روايتي الثانيه (عهدي مع الايام)(واقعيه)

[NaB'9 QaLBi]

لاااا نبي طوييييييل نااااطريييينج :'(
انا من الحين ببجي

 

[@أحلاهم وأتحداهم@]

بحاول انه يكون اطويل برب اكمل الكتباه

 

[هنووفوو]

رد: رد : روايتي الثانيه (عهدي مع الايام)(واقعيه)

[/font]

fqeeeraa lyaal bs ma7bha sakhefaa w kel 3am w enty bkhair 7bebty

لووووووووووووووول نفس الاحساس احسها ساعات ياهل مليقه

 

[البارونه*_^رونه]

وي يبجييييييييييي بعد

مو نااقصه اهئ اهئ بليزززززززززززززززززززز لا يصير شي بعد بينهم خل يرضوون ع بعض

 

[الــــراسيـه]

كل عام وانت بالف خير عقبااااااااااااال 1000000000 سنه
ناطرين البارت ومشكوره على البارت

 

[@أحلاهم وأتحداهم@]

بنات انا قاعده اختصر وايد بالاحداث والبارت قصير بعد اشوي انزله

 

[so_what]

لااا احلاهم لا تختصرين ونبي بارت طوييييل بلييييييييييز:eh_s(2):

 

[@أحلاهم وأتحداهم@]

البارت 22

بداية حزن

على لسان جراح:انا طلعت من الفلا لكن تركت قلبي داخل مع ليال الي كانت بحاله لايرثا لها تركت بحيبت قلبي بصد الدموع والحزن الي سببته لها ..بس هالشي مو بيدي هالشي خارج عن ارادتي احبها وماأبي اخسرها

مطار لندن
طلع من المطار وهو شايل هموم الدنيا على راسه شكل ليال وهيا تبجي مو راضي يروح من باله كان خايف عليها وايد
مشعل(مرافق جراح) وهو يفتح الباب السياره حق جراح:تفضل طال عمرك
جراح وهو يركب:شكرا
مشعل صك باب السياره وركب جدام
جراح طلع تليفونه ودق على ليال
ليال بصوت مبحوح:الووو
جراح بضيق:مساء الخير
ليال بلهفه:هلا جروحي هلا حبيبي انت وينك
جراح:انا توني طالع المطار والحين رايح الشقه عادل
ليال:الحمدالله على السلامه
جراح:الله يسلمج
ليال:جروحي دير بالك على روحك
جراح:ان شاءالله ..الا وين ملوكتي
ليال:توها نايمه
جراح:ليال ماوصيج عليها ...اذا ملاك صار فيها شي عرفي اني انتهيت
ليال بخوف:سم الله عليكم...وبعدين في ابو يوصي ام على بنتها ...تطمن بنتي بعيوني وقلبي ومستعده اقطع من لحمي وعطيها ولا يصير فيها شي كافي انها من ريحتك
جراح بقلبه(احبج ) :الله يخلج لنا ولا يفرقنا
ليال:آمين يارب ويردك لي سالم ...جروحي
جراح:عيونه
ليال:تسلم لي عيونه ..جروحي ابيك دق على كل يوم ابي اسمع صوتك بكل وقت
جراح:ان شاء الله ...اوكي انا لازم اروح الحين وانتي بعد روحي ارتاحي
ليال:شلون ارتاح وانت بعيد عني..بس اذا تبيني ارتاح توعدني انك ادير بالك على نفسك وتكلمني كل يوم
جراح:ماطلبتي شي كل ساعه بكلمج مو كل يوم ....اوكي يالله باي
ليال :باي

بعد اسبوع من سفر جراح
جراح كان لاهي بالمشروع وايد وماعنده وقت حتى يحك راسه ونادر مايكلم ليال ... طول الوقت مع عادل ولد عمته غنيمه

بالمكتب
جراح:انا شلون نسيت هل الاوراق ...لا اله الا الله ...اوووف قولي شسوي الحين
عادل:دق على طلال خل يطرشهم لك بالفاكس
جراح:شلون وانا قافل المكتب والمفتاح معاي
عادل:والحل الاوراق لازم تكون موجوده خلال هل يومين
جراح:خل اشوف طلال يمكن عنده مفاتيح مكتبي او يمكن يحصلهم عند السكرتيره
عادل:دق اشتنطر
جراح:دق على طلال اكثر من مره ومارد عليه...ماكو الا ليال...ودق عليها
ليال ردت بلهفه:هلا بقلبي هلا بجروحي
جراح :هلا ليال شلونج وشلون ملوكتي
ليال:كلنا بخير انت شلونك وشلون الشغل معاك
جراح:الحمدالله على كل حلال...ليال ماشفتي طلال اليوم
ليال:امبلا طلال بالبيت
جراح:ليال روحي بسرعه قوليله خل يدق الحين علي ابيه ضروري
ليال:ان شاء الله
جراح:باي...وصكه قبل مايسمع ردها
ليال شافت شاشة التليفون :الحين صالي جم يوم مومكلمتك آخر شي داق تبي اخوك..يالله ماعليه ...وتكلم ملاك..ملوكه امشي ننزل تحت..وشالتها ونزلت تحت بصاله
بصاله
هنادي وخالد كامو قاعدين يتناقشون بموضوع طلال
خالد شاف ليال وملاك:ها الحوين مو نايمين ليلحين
ليال:ماتبي اتنام تبي تلعب
هنادي:لاتنومينها الحين اذا نامت بليت تسهر لج
ليال:خالتي وين طلال
هنادي:بغرفته ليش بغيتي منه شي
ليال:جراح داق ويبيه ضروري الحين
خالد:خير ان شاء الله ...ماقالج شيبي
ليال:لا عمي ماقال بس قالي خل يدق عليه الحين
خالد:خل ادق عليه اشوف...ودق على جراح ...وجراح فهما السالف
خالد:اانت شلون ماعندك سبير للمكتب مايصير
جراح:يبا هذا الي صار والاوراق لازم اتكون عندي خلال يومين
خالد:لا حول ولا قوته الا بالله
هنادي راحت نادت طلال ...الي كان نايم ومن قعدته راح ابسرعه وكلم جراح
طلال:انا ماعني مفاتيح مكتبك
جراح:دق على السكرتيره شوف وعطني خبر الحين
طلال:اوكي
جراح:يالله شوف شيصير معاك وعطني خبر

بأحد الشركات الكبرى بلندن(بكتب الحوار بالعربي)
ادورد:السيد جراح ال..موجود في لندن
جاك يبتسم ابخبث:اذن اسرع في تنفيذ الخطه
ادورد:حسنن
ثاني يوم
بفلاة خالد
البنات كانو قاعدين بصاله وطلال كان قاعد معاهم ..كانو يقولوه عن اسماء البنات ومواصفاتهم عشان يختار من يخطب فيهم
كادي:داني حماتج حلوه ليش مانروح لها
دانه:لالا ماتنفع عقلها صغير وايد
اريام:انزين ارفيجتي رغد جميله وبنت عايله معروفه وستايلها عجييييييييب
رتاج:وعقلها ان شالله نفسج
اريام:ليكون ماني عاجبتج
دانه:اريام لاتزعلين بس احنه نبي وحده اتريح اخونه مو تعل قلبه وبعدين كافي عله بالبيت باجر يصيرون ثنتين
ايارم بعصبيه:نعم عيوني انت العله مو انا انا مادري المدمغ ريلج اشلون ماخذ وحده مثلج
دانه:انتي بالاول عدلي اسلوبج بعدين تحجي
اريام:اسلوبي احسن من اسلوبج
طلال قاطعهم بصراخ :قومو طقو بعض ليش قاعدين ...انتو لا حيا ولاحشيمه احترمو العالم الي قاعده...ان سمعت صوت وحده فيكم يعلا ياويلها مني فاهمين
البنات:فاهمين
فترت صمت
رتاج:ليال..يوم حفلتج شفت وحده كانت طول الوقت مع اختج منو هذي
ليال:اي هذي رناد بنت عمي صالح
طلال:اخت اسعود
ليال:اي
طلال:اممم
رتاج:جم عمرها
ليال:17 او 18 مادري بضبط
رتاج:لا ماتنفع وايد صغيره
ليال:من ناحية ماتنفع ...ماتنفع...الانه امي تبيها حق اخوي محمد
دانه:رتوج اي وحده ماأذكرها
كادي:مو لازم تتذكرينها
ليال بتردد:انزين ليش ماتخطبون جنى
دانه:ا يجنى ان شاء الله بنت عمي محمد
ليال:اي ..انا اشوفها مناسبه حق طلال
اريام:اي صح كلام جانا من زمان اقول جذي..جنو طيبه وقلبها ابيض
رتاج:انا عندي امينه احسن منها بوايد بس حسافه محجوزه
دانه:جنى دلوعه حدها
ليال:دانه الدلع مو مقياس باجر تتزوج وريلها يشكلها بالطريقه الي اهو يبيها....وبعدين بنت عمكم مو غريبه وانتو تعرفونها عدل ..مو احسن من اتيي وحده ماتعرفون عنها شي
طلال:صاجه ..الواحد جم مره ينخدع بحياته
رتاج :طلال افهم من كلامك انك تب يجنى
طلال:انا اولى فيها من الغريب وعمي مربي بنته عدل واذا على الدلع انتو انتو بعد مومقصرين
ايارم:يااااااااااااااااااااي وناسه

لندن
غرور:جراح شنو صار على الاورق
جراح:عادل الحين بالمطار وان شاء الله باجر الصبح الاوراق بكونون عندنا
غرور:الله يهداك في واحد ينسى اوراق مهمه مثل هذي
جراح:بعد هذا الي صار
غرور:جراح مرتك اشلونها
جراح من سمع اسم ليال تذكر يوم الي ودعها وشلون كانت تبجي...جراح سرح اب مشاكله الي صارت مع ليال ..ملامح ويها تبدلت لي ملامح حزينه ولامح فيها هم وشقى
غرور:جراح ...جراح
جراح بنتباه:هلا
غرور:لالا انت مومعاي كلش وين رحت
جراح:ولا مكان
غرور:شكلك مشتاق لها وايد....جراح انت تحبها
جراح رافع حاجبه اليسار:اكيد
غرور:وهيا تستاهل هذا الحب
جراح:غرور شهال اسأله الغريبه طبعا تستاهل
غرور:لا بس من ذكرت اسمها ملامحك تغيرت وحسيت انه بينكم شي
جراح بستغراب:شي مثل شنو
غرور:مشاكل
جراح:الله لايب المشاكل ان شاء الله
غرور:عيل ليش تكدرت من سألتك عنها
جراح:الاني احاتيها وايد انا سافرت واهيا تعبانه وايد وانتي شايفه ماعندي وقت حتى اكلمها
غرور:ماعليه تحمل كله جم شهر ويخف الشغل...الا ماتفكر اتيبها هني
جراح:لا صعب ..اهناك اريح لها اهيا مريضه وتحتاج رعايه وبعدين الجو هني مايساعد وبعدين انا ماأرد البيت الا وقت النوم
غرور:اممم...الا شرايك انروح انتغدا ولا مو يوعان
جراح:لا والله يوعان ...يالله مشينا

بعد اسبوعين
فلاة خالد
الكل كان قاعد على الطاوله عشان الغدا ...وكانو يتناقشون بحفلت طلال الي كانت قبل يوم (طلال ملج على جنى وسوو حفله صغيره ...والعرس بعد شهر )
خالد:الا وين المعرس
هنادي:طالع مع مرته ...والله ماتدري اشكثر قلبي ارتاح من ملج هل ولد ..كنت خايفه لايهون بأخر لحظه
خالد:لا ولدي عاقل ومايسوي جذي
هنادي:ليال يما جراح ماتصل
ليال بضيق:لا والله مادق وانا عيزت وانا ادق عليه جهازه كله مغلق
هنادي:والله هل العيال بيذبحوني قاصره عمر ..زمايقول عندي اهل اسأل عنهم لاهي بشغله
اريام وهيا تشوف ليال من طرف عينها:ماما اول مره جراح يسافر ومايتصل ولا العاده كل يوم يدق
خالد:هل مره غير ...الانه المشروع يحتاج مجهود مضاعف
دانه:ماما متى تطلع الصور
هنادي:دانه انتي حدج فاضيه احنه بالصور ولا بخوج الي ماندري عنه
دانه:آسفه ماما
بعد عشر دقايق رن تليفون خالد
خالد:نعم
عادل:السلام عليكم شلونك خالي
خالد:وعليكم السلام هلا عادل شلونك يبا ان شاء الله بخير
عادل برتباك:بخير الحمدالله..خالي انت وينك
خالد:بالبيت
عادل : يعني الكل عندك خالي ابي اسألك سؤال وتجاوبني باي اولا
خالد بخوف من طريقت عادل:تفضل
عادل:جراح رد الكويت ولا لاء
خالد بطل اعيونه على وسعها:اكيد لا عادل صاير شي تكلم
عادل:والله مادري شقولك خالي جراح صارله اسبوعين مختفي ومالا أثر بأي مكان
خالد بخوف:شلون يعني ماني فاهم ..شلون مالا اكثر اهو مو ياهل عشان يضيع
الكل اللتفت على خالد وكل كان خايف من انه جراح صار فيه شي
عادل:خالي انا من رديت لندن مالقيت جراح والكل مو عارف عنه شي حتى الاستاذه غرور ماتدري وين اختفا
خالد بنبره حاده:عادل انت مستوعب الكلام الي تقوله ...شلون يختفي وين بيروح ..انزين سألتو بالمخفر بالمستشفيات عند ربعه
عادل:خالي صار لنا اسبوعين لا ليلنا ليل ولا نهارنه نهار كل قاعد يدور عله بس ماكو نتيجه عشان جذي دقيت عليك قلت يمكن رد الكويت بدون مايبلغ احد فينا
خالد:منوا خر واحد شافه
عادل:الاستاذه غرور كانو طالعين مع بعض يتغدون ومن بعدها ماشافته
خالد:بس جراح صارله فتره مادق علينه ولا نعرف عنه اي شي قلت يمكن لاهي بالشغل
عالد:لا ياخالي جراح اختفا وانا مادقيت عليك الا بعد مافقدت الامل اني القاه
خالد بعصبيه:شهل حجي اسبوعين اسمع انا الحين بدق على جم واحد من الربع وبدق على السفير وشوف وانت شوف شيصير معاك وبلغني اول بأول
عادل:ان شاء الله
هنادي بخوف:خالد شفيه جراح
خالد كانت عينه على ليال:جراح صارله اسبوعين مومبين
ليال اشهقت وحطت ايدها على شفايفها ودموعها بدت تنزل:يعني وين راح شلون يختفي
هنادي:يمكن مسافر مني مناك
خالد:عادل يقول ماخلو مكان الا ودولاو عليه وماكو فايده
هنادي بتوتر:يعني شنو ابي افهم جراح وينه
خالد:هنادي اهدي شوي
خالد دق على طلال وبعد نص ساعه كان بالبيت
خالد:واحد فينا لازم يروح هناك مومعقوله يختفي فجأه
طلال:انا اروح وانت خلك اهني شوف الاوضاع
هنادي:ياربي يارب .....يعني وين بكون
طلال:يما هدي شوي اتلاقينه تعبان وماطلع من البيت وعدول مكبر الموضوع
هنادي:طلال انا بروح معاك ابي اتطمن على ولدي
طلال:يمه شي وديج هناك...يبا انا رايح اشوفلي حجز على اقرب طياره
خالد:اي يبا لاتضيع الوقت ترى مومن صالحنا
ليال وهيا تبجي:عمي ليش تقول جذي ريلي فيه شي قولي
كادي وهيا تبجي:لا ان شالله مافيه شي
خالد:ممكن تهدون شوي ابي اركز عشان اعرف اشلون اتصرف ..كادي دانه اريام اخذو ليال وصعدو فوق
ليال:لا عمي انا ابي اقعد عندكم ابي
خالد يقاطعها:لا تخافين وانا بوج اذا عرفنه اي شي بنبلغج روحي باي مع البنات
ليال اصعدت مع البنات لي غرفت كادي
البنات كانو متوترين وخايفين شوي يبجون وشوي يسكتون
ليال وهيا تبجي:انا كنت حاسه انه بيصير شي مو زين انتو ماشفتوه اشلون ودعني ...كان شي مخيف طريقته بذاك اليوم ماكانت وداع عاديه ...وتبجي ...وينك ياجراح ليش رحت قتلك اخذني معاك ليش ماخذيتني ليش
دانه وهيا تمسح دموعها وتلمها:بس حبيبتي لاتقولين جذي جراح بيرجع لاتخافين
اريام:كله منج ياويه الفقر من دخلتي هل بيت واحنه مومترقعين
كادي بصراخ:ارايم ذلفي طلعي بره الا اناديلج ابوي الحين
اريام:مو هذا الصج جراح طول عمره يسافر ويرجع ولا يصير فيه شي بس من ادخلت هل قبسه البيت اختفى ماينلام يمكن اختفا من القهر ماخذ وحده بنت فقر
كادي بصراخ:بس خلاص كافي رحمي حال البنت انتي شنو ماكو احساس...وسحبتها لين باب الغرفه وطردتها
ليال الي كانت منهاره من البجي :يارب اترده لي سالم يارب وتبجي
كادي:ليال ان شاء الله مافيه شي
ليال:ياااااااااارب الله يسمع منج وكون بخير


نهاية البارت

 

[@أحلاهم وأتحداهم@]

لااا احلاهم لا تختصرين ونبي بارت طوييييل بلييييييييييز:eh_s(2):

حياتي والله تعبت انا من الصبح قاعده على الاب توب تعبت


بنات خلو البجي حق باجر اجلنا شوي

 

[so_what]

حبيبتي والله يعطيج ألف عااافيه ،دام نخلي البجي حق باجر عيل جراح فيه شي

 

[هنووفوو]

حرااااااااام جراح وينه
شكلع هذا جاك مادري شسمونه اهو الي خاطفه عمب عينه عمت عينه
شنو غرور ليكون معاهم مادري ليش موبالعتها مليقه:bbbiu:

 

[كذبـ a ـك حلو]

رد : روايتي الثانيه (عهدي مع الايام)(واقعيه)

لااااااا جرراح ويينه

انا بعد مع هنووفوو اتوقع من جاك اهوا اللي سوا جذي وغرور بعد بالسالفه احس ما حبييتها كلش

ان شااااااااااء الله جررراح يرد بالسلامه لا لا يصير فيه شي

ناااااطرررين البااررت

يعطيييج العافييه حييياتتيي ....

 

[^الاسود يعبر^]

كل عام وانتي بخيرر


احلاهم يعني القصه هذي صج صج واقعيه؟؟ يعني ليال وجراح موجودين فالواقع؟؟

كااسرين خااطري وجراح عصببيي وحنون و متسرع بقرارته اتجاه ليال و فاهمها غلط الله يهداه

 

[سارووونه22]

لا لايصير فيه شي والله حرام

 

[البارونه*_^رونه]

اهئ اهئ لا تقولييييييييييين شيسمووونه يعني هذا بااااااااااااااااااااااح >>>>>الله لايقووله


انا اتوقع اخطفوووووووووووووووووووووووووه يمكن ان شاءالله جذي ولا شي جاااايد اقوى من جذي


يارب يارب يارب يلقوووووووووووونه

وي يبجييييييييييييييييييييييييييييييييي امبيه ماادري شقول

ناطرين الباارت اليااي ع احرر من الجمررر بليز بليز لا تطولييييييييييييييييييييييييييين عفيا

 

[مجنونة حبه]

كل وعام وانتي بخيررررررررررر احلاهم وعقبال مليون سنه

تكسر الخاطر ليال بس اخاف جراح مخطوف
لان كان الحوار بين شخصين عن الخطه الي بتصير اكيد خطفوه الله يستر
ناطرررررررررررريييييييييينج مو طولين

 

[شموخ واحساس]

مشكورة ياقمر على البارت

عقبال الباقى
​

 

[كوين74]

أحلاهم كملي حلات وخليج خوووووش بنت ....... يرحم والديج لا تقولين جراح مات لأني صج ما راح اقدر أكمل القصه

كافي حززززززن نفسيا تعبت ....... بقول توقعي و يارب يكون صح و ما يخيب ضني

جراح مخطووووف علشان شركته ما تاخذ المشروع .......... يارب بأمرمك يا علام الغيوب ترد جراح سالم غانم حق ليال

بلييييييييييييييييييييييييز مانبي إختصار إخذي راحتج نبي نعرف كل شارده و وارده

مو أحر ممن الجمر إلا قاعده على جمر أنطر البارت الياي .......... الرحمه​

 

[fdk_q8]

تسلم ايدج عالبارت الروعه وانا توقعاتي تقول نفس كلام كوين .. مخطوف
لوول بقولج شي بعد لوجين انا كتبتها بالنطق كلش ماتوقعتها لجين لول احس لوجين احلى مادري ليش مشكوره عالتنبيه :* لانها تنكتب مثل ما قلتي بس عاد شيصلحها بالقصه
يعطيج الف عافيه

 

[بتبوشة]

رد : روايتي الثانيه (عهدي مع الايام)(واقعيه)

ثانكس حبوبه عالبارت
اتوقع جراح مخطوف وغرور لها يد بالموضوع مادري ليش حاسه جذي
بليييييييييييييييز نبي البارت الجاي اطول
ناطرييييييييينج لا طولين