تشكيله من السندويشات الصغيره !!!! كانبيه !! ! للتضيف !!! ولا اروع

[شندوخه]

[/img]

هم كلهم 6 انواع بشرح لكم بالتفصيل كل واحد وش تحتاجين له وشلون تسوينه


اول شي لهم كلهم تحتاجين سلايس برد وعجينه فولفون (السنبله) الباف بستري اللي صايره مضلعه



اول شي خبزي الفولفون خاليه في الفرن وشيلي التجويف الوسطي

والسلايس برد له طريقتين

قطعي دوائر اربعه

غطيها بفوطه وخليها عشان ماتنشف




ونشتغل بالطريقه الثانيه

تابع[/QUOTE]

 

[شندوخه]

الطريقه الثانيه

شيلي الاطراف و رقي السلايس

[/img]

خلي مجموعه من اللي رقيتيهم على جنب وغطيهم بفوطه


والباقي

قطعيهم ارباع

الحين نجهز الحشوات ونشتغل





نتابع

 

[شندوخه]

الفولفون

حشيته ربيان


اسلقي ربيان وقطعي بصل صغير جدا وفلفل اخضر صغير جدا واحمسي وبهريه عشان ماتطلع ريحه الربيان


اخلطي الكاتشاب مع المايونيز

احشي الفولفون بالخليط

صفيه في صينيه التقديم وتعالي نجهز الثاني






نتابع

 

[شندوخه]

ثانيا

رول الدجاج بالجبنه

جهزي الحشوه

صدور دجاج مسلوقه ومبهره ومقطعه

ضيفي عليها جبن شيدر مبشور وجبن كرفت قلاسات وملعقتين قشطه وشويه ملح وفلفل

خذي من قطع السلايس اللي قطعتيهم ارباع

حطي الحشوه في طرف


ولفيها رول واضغي عليها شوي وانتي تلفين


حطيها باخر طرف شويه حليب (عشان تمسك)

قطعي بصل اخضر اعواد
وبعدين ارجعي قطعي اضعف شوي

اربطي اعواد البصل حول رول الدجاج وقصي الزايد

صفيهم في صينيه التقديم وتعالي كملي الثالث




نتابع

 

[شندوخه]

ثالثا


لبنه بالطماطم والفلفل


امسجي قطعه دائريه من السلايس باللبنه
حطي على وجهه طماطم مقطع صغير وشيلي البذور منها عشان ماتطلع ماي مع فلفل اخضر وزيتزن اسود


ورشي وجهها بشويه سماق

صفيها في صينيه التقديم وتعالي جهزي الرابع



نتابع

 

[شندوخه]

رابعا


جبنه بالنعناع

اخلطي جبنه فينتا مع نعناع
حطيها بقمع تزيين الكريما وحطيها فوق دائره السلايس

صفيها في الصينيه وتعالي نكمل الخامس



-------------

خامسا


السلمون مع الكافيار

سلمون تقطعينه شرايح بالطول .....بالعرض ماراح يتقطع معك لانه فيه انسجه

ادهني دائره باللبنه
حطي قطعه من السلمون ملفوفه على قطعه السلايس
وحطي بوسطها كافيار

 

[شندوخه]

سادسا

لفائف التيركي بالجبنه

تيركي او دجاج او مرتديلا او اللي تحبينه من اللحوم البارده


خذي قطعه من السلايس اللي ماتقطعت اللي بس فردناها وتركناها يعني القطعه الكبيره


امسحيها بشويه زبده
حطي اوراق الخس بعد ماتقطعينها وتشيلين منها القطعه الجامده

حطي عليها قطعه التيركي

حطي عليها جبنه مبشوره

واذا في زوائد شيلها



لفيها من الجهه العريضه

وصفيها وهي واقفه

والحين اخر خطوه



جمعي كل سندويشاتج وصفيها بصينيه التقديم وقدميه لضيوفج وانتي رافعه راسج

للامانه الموضوع منقول

وياريت اللمشرفه الحلوه تعدل الموضوع لان ماقدرت اسوي مادري ليش

 

[دانتيل]

مشكوووووره على النقل ما قصرتي

 

[*مستانسه*]

غميــــــــــــــــــــــــــــــــــــه مو طالعتلي الصور

بس الشرح اينن !

 

[ضحكة الدنيا]

حسافه الصور موطالعه
مشكوووووووره حبيبتى على النقل

 

[النبع الصافي]

تسلمين عالوصفات بس مافيه صور

 

[د.شريفة]

شندووووووووووووووووووووووووووووخه اطالبج صور
مافي صور

 

[supermarket]

مافي صور !!!

 

[جارة القمر]

مشكووووووووووووووووووووره حبيبتي

بس للأسف

الصور موطالعه

 

[no0o0r3]

مشكوووووووره بس الصور موطالعه معاي

 

[* عباية راس *]

شحلات الصور والموضوع عجيب أحب السندويشات الصغيرة

مشكورة يالشيخه خوش موضوع

 

[^^دموع الكويت^^]

موطالعه الصور حسافة

مشكووووووووورة يعطيج العافية

 

[كلي تفاؤل]

يعطيج العافيه خوووش صينية ودي اخذها حق الاستقبال اليوووم ..مالى خلق افرفر على محلات الحويات ...

مشكووورة

 

[QT]

: (

 

[QT]

روووووووووووووووووووووووووووووووووووووعه


تسلم عيونج وايد اللي سوته : )