متى آخر مره سألتي ريلج أتحبني ؟ وشنو كانت رده فعله

[كويتية زقرتيه]

بسم الله الرحمن الرحيم


شلوووونكم يا بنات بغيت أسألكم متى آخر مره قلتي حق ريلج اتحبني:eh_s(7): وها مو بس جذي شلووون رد عليج

1- قالج اي أحبج بس بطريقه جافه ومليقه وخلاج تتحسفين إنج سألتيه :rgewrg:

2- ولا قالج إي أحبج حبيبتي وحسيتي من كثر ما أن كان رومانسي ودج تسألينه باليوم عشر مرات:hjy5jewf:

3- قالها بطريقه جدا عاديه وما حسسج ابشي:eh_s(2):












نيهاهاهاهاهاهاها أنا ملجتي بعد اسبوعين ما عندي شي اقوله لكم هههههههه يالله شاركونا

​

 

[Miss McDonald]

ماقلتله ولا قاللي !

 

[~ بنت الهدى ~]

ياشين بعضهم ماكو رومانسيه حتى لو يحبها مايقول , شالتكبر

 

[كويتية زقرتيه]

مسس من صجج زين ذكرتج اليوم سأليه وباجر رديلنا خبر

 

[كويتية زقرتيه]

صااااااااااااااجه بنت الهدى​

 

[Čut!e Quèéи]

لا والله حشى ولا مره قالها بنفسيه
الصراحه والشهاده لله
ماقدر عليه لان يحبني اكثر من حبي له
ومن كثر ما يقولي كلمة احبج والله العظيم قلت له بس خلاص ماعندك غيرها !
لان وايد يقولها لي حتى مرات يتصل اقول الو ؟ يسكت بعدين يقول احبج
ماشاءالله عاد لاتحسدوني هههههههههههههههه

 

[*peace*]

امممم ماذكر للاسف

 

[كويتية زقرتيه]

كيووووووووت حبيبتي الله يتمم عليكم ويبعد عنكم الحسااد يارب شاكره لكم مروووركم انتو من صجكم ما تسألووون

​

 

[ورد الغرام]

بين فترة وفترة اسئلة وبدات لين بنااااااااااااااام
ايرد علي ويقولي دا السئوال الي الحريم مايملو منة

 

[صمــت_ALsHfaaH]

مادري نااسيه متى اخر مره قلتها


بس اذا رد علي يرد بملااااااااااااااااغه ويكرهني نفسسي

 

[كويتية زقرتيه]

ههههه الله يعينكم الصراحه​

 

[ام شووووق]

لووووووووول

لي تراضينا يصير خير

 

[كويتية زقرتيه]

لووووول

​

 

[الأميرة كيرارا]

مومهم جم مرة و لا اشلون و لا وين ؟
المهم تكون قول وفعل
نبي فعل

 

[انثى استثناء]

و الله و حياتج ما يمديني اسئلة اهو الي يهمس فيها

و بعدين كلمة احبج ما تستجدى
اهيه توهب

و بعدين ترى اهية طبيعة رياييل يمكن في رياييل يموتون على حريمهم بس صعب النطق عندهم

 

[كويتية زقرتيه]

صح كلامكم أأيدكم بس الكلمه لها وقع في النفس حتى ولو كانت مجرد كلمه المرأه بحاجه لها​

 

[زوجة عزيز]

:eh_s(22)::eh_s(22)::eh_s(22)::eh_s(22):

على الملجه والله يهنيج انا من قبل ساعه سئلته قال اااخ امووووت فيج

 

[Beauty is Me]

اخر مره سألت طليقي هالسؤال قلتله انا ادري انك تموت علي بس شكثر ((قال والله احبج حب ما ينوصف)) الله يسلمكم عقبها بجم يوم اكتشفت انه عنده سوالف وطلبت خلع وافتكيت منه لوووووووول ما ادري اضحك ولا ابجي صراحه

 

[أتراب]

هالسؤال كل ليله قبل لا انام مادري ليش والجواب على حسب نفسيته ساعات بس اناديه قال والله احبج خلاص ولين المزاج اوكي اقول لي ماسألتين واحيانا بسرعه ما احبج يمكن زهق من السؤال:33_1185028183:
​

 

[Australia girl]

ذكرتوني بسالفه على هالطاري ..انا طبعا ريلي حاله حال الرياييل اذا قلتله رد علي طبعا بنفس حلوه الحمدالله وانا كنت دايما اتشره عليه انته ماتقولي من نفسك وكلامنا المعتاد مره من المراارير ..خخخ..كان نايم وقام من النوم مخترع ..وفجاه لمني وقالي احبج ..تشققت ..والا الحبيب متحلم فيني الله يبعد عنكم وعنا انه فيني الشين وقالواله الدكاتره راح ندخلها العمليه وكنت بموت ورحت وكان يبجي ويقول ماقلتلها شكثر احبها بتموت وماتدري اني احبها اهيدايما تقولي انته ماتقول ,,وقام من الحلم المزعج وهم قالي انتي تدرين اني احبج لو ما اقول صح قتله صح ..وسلامتكم ..

والله يهدي ازواجنا يارب ويخليهم لنا