عروس سابقة .. ارحب بأي سؤال محيرج .. حياكم الله

[حبة شوكولاته]

انا في سؤال محيرني
الحين بالليل بلبس قميص النوم واذا تسبحت قبل لا انام راح البس بجامه ستان انزين واذا قعدت شنو البس هالسؤال محيرني مادري شلبس خصوصا اني بكون بالفندق

 

[شذونه]

رد : عروس سابقة .. ارحب بأي سؤال محيرج .. حياكم الله

عمر الشاقي باقي:bbbiu:<<<<طموشه صغيرونه

 

[cat^q8]

رد: رد : عروس سابقة .. ارحب بأي سؤال محيرج .. حياكم الله

انا مشكلتي استحي حييل يعني حتى عند اهلي يصير وجهي احمر وينشف ريقي و اصير عرقانه وحارة يعني يبين علي الارتباك والحرج مدري شلون اتخلص من هالطبع شلووووون ابي اصير جريئه اشوي ماقدرت ؟؟


بصراحه هالليلة تخوف واكثر شي يخوفني اهو شنو راح يقول بنفسه عني يعني شنو يكون رايه فيني اخاف يجاملني ؟؟ :eh_s(2):

مدري احس بخاطري كلام وايد ابي اقوله واسأل عنه بس مستحيه اف والله كرهت نفسي ساعديني

حبوبة انتي كلامج كأنج مو واثقه من نفسج ؟؟ ليش شنو فيج شي يفشل ولا غلط علشان ما تثقين ؟؟

حتى اللي فيهم عيوب و اللي على ويههم تشوهات ترى ناجحين والكل يحبهم

انا انصحج ان اذا صرتي بأي مكان تكونين واثقه من نفسج وتحاولين انج تسولفين وتكسرين حاجز الخجل هذا

انا ماقوللج كوني جريئه مرة وحده ، بس لما تكونين واثقه من نفسج راح تتمتعين بكل لحظة قاعده فيها

وبعدين بقوللج على شغله

انتي الحين يعني لما خطبوج اهله ماشافوج ؟؟ يعني لو فيج شي ماعجبهم ماكان خطبوج صح ولا لا؟؟

وثاني شغله اذا اهوه شافج حسبالج بيهتم بجمالج وجسمج ولبسج ؟

ترى الريال كل هذا ماااااااااايشده

اللي يشده ان المره تكون فاهتمه وانها تسولف معاه وتنسيه الدنيا

دربالج على ريلج ولا تخلينه سبب خجلج يبتعد عنج و يروح يفتح قلبه حق غيرج


واذا كسرتي حاجز الخجل مرة راح تنحل كل امورج في المرات اليايه


ابدي وعلميني شيصير معاج :eh_s(7):

 

[cat^q8]

انا في سؤال محيرني
الحين بالليل بلبس قميص النوم واذا تسبحت قبل لا انام راح البس بجامه ستان انزين واذا قعدت شنو البس هالسؤال محيرني مادري شلبس خصوصا اني بكون بالفندق

سؤالج حلوو

شوفي حبوبة على حسب الوضع

اذا قعدتوا من النوم وبتقعدون بالغرفة منتوا طالعين لبسي لبس بيت انيق ومريح بنفس الوقت

تلقينهم اذا تبين غالي عند انور يكونون بنطرون ثري كوارتر معاه تي شيرت حفر او دانتيل

واذا تبين رخيص روحي ماكس او رد تاج اللي بالري عند المشاتل سوالهم رووووعة وكلها حق عرايس

و تخليج تغيرين على طول لانها رخيصة يعني مو رخيصه وايد بس ما تتحسفين عليها وكلها بضاعه انجليزية مو بوطقة

واذا تستحين لبسي فوقه روب ذرب مع شحاطته وحطي عطر ريحته فرش وبخري شعرج ولبسي تاج واكسسوار ناعم جدا

ولا تبالغين بالمكياج كل شي حطي فاتح لان مكياج الصبح يكون غير

وخلي يمج علج نعناع او اكسترا طول ما انتي تتجهزين تعلجي :rerrerek:

اما اذا بتطلعون من الفندق تتغدون او بتروحون شقتكم لبسي بدلة كشخه مع ملفع كشخه وجوتي كعب وحطي مكياج

واهم شي الاكسسوار والجنطة الماركه





:eh_s(7):

 

[وسن العشق]

:bbbiu: يعطيج الف الف الف عافيه ع هالموضوع الروووعه :bbbiu:
:bbbiu: بس سؤال اول يوم اذا قعدت الصبح شسوي يعني وين اروح وين اولي :eh_s(11): اقعد بالغرفه والا اروح الغرفه الثانيه والا اقعده والا شنو وبالله قعد قبلي فشله لا قعدت شسوي مادري شلون اوصل لج التفكير اللي افكر فيه :bbbiu:

انشالله فهمتي علي :eh_s(16):

 

[عـآلي سـمآها]

رد : عروس سابقة .. ارحب بأي سؤال محيرج .. حياكم الله

مشكوره حبــيبتي على الموضوع الحلؤو جزاج الله خيير

الحين ثاني يوم يعني وقت الفطور وقت الغدا لما اكون طالعه معاا

بــصراحه انا خجوله وما اكلمه يعني مو متعوده على اسلوبه على طريقه تفكيره حدي ميته خوف

شفته بس مرتين او ثلاث لما كان يزورنه بالمناسبات حكم العادات والتقاليد

لما نكون قاعدين مع بعض يعني فشله طول اليوم منطرمه ودي اعرف شنو المواضيع الي اقدر

افتحها عشان لايمل من سكوتي ويقول دمي ثقيل:eh_s(2): مع اني عسل دمي خفيف بس كل ما اذكر قرب العرس

عورني بطني:dddds:

 

[mahawy89]

رد : عروس سابقة .. ارحب بأي سؤال محيرج .. حياكم الله

متابعه بصمتتتتتت ههههههه عندي سوال بس يفشل استحي اقوله هههههه
:yaaaaaarb: الله يوفقكم بنات اللي علقو قبلي وصاحبه الموضوع بعد

 

[حبي لكـ وهـم]

رد : عروس سابقة .. ارحب بأي سؤال محيرج .. حياكم الله

آب آب

 

[ديانا سبنسر]

:n2006107::n2006107:

 

[cat^q8]

:bbbiu: يعطيج الف الف الف عافيه ع هالموضوع الروووعه :bbbiu:
:bbbiu: بس سؤال اول يوم اذا قعدت الصبح شسوي يعني وين اروح وين اولي :eh_s(11): اقعد بالغرفه والا اروح الغرفه الثانيه والا اقعده والا شنو وبالله قعد قبلي فشله لا قعدت شسوي مادري شلون اوصل لج التفكير اللي افكر فيه :bbbiu:

انشالله فهمتي علي :eh_s(16):

ههههههههه بعد قلبي حلوة وين اروح وين اولي ))) تهبلين

لما تقعدين من النوم قومي تسبحي وسوي شعرج وحطي مكياج و تكشخي وشوفيه اهوه وين يكون وقعدين معاه

عاد بعدين شوفي اهوه شنو يبي سوويه يا اما يقوللج امشي نطلع ولا تتريقون ولا تشغلون التلفزيون وتسولفون عادي حياااة طبيعية

ومن ناحيه ان يقعد قبلج ماعتقد لان نومتج راح تكون خفيفة المكان مو مكانج يعني مكان يديد عليج فراح تكون نومتج خفيفة اقل حركة بتقومين

اما عاد اذا نومتج ثقيله وكان هدوووء فحطي منبه عالساعه 9 وحتى لو كان اهوه نايم خليه بالغرفه وطلعي زهبي عمرج ومثل ما قلتلج تتكشخين و تتعطرين :eh_s(7):

يمكن يزورونج اهله من الصبح

او يمكن امج تييلج الصبح

واذا كنتو بالفندق نطريه لما تحوسين بالدار راح يقعد من نفسه



وصدقيييييني ماراح يكون الوضع محير جذي في وقتها

راح ينكسر الحاجز اللي بينكم من اول ليلة

وبتتعودون على بعض شوي شوي

 

[cat^q8]

رد: رد : عروس سابقة .. ارحب بأي سؤال محيرج .. حياكم الله

مشكوره حبــيبتي على الموضوع الحلؤو جزاج الله خيير

الحين ثاني يوم يعني وقت الفطور وقت الغدا لما اكون طالعه معاا

بــصراحه انا خجوله وما اكلمه يعني مو متعوده على اسلوبه على طريقه تفكيره حدي ميته خوف

شفته بس مرتين او ثلاث لما كان يزورنه بالمناسبات حكم العادات والتقاليد

لما نكون قاعدين مع بعض يعني فشله طول اليوم منطرمه ودي اعرف شنو المواضيع الي اقدر

افتحها عشان لايمل من سكوتي ويقول دمي ثقيل:eh_s(2): مع اني عسل دمي خفيف بس كل ما اذكر قرب العرس

عورني بطني:dddds:

حيااتي حتى لو كنتي شايفته ومتعوده عليه لما يكون زوجج اول الااايام طبيعي تستحين منه

وراح يكون طبيعي سكوتج لانج مستحية

انصحج لا تفتحين مواضيع ، خليه اهوه يستلم دفة الحديث واللي يتكلم عنه انتي شاركيه الحديث

لا تكونين مثل الكتاب المفتوح و تكشفينله نفسج كاااامله

وحتى بالاراء اللي تقولينها لا تطلعين اللي عندج كله

لا

خلج قليلة بكلامج علشان اهوه يتكلم اكثر منج و يصير اهوه الكتاب المفتوح بالنسبة لج

علشان تفهمينه عدل وتعرفين شخصيته واتجاهات تفكيره :eh_s(10):

خاصه ان الرياييل يمسكون على زوجاتهم واااايد كلام ويظل الكلام حتى لو كان بحسن نية الزوجة قالته

اهوه يحطه في باله طول عمرها حتى لو كان موضوع عااادي

فانتي خلي كلامج قليل

وضحكج كذلك قليل ،، خليج دااائما بشوشة ومبتسمه لكن مووو تكركرين :krkrkr: الا في الحالات الصعبه هههه

وفي مواضيع تجنبي تتكلمين عنها مثلا امي قالت و اختي سوت حق زوجها

وزوج اختي سوالها

وزوج رفيجتي شرالها

و اختج عندها

هالكلام دررررربالج تقولينه

لا تييبين سيرة احد دربالج :eh_s(4):

لان هالسوالف بالنسبة لنا وناسه

لكن بالنسبة لأي رجل :rgewrg: انها نغزة عليه او انج غيرانه منهم او ان ما همج غير الناس !!

وعاد تعاااالي صلحي الفكرة من راسه باجي ايام عمرج




أول ايام الزواج شخصيتج اللي راح ترسمينها حق زوجج بتظل مطبوعة في ذهنه طوول العمر مهما صارت مشاكل وشغلات بالايام المستقبلية


تجنبي المشاكل


تجنبي مخالفة الاراء لان راح يفهمها انها عناد و يحط في باله انج عنادية وهذا شي مو زين لان الريال ان شاف وحده تعاند يصير اعند منها و كل شي بعدين انتي تبينه ماراح يسويه


داااائما قولي ان شالله واللي تبيه يصير انا ماعندي مشكله :eh_s(15):



لحد ما ياخذ عنج فكرة انج حبوبة وبنت حلال و طيوبة وتسمع الكلام وهذي اللي بتريحني طول عمري

ومن هالكلام الحلو مثلج



وعسى الله يجعلج في عينه دااايما اجمل البنات واطيبهم

 

[cat^q8]

رد: رد : عروس سابقة .. ارحب بأي سؤال محيرج .. حياكم الله

متابعه بصمتتتتتت ههههههه عندي سوال بس يفشل استحي اقوله هههههه
:yaaaaaarb: الله يوفقكم بنات اللي علقو قبلي وصاحبه الموضوع بعد

حبوبة عادي سالي يمكن في واااايد بنات يبون يسمعون اجابة سؤالج

:eh_s(7):

 

[ماعندى اسم]

رد : عروس سابقة .. ارحب بأي سؤال محيرج .. حياكم الله

وان بعد عندى سوال نزلته ع شكل موضوع بس محد جاوب صراحه موضوعج مفيد سوالى اهوه متى اتبخر واتعطر لما اروح صالون ولا انا بصالون وأب

 

[عباير الشوق]

شلون عن المكياج امسحه على طول اذا قطيت نفنوفي الابيض والا شنو بالظبط؟

 

[Co0o0o0oL]

رد : عروس سابقة .. ارحب بأي سؤال محيرج .. حياكم الله

موضوعج جا بوقته:eh_s(22):
متابعتكم واذا فبالي سؤال بقولج
الله يسعدج ويوفقج بحياااااتج ياحلوه

 

[لميس نفسي]

cat^q8


تسلمين على الموضوع الرائع ,,


بالنسبه لاسألتي :

بعد ليله الدخله ،،

هل الزوج ينام مع الزوجه بنفس الفراش ؟

واذا كانت عليها الدوره اول يوم تقوله او شنو ؟ ؟ وينام معاها بنفس الفراش




لان انا بتكون علي وحدي خايفه ودي ااجلها بس ماااقدر لان ممنوعه علي الحبوب .. .


أنا من طبعي اتأقلم بسرعه الحمدلله

بس اخلي نففسي ثقييله عليه او تنصحيني اكون مثل ما أنا . . ؟ ؟ ؟ ؟؟

وشكرا .

 

[..~Goolz]

رد : عروس سابقة .. ارحب بأي سؤال محيرج .. حياكم الله

جزاج الله خير

وعقبالنا

 

[معنـى الحنـان]

رد : عروس سابقة .. ارحب بأي سؤال محيرج .. حياكم الله

جزاااااااج الله خيييييير

انا عندي جم سؤال ،، محتاااااره حيل

انا عرسي اخر السنه للحين ماحددنا التاريخ بالضبط ومادري ابتدي تجهيز ولا متى اجهز؟؟

وابتدي بشنو؟؟

النفنون والذهب ما احاتيهم بس مشكلتي بالملابس والعطور وهالسوالف

لان انا عقب العرس على طول بنسافر تقريبا 3 او 4 شهور لان زوجي يدرس برا ومادري شكثر اشتري بجامات وقمصان ؟

متوهقه لاني بكون مسافره 3 او 4 شهور :eh_s(11):
انا قريت مواضيع وايد وكل البنات يقولون لاتكثرين من البجامات ولا القمصان والسوق موجود عقبها روحي اشتري ،، انزين انا بكون مسافره :eh_s(10): ومادري شلون بتكون الظروف بالسفر

محتاااره حدي :bbbiu:

شنو تنصحيني اشتري وشكثر؟

ويعطيج العافيـه :eh_s(17):​

 

[[[ عيون جابر ]]]

رد: رد : عروس سابقة .. ارحب بأي سؤال محيرج .. حياكم الله

مشالله عليج خوش موضوع
للرفع

 

[alsn3aa]

رد : رد: رد : عروس سابقة .. ارحب بأي سؤال محيرج .. حياكم الله

موضوعج جاا بووقته..
انا محتااره بالمصووره حييل محتااره
ثااني شي الصالون ... وين ارووح اي صالون تنصحيني فيه
ثالث شي اكيد في حفله ثااني يوم وانا مابي احط ميك اب ثقيل >> صالون من الصبح والله بخرع بو الشبااب
فأي حزه انادي الصالونه ع اي سااعه +انا مفكره ثاني يوم شعري يكون استشوار بس ورفيقاتي يقولون لا خلي نص تسريحه وللحين محتاره ..
,, اخر شي انا وحده مالي خلق تجهيز مع اني امووت بالسووق والفراره بس مادري شفيني متى تنصحيني ابدى تجهيز ع اي شهر انا عرسي بيكون 2-9 بعيد الفطر