عادي زوجج يشتريلج .......

[فلنتينو]

مرحباا بنات شلوونكم
حبيت نسأل بعض عن عادي زوجج يشتريلج الكوتكس او الفوط الصحيه مالت الدوره الشهريه؟؟
في بعض البنات يقولون مستحيل يشتريلها زوجها وفي بعض البنات عادي ازواجهم يشترولهم
انتو شرايكم يالله عطونا تفاعلكم:016:

 

[فاقده ابوهاااا]

رد : عادي زوجج يشتريلج .......

لوووووووووووووول

واشفيها اذا شرالي يعني عيب ولا حرام ولا احراج يما من عيارة الحريم يوم يصيرون عالسرير وينقفل الباب عليهم ما يستحون واذا بتقوله اشتري كوتكس تستحي شالعياره والتناقض

 

[om_7amny 85]

رد : عادي زوجج يشتريلج .......

لا ما يشتريلي و لا انا أطلب منا يشتريلي الكوتكس
مو عشان شى انا اصلن ما استحي أطلب منه بس بايخه و مو حلوه بحقه و هو شاريلي كوتكس و قاعد يحاسب جدام العالم
يعنى لو صادف واحد يعرفه من ربعه او اهله واااااي احراج

 

[tmtmt]

كله اهوا الي يشتريلي
انا استحي

وبالنسبه حق ام حمني
حتى انتي ممكن تشوفين عمج خالج ولد اختج
اي كان الاحراج بصير اكبر

 

[فاطمةhz]

عادي
يتمشى فيه بالجمعيه بعد

 

[KOKO_284I]

رد : عادي زوجج يشتريلج .......

عادي من امه شنو فيها مو ريلي

 

[بتبوتااا]

. جم مره طلب منه يشتري لي يرفض بس للضروره القوى يروح بقاله مو جمعيه :>.

 

[فوفو22]

رد : عادي زوجج يشتريلج .......

بالوقت هذا والجمعيات فاتحه 24 ساعه

والفروع لاصقة بالبيوت

والخدم والسواق ترس البيت

والمدام تسوق سياره ويوميا تطلع

فتقدر تمر الجمعية تشتري لروحها

باختصار بالكويت صعبة الزوج يشتري بس لو في السعودية بالتأكيد الزوج يشتري

فوفو

 

[عيمية^والقلب^كندري]

من تزوجنا واهوا اللي يشتريلي انا اصلا ماسويها لاني استحيي واذا كنت معاه بالجمعية اخشهم تحت الاغراض ههههه

 

[جوري 2007]

دايما اشتريهم لما نروح نشتري اغراض البيت يعني مااحتاج اقوله كلش

 

[انا انت]

رد : عادي زوجج يشتريلج .......

عادي انا يشتري لي بس من البقالة علشان يغطونها بالجريدة حشا مخدرات موكوتكس

 

[فنكيه]

مافيها شي اي ليش لاء

 

[سنفوره8]

اروح معاه ويا اغراض الجمعييه

 

[قهوة عربية]

أنا عادي أطلب منه مااستحي

بس هو يرفض يشتري لي ....:lkmnkl:

23 سنة متزوجته ولامرة يابه لي ....

أنا أشتري حق نفسي ولبناتي ..........ولخدامتي بعد


يجيل البيت كله إلا هالشغلة ......

 

[FeShinGoOo]

رد : عادي زوجج يشتريلج .......

من الملجه واهو يشتريلي لوول اتصدقين من خذيته عمري مارحت شريتلي فوط بروحي كل اطرشه اهوا عادي اشفيها ؟ لوول

 

[G!RLooNa]

عادي ابوي يشتريلنا و يشتري حق امي الحياه سعيده

 

[دمرت كياني]

رد : عادي زوجج يشتريلج .......

عادي جدا

 

[فلنتينو]

مشكوررين ع الردود
طيب اذا انتي باليل وقت متأخر يعني الساعه 1 وخلص الكوتكس شلون
بصرااحه انا الحين بهالمشكله هههههههههه

 

[شمس سورية]

رد : عادي زوجج يشتريلج .......

اي عادي تصدقين هو مخصص درج بالخزانة معبي منهم يقول مننشان مو كل مرة اروح واشتري مع انو بس صارلنا شهرين متزوجين

 

[شيخه_البيض]

رد : عادي زوجج يشتريلج .......

صباح الخير

اممم تبين الصراحه مامريت بهالموقف .

لان اذا رحنا نشتري اغراض البيت اشتري لي الجيس الكبير يكفيني ويزيد لي الشهر الثاني فمايحتاي اقوله ابي لان اوردي عندي موجود .

بس لمن كنت بنت والله ابوي اييب لنا امي كانت تقوله واحنا نستحي منه بس باليوم اللي اييب الكوتيكس بعدها يروح الحيا