يبي يعرف و انتي لا؟؟

[الزيــALZAINــن]

شلونكم و شخباركم يا عضوات منتدى كويتيات الحبايب؟؟

الموضوع : ترضين و لا لا ..

قصه من تاليفي:

اتصل على فهد رفيجه و تكلم معاه في كل الاخبار ماشاءالله و خلص الاتصال مع السلامه ، سئلته ابتهال عن موقف ذكره اثناء كلامه و قال مو شغلج و لا تسالين عن ربعي و منو ؟؟ اعتذرت و قالت ان شاءالله
و اذا اتصلت رفيجتها يسالها منو هذي ؟؟ قالت صديقتي شسمها ؟؟ قالت مالا داعي رد و قال: انا زوجج و لازم اعرف كل شيء و قالتله خصوصيتي قال ماكو خصوصيه عني و اذا قالت انت ما تقول اسم ربعك و لا ترضى خلاص انا مثلك لان انت يا فهد قدوتي يرد بغرور و يقول لا انا رجل و يحق لي اعرف منو تكلمين ؟؟


الاسئله :

1- هل تقبلين تقولين اسامي صديقاتك امامه و يعرفهم ؟؟

2- هل تفضلين معرفه اصدقائه لتعرفي من يمشي معاه ؟؟

3- هل اذا كلمتي اخواتج تقولين من و ماذا قالت و قلتي ؟؟


هذا هو الموضوع باختصار و تكلموا على راحتكم و عطونا رايكم بهالموضوع ...

3
2
1

GoOoOoOoOoooOoo

 

[ZOHOR]

ريلي دايما يجيك بتلفوني ويسال يبط الجبد..
مرات يقول بس بلقصب لم يقهرني..

 

[Killer^Girl]

اقوله اسامي رفيجاتي عادي
بس ماقوله تفاصيل السالفه
اعطيه خطوط عريضه او بشكل عام
او الف الموضوع لو كانت السالفه خاصة ومابيه يعرفها
يعني مامسكه خيط
مايهموني اسامي ربعه
بس لو شفت ان في شي مبالغ فيه بينه وبين احد اسال
اذا قال قال
ماقال عادي

 

[أميرة زوجي أنا]

لا ما اعتقد يصير كل هذا التحقيق​

 

[هيا البرقاوي]

رد : يبي يعرف و انتي لا؟؟

1- حبيبتي انا زوجي مااحب اقوله عن رفيجاتي شنو قالت لي شنو سوت شنو اسمها شنو عايلتهم نوووووو وي ... واحيانا يسأل منو تكلمين اقوله رفيجتي فلانه او اخوي فلان بس مااقوله شنو الموضوع اللي بيني وبين اخوي او اختي ... واذا على سالفة ربعة اي احب اعرف منو يمشي معاه او منو ربعة بس ما اسأل هو يسولف من كيفه عرفتي ...

 

[(المباركيه)]

مايهمني هالشي
سوءا سولف عن ربعه ولا لا
وانا عن نفسي لو سالني بقوله عادي (بس موكل شي طبعا بقوله الاشياء الي اشوف انه عادي يعرفها لكن غيره نووووووواي)

 

[UNICORNA]

لا ما اقبل

والحمدلله تعاملنا واحد يعنى ماعنده هالحركات

هو يسال صراحه بكل شى بس لمن اساله مايقول انتى ايش دخلك فهمتى قصدى

وبالنسبه لو كلمت اخواتى اى اقول عادى لو اشياء عاديه

بس هو اذكر شوى يقول كل شى بس لو فى شى خاص احسه انه مايقوله ومدرى احساسى

صح او غلط

وبالنهايه الناس طبايع يعنى اكيد فى اختلافات بالشخصيه

 

[BoxCouture]

رد : يبي يعرف و انتي لا؟؟

ما اعتقد فيها شي اذا قلت اسم رفيجتي هذا الشي مو عيب وأكيد ماراح اقوله عن الموضوع اذا كان خاص بس اذا شي عادي ما فيها شي ردعا للفتنه وهم اهو اذا سالته يقول عادي

 

[صمــت_ALsHfaaH]

بدايه زواجنا اانا ماكنت اسئل واهو كله يسالني منو هذي

طبعا بس اقوله اسمها بسسسسسس

بعدين صرت مثله اذا احد اتصل منوو هذا وشيبي وشعنده < بالمختصر احقق وياه

واحيانا يرد لي الحركه


طبعا ربعه منتهيه اغلبهم منتهيه صلاحيتهم واهو معترف بهالشي بنفسسه

وبعضهم محترمين واسستانس اذا اتصلوو او راح لهم

بس فيه واحد استغفر الله من كثر مادعي عليه

زوجته مرتين سقطت المسكينه وماصرت ادعي عليه عشانها ولا هو مو كفوو

<<< قصصيت قصه حياتي

 

[أميـِـِره]

نوو كومنت انا عنيييده واذا مابي اقول شي لحد ما اقول لو شنوو وبهالمواقف تصرفاتي تكون سريعه واحيانا اتحسف ليش سويت جذي بس

 

[الزيــALZAINــن]

رد : رد: يبي يعرف و انتي لا؟؟

ريلي دايما يجيك بتلفوني ويسال يبط الجبد..
مرات يقول بس بلقصب لم يقهرني..

عزيزتي زهور ..:eh_s(7):

شكرا على الرد ، و انا بعد بعض المرات و اسوي نفس الحركة يمكن خطا بس دائما اعيد جمله انت مثال فشوف الي تسويه لان انا قلاده :eh_s(9):؟؟

 

[Adorable]

انا اعرف اسامي ربعه و اهو يعرف اسامي رفيجاتي
من حق كل واحد فينا يعرف منو يماشي ومن اي عايله

بالنسبه حق السالفه اهو ما يسال بس اقوله فلانه تقول جذي و سالتني عن جذي و مرات اذا يبون شي اهو يعرفه اساله اقوله فلانه تسال عن هالشي و بس

 

[انا لحبيبي .]

رد : يبي يعرف و انتي لا؟؟

ماعندي مشكله يعرف اساميهم .. لانه بالتالي انا بعرف اسامي اصحابه

اصحابه همي اصحاب اخوي خخخخ لانه صاحب اخوي ^_^

انا وياه بنحكي لبعض كل شي والله يتمم علينا الخير يارب هاد .. بنحكي اسرار بعض لبعض وما بنطلعها لحد

بالخلاصه بعتبرو ( صديقتي المفضله ) خخخخخ لو يسمعني بموتني على هاللقلب

الله لا يغير علينا الا للاحسن يارب العالمين ^_^​

​

 

[كويتية نايس]

رد : يبي يعرف و انتي لا؟؟

انا صرااحه مو متزوجه بس لو صج عادي يعني انا بعرف واهوه بيعرف<<<<<<<<<<< ادري قطت وجه

 

[مولاي الفرج]

رد : يبي يعرف و انتي لا؟؟

ماقوله اساميهم لان ماله داعي ولا بيحاسبني شسمها بس عادي اقوله شسولفنا فيه عموما مالي صديقات وايد المهم..

سؤالج الثاني لا ماسئله عن ربعه ماحب واتوقع شي بديهي اذا كان رفيجه قريب منه بيسولفلي عنه وجذي

سؤالج الثالث مايفرق عن الصديقات ..

 

[روحي زوجي]

اهو لازم يعرف كل صغيره وكبيره

وللامانه حتى انا احب اعرف عنه بس مايعلمني

تيكيت ايزي لاتبوق لاتخاف

 

[om_dodo]

عسى الله يسهل اموركم

 

[العسليه]

مراات اقووول ومرااات اقوول عادي ماكو سوالف عاديه ومرات اخزه واقول ماكو شي خخخخخخخخخخ

 

[* بنت المطر *]

يسالني عن كل شي ومايحب اساله ونفس ماذكرتي اذا سالته يتضايق ويقولي رفيجي ووبس ودايما من حقه واهوا الرجال

وهالموال اللي مانخلص منه بس لاني احبه اجاوبه واسكت لوول


بالنسبه لاسالتج ::

اي اقوله رفيجتي فلانه ومرات يسال من بنته ؟ واقوله بنت فلان الفلاني

اي افضل اعرف ربعه ومنو يماشي ووين يروح ؟؟

خواتي اذا سوالف عاديه اقول اما اذا خصوصيات بالعايله لا ماتكلم ومايجبرني اتكلم


وثانكس ع الموضوع الحلو

 

[حورية الجنه]

1_لا مااحب اقوله اسمائهم بس اذا سالفه جايده اقوله السالفه من غيرمااذكر اسماء

2_اي عاد اذا كلم احد يمي اصير المحقق كونان بس يبط جبدي يرد علي بالقطاره هههههههه

طبعه مايحب التسأل وانا العكس

3_انا مااحب اتكلم عن اهلي يمه حتى لو سالفه تافه مادري تعودت جذي