تجمع رشيقات صيف 2011 Yes We Can Do It " Lets Go Girls

[صبرت ومل الصبر]

كيوتن انا بعطيج وصفتى بالعدس الاحمر بس الازم تسوينها

بصل وزيت تحمسينه بعدين تضيفين فلفل بارد وبعدين طماطم ويحمس عدل مدل وشويه ثوم يعنى حبه واحده كافي البهرات صنف واحد انا افضل وفلفل اسود وكمون كفشه حوس ماله السكر وضيفي الماي عليه طبعا تكونين مغسله العدس عدل ومنقعته نصف ساعه اوربع بس غسليه زين لما يغلى الماي ضيفي العدس ولاتنسين الملح وبس بس لماتنجذحبه العدس ماسكر عليه اخليه يطبخ اكثر لما يذوب العدس كل الى اكلو حبوه طبعا يكون مع عيش ابض ومرقه دجاج او يكون نفس المرق اوتاكلينه مع الخبز
ويصير تضيفين ماجي مكعبات

 

[أم عامر]

http://www.q8yat.com/t725735.html


http://www.q8yat.com/t603573.html

 

[الاسده]

مساء الخير
اليوم ياضيقت الخلق اكلت معجنات لان اليوم زيارتي لامي والله لعت جبدي من وزني الثابت شكلي بصكر حلجي من باجر

 

[BiiShOoO]

مساء الخير عليكم جميعا
عليكم بالعافية يارب ..

يومي ..
اول ما قمت شربت كاستين موية
افطرت الساعه 1 الظهر .. 2 شابورة بر ,, شاهي مع شوي سكر
بعدها بشوي شربت شاهي اخضر
الساعه 4 ونص تغديت ايدام بامية وخبز الرغيف الصحي
الساعه 5 ونص شربت شاهي اخضر
وقبل شوي لعبت اوربت تراك 20 د + بوش اب الجدار 30 مرة
وبعدها شربت كاستين موية

وبس

مساء الورد

الله يعاافيج يا رب


بالعافيه يارب

 

[brat]

صبوره عاد في موضوع نفس الفكرة بقسم السمنة والنحافة

بس هم حلو إن احنا نشارك بمشترياتنا

لولو آنا بعد بالكويت لما أكون مسويه رجيم أشتري ككاو كاندريل باللوز والكورن فليكس عجييييب
أما طقة كيلوقز بار، ريلي كله يشتري oat bar نفس هذا Natural Valley

في وايد أنواع بس جنه ما نحصل إلا نوعين بالكويت
شوفي هني
http://www.naturevalley.com/Products.aspx




انا هذا الكورن فليكس المفضل عندي، طعمه لذييييذ

وهذا Wheat bisks ماركة Weetabix

 

[BiiShOoO]

هلا احبج ماماتي وينج ماتشوفين شر ومبروووك عالوصول للهدف وديري بالج على نفسج وعلى صحتج وزين سوسيتي وقمتي تخففين بالاكل ولاتحرمين نفسج من السلطات والفاكهه ترا اهم شي

لولو حبيبتي الله يعافيج اي والله كنت محتاجه اطلع والحمد لله رفهت عن نفسي شوي
عاد اليوم لجو بديييييييييييع درجه الحراره 12 وشمس شكلي باخذ اليهال بعد شوي نتمشى وبنفس الوقت اخذهم يلعبون بالبارك

اكملكم يومي
قاعده اشرب شاي اخضر بالزنجبيل

عوافي يا رب

 

[om l3yal]

وبما اني قلت لكم لني كنت مطرودة من البيت ورحت مع عيالي الصغار فرايديز

هذا الطبق كان طبقي المفضل بس الحين مايهزني بس للمانة اكلت ثلاث لقمات



هذا تويستر

وهذا طبق ولدي عطاني لقمة وحدة



مشروم جكن اند مشروم

وطبقي



وطبعا بس شربت هذا



شوربة مشروم

 

[BiiShOoO]

قوة بنات شلونكم جميعا
اليوم تغدينا بره بس وايد متضايقة احس اجرمت بحق نفسي
اكلت شريحة ونص بيتزا مارجريتا خفيفة بس هم ماكان لازم اكلها وجم قفشة ماشد بوتيتو ونص ستيك لحم وخضار مفيوح ماكملتهم طبعا وربع قلاص عصير برتقال امبيه احس اني مذنبة
عندي عصير كيوي طازج مادري اذا يحرق سعرات اشربه ولو اني منغثة من حزة الغدا بس ابي شي يحرق:eh_s(11)::eh_s(16)::eh_s(11):

اهليييييين عطووووفة

عليكم بالعافيه الطلعة

بالعافية ما كليتي

و شربي الكيوي ترا يحرق :rerrerek:

 

[om l3yal]

بيشو ام عمور شلونكم حبايب وعليكم بالعافية ماكليتوا

 

[BiiShOoO]

يومي
لما الحين شاربة ست بطول ماي
الغدا قفشتين جبدة محموسة عصرت عليها ليمون ورشيت دقوس غراش مع اقل من ربع خيزة
مشيت ٤٠ دقيقة بواجهة سوق شرق تالي رحت الجمعية يعني كملت ساعة
بعدها كوكو شهتني علا بار الكورن فليكس عليها بستين الف عافية بس انا اخذت اللي علا جوكليت في ٨٣ سعرة
اخذت شور وصليت بنتي الكبيرة عندها امتحان الاحد وقاعدة تدرس طردتنا من البيت انا الحين بفرايديز
بشرب شوربة مشروم

بالعافية لولو و الله يوفق بنتج بامتحانها

 

[BiiShOoO]

شلونكم بنات وعليكم بالعافيه الى كليتو والى خربطو والى التزمو

مماتى مبروك الوصول

يومياتى اليوم

الفطور نسكافيه

الغداء توست 2 وروب خالى الدسم وببسى دايت

العصر خربطت اكلت بسكوت وقطعه كيكاو بس ان شالله مافيه عشاء واذا فيه روب بس

وسلامتكم بنات

الحمدالله و الله يعاافيج يارب

بالعافيه عليج اكلج :eh_s(10)::eh_s(7)::eh_s(7):

 

[om l3yal]

الاسدة وبعدين الحين شنو يفيد الندم خلاص صار اللي صار
والله انتوا تبطون الجبد تاكلون وتخلصون بعدين والله ضايق خلقي والله متحسفة يعني شبيغير من الموضوع عليكم بالعافية وخلاص

 

[صبرت ومل الصبر]

كيوتن نبي من الدايت مالج اوالي تنصحين فيه خواتج ويستفيدون منه

انا مستانسه ان الفكره اعجبتج لا تنسين تسوين طريقه العدس مالتى ترا ماينشبع منها

والله انا ماحب امدح نفسى ( ياشين الى يمدح نفسه )ههههههههههه

 

[brat]

وهذا أمس شاريته سيروم بمستخلص النرجس (شرايكم بترجمتي بس؟ لول) من نيفيا حق السيليولايت
أجربه وأقولج نتيجته

 

[الاسده]

عوافي عليكم الي اكلتوه يارشيقات

 

[BiiShOoO]

هاي بنات شلونكم؟

اليوم بعد الأسنسير ما يشتغل :rgewrg: رحت سوق الخضار والفواكه وشريت لحم وصدور دياي، أستعد حق الperiod، رجعت ومعاي أغراضي وانا صاعده مت من التعب، وبعدين رحت الجم تمرنت ساعة ٣٥ دقيقة مشي، ١٥ دقيقة قاري، ١٠ دقايق أوربت تراك، ورجعت صعدت الدري المتعب :/
الحين حاطه بيديانه بالفرن عشان بسويلي بابا غنوج (بس بحط وياه ثوم وليمون وزيت زيتون ورمان) ومادري آكل معاه تبولة ولا أخليه اهوا بمثابة سلطة وأسويلي حمسة بزاليا... أشوف

خل أطلع البيديان وأرجع أقرا سوالفكم

ويييييييييييييييييييي ميخالف رياضة رياضة

يعطيييج العااافيه و عوافي مقدما و تسلم ايدج يا رب

 

[om l3yal]

بشبوشة تسلمين يا عمري علا الدعوة ولج احسن منها
ربي يا قادر يا مقتدر يا رزاق يا كريم ترزق بيشو وبريت وضيون وام عمور وصبورة ومزمز وكل محروم ان شاء الله بالذرية السليمة الكاملة المتعافية البارة الصالحة يا قادر ياكريم

 

[brat]

لووولووو بتذبحينا، أمس أطباق تبجي، واليوم بعد :eh_s(4):

عليكم بالعافية حبيبتي، اشتهيت ناجوز جوني كارينوز

ــ

صج نسيت أقول شنو كليت :q

كليت بابا غنوج ويا خس بس ٦ لقمات كنت مترسة ثوم بس لذيذ
وحمسة بزاليا فيها (بزاليا، جزر، مشروم، بصل، طماط، معجون طماط)

ومن الصبح ليلحين راح أكمل شرب لتر ماي

 

[صبرت ومل الصبر]

الاسده وبيشو بالعافيه ماكليتوا

الى خربطت والى التزمت مطرح مايسري يمري صح المقوله بنات انا ميح بالامثله خخخخخخخخخخخخخخخخخخ

 

[brat]

ويييييييييييييييييييي ميخالف رياضة رياضة

يعطيييج العااافيه و عوافي مقدما و تسلم ايدج يا رب

لوووول الله يعافيج ويسلمج حبيبتي

تدرين ليش ضحكت؟ لأن لما قلت حق ريلي، حطلي ويه عيونه صايره قلب الحب (عالبلاك بيري) وكاتب Sport قصده رياضة لووول