المهـــــــــــــــــر ....

[مذهــلــه]

السلام عليكم بنات

اشلونكم وشخباركم؟

سامحوني اني منزلة موضوع خاص عن المهــر ...بس حدي خايفة والله اني ماراح يكفيني بقولكم السالفة بالتفصيل:

الله يسلمكم مهري 6000 والشبكة عليهم بس الطقم يوم العرس أنا راح اشتريه

شريت جناط الملابس ( 3) ... و ملابس البيت بجايم وقمصان نوم هذيل واي وايد مابين بيجامات حفر وجم طويل وساتان وشيفون و القمصان طبعاا مايعادل 6 طويل و 5 قصير و 4 بيبي دول .. الاندرويرز تقريبا 10 أطقم ... دراريع بس ناقصني أبي تقريبا 3 يكون فخمين ولبس البيت من نفانيف وبنطلونات وبوديات... وشريت ساعة ليلة العرس ماركة طبعاا وشريت عطور هذيل كلهم تقريبا خذوا مايقارب 2000 طبعااا الله رحمني عشان موسم تنزيلات

حاسة وااااااااااااايد اغراضي :eh_s(16):

الحين مثل ماقلنا باقي تقريبا 3 دراريع فخمين - جنطة ماركة أو جنطتين على حسب - عبي أبي 2 كشخة و2 للاستعمال العادي - ملافع - عطر اول ليله - قميص نوم اول ليله - يبيلي صندل حلوو وجوتي طبي عشان السفر - نفنوف العرس والمسكة والمكياج والمصورة وديباج مع ملحقاته - روب حمام لي ولريلي ....... وطقم واحد ذهب وهو اللي بيكسر ظهري :eh_s(16):

دبروني راح تكفي ال 4000 حق كل هالاشياء؟؟ حدي خايفة والله

ياليت نتشارك بأفكاركم ... واذا في اشياء ممكن اكنسلها واذا في اشياء مهمة ذكروني فيها فديتكم

 

[عالمي المجنون]

الف مبروك يا عرووووسة

ال4000 راح تكفي ان شاءالله

بس اهم شي انج تاخذين نفنوف العرس وتحجزين المسكة والصالون

لانهم الواجهة الي راح تطلعين فيها جدام المعازيم

واقترح عليج تروحين الخبر نفانيف العرس عندهم رووووووووعة شوية والله وباسعار رخيصة

انا توني عروس ماصارلي 3شهور من تزوجت نفنوفي من الخبر الكل ين عليه كان حده ملكي وحلو

وحاولي تقتصدين قد ماتقدرين حبوبة والصراحة لاتشترين جنطة ماركة من الكويت لانج بالاخير راح تنصدمين انها تقليد وحرام فيها ال200 او 500 دينار

 

[عالمي المجنون]

ونسيت شغلة

ليش انتي تشترين الديباج؟؟

المعرس راح يكون مجهزلج الشقة من الالف الى الياء

انا زوجي حتى ارواب الحمام اهو كان شاريهم طقم مع الديباج

استغلي فلوس الديباج لج احسن بس اذا بخاطرج رووب حمام اشتري

 

[مرامي ذهب]

رد : المهـــــــــــــــــر ....

حبوبه انتي موظفة ولا طالبة بس عشان تزيدين لج من معاشج وعسي ربي يفرح قلبج ولا يخسر عليج وان شا الله 4الاف يكفون ويوفون

 

[الـــغـــلآ]

رد : المهـــــــــــــــــر ....

مآ عليج إن شآء الله بيكفونج

الله يوفقج يَ قلبي

 

[حور العيون]

رد : المهـــــــــــــــــر ....

ان شاء الله في مجال

بسس الله يعين الذهب حيييل غالي

 

[~وريثة الملوكـ~]

ا

الحين مثل ماقلنا باقي تقريبا 3 دراريع فخمين - جنطة ماركة أو جنطتين على حسب - عبي أبي 2 كشخة و2 للاستعمال العادي - ملافع - عطر اول ليله - قميص نوم اول ليله - يبيلي صندل حلوو وجوتي طبي عشان السفر - نفنوف العرس والمسكة والمكياج والمصورة وديباج مع ملحقاته - روب حمام لي ولريلي ....... وطقم واحد ذهب وهو اللي بيكسر ظهري :eh_s(16):

دبروني راح تكفي ال 4000 حق كل هالاشياء؟؟ حدي خايفة والله

الدراريع الفخمه نقول الوحده تكلفج 70 + 70= 140
جنطه ماركه على حسب اي مااركه حطي لج ميزانيه لهم 200
العبي الكشخه الوحده ب 50 +50 =100
العبي العمليه ب 25 + 25 =50
ملافع الواحد نقول ب 10 وانتي تبين نقول 4 = 40
عطر اول ليله نقول ب 50
قميص اول ليله ب ب70 ( لحقي اللحين انور تنزيلات بسراااعااا )
صندل كشخه حده ب15
وجوتي طبي او عملي ب10

نفنوف العرس على حسب بنحط له 2000
المسكه ب50
المصوره نقول ب300
الصالون 300


روب الحمام اتوقع ب30

والذهب اذا تبين نظام الشبكه رااح يطلع غاالي
اما اذا تبين نوااعم راااح تلقين بسعر منااااسب

واشتري الذهب هاليومين لان الذهب نااازل

وربي يوفقج ان شااء الله ويوفقناا ياارب
​

 

[7noOna]

رد : المهـــــــــــــــــر ....


شــوفــي حـبيبـتـي ،،


الــديــبـآج مــالـه دآعــي تشتــريـنــه لأن اهــل المــعـرس بيــجــهـزون شــقـتـج كــآمــلـه فـ مــآلــه دآعـي انتــي تشتــريــن ،، تــقـدريــن عــقـب الــعـرس تــشـتـريــن انتــي ويـــآه ~


و طــقـم الــذهــب اخــذيــه نــآعــم حــيــل و خــفـيــف ، ان شاء الله يــطـلـع 800 ديــنــآر << و اذا بتــلبســيـن الطــقـم عــلـى بـدلــه بالحــجـآب اخــذي الطــقـم بــدون تــرآجـي راح يطــلـع عليــج ارخــص



و الــعــبـي ~ بــقـوللــج عــلـى مــكــآن والله العــظـيــم نفــس المــحـلآت الكــشـخــه و عــلـى 25 العــبـاة مــع شيــلتــهـا
- بالــديــره رووحــي صــوب البشــوت و عبــايات الــسعيــد << فــي نــزلــه لــسردآب كــلـه خيــاطيــن عــبـي ،، والله اخــذتلــي منــه عبــاتيــن فيــهــم تطــريــز وشوارفــسـكــي مــع شيــلتــهــم ايــنــنـوووون اخــذت الوحــده بــ 20 و نــفـس طقــة شــآدو و الــفـيصــليــه



و الــدراعــات الفخمــيــن والله مادري لأن انــا دراريــعــي نــاعمــيـن بـس فيــهــم حــركــآت

ــــــــــــــــــــــــــــــــــــــــــــــــــــــــــــــــ

و بالنــســبـه للــجــنـاط المــآركــه ،، بــنـصــج بـ مــحــل مــآركــه جناطــه اصــلييــن و كشخــه حدهــم رآقــيــن

اســم المحــل مونيـــه انــد كــو ،، صــايــر بالافنيــوز فـوق قــبـل دشــة ديــر انــد ديــر ~

هــذا اهــوا المحــل شكــلــه واسمــه








اســم مــآركــه الجــنـاط اللــي عنــده liz_claiborne مــعــروفــيـن بــرآ و ســتــايــل جنــاطهــم ايــنـن

و الاســعــار والله مــحــد يصــدق عــلــى 30 و 40 ،، خــالاتــي وعمــتــي لمــا وريتــهــم جنــاطــي والله عبــالــهــم السعــر بالـ 100و هــآج جــم صــوره من شغلــهــم لعــيـوونــج
















^^ على فكــره انــا الجنــىط اللــي خذيتــهـم وآيــد احــلـى من هالــصـور ،، بــس شســوي هذيــل اللــي لقيــتــهـم بالــنـت عــادييــن ^^ـــــــــــــــــــــــــــــــــــــــــــــــــــــــــــــــــــــــــــــــــــــــ

و صــنــدل طــبـي ،، رووحــي حــوش الســالمــيـه انــا شايــفـه الطــبـي عــلـى 20


و طقــم رووب ،، شـووفــي موضــوعــي انــا مصــوره الأروأب بـ ستـي سنتــر واسعــارهــم بالــ 25 لـي 30

http://www.q8yat.net/showthread.php?t=785571


نفنــوف العــرس اخــذيـه اجــآر اتــوقـع بيــطـلـع 800


مــلآفــع اخــذي مــن حـوش السالــمــيـه ~ اســعــارهـم رخيــصــه عــلـى 4 و 5 دنــآنيــر و في تقليــد مــآركــه شيــفـون



قمــيــص اول ليلــه ~ اخــذيــه من التنــزيــلآت بيــطــلع بــحـدود الــ 60 او 70




~ اتــمـنـى انــي فــدتــج و مــوفقــه ،، اي ســؤال تبيــن ســأليــنـي لــج عــيـوونــي ~

و يــشـهــد ربــي اللــي كتبتــلـج ايــاه نفــس اللــي سويـتــه لتــجـهيــزي و الحــمدللـه خــلــصـت تجــهـيــزي تقــريــبا و دعــوآتــج لــي

 

["خانتني دموعي"]

رد : المهـــــــــــــــــر ....

ان شاء الله بتكفي لا تحاتين
انا للحين ما قسمت ولاتجهزت فماراح افيدج
ان شاء الله البنات يقدرون يفيدونج
وعسالله يبارك لج في مهرج ان شاء الله

 

[7noOna]

رد : المهـــــــــــــــــر ....

اي وعــلــى فــكــره ،، قــبــل عــرســج بـ شــهــر تقــريــبـا اهــلـج ورفيــجــاتــج بييــبون لـج الهــدآيــا و وآيــد بيــعــطـونج فــلـووس << خــلــي هالفــلــوس للــمــسـكــه و الــدي جــي و جــم شــغــلـه



لأن انتــي قــلــتـي ان اللـي بقــى من مــهــرج 4 آلاف ،، و نــسـيتــي الــهــدآيــا اللــي بتييــج


انــا الــسـاعــات ان شاء الله بخــلــيـهـم آخــر شــي بــشتــريـهــم مـن فــلـووس الــهــدآيــا مــن اون تــآيــم بــروحلــهــم عــلـى آخــر كــولـكــشـن قــبـل عــرســي ~ عــشــان اضــرب عصــفـوريــن بحــجـر لــووول تــكــون عنــدي فــلــوس الهــدايــا و اشتــري مــن آخــر ســاعــات نــزلــو

 

[غرور وايل]

وعليكم السسلام ~

اول شيء بالتووفيق يالغلا~

ثانيا ان ششا الله بيكفوون وبعدين اهلج ورفيجاتج راح يعطوونج هدايا فلووس ~

 

[7noOna]

رد : المهـــــــــــــــــر ....


إي صــج ولاتنــســيــن المنــحــه ألــف ديــنــآر :ggdw:

 

[Cherrrry]

رد : المهـــــــــــــــــر ....

مبرووك واله يتمم عليج

ان شاء الله تكفي بس لازم تحددين بالضبط اللي تبينه و تحطين مبلغ معين حق كل شي ان تديرين بالج ماتخلص فلوسج قبل لا تكملين باقي الشغلات اللي تبينها

وموفقه ان شاء الله

 

[هنـــد]

حبيبتي كتبي كل شي بورقه مع التكلفه التقريبيه جذي احسن لج والله

اذا ماسويتي جذي بطير افلوسج بدون لا تحسين وعلى اشياء تافهه

ولا تنسين ديباج العرس مهم بصراحه حتى لو اهل المعرس مجهزين شقتج

 

[silent-girl]

رد : المهـــــــــــــــــر ....



مشاء الله البنوتات ماقصروا
الله يبارك لج في مهرج حبيبتي
والله يووفقج ويتمم لج على خير يآرب

 

[sweera_85]

بلشي بالاساسيات الي اهم شي
بدلة العرس والطقم
وبعدين الباجي سهالات لا تحاتين
ربي يسهل عليج ويطرح البركة بالمهر ويرزقج

 

[الغنج والدلع]

ان شاءالله يكفون وزيدي عليهم المنحه 1000 والله يبارك لج فيهم ويهنيج وكل العرايس يارب

 

[ملكة الهدوؤوؤوء]

رد : المهـــــــــــــــــر ....

ربي يسهل عليج ويطرح البركة بالمهر ويرزقج

 

[حطمۈكہ يآقلبي]

رد : المهـــــــــــــــــر ....

ان شاء الله

بتكفي مع المنحه الاميريه بيصرون 5000

واستغلي التنزيلات هلا فبراير

وبالتوفيق للجميع

 

[(حور**)]

الله يبارك لج فيه وانتي تصدقي منه وراح تتبارك ان شاءالله
وجناط نصيحه اخذيها من نواعم ولابرستيج درجه اولى وحلوين ومسوي الحين عليها عرض
واتمنى لج التوفيق