نصيحه لاتطلعين مع ريلج وانتي ماعندج فلووس شوفوه شصارلي اليوم

[انسانه بسيطه 20]

قوه بنات

بقولكم اليوم عرفت الريايل كلهم

طلعو كلهم نفس الشي امبيه

بنات انا ريلي من زمان معاه حتى قبل لانتزوج يعني عادي نطلع نتمشى وجذي

يعني مثلا وحده قالت توج متزوجه مايعاملج جذي لاعادي بالعكس انا وياه

المهم اليوم عالساعه 7 قاعدين بالبيت انا حسيت بملل جان اقوله شرايك نطلع

قال وين قتله كيفك شرايك الافنيوز جان يقول نتمشى بس ماتشترين شي لاني اعرفج انتي تبين تشترين لانه قبل ايام الخطوبه من محل لي محل عاد انا شقلت

قتله لااااااا شكو مرااح اشتري بس نطلع نتمشى جان يقول يالله اوك

مالت علي موقد كلمتي

تخيلو من محل لي محل
رحت محل ساعات محل عدسات محلااااااااااااات

والله لايوريكم بس اجوف البدلات علي



رحت محل زااااارا وياريتني مارحتله
وااي واي شوي واموت شحلاااات النفانيف علي

انااا البس واوريه واهو زين له خلق يطالع
قتله وي عيد ميلاد بنت رفيجتي بعد جم يوم ومادري شلبس

يعني نغزه ابيه النفنوف جان يحقر ويقول انا ناطرج برا


المهم بدلت ولبست بدلتي وملفعي وطلعت ورحنا قعدناا بستاربكس ويلعب بالايفون

وساحب علي ولا يسولف ولااشي وماله خلق

صارت جذي الساعه 9 جان يقولي ها نرد البيت جان اقوله توالناس ولا يقول لا خنرد قتله انزين خنتعشى بفرايدز ونرد جان يعصب جني طاقته
ووييييخزز فراايدز بعينج

اقول امشي بس انتي موكفوو واحد يطلعج والشرهه علي الي طعتج وطلعتج

وطلعناااا
وماحد يحاجي احد بالسياره
وبنص الطريج قتله ودني بيت امي مابي ارد البيت ولايوديني واهوو دايس زين مادعمنااااا

جنه يبي الفكه مني

وانزل ولاجنه صاير شي على انه زعلناا
بنات لاتلوموني حدي متحسسفه

ومادق علي ولادزلي مسج معقوله ما اشتاق لي يعني هم اهو ريلي منو يصرف علي يعني

ومعاشي مرده يخلص

 

[حلوه ولمآحه]

آهلين حبوبه،
وآضح من توقيعج انه ماصآر لج شهر
يمكن الريال مآعنده فلوس بعد ترتيبات العرس
بس مافروض مايعاملج هالمعامله ويكون فيه شفافيه ومعرفه منج لكل شي ،،
وهو قالج قبل لاتطلعون يعني اكيد مامعه شي ،،
ومستحي يقول ،،عشان جذيه كان ماله خلق ومتنرفز

 

[*peace*]

مادري شقولج احس ماكو مشكله تستاهل اللي صار

السالفه ومافيها توكم مافهمتوا بعض وماتعودتوا على طبع بعد

بعدين اهو قالج ماتشترين خلاص تجنبي المشاكل مع انه غلطان

مادري شقول صراحه

 

[ابيك لي بروحي]

هههههههههههههههههههه مت ضحك منه
بس غريبه توج متزوجه مفروض طلباتج اوامر
بس انتي قلت ماراح اشتري شي
وحنا مانقدر ندش مجمع نطلع فاضين
بس الرياجيل يزهقون
ان شالله يعوضج حبووبه

 

[miss-toota]

ههههههههههههههههههه امبيه حدج زوديتها المسكين

صج شكله بيحرم يطلعج مره ثانيه بعد انتي تسنعي بطلعه وباجي الطلعات قزريها ودشي المحل اللي تبين

اقول لا يبين طاري الطلعه الا بعد شهر عشان يكون ناسي يمكن ومره ثانيه خلج قد كلمتج

ههههههههههه مسكين

 

[سويت فانيلا]

اشوه عندي معاش

 

[G!RLooNa]

لوول و الله الصراحه الصراحه مافي مشكله اصلا

مادري ليش الوضع تكهرب

بس انتي مصختيها حبتين درتي السوق كله :dddds:

احلى شي تقولين له معزومه مادري شلبس يقولج انا ناطرج برا :dddds: خخخخ اكسرني

تعوذي من ابليس و دقي عليه دزيله مسجات جنا ماصار شي و الشوبينق خليه ويا البنات

 

[PuPa^^SWeeT]

انزيين حبووبة ليش قلتي ودني بيت اهلي ؟؟؟؟

يعني مو سالفة وعادي عصب و و نفس و تنرفزز مرده بعد ساعتيين اتطخوون

ولا يقوولج شيللي مكدره

الظاهر فعلا مامعاه فلووس و مايحب يبين انه ماعنده عرفتييي


دزييله مسج و تدلعي شوي واذا قاالج قولييله شوي انجرفت تدري كنت حلوة بالهدووم بس خلاص راح اكوون قد كلمتي المرة الياية

 

[" ام حمود "]

امممممممممممم يارب شقوولج بس
توكم معاريس مايصير جذي يعاملج ، يعني شفيه ليش متضايق وتبين جم بدله
مو محل ليش مايشتري لج عن خاطرج لو بدلتين
الله يهديه بس بصراحه مااشوف انتي سويتي شي ،
يعني قلتي له بس شرايك نتعشى هب بويهج شصاير !!
الله يهديه ويسخره لج

 

[معلمة شيسمونه]

لوول و الله الصراحه الصراحه مافي مشكله اصلا

مادري ليش الوضع تكهرب

بس انتي مصختيها حبتين درتي السوق كله :dddds:

انا بعد اقول نفس كلامها ما ادري ليش الوضع تكهرب والله
بس جان بس تمشيتوا ولا تدشين محلات طالعي من برا لي برا وبعدين تعالي
عاد هن يمكن معصب من قبل شفيه الله يهداه
وانتي شحقه تروحين بيت اهلج عاد جان مسكبه وراده بيتكم وبينتهي الموضوع بسرعه

 

[shak!shoka]

عااادي كلنا جذي نروح السوق على ابو نتمشى و نلفه لللف والله عادي

بس ريلج تصرفه باااايخ حيييل حييييل بسم الله توكم ما صارلكم شهر
واضح الميانه بينكم طااايحه وااااااااااايد ماكو حتى مجامله

وانتي غلطانه ليش تروحين بيت اهلج شكو اصلا ؟.

خو عزميه على قهوه وسولفي معاه قوليله ليش متضايق و شوي شوي سحبي منه كلام وشوفي شسالفته يمكن مو من روحة السوق يمكن في شي ثاني

اثنينكم غلطانيييين صراحه

الله يهديه لج

 

[الشيخة@]

الموضوع عادي مايحمل فديتش

 

[ام شووووق]

توكم معرسين وانتي عارفه مصاريف الزواج اكيد زوجج ماعنده

 

[ام شووووق]

ومايصير على اقل شي تزعلين وتروحين ببيت اهلج

الحياه جدامج وياما بتشوفين

 

[!الجادل الصعب!]

اتفقتي معآه على شي .. صح ..
ليش مآلتزمتي بالاتفآق .. رآيحه تتمشين ومن محل لمحل وتقآيسين ..
آنا لا رحت مع خواتي وصارو يقآيسون بمووت من الطفش مآآحب انطر ..
وهالمره رجآل مدخلته محلآت نسآئيه وفريتي مخه + يمكن مآعنده واحرجتيه ونرفزتيه ..
مرده بيصرف عليج ومرده بيعطي .. خلو الطفآقه شوي يآبنآت ..
كليتو هالشبآب بقشورهم ..

 

[ذوق بوتيك]

دزيله مسج لاتكبرين السالفه توكم متزوجين حلاته هالايام دلع ووناسه وضحك

 

[انصاريه قمره]

عاااااااااااااادي انا ريلي مرات يسوي جذي ومرات يقلب حااتم الطائي على حسب وضعه

 

[نفهمها صح]

الا تفاق اتفاق
انتي الي اخليتي فيه 2 مره خلج علي الكلمه علشان يطلعج

 

[Suki_Candy]

allah yhadeech 7abooba

 

[زوجة عزيز]

وي ردي بيتج استهدي بالله تعوذي من ابليس يابنت الحلال كلهم جذي ويمكن صج ماعنده