبااح الخير

قعدت من النوم على ال11 وهذي اول مره اقعد هذا الوقت

والله لا يراويكم امس بس اتحلم بالتجمع والسوالف وكملت سوالف بالحلم :krkrkr:

والله افز من النوم وارجع ويتكمل الحلم :krkrkr:

تريقت كوب حليب فقط

 

[Melazlaza]

هلا لولو الله يعافيج حبيبتي
اي اي ترقعين حق عمرج لوووووووول
انتي ام الخيازرين مالنا غناة عنج