.. تبين تصيرين مره مميزه وكآمله من كل النواحي ومزيونه من الداخل قبل الخارج .. تعآلي .

[دآهية مطييير]

اول شي مشكوووووووووووووووووره علي هالموضوع
والله صج استفدت

بس ابي اسال
نقوعه ......عادى اشربها باى يوم يعني مو بايام دوره وحتي لو بايام دوره اشربها اول شي ولا اخر شي؟؟؟
ولهووم......نفس شي متي الهم منه باول دوره ولا اخرها ولا كل يوم
وبطل اللي فيه مره ومغل هم نفس سؤال عادى بكل يوم ولا بس بدوره؟؟؟؟اولها ولا اخرها
؟؟؟؟؟؟؟؟؟؟؟؟؟؟؟؟؟؟؟؟؟؟؟

هلا حبيبتي العفو

النقوعه ياقلبي تستعملينها بـ اي وقت عجبج وبـ الكميه اللي تعجبج مامنها ضرر ابد

بـ دوره او بدون دوره عادي

اللهوم نفس ماقلت من اول يوم ينحط مع الخبزه مع الشوربه مع المرق ع الغدا

عادي من اولها لـ اخرها

من عرفت الدوره وانا استخدم الدويات من اول يوم لـ اخر يوم

المره والمقل يستخدم بـ رباع وخامس يوم لـ اخر الدوره او لـ بعد الدوره بـ اسبوع لانه حلوووو

ينشفج ويشيل الافرازات

هذا يستخدم لـ الدوره ماله داعي بون دوره لان مفعوله يطلع بـ الدوره

فديتج
صج انتي داهيه
وانا صج موديه نفسي بداهيه كلش مو مهتمه بنفسي
وقررت خلاص لي متى عاد بس
لازم اهتم بنفسي قبل لا يفوت الفوت
جزاج الله خير

يفداج من بـ الكون يـ الغلا

لا مو زين نصيحه من اخت لـ اختها بـ الذات هالموضوع لااااااااااااازم اهتمام مافيه بعدين ولا تو الناس

ومافيه هالشهر ابي والشهر الجاي مالي خلق

صدقيني بس تسوين البرنامج دورتين ورا بعض خلاص راح تعودين

اصلا تضايقين ان ماشربتي واكلتي وتدفيتي والاشياء الممنوعه تكرهينها بس السالفه

يبيلها تعّود واهتمام ولا عرفتي حجم اهمية الموضوع راح يكون اول اهتماماتج صدقيني

مشكورة
كل فترة اقرا موضوعج

اليوم شريت الاغراض

العفو ياقلبي

ناطره النتايج واي استسفار انا تحت امرج

اختي حابه اسئلك
النقوعه اللي اللي ببطل كيف الاستعمال مع الدوره والا بدونها ياليت تشرحين
وبعد عندي سؤال النقوعه اللي للبطن عادي اسويها بزمزميه واشربها بعد الوجبات او بأي وقت
اتمنى تردين علي بسرعه
ويعطيك الف الف عافيه على الموضوع الاكثر من روعه

ابد مايبيلها شي

اشتريها وتكون مطحونه واذا مو مطحونه اطحنيها

واخذي ملعقتين وحطيهم في بطل ماي من اسمها نقوعه لازم تنّقع

ومو شرط بعد الوجبات

كل مامريتي البطل اشربي منه جغمه جغمتين ثلاث عادي

وع الريق هم عادي

وبـ دوره وبدون دوره عادي

والله يعافيج حبيبتي

-

هااا :eh_s(16):
أنا متأكده اني خرباانه :eh_s(11):
توني بنت و صغيره عمري 17
وقت الدوره ما استحمل العووار
و جسمي صاير متعود على الابره !
كل شهر اخذلي ابره و اتدفى و اشربلي نعناع أو زعتر ,

على فكره منطقتني احياناً مرطبه
و اعتقد ان الافرازات شي طبيعي ؟
ولا ؟

عاد وقتها هالايام .. و كالعاده أبره
ما اقدر , اتدفى ولا ما اتدفى ماكو فاايده
عوار يطيحني .. بشكل ما يتحمله إنسان :eh_s(14):

لا بسم الله عليج

بس حلو انج تهتمين بـ الدوره من تكونين بـ هالعمر عشان تعودين وتلاحقين عمرج قبل الخراب

لان اللي بـ عمر 21 و 22 خربو وخلصو لانهم ماكانو كبرج وهم فالينها

والمنطقه طبيعي تكون رطبه

وطبيعي تكون في افرازات خفيييييييييييييييييفه

بس الافرازات والرطوبه المبالغ فيها واللي فوق الحجم الطبيعي هذي تعتبر خراب

والعوار كلنا بـ اول ايام الدوره نتعذب ونموت

بس صدقيني لا اهتميتي ماراح تعورج ومو مشكله تاكلين بندول عن العوار او تطقين ابره اول يوم

صدقيني بعدين راح يروح العوار

اهم شي انج تهتمين الممنوعات وهي اول الاهتمام واهمها

بعدين تدفين نفسج

بعدين تشتغلين علي عمرج بـ الحار تشربينه وبالاكل فلفل اسود

وشوفي نفسج عقبها

والله بـ تحسين انج صج مره

يعطيج العافيه ماقصرتي انا مشكلتي اعاني من توسع انا مطلقه ومعي ولد ودي اسنع روحي قبل اتزوج اخاف اتطلق بعد
اسئليلي اذا جدتج تعرف شي يضيج

الله يعافيج حبيبتي

التضييق ماعندنا خبر عنه والله

بس مع الاهتمام اكيد المنطقه راح تكون شآده وناشفه ونظيفه وهذا اهم شي

اما التوسع بعد ولاده وزواج اتوقع عمليات هو العلاج الاضمن

بس اذا ماكنتي تهتمين

هذا غلط غلط غلط

ونصيحتي لـج ألتفتي لـ عمرج

 

[دآهية مطييير]

الله يزاااج خيير ع الموضوع ويحقق لج كل مآ تتمنينه يا رب

لانه فعلا بيفيدنا وبستفيد منه ان شاء الله لدورتي الجايه

لانه تطلع منى اصوات بطن وما اهتم حييل وقت الدوره بس موضوعج شجعني

الله يريحج دنيا وآخره يا رب

بس عندي جم استفسار الحين النقوعه احط منها قفشتين حقت الجاي ببطل ماي صحه الاصغر حجم

اشوف شويه مو اكثر من النقوعه بعد؟؟

والشراب الثاني الي فيه سويده ومره ومغل و10 حبات محلب والا بدون محلب؟؟

وبس الله يعطيج العافيه

تسلمين يابعد روحي

النقوعه مو شويه ملعقتين لانه اذا نقع كل ماله ويصير ثقيل

لا جذي زين لاتزيدين

والبطل الثاني مع محلب

اذا مطحون المحلب حطي ملعقه صغيره واذا مو مطحونه حطي 10 حبات تقريبا


والله يعافيج ياروحي

السلام عليكم
يزاج الله خير اختي
ممكن تخبريني كيف استخدم النقوعه كم كوب في اليوم اشرب ابغي اعرف مالها اي اظرار عقب الزواج
فيديني أكثر عن هذي الاعشاب مضايقتني كرشتي ابغي اكون اوكي 3الاعراس عندي عقب شهرين تقريبا

وعليكم السلام هلا وغلا

ويجزيج بـ المثل ان شا والله

حبيبتي النقوعه مالها مقدار معين علي كيفج وبدوره وبدون دوره ومالها اضرار ابد

لا بعد الزواج ولا قبله


اشربيها وسوي كريم التخسيس وحطيه كل ليله وبـ اذن الله مايجي شهرين الا انتي اوكي

داهيه حبيبتي ممكن اعرف شغله لان دورت بجم صفحه مالقيت الجواب الحين النقوعه شتريتها وطحنتها وسويتها مثل البودره واذا ابي اشرب منها احطها بقلاص واصب عليها ماي دافي صح طريقتي ولا غلط وثانكس حبوبه

امريني ياقلبي لاتدورين امري

لا ماتحطينها بـ قلاص وماتنشرب بسرعه

هي من اسمها نقوعه لازم تنقع شوي

حطيها في بطل وصبي عليها ماي دافي وخليها شويه واشربي منها كل مامريتيها

وتقدرين تحطين ملعقه بـ فنجال القهوه وتشربينها بس بـ الماي انفع

وطعمها مقبول بـ القهوه ماتنشرب

يعطيك العافيا اختي

انتي كاتبه مغل ؟؟؟ وش يطلع

هل هو المقل الل يشبه المره

وربي يعطيكي الفين عافيااا

الله يعافيج حياتي

ايه المغل هو المقل اللي نفس المره بـ الضبط

والله يعافيج

بس حبيت اقولج وحشتيني ​

يالبى قلبج والله

مايوحشج غالي حياتي

نورتيني

مشكوره ياالغلا

طيب ..بسألك
المقادير
الي هي فنجال من كل نوع
.. ماتحسين ان فنجال من المسمار .. قوي شوي ؟؟؟
خفت احط فنجال كامل مسمار .؟؟؟؟
يعني فنجال حلبه وكمون ومحلب اوك .. بس فنجال مسمار أخاف يحرق جوفي < تخاف البنت ههههههه

لآ جد حبيت استفسر من هالنقطه ..
ياليت القى اجابه
ومششششششششششششكوره ويعطيك الف عافيه

العفو حبيبتي


صح المسمار واجد بس حسب الرغبه اذا بـ تقللينه قلليه تقدرين تحطين ملعقه وحده بعد

بس الفلفل لا تقللينه لانه حييييييل مفيد بـ شكل ماتصورينه

والعفو

مشكورة حبيبتى داهيه مطير

تكفين اسألى جدتج انا قبل وقت الدورة كنت اكل تمر مع رشاد عقب قالتلى عجوز ابعدى عن الرشاد تراه يوقف الدوره وقفت الرشاد اساسا خلاص معاد نشتريه

وبخصوص النقوعه من وين

العفو ياقلبي

التمره اللي فيها رشاد وفلفل مفيييييييييييييده حيل حيل

والرشاد اكثر من مره اقول ينظف وينزل الدم مستحيل يكون سبب بـ توقف الدوره

بـ العكس التمره والرشاد حلوه ارجعي لها

بعدين مالج شغل بـ كلام فلان وفلان انتي يوم اكلتيها شنو حسيتي بـ نفسج يمكن انتي من النوع

اللي توقفها

انا بصراحه مستحيل تمر دوره بدون رشاد ولما اكل الرشاد ما اتعدا البيت لاني انزف بـ شكل مو طبيعي

وتنظف حيل

والنقوعه نفس ماقلت موجوده بـ العطار

يا مطحونه وجاهزه

او انتي تاخذينها وتدقينها وتطحنينها وتقعد فيج مده طويله

او مقاديرها اللي ع الجيس جمعيها انتي من العطار وسويها

وبس

 

[مزاجية كول]

يسلموووه اخت داهيه على هالموضوع ويعطيج العافيه
ياعمري ابي منج برنامج كامل للنفاس؟
حابه اسالج عن ربط البطن بشماغ بعد الودلاه او اى مشد زين ولا لاء لانى محتاره ؟
والشى الثاني بغيت اسم كريم للتخسيس لبطن مجرب وينفع؟
لاهنتي ياقلبي

 

[جمال طفله]

تسلمين ياقلبو

بس النقوووعه هي كذا اسمه حتى بالسعوديه ولا ايش

يمكن تعرفين




وحابه كمان ازيدكم حاجه لناس اللي فيهم التهابات في المنطقه الحساسه تحط موي دافيه وتحط فيها مره وملح خشن بس الملح مو واجد شوي وخليه تغلي على النار وبعده حطيه بجيك او علبه وفاالاسبوع مرتين لدخلتي الحمام اخذي شويه منه ورشيه على المنطقه اللي تحت بعدين البسي السروال
وبس


للأمانه اني انا اسويه يعني مو خرابيط شي معروف

 

[مهااوى]

ياااااااااااااااااااااااااااااااا كرهى للدوره

 

[((الحالمه))]

هااااااااااااااااااااااي داهيه

ياقلبي انتي انا من متابعين مواضيعك من بعيد لبعيد

وتوني سجلت بالمنتدى

وتشكرين على هالمواضيع المميزه

بس حبيت اسألك عن شغله

انا سويت خلطة الكريمات مثل ماقلتي بالضبط

ولي الحين 10 ايام لاحظت بالبدايه نظاره

بس بعدين لاحظت اني سمرت شوي وانا استخدمها لجسمي بشكل يومي لكن وجهي بشكل متقطع

مع اني مااطلع للشمس هالشي عادي ولا لا ياقلبي ياليت تفيديني اكمل او لا

:eh_s(17)::eh_s(17)::eh_s(17):

 

[سوسو العصلة]

اب اب اب ابا

اب اب اب

اب اب اب

 

[تووولين]

انا رحت العطار وقلتله عطنى نقوعه وعطانى شي نفس المره وريحتها يووووووووه تصرع كنها ريحته غنم والله العظيم وهى نفس المره كنها صخره هذى هى النقوعه ولا لااا

 

[غزلان بنت ابوها]

الله يعطيج العافيه

 

[mem-q8]

صباح الخير


يعطيج ألف عافيه على هالموضوع

تدرين ترا والله في بنات أول مرة يسمعون عن هالأشياء
وفي بنات أمهاتهم مايعرفون بهالأمور ولما تجي وحده يكون احد من اهلها خبرة وتفيد البنات الثانيه الصراحه
صج صج يعطيها العافيه يارب


انا اتخربطت بالبرنامج
المواد اللي ذكرتيها ماراح اتكون صعبه ان شاء الله
بس طريقة الترتيب فيها
ماعرفت متى أبدأ ومتى أوقف استعمالها سواء اللهوم أو الرشاد

واكو الخلطة اللي ذكرتيها أول شي معاها الرشاد بس قلتي لا نطحنه معاها يعني نحط الرشاد مع الخلطه عقب ما نطحنها قصدج؟



ياليت بس تقولين هالشي نستخدمه من متى إلى متى بأيام الدوره..


بس شكلي بدزلج رساله خاصه

 

[ايامنا الحلوة]

جزاج الله الف خير

 

[سعوديه وتحبكم]

مشكووووووووووووووووووره فديتك احب مواضيعك

 

[دلوعة الـ غ ـيم]

قريت كل الموضوع

و لي بآك مع اسآلتي و استفسآراتي هنآ او ع الخآص

دآآهيه مطير

الله يرزقك و يفتحها بوجهك و يوسعها علييك من كل صوب يا رب

الله يرزقك باللي قبل تقولين آآءء قال آبشري و سمي و لبيييش

الله يحرم آيدينك عن النآر غنآتي​

 

[نوري وكلي حلا]

رد : .. تبين تصيرين مره مميزه وكآمله من كل النواحي ومزيونه من الداخل قبل الخارج .. تع


حبايب قلبي اعذروني انا سعودية مو فاهمه هذي الكلمات
ابصراحه ابي اجرب هالوصفات ومو عارفه معنى هالكلمات
دلاغات اللهوم نقوعه ..مغل>>>سويده >>
بخور الهواء<< هالكلمات اعذروني مافهمتها
الشيء الثاني مو عارفه شلون استخدم هالوصفه هو انك تجلسي في حوض فيه هالوصفه اولا
نجي للشغله المهمه :

بطل ماي صحه حطي فيه ..

10 حبات محلب

كسرة مغل

كسرة مره

شوية سويده ..

وصبي ماي دافي



هالشغله عجيييييييييييييييييييييبه شوي عليها

تنشفج من تحت جربوها هالدوره وخلوها تخلص دورتكم واراهنكم ان ماقلتو صرنا فرق عن قبل




هالشغله عجيييييييييييييييييييييبه شوي عليها

تنشفج من تحت جربوها هالدوره وخلوها تخلص دورتكم واراهنكم ان ماقلتو صرنا فرق عن قبل

نفسي اجربها بس مو عارفه الطريقه

 

[نوري وكلي حلا]

رد : .. تبين تصيرين مره مميزه وكآمله من كل النواحي ومزيونه من الداخل قبل الخارج .. تع

حبيبتي داهيه انا الافرازات عندي بس مو مرررة بس اننها موجوده اش الي يشيلها
تعبت وانا ادور على شيء سمعتك وسمعت غيرك يقول التشطيف بالمويه والملح يفيد هل هذا الكلام صحيح
وابي اسال شلون اعرف اني خربانه....

 

[تالي تقديـرك]

مااااقصرتي مشكوره

 

[Čut!e Quèéи]

شويت كل الي قلتيه
وجهزت كل شي
واليوم اول يوم لي
وان شاءالله راح اجربهاااااااا
الله يجزاج خير ويرزقج الزوج الصالح يااااااااااااااااااااااا رب

 

[هـّـذا حـآليے]

يسلمووووووووووووووووووووو

 

[ماآاريا]

جزاج الله خير داهية المطير

والله انا عمري ما سويت شي لنفسي<< فاهيه

بس ان شاء الله بسوي

بس بسألج عادي استخدم بوقت الدوره " طبخة الغوري من العطار "

والمحلب قصدج حق الشعر "

 

[الفدنه]

اب
واتمنى التثبيت​