السلام عليكم بنات !!
حبيت اقولكم قصتي من قبل سنه تقريبا
لاني والله والله من سنه وانا شايله هموم جبال ماتشيلها ومالقيت احد اشكي له اللي بقلبي
وانشالله تفيدوني وتساعدوني :
انا وحيده امي ابوي الله ماكتب لهم يجونهم عيال بعدي وقبل سنه كانت وحده من جماعتنا بينها وبين امي عداوه كبييييره كانت ادق على امي وتقولها والله لاخذ منج زووجج امي ماهتمت للموضوع لانها كانت واثقه بآبوي كاااانت واثقه وياليتها ماعطته هالثقه وياليتها ماوثقت فيه بعد شهرين من مكالمات المره لامي جاء ابووي يقول انه بيتزوج امي ماقالت شي بس اللي صدم امي وصدمني منو اللي بيتزوجها ؟؟؟؟؟؟؟؟؟؟؟؟ اللي كانت تهدد امي المره اللي قالت لامي باخذ زوجج منج وكنت كل مابي اقول لابوي السالفه انه المره تهدد امي كانت امي تمنعني وتزفني تزوجها ابووي >>وللآن مادري شنو سبب زواجه منها !
بعد زواج ابوي بشهر كنت قاعده مع امي الفجر واسولف معاها ولاتقولي امي وصيتج بأربع شغلات 1_ صلاتج وعبادتج 2_ابووج 3_صلة رحمج 4_ دراستج .. سكت وماعلقت وقلت انشالله نامت امي ونمت قعدت الصبح بروح اقعد امي لقيت فراشها فراشها فاضي نزلت ولا القى اهلي عمامي خوالي ...الخ ابيتنا انصدمت نغزني قلبي قلت شفيكم قالوووووووو امج توفت وياليت ماتكلمو ليتهم ظلو ساكتين يااليتهم ماردووو على سؤالي بجيت ومن قلب بجيت وتعبت شكلي تغير نفسيتي تغيرت ( امي ماتت بفراشها ) ومر على موتها سنه .. كنت دلوعه ابووي كان مايرد لي طلب وربي وربي يابنات اللحين حتى يمر اسبوع ماشوفه قاعد بشقته اهو ومرته مره طقيت الباب بسلم عليه من زمان ماشفته ولاتطردني مرته وقالت لي بحر قلبج مثل ماحريت قلب امج وذبحتهااااااااااااااا !! >>اكيد راح تقولون في ناس تسوي جذي بعيالها في ناس ماعندها ضمير وانا احلف لكم انه فيه كاني انا جدامكم وكل يوم لازم دمعتي على خدي كل يوم لازم اسمع كلمه من مرت ابوي تعببببببت شسوي بنات وربي اكتب وايدي ترجف وادموعي على خدي وفوق هذا كله اشتقت لامي فقدتها وربيييي فقدتهااااااااااا والله ..
--------------------------------------------------------------------------------
آخر تحرير بواسطة قلـب طفله : 24/08/10 الساعة 08 :50 08:50:50 am.
هذا الموضوع قديم كان لها ... رحتي لأمج يا قلب طفلة هالحين يا رب آجمعها
في جنان النعيم مع آمها واغفرلها يا رب 
الله يرحمهااا الله يرحمهااا
