تفضلو حبي
البارت الحادي عشر
جنان نطرت فهد يطلع من الشقة ومسكت التليفون على طول ركبت خطها اليديد ودقت على خالد
خالد: ألو
جنان ( بدلع): ألو
خالد: هلا
جنان: هلا فيييك
خالد: منو معاي؟
جنان: شدعوووه ليش اليوم جم وحدة رقمت؟
خالد: مممممممممممم وحدة قمر
جنان: هههههههه اييي انا القمر
خالد: هلا والله .. هلا بهالصووت.. شلوون القمر؟
جنان: زينه.. انت شلونك؟
خالد: آنا بخييير دام سمعت صوتج
وقعدو خالد وجنان يسولفون تقريبا ساعه
سولفو بكل شي.. بس جنان ما يابت طاري انها متزوجة
جنان: يلا خالد اخليك الحين
خالد: وين وين تو الناس
جنان: وين تو الناس؟؟ صارلنا ساعه نتكلم
خالد: اي واذا؟ ساعه شويه
جنان: هههههههه لا تصير طماع.. أكلمك باجر
خالد: الله يصبرني ليه باجر
جنان: بااااي
خالد: بايات
ثاني يوم راح بوضاري مع أم ضاري وضاري بيت بو حنين
دخلو الصاله وكان بو حنين وأمها قاعدين
بو ضاري: السلام عليكم
بو حنين ( وقفله) : عليكم السلام يا هلا بو ضاري
سلمو على بعض وبو ضاري طالع ولده: تعال حب راس عمك
بو حنين: مابيه يحب راسي.. خيوخر عني أحسنله
ضاري عصب من عمه بس ما كان يقدر يتكلم
بعد ما قعدو.. بو ضاري: والله يا خوي ليتك تنادي حنين بكلمها شوي
بو حنين: على أمرك.. أم حنين ما عليج أمر روحي نادي بنتي
أم حنين قامت وصعدت حق حنين.. طقت الباب
حنين ( بصوت تعبان): تفضل
أم حنين ( واهي تبطل الباب): ها حبيبتي قعدتي؟
حنين ( تعدل قعدتها بالفراش): اي يما حياج
أم حنين ( تروحلها تبوس راسها.. وتقعد تلمها): ليش ما نزلتي تحت تتريقين معانا؟
حنين: مو مشتهيه
أم حنين ( تمسح على راس بنتها): لا حبيبتي لازم تنزلين تاكلين معانا آنا وأبوج
حنين: ان شاء الله يما
أم حنين: عفيه على بنيتي.. اممم حنين
حنين: هلا يما
أم حنين: حبيبتي تعالي نزلي تحت عمج بو ضاري وخالتج مع ضاري تحت
حنين ( فزت من مكانها.. ووخرت شوي عن أمها): شنووووو شيبووون يايين؟
أم حنين: والله مادري.. تعالي نزلي خنشوف شيبون
حنين: لا مابي أنزل
أم حنين: لا يا يما ما يصير.. عمج وخالتج مالهم ذنب
حنين: ذنبهم ضاري ولدهم
أم حنين: انزين أبوج قال لي أناديج بتكسرين كلمته جدامهم؟ يا حبيبتي نزلي معاي وصدقيني ما يصير خاطرج الا طيب
حنين ( بقلة حيلة): ان شاء الله يما
أم حنين ( باستها): عفيه بنيتي
ونطرت حنين تدش الحمام وغسلت.. مسكت ايدها ونزلو مع بعض
حنين ( منزلة راسها): السلام عليكم
الكل ما عدا ضاري: وعليكم السلام
بو حنين: هلا يبا تعالي قعدي يمي
بو ضاري: لا هاذي بنيتي الغالية أبيها تقعد يمي
حنين مشت لين عمها وقعدت يمه من غير ما تتكلم.. وبوضاري حاوطها بيده وباسها على يبهتها
بو ضاري( يطالع بو حنين.. وللحين حاضن حنين): والله يا بو حنين.. مادري وين أودي ويهي منك.. ولدي مسود ويهي جدامك
بو حنين: لا تقول هالكلام أفا عليك يا خوي.. انت لك الحشيمة والكرامة
بو ضاري: تسلم يا خوي.. بس احنا يايين اليوم نرد حنين حق زوجها
حنين لما سمعت جذي رفعت راسها بخوف تطالع أبوها
بو حنين ( فهم بنته وابتسم بويهها): والله يا بو ضاري مادري شقولك.. بصراحة طلبك صعب
بو ضاري: صعب بس مو مستحيل.. ترى ضاري عرف غلطته.. واهو ولد عمها وماله غناة عنها
بو حنين: بس انت تتوقع ان السالفه هينه لهالدرجة اللي أرد بنتي حقه بعد اللي سواه؟
بو ضاري: صحيح اهو غلطان ومعترف بغلطته ( التفت على ضاري) صح والا لأ
ضاري: ها؟ ( يعض على اسنانه) اي اي صحيح
بو ضاري( يطالع حنين ويمسح على ظهرها): يبا حنين شقلتي؟ ضاري يحبج وشاريج.. بس اهو مطيور ومسحي اللي سواه بويهي واعتمدي ان ماراح يعيدها
حنين منزله راسها ودموعها تطيح بحضنها
بو حنين: مايخالف بو ضاري خل نعطي حنين فرصة تفكر
بو ضاري: لا ماراح أطلع من هني الا ايد حنين بيد ولد عمها
بو حنين: لا يخوي مابي أغصب بنتي على شي ما تبيه
بو ضاري: ليش اهي ما تبي ضاري؟
بو حنين: لا ما قصدت جذي.. بس البنت مجروحة وجرحها ما طاف عليه يوم
بو ضاري: وانا مابي جرحها يطول.. أبيها تتداوى اليوم .. ولا تنسى ان اليوم ثاني يوم بزواجهم
بو حنين: أي زواج ياخوي.. نسيت ان طلقها؟
بو ضاري: بس اهي بالعدة ويقدر يرجعها بأي لحظة.. يلا يا بو حنين خلنا نفرح
بو حنين: والله مادري شقولك الكلمة الأولى والأخيرة حق حنين
بو ضاري (رفع راس حنين بيده): ها يبا شقلتي؟؟
لا تنسون محتاجة دعواتكم لولدي حبيبي.. وأحبكم
