منو عندها قطو تساعدني

[حواء الكون]

بنات انا لولا حاجتي ما طرحت الموضوع لاني فعلا محتاره

اشتريت قطو ( ذكر ) وطلع خواف بشكل وعنده عقده من الناس

شكله وايد حلو بس شكله تعقد من ناس قبل كانوا مربينه

حاولت اطلعه فشلت حاولت ادخل عليه جو فشلت ما يتجاوب

صار له 4 شهور عندي واحبه واهوا مرتاح لي ولاختي كله وقته معانا

انزين انا ابي يختلط ابي اساعده يطلع من عقدة الخوف من البشر

مو قادره لا تستهزأون بالموضوع لاني جاده

بما ان البيع آخر حل اختي الصغيره متعلقه فيه ولا اقدر ابيعه

بالاول كان يحب يلعب الحين في اكتئاااب فظيع وادري ان شي طبيعي

لكني حاولت افتح كل الطرق بس ماكو فايده

وحبيت اسأل يمكن الاقي وحده تفهمني

بالنسبه للفحص الطبي انا القطو اللي اشتريته ماخذ فحص طبي من 5 شهور فاتوا اشكثر انتوا تاخذون فحص دوري لان مكتوب القطو لازم يتطعم ضد الامراض

انا اخاف استمرض وطولت عليه ؟؟ شنو تنصحوني اسوي


بليز

اللي عندها قطو او عند اخوها او اخوانها او اطفالها تساعدني بطريقة عنايتكم لهم بليز

وحتى الاكل القطو مل من نوعيه معينه كل الجمعيات فيها انواع معينه مافي انواع مختلفه لان مل منهم ما صار ياكل منهم !

مو عارفه شسوي محتاجه مشورتكم

 

[حواء الكون]

وي تعاطفوا معاي

ولا وحده عندها قطوه شيرازيه لول

 

[kuwaitya_cool]

والله ماعندي قطوه مع ان بنتي تمووووت على القطاوه بس انا اخاف منهم :eh_s(22):
ان شاالله البنات يفيدونج

 

[SILVER ROSE]

انا ماعندي فكرة بس ماحبيت ما ارد وديه البيطري يمكن متضايق من شي

 

[سيدة الكويت]

هلا فيج حواء الكون انا خبره بالقطاوه والله لو تعطينى اياه اخليه يسير أدمى كخخخخخخ


تدرين قطوكم يحس بالوحده يبى يتزوج .......فهمتى قصدى

سبحان الله مثل ما الأنسان يبى الناس همن القطط تعرف حق بعضها تبى بعضها

خليه يطلع الحوش او الحديقه يدور رزقه ويرجع لكم او يبى له نثيه ترى راح يتغير
بعدين لا تعودونه على المعلبات خل ياكل من اكلكم

وان شاء الله تشوفينه معرس كخخخخخخخخخخخخ

واى شئ انا بالخدمه

 

[7alawa]

انا مع سيده الكويت
اشتري قطوه من عمره او اذا عندج احد عنده قطوه

 

[bnt_7waa]

انا قطوتي اول ماشريتها واهي ماتقعد عاجل تحب تلعب ابيها تصير عااجل لووول

تبدلين

يمكن انا الي عندي شيطانه لان معاها اختها

بس اتوقع قطوج محتاج احد يلعب معاه

 

[حواء الكون]

والله ماعندي قطوه مع ان بنتي تمووووت على القطاوه بس انا اخاف منهم :eh_s(22):
ان شاالله البنات يفيدونج

هلا قلبي

والله ما يخوفون يا حلاتهم عسسسسل عالقلب

انا احبهم من طفولتي

حرام بنتج وعليا فرحيها بقطوه

 

[حواء الكون]

انا ماعندي فكرة بس ماحبيت ما ارد وديه البيطري يمكن متضايق من شي

هلا حبوبه

اي بالنسبه للبيطري انا ما ادري يحتاج فحص والا لا

ومتى لازم يسوون له فحص دوري كل جم شهر؟

 

[حواء الكون]

هلا فيج حواء الكون انا خبره بالقطاوه والله لو تعطينى اياه اخليه يسير أدمى كخخخخخخ


تدرين قطوكم يحس بالوحده يبى يتزوج .......فهمتى قصدى

سبحان الله مثل ما الأنسان يبى الناس همن القطط تعرف حق بعضها تبى بعضها

خليه يطلع الحوش او الحديقه يدور رزقه ويرجع لكم او يبى له نثيه ترى راح يتغير
بعدين لا تعودونه على المعلبات خل ياكل من اكلكم

وان شاء الله تشوفينه معرس كخخخخخخخخخخخخ

واى شئ انا بالخدمه

لوووووووووووووووووووووول

والله موتيني ضحك صج صج كلامج يونس شوفي انا لي خبره فيهم عريقه بس مشكلتي ماقدرت احدد لو مريض او بس مكتئب اقولج حده مكتئب بس مشكلته مافي مجال يطلع خواااااااااف تعرفين شنو يفشل؟
طاح بجبدي خخخخ

يخاف من خياله اليوم طلعته بالحديقه امبي ركض داخل وراح لغرفتي لوووول

شسوي فيه مو عارفه؟ شكلي راح اشتري له قطوه غير هالحل ماكو حل

بس هم بحسون ملل واهوا جبان يخاف من الناس شكله متعذب من قبل

انا اشتريته من واحد عرفتي ؟ صج اهوا حلو بس كان خاااضع

قلت يالله هادي مو مشكله بس طلع خواف يخاف من خطوة الريل لو مشيتي ! بالله هذا قطو لول

بالنسبه للقطوه من وين اشتري له قطوه؟؟ اتعرفين اماكن؟؟ معينه

اهوا تقريبا عمره سنه وشهرين الحين يعني ريال خخخخخ

يقولون لما يكمل سنه يكون تم سن البلوغ كامل ويحتاج للأنثى

اما الانثى ترى تبلغ اسرع من 6 شهور

بالنسبه للاكل شهيته ضعيفه مايحب الا معلبات او بسكوت القطاوه لول

ياكل دياي ممكن بس لحم او سمج لا شفتي !!!! قطو جذي؟؟

وياااااااارب يصير معرس يالله على ايدج وربي حاسه بتأنيب ضمير من اليوم العب فيه مو راضي يتجاوب مثل قبل حاشه اكتئاب حااااااد

يعني لازم اييب له هالقطوه باسرع وقت بس من وين ؟

وخوفي ما يتقبلها ساعتها تطيح بجبدي اهي بعد لول

 

[حواء الكون]

انا مع سيده الكويت
اشتري قطوه من عمره او اذا عندج احد عنده قطوه

عدل كلامكم يبي له قطوه

والله الوالده بتكسر راسي هالمره خخخ

 

[حواء الكون]

انا قطوتي اول ماشريتها واهي ماتقعد عاجل تحب تلعب ابيها تصير عااجل لووول

تبدلين

يمكن انا الي عندي شيطانه لان معاها اختها

بس اتوقع قطوج محتاج احد يلعب معاه

لووول ياحلاتهم والله انا احب القطوه الانثى بس مشكلتها حمل وولاده صراحه جربتها مره وتبهذلت

وزين عالاقل قطوتج معاها شريك اما اللي عندي وحيد ياعمري

لا وخواف صج صج ما يترقع لووول

 

[حواء الكون]

صج سؤال اخير

القطو جم يبي له مده بين كل فحص وفحص دوري؟

3 شهور

والا 6 شهور

انا مو عارفه احدد ؟

 

[AL REMAS]

لا تشترين له معلبات وعطيه من اكلكم احسن
ترى ما في رقابة على المعلبات اللي احنا ناكلها شلون معلبات القطاوة
خاف حايشة اكتئاب من المعلبات
وحطيله حليب من اللي تشربونه
يمكن فيه سوء تغذية مخليه ماله خلق يلعب

 

[سيدة الكويت]

اقول اشترى له كره ...صغيره + حبال صغار + خيوط همن راح يستانس

ترى ديرى بالج اطولين اخاف يروح فيها ....انزين سولفى وياه دلعيه

بس ديرى بالج من الذيل ترى ما اواطنون مسكه الذيل ..روحى سوق الحمام متروس قطاوه ............

واى تقدم قولى لى.

 

[*دنــيـQ8 ــا الوله*]

كسر خاطري هالقطو ... فيه اكتئاب
انا اموت عالقطاوه ... بس امي ماترضى

 

[الغاليه نونو]

"

انامابي اتطنز والله بس موقادره امسك بطني من الضحك ياحلوج والله ههههههههههههههههههههههههههههههههههههه

الناس مالها خلق عيالها وانتي تبين حل لقطوتج تتربي بعزج يارب وتشوفين ذريتها الصالحه قطاوه بيوت مو شوارع ههههههههههههههه

ماعر ف شى بالقطاوه بس شايفه بفريجنا مره قطوووه ابروحها مسيجينه ضايق خلقها يوم شافت ذااك العتوي ردت روحها الفصعه"

دقي علي طبيب نفسي مال قطاوه يشوف لج حل جذري وسريع ههههههههههههههه

ادري ودج تكفخيني باكبر ماعندج بس تصدقين انج حنونه وقلبج طيب لانج رحوومه بالبهايم والله ياجرج يمه"

 

[شندوخه]

هههههههههههه واعليه حتى القطاوه تحوشهم اكتآب
والله صج خليه يحوس بالسكه شوي خلج معاه شجعيه ( هده خله يتحدى )
ههههههه سوري لاتزعلين بس ماتوقعت القطاو يصير فيهم جذي واعليه والله

 

[روزيتا]

ذكرتينى بقطو كان عندى نفس هالحاله ولو ما انى ادرى انه مات ولا جان قلت لج هذا القطو مالى

شوفى باختصار قطوج خواف نفس قطوى بس لانى انا كنت مدلعته للاخر ونفس الشى اكتئب وديته البيطرى قال مراهق وكبر ويبى يتزوج

وياب له ابوى الله يرحمه قطوه انثى كسرت راسه عدل تطقه طق وبعدين حملت وانجبت وصاروا حتى عياله يهاوشونه شفتى قطو جذى ماعتقد

بس الحل تودينه تفحصينه وتسالين عن الاكل لان الشتا ياى ولازم تاخذين احتياطج من تطعيم وخلافه

 

[أحلى بنوته]

يمااااااااااااااااااااااااااااااااااااااااااااااااه


ماتخافين ؟؟؟؟؟؟؟؟؟؟؟؟؟؟؟؟