تهاوشنا والسبب------لو

[dectora 7elwa]

مرحبا بنات
السالفه وما فيها بنتي راحت المكتبه مع ابوها ردوا قاعد يسولفلي ان كان ينطر بالسياره وصفطت بنت وانزلت من السياره وبنفس الوقت كان في شاب طالع من الجمعيه كان يخزالبنت وهي ماشيه بطريجه وتدور بالجنطه ودشت المكتبه
الولدركب السياره ولف نزل عند سياره البنت وعلق رقم تلفونه ردتالبنت شافت الورقه وركبت السياره وتمت تقرا الورقه مده بعدين حركت
قلت لزوجي هالشي عادي كل يوم يصير وانت ما اكدت ان البنت احتفظت بالورقه المهم مع النقاش
قالي لويصير معاج شبتسوين قلتله هاشي يتكرر بالشارع مع اغلب البنات بس المحترمه مايهمها حتا لما صار معاي كم مره ما فكرت فيه ولا حتا اييبلك طاري لان شي تافه
وهني الطامه الكبرى
شلون ماتقولين وكم مره صارت ومنوكان معاج وشنهي الاماكن اللي صارفيها
وانتي تغبين علي وياترا شمغبيه بعد
حاولت فيه شاب ضو
يقول انا اكيد واثق فيج بس مستغرب
شلون انتي مستهينه بالموضوع ليهالدرجه
قلتله انت الحين معصب خل ناجل الموضوع لما تهدا
تركته وطلعت وهوراح المسيد وللحين مارد
شسوي
مالي خلق دعاله ومراضاه
تكفون شوروا علي

 

[ام التاريخ]

الله يعينج

 

[عاشقة_الجمال]

لوووووووووووووووول لازم تستانسين انه يغار عليج

بس انتي المفروووض ما تقووولين انا يصير معاي السوالف هذه

ما ادري احسها شي موو حلوو يعني تخيلي ان اهو يقووولج انا جم مره بنت تتحرش فيني بس ما حبيت اقوولج لاني حسيت السالفه مو مهمه اكيد انتي بعد بتحترين وتتضايقين

عشان جذي من الاساس المفرووض ما تقووولين له السالفه

 

[أم توتو]

رد : تهاوشنا والسبب------لو

الله يهديه

 

[وحش سعود]

عادي
ضبطي شغلج وسوي حلو بارد
ولما يرد لا تبطلين الموضوع ناقشج فيه
ساعتها قولي هالشغله عاديه واصلا اقط الورقه وانا ماشفتها
او ريحي راسج وقولي ما صار
انا قلت اشوفها تصير بكل مكان
والله الهادي

 

[Queenleo]

رد : تهاوشنا والسبب------لو

لوووول
بالعكس انا اشوووف وناااسه
لو مكانج يمكن ابطها ضحكه بوويهه
هذا دليل يحبج ويغار عليج
قووليله ماكنت ادري انك تبي تعرف ووعد بقوولك اول باووول وقووووم يالله اعززمني على ميس الغاانم

 

[ملوكـه]

ياوه انتي جبتيها لنفسج
الله يعيييينج ..

قولي وش اسووووووي يعني ..
اروح اقول لك
وهات الرقم ووووالخ

 

[حصه11]

الله يهديج اصلا الرياييل لاتقولين لهم جذي


انتي تمي استغفري وان شاء الله ما يصير الا كل خير

 

[ALIEN]

رد : تهاوشنا والسبب------لو

لعبي عليه دور الكاريزما
اول ما ايي ,, قابليه بابتسامه ,حاجب واثق ..
..
..
..
بوسه
مزاج حلو
هدوء اعصاب حيل
مهما عصب جدامج خليج هاديه
لا تفتحين الموضوع و طول الوقت سولفي معاه و ظحكي و وعطيه جو حلو وخلج كوووووووول الاعصاب كووول
اهو اذا فتح الموضوع ظحكي قوليله صار الموضوع و خلص ليش معصب الحين
وبعدين قربي منه بظحكة عنفوانية و قوليله بصوت حنون : تغار علي ؟
يعني هذا الي مزعلك
انك تغار علي و قولي بجرأة لكن بثققققققققققققققققققه مهم جدا تبينين له الثقه علشان يثق فيج
قوليله : اي نعم ,, في مره سبق و ان انلحقت و صار جذي لكن مو انــــــــتا الي اييلي واحد من الشارع و يفكر يطمع فيني او حتى بأظافري
شسوي اذا انا اتراكتيف و المشكلة ان كل جمالي و جاذبيتي يبيك انت مو عيال الشارع و ظحكي برود و مزاج حلو مثل ما قلت لج و دلعيه و قولي فديته يغار علي و لعبي بخشمه شوي طفريه

 

[ALIEN]

رد : تهاوشنا والسبب------لو

ملاحظه انيتي لو مو قايله من الاول انج انلحقتي جان قلت لج لا تقولين له انج انلحقتي بس انتي قلتي و خلصتي فــ هذي خوش ترقيعه

 

[ام الشوامس]

والله يبتيها حق نفسج ..
مستحيل تقولين حق الزوج تصير وياي هالسوالف ،، يقوم الدنيا و مايقعدها ..
شتسوين ؟
بعد ماكو الا التمسكن و انا ما ادري اني بضايقك و موقصدي وهالسوالف ..
والله يعينج لووول

 

[^_^ حوراء ^_^]

رد: رد : تهاوشنا والسبب------لو

لوووول
بالعكس انا اشوووف وناااسه
لو مكانج يمكن ابطها ضحكه بوويهه
هذا دليل يحبج ويغار عليج
قووليله ماكنت ادري انك تبي تعرف ووعد بقوولك اول باووول وقووووم يالله اعززمني على ميس الغاانم

:eh_s(22): انا وياها .. خووووش راااااي ..،


الحين إذا رجع سوي نفسج كلش جنه مو صاااااااااااااااااااير شي ..

و إذا فتج السالفه ردي عليها بهالرد ..:eh_s(17):

 

[صمــت_ALsHfaaH]

ياحلوووج جبتي السالفه فوق راسسسج

اهو مو سسالفه مو واثق بس اهم يحبون نكون كتاب مفتوووح

بس شوفي قولي انا لاني ادري انك تغار علي وبتضايقك السالفه ماقلتها واهم اصلا مايحركون فيني شعره انت تسواهم

والدليل اني عايشه معاك وعيلت منك وحقك علي مره ثانيه وعد ماراح اخبي شي كله ولازعلك يالغالي < يعني بالمختصر قصي عليه بكلمتين وطيررريه بالسسسما والله يهدييه وطمنينا ششصارر

 

[خالف تعرف]

لا عادي هذا موضوع بسيط ويعدي ابسهوله ان شالله

 

[dectora 7elwa]

مشكورين بنات ما قصرتوا :eh_s(17):
لهيت مع اليهال وتالي قلت خل ازهب عشا قبل لا يرد اعدل الاجواء شويه
رد الساعه عشر وربع
كلمارحت الدار سوا روحه لاهي بيبدل ولابيروح الحمام عزكم الله
قلتله لاهي
قال لابس بصلي شفع ووتر
رحت جهزت السفره ورديت لقيته
7
7
7
7
منسدح بينام
قربت وقلتله
ماتبي عشا للحين ما كليت ناطرتك:yaaaaaarb:
قال لا مو مشتهي قلتله يلا مسويه جاينيز عشانك
قال لا ماقدر عفيه طفي الليت بنام واذا تبين التلفزيون سهري بالصاله
تكفوووون شسوي والله السالفه ماتسواوباجر دوامه صبح يعني مايرد الا سبع ونص ثمان ما ينتحاجا من التعب :rgewrg:
يعني حتى ردودكم وافكاركم الحلوه ما عطاني فرصه اطبقها كلللش صاد
ادعولي ماحب اعيش بهالجو النكدي
شسويله:bbbiu:

 

[قاهره عذالي]

شةفي انا صراحه ان اذاني واحد او تحرش فيني علمت زوجي
حسب
درجة الاذيه
يعني مرات في شغلات اطوف واسكت خاصه ان كانت مواقف بالجامعه
اما بره الجامعه رايحه مخرعني واحد اقول
عشان ابيه يخاف علي يحسسني انه مهتم مو روحي مع السايق بدون مايفكر

 

[~ FOOSY ~]

رد : تهاوشنا والسبب------لو

الله يهديه ان شاء الله

 

[G!RLooNa]

ويه الله يهداج ماتعرفين دعاله الرياييل !!

اصلا شخباري هالحركه قديمه لووول

صارت فيني مره وحده قبل جم شهر و اضطريت اخذه _ من تحت مسكه باب السياره طبعا مو منه لول _ عشان يحل عن سماي و قطيته

بس قوليله جذي الوحده عشان تفتك من اللي لاحقها تاخذه خصوصا ان حاطه بورقه ماراح يوقف يمها و ينقلها الرقم و تسجله بالموبايل بس عشان تصرفه شكلها بكون غلط .. تاخذ الورقه عشان يذلف اهوا يمشي من هني و انا اقط الورقه من هناك :d

 

[dectora 7elwa]

رد: رد : تهاوشنا والسبب------لو

الله يهديه ان شاء الله

اميييين الله يسمع منج

 

[غروري بطيبتي]

حبوبه نومي عيالج وروحي عنده الدار
ولا جنه شي صار اذا اهو مافتح الموضوع انتي سكريه واذا سالج وقال ليش ماتعلمين قولي لاني اول ما اركب السياره انسى الموضوع وما اذكره