- إنضم
- 27 أغسطس 2009
- المشاركات
- 32,479
- مستوى التفاعل
- 4
- النقاط
- 0
السلام عليكم ..
.
.
.
اول شي اتمنى الصحه و العافيه والخير لكل من يقرا موضوعي الحين .
و مثل ما وعدتكم ، كل فترة اكتبلكم موضوع يفيدكم و يهتم بجمالكم و بشرتكم وجسمكم ، وكالعاده اعلمكم على خلطات او كريمات او منتجات .
المهم ..
موضوعي اليوم ..
.
عبارة عن خلطة من خلطاتي
اللي استعملها دايما و ما استغنى عنها
و هي خلطة طبيعية 100 %
وانا متأكده انه كلكم تحتاجونها .
.
.
و هي حل لمشكلة الهالات السوداء لتحت العين ، اللي مأذية الكل ، و تزوركم دايماً .
.
و الاغراض متوفرة بالحواي ..
و ماراح تكلفج وايد يمكن بس 4 دنانير و تسويلج 15 خلطة تقريبا .
يلا نبدي ..
* الاحتياجات :
1- زيت جنين القمح ( علبه صغيره مركزة )
2- زيت اللوز الحلو ( علبه صغيره مركزة )
3- فازلين – النوع العادي ( الحجم الصغير )
4- كركم جسم ( مو كركم اكل )
و نبي بعد / عود اذن + علبه عنوونه
و هذي صورة الاغراض اللي نبيها
وهذا زيت جنين القمح
وهذا زيت اللوز الحلو
وهذا الفازلين
وهذا كركم الجسم
وهذي العلبة العنونة
تكون صغيره مثل علبه العدسات بس اكبر شوي
تحصلونها عند بو امية ، او بالمحلات اللي تبيع العلب بكل انواعها واحجامها
* طريقة الخلطة :
2 ملعقة كبيرة من زيت جنين القمح
2 ملعقة كبيرة من زيت اللوز الحلو
1 ملعقة كبيرة من الفازلين
1 ملعقة شاي صغيرة ممسوحة من كركم الجسم
و نحطهم كلهم بالعلبه ونخلطهم بعود الاذن لين يتجانسون
وصكري العلبه وخشيها .
وجذي بيطلع معاكم شكل الخلطة
و هذي شكل الخلطة والعلبه مصكره .
* عدد مرات الاستخدام :
مرتين باليوم ،
مرة الصبح او العصر
( براحتج ، الوقت اللي تكونين فاضيه وقاعده فيه بالبيت ، و يتم عليج 4 او 5 ساعات او اكثر يكون احسن ، المهم الوقت اللي تقدرين عليه )
ومرة بليل قبل النوم
( حطي الخلطة ونامي ، وغسليها لما تقعدين من النوم )
* طريقة وكمية الاستخدام :
بعود الاذن اخذي كمية بسيطة تكفي لتحت عينج ، و مشيها على تحت عيونج الثنتين ، عقبها بيدج وزعيها و طبطبي عليها ، و تأكدي انج وصلتي للمنطقة كلها و وزعتي الخلطة عليها كلها .
* تعليمات الاستخدام :
- الاستخدام يكون يوميا و بشكل منتظم ، لا توقفون ولا يوم ، لانه مثل ما انتو عارفين هالمنطقة وعلاجها يبيلها وقت واستمرار ، وهم بعد لا تنسون انه الخلطة طبيعيه و مفعولها يبيله وقت .
- لما تحطين الخلطة مو تمسحينها بعد فترة .. لأ خليها عليج عادي لين تنشف بروحها ، يعني حطيها وانسيها .
- استعملي الخلطة شهر متواصل وبالتعليمات المذكورة اقل شي عشان تشوفين النتايج . مو اقل من شهر .
والخلطة اساساً خفيفة وبسيطة ، و مثل ما انتو عارفين الهالات تزورنا على أي شي سواء سهر ، تعب ، ارهاق ، ولاده ، دراسه ، كل شي ، وانا عن نفسي شخصيا اول شهرين التزمت فيها بشكل متواصل مرتين باليوم ، و الشهر اللي عقبه صرت مرة باليوم ، و الحين انا صرت احط مرة بس باليوم و مو كل يوم بعد تقريبا كل يوم وترك ومرات اطوفها واحط مرتين بالاسبوع يعني صرت على حسب المزاج ، والنتايج عندي مثل ما اهي ما تغيرت ماشالله .
* الكمية :
العلبه بتكفيج اسبوع كامل ، فانتي كل اسبوع سويلج خلطة يديده ، لانه المكونات اللي شريتيها بتسويلج 15 علبه تقريبا يعني 15 اسبوع يمكن .
والحين بقولكم ليش اخترتهم و شنو فايدتهم و شنو يسوون :
اول شي بالنسبة للزيوت ، لانه الوظيفة الاولى للزيوت اهي الترطيب العميق ، مو مثل أي مرطب عادي ترطيبه له نسبة معينة و وقت معين وينتهي ، الزيوت غير ترطيبها مركز ودايم ، فالترطيب مهم لازالة السواد او اسمرار أي مكان بالجسم ، لانه مثل ما انتو عارفين الجفاف اهو اول اسباب اسمرار البشرة ، فالترطيب المضاعف والدايم ينهي شي اسمه جفاف و كثرة الترطيب و المداومة تفتح المكان ، وغير جذي الترطيب الدايم المركز يخفف من الخطوط اللي تحت العين اللي يسببها الجفاف او يسببها الكونسيلر و ميك اب تحت العين .
ثاني شي بالنسبة لنوع الزيت ، اخترت زيت جنين القمح ، لانه اغنى الزيوت بفيتامين E ، واهو الفيتامين المعروف اللي يقضي على الهالات ، فماله داعي لا كبسولة ولا كريم مضاف له هالفيتامين ، احنا مستخدمينه كزيت مركز كامل ، و يحتوي على نسب من فيتامين أ و د ، ويعتبر هالزيت مفتح لجميع انواع البشرة ولكل حالات الاسمرار
ثالث شي بالنسبة لنوع الزيت الثاني ، اخترت زيت اللوز الحلو ، فوايده كبيرة في ازاله التصبغات على البشرة ، و غير جذي يحتوي على فيتامين A و كل مركبات فيتامين B و بعض المعادن و هذا اللي نحتاجه للهالات ، فالفيتامينات الموجوده فيه غير عن الموجوده بزيت جنين القمح ، طبعا بعضكم بيطري ببالكم سؤال ليش لوز حلو مو مر ، والجواب لانه منطقة تحت العين رقيقة و خفيفة مو مثل باجي بشرة الويه او الجسم ، و اللوز المر يعتبر قوي ، ما اغامر احطه لتحت العين .
رابع شي الفازلين ، الغرض منه اضافة الترطيب و تركيزه ، و القيام بوقت اطول لدوام الخلطة واستمرارها بتحت العين . لانه الزيوت بالبشرة صحيح انها تطول و تتم وقت طويل على ما تنشف يعني مثلا ساعه الى ساعة ونص، و بس تتشربه البشرة ، فالفازلين يخلي الخلطة تطول اكثر وماتنشف بسرعه لزيادة وقتها وفعاليتها
خامس شي كركم الجسم ، من افضل المواد الطبيعيه للتفتيح ، وانا كنت مجربه من قبل الفازلين مع كركم الجسم لتحت العين وشفت نتيجه حليوة . فضفته للخلطة .
* النتايج :
طبعا بما انها خلطة طبيعيه 100 % فالنتايج بتكون مختلفة من وحده لي وحده ، لانه الخلطة طبيعيه و لانه كل وحده طبيعه بشرتها و تقبلها للخلطات يختلف عن الثانيه ، بس بشكل عام استعملوها بشكل متواصل مرتين باليوم لمده شهر كامل ، بتشوفون نتايج حلوة ، و اذا حابين تكملون اكثر من شهر عادي مافي أي مشاكل بالعكس النتايج تصير افضل واحسن ،
بس بالنسبة لي انا شفت نتيجه مبدئية بسيطة عقب اسبوع كامل ، و زادت النتيجه عقب اسبوعين ، و بالاسبوع الثالث اكثر و اكثر ، ولاحظت انه بالاسبوع الرابع النتايج نفس الاسبوع الثالث ، بس عقب شهر ونص ، النتيجه عندي خياااليه ، لاني ماتوقعت بيوم من الايام انه الهالات تختفي بنسبة كبيرة
و الزبدة /
منتو خسرانين شي .. الخلطة هذي خلوها عنايتكم اليومية
مثل ما تحطين كريم او مرطب لويهج ، حطي هالخلطة لتحت عينج كل يوم لو انشالله سنه كاملة ماراح يضايقج .
بالنسبة لاسعارهم ..
الفازلين سعره ربع دك بالجمعيه ، وسعره نص دك بالحواي .
زيت جنين القمح ( على حسب الشركة ) عندكم الاسعار من 1 لي 2 دك
زيت اللوز الحلو ( على حسب الشركة ) عندكم الاسعار من 1 لي 2 دك
كركم الجسم ( العلبه الكاملة ) على حسب الشركة والسعر من 1 لي 2 دك
والعلبه العنونه تحصلونها عند بو اميه . أو أي مكان خاص للعلب .
و وايد من زبايني طلبوا مني خلطة للهالات و عطيتهم هالخلطة قبل لا انزل هالموضوع ، وفي منهم قالولي بيعي الخلطة ، طبعا ما ابيعها ، مو أي شي ينباع ، و الخلطة سهله و بسيطة و مكوناتها شوية وماتكلف ، سهله عليكم انكم تسوونها ، و في اشياء وايد وخلطات وايد انشالله بعطيكم ياها قريب ، و مابي منكم غير الدعوة الطيبة .
واعتقد كفيت و وفيت بالشرح المفصل بالتفصييل الممل ، و هم بعد اذا عندكم أي سؤال او استفسار من عيوني .
.
و بالنهاية احب اقولكم .. جربوا و استفيدوا ..
وانا انشالله ماراح اقصر معاكم ..
و لنا لقاء جديد بإذن الله ..
انتظروا جديدي ..
اختكم /
( الـملاك )
ملاحظة :
لا احلل ولا اسمح لأي أحد نقل مواضيعي بدون ذكر اسمي و المنتدى ، كذلك لا احلل باستخدام مواضيعي للغرض التجاري .
.
.
.
.
اول شي اتمنى الصحه و العافيه والخير لكل من يقرا موضوعي الحين .
و مثل ما وعدتكم ، كل فترة اكتبلكم موضوع يفيدكم و يهتم بجمالكم و بشرتكم وجسمكم ، وكالعاده اعلمكم على خلطات او كريمات او منتجات .
المهم ..
موضوعي اليوم ..
.
عبارة عن خلطة من خلطاتي
اللي استعملها دايما و ما استغنى عنها
و هي خلطة طبيعية 100 %
وانا متأكده انه كلكم تحتاجونها .
.
.
و هي حل لمشكلة الهالات السوداء لتحت العين ، اللي مأذية الكل ، و تزوركم دايماً .
.
و الاغراض متوفرة بالحواي ..
و ماراح تكلفج وايد يمكن بس 4 دنانير و تسويلج 15 خلطة تقريبا .
يلا نبدي ..
* الاحتياجات :
1- زيت جنين القمح ( علبه صغيره مركزة )
2- زيت اللوز الحلو ( علبه صغيره مركزة )
3- فازلين – النوع العادي ( الحجم الصغير )
4- كركم جسم ( مو كركم اكل )
و نبي بعد / عود اذن + علبه عنوونه
و هذي صورة الاغراض اللي نبيها
وهذا زيت جنين القمح
وهذا زيت اللوز الحلو
وهذا الفازلين
وهذا كركم الجسم
وهذي العلبة العنونة
تكون صغيره مثل علبه العدسات بس اكبر شوي
تحصلونها عند بو امية ، او بالمحلات اللي تبيع العلب بكل انواعها واحجامها
* طريقة الخلطة :
2 ملعقة كبيرة من زيت جنين القمح
2 ملعقة كبيرة من زيت اللوز الحلو
1 ملعقة كبيرة من الفازلين
1 ملعقة شاي صغيرة ممسوحة من كركم الجسم
و نحطهم كلهم بالعلبه ونخلطهم بعود الاذن لين يتجانسون
وصكري العلبه وخشيها .
وجذي بيطلع معاكم شكل الخلطة
و هذي شكل الخلطة والعلبه مصكره .
* عدد مرات الاستخدام :
مرتين باليوم ،
مرة الصبح او العصر
( براحتج ، الوقت اللي تكونين فاضيه وقاعده فيه بالبيت ، و يتم عليج 4 او 5 ساعات او اكثر يكون احسن ، المهم الوقت اللي تقدرين عليه )
ومرة بليل قبل النوم
( حطي الخلطة ونامي ، وغسليها لما تقعدين من النوم )
* طريقة وكمية الاستخدام :
بعود الاذن اخذي كمية بسيطة تكفي لتحت عينج ، و مشيها على تحت عيونج الثنتين ، عقبها بيدج وزعيها و طبطبي عليها ، و تأكدي انج وصلتي للمنطقة كلها و وزعتي الخلطة عليها كلها .
* تعليمات الاستخدام :
- الاستخدام يكون يوميا و بشكل منتظم ، لا توقفون ولا يوم ، لانه مثل ما انتو عارفين هالمنطقة وعلاجها يبيلها وقت واستمرار ، وهم بعد لا تنسون انه الخلطة طبيعيه و مفعولها يبيله وقت .
- لما تحطين الخلطة مو تمسحينها بعد فترة .. لأ خليها عليج عادي لين تنشف بروحها ، يعني حطيها وانسيها .
- استعملي الخلطة شهر متواصل وبالتعليمات المذكورة اقل شي عشان تشوفين النتايج . مو اقل من شهر .
والخلطة اساساً خفيفة وبسيطة ، و مثل ما انتو عارفين الهالات تزورنا على أي شي سواء سهر ، تعب ، ارهاق ، ولاده ، دراسه ، كل شي ، وانا عن نفسي شخصيا اول شهرين التزمت فيها بشكل متواصل مرتين باليوم ، و الشهر اللي عقبه صرت مرة باليوم ، و الحين انا صرت احط مرة بس باليوم و مو كل يوم بعد تقريبا كل يوم وترك ومرات اطوفها واحط مرتين بالاسبوع يعني صرت على حسب المزاج ، والنتايج عندي مثل ما اهي ما تغيرت ماشالله .
* الكمية :
العلبه بتكفيج اسبوع كامل ، فانتي كل اسبوع سويلج خلطة يديده ، لانه المكونات اللي شريتيها بتسويلج 15 علبه تقريبا يعني 15 اسبوع يمكن .
والحين بقولكم ليش اخترتهم و شنو فايدتهم و شنو يسوون :
اول شي بالنسبة للزيوت ، لانه الوظيفة الاولى للزيوت اهي الترطيب العميق ، مو مثل أي مرطب عادي ترطيبه له نسبة معينة و وقت معين وينتهي ، الزيوت غير ترطيبها مركز ودايم ، فالترطيب مهم لازالة السواد او اسمرار أي مكان بالجسم ، لانه مثل ما انتو عارفين الجفاف اهو اول اسباب اسمرار البشرة ، فالترطيب المضاعف والدايم ينهي شي اسمه جفاف و كثرة الترطيب و المداومة تفتح المكان ، وغير جذي الترطيب الدايم المركز يخفف من الخطوط اللي تحت العين اللي يسببها الجفاف او يسببها الكونسيلر و ميك اب تحت العين .
ثاني شي بالنسبة لنوع الزيت ، اخترت زيت جنين القمح ، لانه اغنى الزيوت بفيتامين E ، واهو الفيتامين المعروف اللي يقضي على الهالات ، فماله داعي لا كبسولة ولا كريم مضاف له هالفيتامين ، احنا مستخدمينه كزيت مركز كامل ، و يحتوي على نسب من فيتامين أ و د ، ويعتبر هالزيت مفتح لجميع انواع البشرة ولكل حالات الاسمرار
ثالث شي بالنسبة لنوع الزيت الثاني ، اخترت زيت اللوز الحلو ، فوايده كبيرة في ازاله التصبغات على البشرة ، و غير جذي يحتوي على فيتامين A و كل مركبات فيتامين B و بعض المعادن و هذا اللي نحتاجه للهالات ، فالفيتامينات الموجوده فيه غير عن الموجوده بزيت جنين القمح ، طبعا بعضكم بيطري ببالكم سؤال ليش لوز حلو مو مر ، والجواب لانه منطقة تحت العين رقيقة و خفيفة مو مثل باجي بشرة الويه او الجسم ، و اللوز المر يعتبر قوي ، ما اغامر احطه لتحت العين .
رابع شي الفازلين ، الغرض منه اضافة الترطيب و تركيزه ، و القيام بوقت اطول لدوام الخلطة واستمرارها بتحت العين . لانه الزيوت بالبشرة صحيح انها تطول و تتم وقت طويل على ما تنشف يعني مثلا ساعه الى ساعة ونص، و بس تتشربه البشرة ، فالفازلين يخلي الخلطة تطول اكثر وماتنشف بسرعه لزيادة وقتها وفعاليتها
خامس شي كركم الجسم ، من افضل المواد الطبيعيه للتفتيح ، وانا كنت مجربه من قبل الفازلين مع كركم الجسم لتحت العين وشفت نتيجه حليوة . فضفته للخلطة .
* النتايج :
طبعا بما انها خلطة طبيعيه 100 % فالنتايج بتكون مختلفة من وحده لي وحده ، لانه الخلطة طبيعيه و لانه كل وحده طبيعه بشرتها و تقبلها للخلطات يختلف عن الثانيه ، بس بشكل عام استعملوها بشكل متواصل مرتين باليوم لمده شهر كامل ، بتشوفون نتايج حلوة ، و اذا حابين تكملون اكثر من شهر عادي مافي أي مشاكل بالعكس النتايج تصير افضل واحسن ،
بس بالنسبة لي انا شفت نتيجه مبدئية بسيطة عقب اسبوع كامل ، و زادت النتيجه عقب اسبوعين ، و بالاسبوع الثالث اكثر و اكثر ، ولاحظت انه بالاسبوع الرابع النتايج نفس الاسبوع الثالث ، بس عقب شهر ونص ، النتيجه عندي خياااليه ، لاني ماتوقعت بيوم من الايام انه الهالات تختفي بنسبة كبيرة
و الزبدة /
منتو خسرانين شي .. الخلطة هذي خلوها عنايتكم اليومية
مثل ما تحطين كريم او مرطب لويهج ، حطي هالخلطة لتحت عينج كل يوم لو انشالله سنه كاملة ماراح يضايقج .
بالنسبة لاسعارهم ..
الفازلين سعره ربع دك بالجمعيه ، وسعره نص دك بالحواي .
زيت جنين القمح ( على حسب الشركة ) عندكم الاسعار من 1 لي 2 دك
زيت اللوز الحلو ( على حسب الشركة ) عندكم الاسعار من 1 لي 2 دك
كركم الجسم ( العلبه الكاملة ) على حسب الشركة والسعر من 1 لي 2 دك
والعلبه العنونه تحصلونها عند بو اميه . أو أي مكان خاص للعلب .
و وايد من زبايني طلبوا مني خلطة للهالات و عطيتهم هالخلطة قبل لا انزل هالموضوع ، وفي منهم قالولي بيعي الخلطة ، طبعا ما ابيعها ، مو أي شي ينباع ، و الخلطة سهله و بسيطة و مكوناتها شوية وماتكلف ، سهله عليكم انكم تسوونها ، و في اشياء وايد وخلطات وايد انشالله بعطيكم ياها قريب ، و مابي منكم غير الدعوة الطيبة .
واعتقد كفيت و وفيت بالشرح المفصل بالتفصييل الممل ، و هم بعد اذا عندكم أي سؤال او استفسار من عيوني .
.
و بالنهاية احب اقولكم .. جربوا و استفيدوا ..
وانا انشالله ماراح اقصر معاكم ..
و لنا لقاء جديد بإذن الله ..
انتظروا جديدي ..
اختكم /
( الـملاك )
ملاحظة :
لا احلل ولا اسمح لأي أحد نقل مواضيعي بدون ذكر اسمي و المنتدى ، كذلك لا احلل باستخدام مواضيعي للغرض التجاري .
.
التعديل الأخير:
