(¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

[فـراوله]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

أم كشه اي يبين دخلي الموقع وحطي رقمها المدني


وودي بنتج طبيب ثاني اذا شايفه انه فيها شيء


بس ترى الاسهال عادي للطفل هذه طبيعة خرووجه




​

 

[سارووونه22]

اجرنا واجركم حبايبي

 

[فـراوله]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

بنات متى تحلقون شعور عيالكم


ألحين ركون اسبوووع ويصير عمره 3 شهووور

عادي ألحييين ولا لا


لانه الكل يقووولي لازم تلحقين عشان شعره باجر ما يطيح وااايد

ويطلع كثيف


متى حلقتوا حق عيالكم والبنات اللي اعمار عيالهم 3 شهور ونص أو 4 شهور

حلقتوا لهم ولا للحين



وبنات اشرايكم أجيب خدامه هنديه ولا سيلانيه ؟


غلاي انتي خدامتج شنو جنسيتها ؟ أذكر مره تمدحين فيها

وشلونها مع حموود زينه ولا كله معصبه




​

 

[غلاي امي وزوجي]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

هلا فراوله

انا بعد ما حلقت حمود لانه لما اقعده راسه ينبض كله ماي فخفت من الحلاقينين يسون براسه شي

انا الي عندي سيلانيه بالعكس تمووووت بحمود بس انا ما اعطيها حمود بس كل ما شفته حمود وتبوسم له وهو ما يصدق فتح حلجه من الضحك

 

[غلاي امي وزوجي]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

غلاي اي عادي اخذيه معاااج ما فيها شيء


غلاي تدرين توني أدري إنج والده قيصريه والله

بس اللي اذكره جنج قايله طبيعي لانه شفتج تكلمتي عن الخياط

اضاهر اني تخربطت مع وحده ثانيه


غلااااي دام إنج قيصريه ديري بالج تحملين بسرعه أقل شيء سنه

لانه مو زين عالجرح


شنو السبب اللي خلاج تولدين قيصري ..


ترى منصدمه والله




​

انا تخيطت من فوق وتحت الله يسلمج لان المصريه تصرفت من غير لا دق على دكتورتي فقالت لي بشقج من تحت علشان وزن البيبي كبير وراسه كبر وانا اصرخ بس ابي ابرة ظهر وشقت من تحت بس للاسف الرحم ما تبطل ولما جت دكتورتي قامت تصرخ نشف الماي عند حمودي حسبي الله عليهاهالمصريهوقالت بريتي يا الله قيصري بسرعه وانا اتشهد لوووووول معاناة

بس الهادي عنايتهم حلوه

ليش شنو سوو فيج

 

[Om_Ksha]

مادري دام حمود معاج اتصحج بدبي .. ماليزيا لويه وزحمه نطري لمن اسمالله عليه يكبر يصير بو سنه وشي ..

 

[فـراوله]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

السلام عليكم


غلااي من صجج المصريه مسويه فيج كل هذا وعندج المستشفى حلووه

هذا أكبر دليل انها غبيه وما تفهم والله بقر اللي هناك


انا الهادي العبووووووا لعب فيني داخله عندهم من

2 الظهر تاريخ 20-11 وما ولدت الا الساعه 10 ونص الصبح

بتاريخ 21-11


كل اشوي منزليني تحت ومطلعيني فوووق وبرووحي تعبانه وفيني الالام الطلق

يوم شافوا الجهاز اللي يبين في طلق ولا لا ولقوا فيني طلق طفوا الجهاز وطلعوني فوق

هالكلام من 10 بالليل وانا ذابحتني الالام الطلق واقعد امشي ببمر الغرف

من الساعه 10 لي 4 الفجر محد سأل فيني وأنا تعبانه ونزل علي دم وأمي تروح تكلم

السستر تقول لالا تو الناس مو الحين ولاده ولا السستر تقول حق امي انتي ليش مو نايمه للحين

امي تقول لها انتي شكووو يبون امي تنام عشان محد يدوخهم وكل شوي يطلع لهم

مالت عليهم وزوجي كان بالاستراحه وبعدين جاني وشافني أتالم حييييل قال شنو محد

جاااج للحين قلت لهم لا مطنشين أمي طلعت لهم وطنشوا فيها قلت عفيه روحوا كلمهم

الآلالام ذابحتني تروح وترد وراح لهم كلمهم وما رد الا يوم جت السستر وقالت لي

يالله روحي غرفة الولاده هالكلام الساعه 5 الفجر وأمي تمسكني وننزل غرفة الولاده

ويحطون جهاز الطلق علي والطلق وااضح بالجهاز وامبييين أقووول حق السستر شوووفي

الجهاز ما تفهمين الطلق واااضح ومبين خبله انتي ومعصبه عليها ولا تقول لا هذا مو طلق

وتروح شايله الجهاز من علي وأنا كسرت خاطر أمي وقعدت تبجي علي من الألم اللي كان

فيني ومحد مهتم لي وأنا من الآلم قاعده أبجي ولا أمي قالت حق زوجي روح كلمهم قول لهم

اذا ما ولدتوها ألحيين بنشيل اغراضنا ونروح مستشفى ثانيه وراح زوجي كلمهم وقال لهم

هالكلام اهم بس اسمعوا هالكلام 4 سسترات داشين علي اللي تركب لي الجهاز واللي تحط

لي المغذي واللي تعطيني ابره بايدي واللي تركب الكمام صار فوضى عندي من 2 الظهر

مو ماكله شيء عشانهم قالوا لي ما يصير أكل وقاعده كل هذا بدون مغذي ولا أكل

خلاااص تعبت الساعه 6 جا دكتور الطوارىء فحصني قالي واصله 5 سانتي ونص

وأنا داشه عندهم 4 سانتي وقالي بنخليج لي الساعه 8 اذا ما فتحتي بنعطيج طلق صناعي

ونطرت لي الساعه 8 بس اللي هون علي هالساعتين آلالام الطلق الكماااام

وجت الدكتوره الساعه 8 حضرتها توها تذكر في ولاده يعني على ما قعدت الاخت من النوم

وفحصتني واصله 6 سانتي قالي يالله عطوها طلق صناعي وبمجرد ما حطو لي الطلق الصناعي

الآلالالالالام اشتغلت علي وذبحتني وااااااايد وأصرخ وأبجي وزوجي ماسكني ويمسك لي الكمام

وأمي ماسكه ايدي وكل ما تدخل السسستر تقيس اسمعها تقول يالله وصل 7 واشوي 8 واشوي 9

بعدين اهني عاد بدت تولدني عااااااد الولالالاده فلم ثاااااااني وقتها ركون مو راضي يطلع

وأنا أطلق وثابت فوووق ما نزل تحت ليييش عااد لانه لاف عليه الحبل السري مو عارف

يدفع نفسه اهم لو مهتمين جان ما خلوا الحاله توصل حق هالمرحله لو حاطين من الأول

جهاز التخطيط ومسوين لي سونااار جان شافوا كل هذا ولدوني بسرعه ما انطروا لين

الولد يختنق المهم شافوا ماكو فايده الولد ما يبي يطلع جوا سسترات 2 كانوا يضغطون

على بطني ونايمين علي فوووق ويضغطون حيييييل وأنا أتألم زوجي شافهم جذي

كان بيهاوشهم بس سكت وقال ما افهم كثرهم واهم يضغطون وأنا أطلق وأمي تبجي

تقول بصراحه ما توقعتج تطلعين من غرفة العمليات من اللي كان فيني وانا كنت

اصررررخ مااااابي أولد عفيييه خلاااااص وأطللق لين ما طلع ركووون

والدكتوره مسكت راسه وطلع لووونه اسوووووود من كثر ما كان مختنق حبيب قلبي

وأشوفهم بسرعه جابوا اجهزه حطوها بحلجه ومادري شسوا على صدره عشان يتنفس

أنا اهني خلالالالالالالالاص دخت ونمت وما وعيت الا وهم يطلعوووني الغرفه

اهني زوجي كان طالع برا الغرفه ما قدر يشوفني وأنا أتالم وأبجي وأول ما ولدت

أمي طلعت له ما لقيته كان تحت وبعدين طلع قال لها ها شلوون فراوله قالت الولد بخير

يسالها شلون فراوله تقوله الولد بخييرر لين ما زوجي اهني انهااار وقعد يبجي وووين فراووله

ولا أمي تقوووله نايمه داخل والحمدالله زينه بس واااااايد واااايد تعبت

وأول شيء قلته يوم فتحت عيني و لقيت زوجي بوجهي قلت له وين راكان فيه شيء

قالي لا الحمدالله شفته وما في الا العافيه اهم شيء ارتاحي ألحييين وبـــــــــس

لانه وااايد تعبتي ارتااااحي وحمدالله على سلامتج


هذه قصة ولادتي بالهادي اللي ما راح تتكرر مره ثانيه عندهم أبدااااااا

كرهتهاااااا حيييييييييل وطبعا دكتورتي بريتي كانت


طولت عليج بالكتاااااابه بس حبيت أكتب بالتفصيل المملل



عاااااااد بنات طوفوا لو في بدليااااااااااااات





​

 

[فـراوله]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

غـلاي انتي جربتي ابرة الظهر شلونها زينه ؟

وبغيت أقووولج دام حموود راسه جذي ينبض وفي ماي

ودي الدكتور يكشف عليه وقولي له عادي أسفره معاي ولالا

احسن أخذي استشارتهم عشان تطمنين عليه بالسفره


وغلااااي عفيه اذا رحتي الدكتور سأليه عادي أحلق حق ولدي ألحين

وعطيني الاجابه لانه خايفه أحلق له والله وقولي له عمره 3 شهوووور

وبخصوووووص السفـره ..

أنا أقووول بصراحه دام انها سفره وحلوه خلج من دبي غاليه وعاديه

كلها مجمعات بس


روحي ماليزيا أحلى والله وكافي الرخص اللي هناك صج بتستانسين

وحمود ما راح يدوخج عادي خليه بالعربانه وتمشي




​

 

[سارووونه22]

من صجج فراوله تحملتي كل هذا انا كنت مفتوحه 2 سانتي ومافيني طلق دخلوني على طول ولاده لانه انفتح ماي الياهل بس تعالي شوفي عنايتهم صج حلوه مع انه انا والده في مستشفى الصباح يعني ماتوقعت يهتمون فيني جذي اصلا انا كنت اشوف جهاز التخطيط مافي علامات الطلق مع هذا ماشالو الاجهزه مني والحمدالله سهالات من رب العالمين حتى ابرة الظهر خذيتها حلووه وتريح وعطوني طلق صناعي كنت اتالم بس من العوار كنت بس ادعي واقرا قران حتى الي كانت معاي بنفس الغرفه تقول لي ماشاء الله انتي وايد صبورة وراسج ماخليت احد مادعيت له كل شوي انسى من العوار لين قزوني ابرة الظهر ولا كانه فيني شي وقعدنه نسولف انا والبنت الي كانت معاي طبعا ما اشوفها ولا تشوفني لانه بينه ستاره والحمدالله على كل حال

 

[فـراوله]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

شفتي سارووونه بس شسوووي ما كنت قادره أروح أي مكان

لانه مادري أروح اي مستشفى وأي دكتوره بتولدني فقلت خلني اهني

وان شاءالله أفتك منهم

قلت بس الحمدالله إني طلعت منهم بالسلامه أنا وولدي

والله لو والده بالفروانيه أبرك من هالبهذله


وأنا خصووصا آخر ساعتين تعبت فيهم حيييييل من آلالام الطلق الصناعي

لانه عطوني 3 ابر ورا بعض حسبي الله عليهم


أمي تقول غلط جذي المفروض كل اشوووي يعطونج وحده ويفتح الرحم

اشووي اشووي مو 3 مره وحده


والله أنا قلت حق نفسي مره ثانيه ماني رايحه المستشفى الا وانا واصله

6 أو 7 سانتي

أنا قبل لا أروح الهادي مريت مستشفى الفروانيه قالوا لي مو مفتوحه كللللش

متخلفيييييين وأنا كنت مفتوحه 4 سانتي من يومين

دكاتره مالهم خلق يشتغلووون




​

 

[فلة الحلوة]

ومنكم نستفيد

 

[سارووونه22]

الله كريم فراوله والمهم كافي تشوفين نظره من عيون ركون تنسين كل شي والله انا الحين بس اشوف رتوجه تضحك انسى كل همومي ومشاكلي فديتها تصدقين للحين مو مصدقه اني صرت ام امس اقول حق اختي وناسه شوفي عندها 5 اصابع تضحك علي والله والله حاسه اني عايشه بحلم تصدقين اذا بجت ابجي معاهه وامي بعد تبجي معانه خخخخخخ لاتشوفين اشكالنه فلم :krkrkr::krkrkr::krkrkr:

 

[فـراوله]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

صاجه والله سارررونه شوفته تنسيني كل اللي صارلي


ههههههههههههههههه سااااااارونه والله نفسي اذا ركون قعد يبجي أبجي

معاه خصوصا اذا كنت مرضعته ومبدله ملابسه والحفاظه

وبس يبجي ما يبي يسكت أقول شيبي مو عارفه ولا فاهمه على بجيتك


وأقعد أشيله وأمشي فيه


واااااااااااااااااي يقطع قلبي اذا شفت دمعته نازله



وربي وربي حتى أنا للحين مو مصدقه صرت أم وعندي عايله

احساااااااااس واااااااايد حلووووو



الله يخليهم لنا ولا يحرمنا منهم



​

 

[غلاي امي وزوجي]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

فراوله الله يعينج ويسهل عليج

تدرين احس انها حوبتي

لو تذكرون من كثر ما انا خايفه من الولاده كنت اقول لكم ابي قيصري وسبحان الله صارت قيصري

بس والله خلاص ما اذا حملت مره ثانيه ما راجح اولد الا قيصري لاني تعذبت بولادتي حيل وكرهت كل شي

وخصوصا زوجي يحن يبي اخت والا اخو لحمود

والحمدلله على كل حال

دام اني ابي بس 5 او 6 فقررت قيرصر ان شاء الله واذا على الكرش اسوي عملية شد لوووووووووووووووووول:eh_s(16):

 

[غلاي امي وزوجي]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

فراوله انا مفكره اوديه دكتوره ريم لان ذاك اليوم شريت كتابها ومكتوب انها الحين بالكويت بس ما ادري اي مستشفى؟؟؟:bbbiu:

بسال البنات بالمنتدى واشوف وان شاء الله اسالها لج عن كل الي قلتي عنه

 

[غلاي امي وزوجي]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

بنات شرايكم بماليزيا انا اول مره اسافر دوله مو عربيه شلون يعني اتكلم معاهم ؟؟
شلون تهعاملون معاهم؟؟

شلون اسعارهم هناك؟؟

يا ليت تقولون لي ؟؟

ابي تجاريكم؟؟

كم كلفت عليكم السفره؟؟

 

[kks83]

عاادي تكلمي معاهم بالانقلش ..
عملتهم نفس الريال السعودي

100 رنقت = 100 ريال سعودي

وااااااااااااااااي ذكرتيني فيها


يا حلوهااا من ديرة :rerrerek:

الميزانية على حسب إنتي شنو نظامج

فيه ناس إذا سافرت تشتري بالهبل ,, ما تخلي شيء ما تشتريه :bbbiu:
وفيه ناس تشتري بحدود المعقول حبيبتي ..

بصراحه عندج لانقاوي فيه شاليهات فرنغي بني روعه شوي عليهااااااااااااااااااااااا بس الليلة بـ 750 رينقت يعني تقريباً 65 دينار
هذي أغلى شيء لانها على البحر وبرايفت محد يسكنها لسعرها المرتفع ,, وطبعاً إنتي رايحه بوقت ما فيه سياح واجد :rerrerek:

أما الهوليدي ان في ببننغ رخيص مو غالي يمكن 200 وشيء يعني عشرين دينار الليلة

موفقة حياتوووو

و إذا عندج أي استفسار حاضرين للطيبين :eh_s(7):

 

[غلاي امي وزوجي]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

حبيبتي فديتج والله

بس انتي معانا بالتجمع؟؟

انزين اذل ما اعلاف اتكلم انجلش شلووون

 

[فـراوله]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

واااااااااااااي غلااااي من صجج تبين كل مره قيصريه

ترى القيصريه كثرتها مو زينه


ممكن لا سمح الله حالتج ما تتحمل وما تقدرين تجيبين الا 3 أو 4


ما في أحلى من الطبيعي ان شاءالله لو تجيبين 10 ما في أي مشكله


وخصوصا القيصريه ما تقدرين تحملين ورا بعض بسرعه أقل شيء سنه




اذا تبين تعرفين عن ماليزيا أكثر روحي قسم السياحه بيفيدونج البنات



​

 

[فـراوله]

رد : (¯°·._.·(تجمــع مــواليد شهر نوفمبــ11ـــر + ديســـ12ــمبر 2010 حيــآكم)·._.·°¯)

بتعشــــى وأرد




​