احلى تجمع امهات موالـــــــــ سبتمبر +اكتوبر يــــــــــــــــــــــد 2010

[آهات الليل]

رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010

انا سافرت مع شوق عمرها كان جنه 6شهور
رحت دبي ماخذيت عربانه بس حفاضات وقوطي حليب لان ماطولنا اسبوع ورجعنا وهناك في حليب مال شواقه اهل زوجي وخواله اماراتييين كنا نزورهم وجذي بس ساكنين بفندق
ورحنا المجمعات وغيرنا جو
ماخذيت سرير حاطتها بحضني اول ماطارت الطياره نامت وبوقت نزول الطياره هم نامت بالصعدع والنزله ماكانت مزعجه خخخخخخ ماخذيت عربانه من هناك خذيت من خوات زوجي

 

[انامل كويتيه]

واي زهقت بروحي من الصبح ناطرتكم

هلا اهات
يوم اليمعه اتوقع زوارة البنات
انا ماسكتني الامتحانات والا جان طيران عند اهلي
انتي شعندج قاعده :23_asmilies-com:مو حلاته الحين قاعده عند حلوة اللبن

صباح الخير...
منو موجود...اعذرني اللي متابعين سالفتي...انقطاع مفاجيء خارج عن اردتنا....
ابشروا بعزكم اليوم راح اكمل لكم قصة ألف ليله وليله...لوووووووول

عسى ربي يحفظج
بس مو زين تتكلمين عنهم اعوذ بالله من الشيطان الرجيم
انا مريت بحاله مو عارفه تفسيرها واذا تكلمت عن هالشي يرجع لي
ولي يومج مو عارفه عين والا سحر ؟

هلا والله اهات الحمد احنا بخير انتي اشلونج واشلون بناتج الله يخليهم لج
زين سويتي نصيحه لا تقضبين ضناج بيد الجلبات هالخدم الله يفكنا منهم
توني اكتشف شغله بولدي الكبير عمره 7 وشي اكتشفت عقب شنو متأخر فيه عقده ذبحني كله يتبول علا ملابسه من يوم كان باولى روضه مع اني كنت قاطه حفاظته من يوم كان بالحضانه يعني سنه بدونها فجأه من حملت بمحمد وهو متغير قام يتبول علا نفسه ولي الحين هو بثانيه ابتدائي تبول نهاري وليلي مرات يصير زين وادمي ومرات ينتكس
وديته كل مكان اخذ كورسين عند كاظم ابل ماجاب نتيجه تحسن شوي بس بعدين ارد ووديته شيكت علا المسالك البوليه عند استشاري بدار الشفا مافيه شي سويناله تحاليل كامله ماكو فايده
اخر شي اكتشف بالصدفه انه ثاني خدامه يبتها اندونيسيه اسمها كاتي هي السبب وحده جزاها الله خير ساعدتني وكلمته ولها اسلوب عندها خبره بهالسوالف ماشالله (الحدق بيفهم) المهم طلع فيه نفوس من مرت حماي المنبوه الي يمي مشفوحه عمى بعينها علاقتها اكس بالبيت كله اولهم خالتي وعمي الله يرحمه وفاشله صارت مدرسه كله تغيب اللهم لا شماته وتاخر وطبيات افصلوها مو منظمه حياتها عيالها طول الليل قاعدين مو مسيطره عالوضع وانا الحمد الله الظاهر اشفحت ولدي مدخلته حظانه بلي غروب وهي حتى اعيالها الي بروضه ماتوديهم اشفحتنا يبيلي من فضلتها بس اشلون مادري لانها قاطعه العلاقه بالكل نادرا مانشوفها مع انه باب شقتها يم باب شقتي
المهم والخدامه الله ياخذها وينتقم منها كانت الظاهر تطقه وتخوفه يقول توه يتكلم الحين انها تخليني ما ابول مادري مافهمت عدل وانها تقوله صير شيطان بالمدرسه وبالبيت ووصخ
تقول المره شكلها كانت تطقه او تقرصه بس خايف لي الحين منها قلناله انها بالسجن الحين وانهم كل يوم يطقونها وتبول علا نفسها ماعندها حمام وانها صارت عجوز حيل حاقد هو عليها يقولي ماما صارت عجوزه وتبول بعد عمري عمره عقده الجلبه الله لايفقها
اقولها كان صغير اشلون سمع كلامها لي الحين عمره من سنتين او اقل لي 3 اشوه انها ماقعدت الا سنه الحمد الله ولا شان تعقدت روان بعد
كنت وقتها اداوم مادخلته حضانه بعد تقول هاذا التاسيس هالعمر
صج صج ندمانه لي شعر راسي انا نفسي كانت ساحرتني وهالشي كنت اقوله لمرت حماي لاحظت هالشي وقبل لا تروح كنت امشط شعري ولقيت خصله مقصوصه بشعري جتني ضيقه منها ولقيت عندها فلم رحت حمضته ولا مصوره بملابسي دراريعي وعباياتي وحتى عباة الراس
الظاهر مفعول سحرها انتهى قبل لا تسافر لانه قبل امشي ومدح فيها وكنت كسوله كله منسدحه ما اتحرك واذا قعدت بالصاله يابتلي ماي والرموتات والتلفون وهاذي حياتي وعيالي عندها خالد وروان كانت روان اقل من سنه بشوي كنت ماشوف عليها شي عاميه عيوني


نصيحه نصيحه خصوصا للبجريات احرصو علا عيالكم انتو لبسوهم ودخلو معاهم الحمام تكفون لا تساهلون
الحين حمودي كبر خالد يوم كانت عنده بحاول اعوضهم لاتهملونهم
كنت صبح دوام والظهر نايمه والعصر طالعه اغلب الاوقات وضناي متوليتهم هالجلبه
الحين خالد وانا اكتب لكم علا يساري قاعد من اكثر من ساعتين مو راضي يروح يغسل تخيلو وانا قبل كان قمه بالنظافه مادري منها بعد ولا من عيون القبسه الي يمي

كان بجري وحيل حيل مدلعينه كنا نروح شارع خالد بن الوليد ونخم له العاب الحباسه والديرفه والسياره الكبيره الي يدخل داخلها عالشحن نقط عليه قط الظاهر بتحرنا فيه عمى بعينها والله والله ماسويت لها شي كانت تبي ريلي ماقدرت عليه الحمد الله يوم فتشت اغراضها قبل لا تسافر بكم يوم وهي ماتدري لقيت صوره عندها وصوره خالد وهو بالاربعين

ادري هذرت عليكم بس اتمنى البجريات منكم ينتبهون لا يغلطون غلطتي عبالي كل الحريم شذي كنت عشان اتطمن يوم كانت عندي حاطه كاميره وشفتها مافيها شي ويوم سافرت تخيلو حطيت الشريط عشان بسجل عليها شان اشوفه ولا اشوفها كانت تغير حفاظة روان ولا تحرك البنت كانت سنه عمرها يمكن تخطي ولا تسطرها علا فخذها يوم كانت عندي اسحرت اعيوني ماشفته اذكره عدل هاللقطه بالذات الطقه وقلب الشريط ويوم راحت صار زين

الله يحفظ ولدج
بس شلون عرفتوا ان السبب مرت حماج
والخدامه جابلت ولدج جم عمره ؟
روان الله يهديج حتى لو تجابله لازم يكون تحت نظرج انتي امه
والله اقولج من خوفي عليج وعلى عيالج ولا تدوامين الا وحاطته بالحضانه

 

[انامل كويتيه]

لاااااااااااااا كللللللللللللش ماني مصدقه
الغلا هني توته هلا هلا هلا والله اقلطي اقلطي
من زمان مااا شفتج لا هني ولا وتس اب شدعوه عاد
الا تعالي شصار على الموضوع
لاني بنزل اعلان بالتجمع

 

[انامل كويتيه]

توته اذا فاضيه تعالي وتس اب ضروري
زوجي بياخذ اللاب الحين

 

[Tender Heart]

رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010

صباااااااااااااااااااااح الخير بناااااااااااااااااااااااات شلونكم ؟؟؟


ردينا للديره ياحلات الكويت والله لها وحشه <<<< شدعوه رايحه المريخ لوووووووووووووول

 

[MiSs_PiNkOz]

مشكوره جزاج الله خير طلبت منهم
اتصدقين طلع الي تطلبه د.نوف طلعت لي ب16 هذا ب 12وشوي
عاد متى يوصل الطلب ماتدرين لانهم موحاطين رقم برساله بموقعهم الطلب
العضاضه طلعت اذا بطلبها من نوف ب15 جنها غاليه ماظن تستاهل هالسعر

العفو ياقلبي بس والله مادري متي يوصل للطب

اوله من صجج وايد عليها 15 لو تشترين من مذركير او بوتس احسن واتوقع ارخص*

 

[MiSs_PiNkOz]

تندوره الف الحمدلله علي السلامه

شلون السفره ؟؟عااد اشتقتلج وايد

 

[MiSs_PiNkOz]

روون الكويت واهات تسلمون ياقلبي

رووون حسبي الله ونعم الوكيل علي خدامتكم

عاد انا ويييع اكره الخدم وبس حاطه خدامتي حق شغل البيت ولا اخليها تقرب صوب بنتي وولا اخليها تلعبها

انا كله مجابله بنتي حتي مميات بنتي لي خسلتهم الخدامه ارد اغسلهم من وراها و اعقمهم وحتي الماي

انا اصخن حق بنتي لي بغيت اشربها من المميه بس خدامتي تغسل ملابس بنتي وقبل كنت اخليها تغسل

جدامي واشوفها بس بعدين ماكو وقت اتابعها والصراحه انا ماحط ثقه بأي خدامه لان بنتي مو بنتها فماراح

تخاف عليها مثل ماانا اخاف عليها وماراح يهمها اي شي يصير اببنتي لانها موبنتها ولو ماالحاجه لها جان

جلعتها من زمان

 

[Tender Heart]

رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010

هلا هلا بنكوزه الله يسلمج وتشتاقلج العافيه

والله وناسه تغيير جو انا اكثر شي احبه بالخبر العجئه على قولت اللبنانيين تحسين ان اهلها كلهم بالسوق لوووووووووول

وطبعا الروحه ماكانت على حسب مزاجي كنت بقوم من الصبح اترق بهالمطاعم واروح اقز بالاسوقه بس ريلي خذا راحته ومن نقعد الصبح واهو شيسمونه يقول شهر عسسسسل لازم نستانس الله يهديهم هالرياييل مادري متى بيعرفون ان المره تفضل السوق عن الشيسمونه بس هم رحت الخبر بلازا شريتلي ست سويت كاميليا من زهور الريف ورحت الظهران مول ياحلات التمشي فيه شكبره ويوسع الصدر هذا اول يوم وثاني يوم رحت الراشد وفينيسيا ومريت الجمعه سنتر اخذت بدله حق عرس عندنا اخر 2 من باتشو ديزاين ومريت الراشد كنت باخذ جنطه عجبتني من كوتش واشوا الله هداني وماخذتها لان سعرها غالي وقلت الفلوس الي عندي بخليهم حق بنتي بشتريلها جم شغله حق عطله 15

 

[Tender Heart]

رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010

بنات وينكم محد موجود ؟؟؟

 

[Tender Heart]

رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010

انا بروح انام شكله مافيش حد

 

[روان_الكويت]

روان بعد عمري والله قلبي قطعني حسبي الله على هالخدم اللي مايخافون الله وتلوموني ليش مابي خدامه
ياربي يكافيج شر عيون الحساد انتي وزوجج وعيالج ويخليلج عيالج يارب
والله انا اتعلم من اخطاء غيري عمامي وعماتي والله يحطون كاميرات وشفنا الويل بالكاميرا انصدمنا ولا رفيج زوجي الخدامه تخلي ولده شيسمونه عاد فهوا وغيرها وغيرها وغيرها من الناس اللي حولينا والله
انا تعقدت والله خلني قاعده ابيتي واربي بناتي بيدي واسهر عليهم واجابلهم ولا اخليهم عند خدامه مادري اللي بقلبها وانا ياروان قاعده بهالبيت لاطلع ولاروح فمايحتاج خدامه والله الحين عالمنحه زوجي قالي تبين قلتله لاوالف لااااااااااا مابي انا لادوام ولابطيخ خلوني جذي ابرك مالقى احد رحوم على بناتي كثري اذا انا يامهم مرات اتحلطم لامرضوا وانا مانام شلون الخدامه
الله كريم ان شالله

انا اايدج بهالشي زين سويتي وقاعده اقول حق ريلي يمكن اخذ اجازه سنه بدون راتب
اول ما اداوم بقدم من رصيدي اجازه شهر ونص
وبداوم يوم ولا يومين بالاسبوع وبعدين اطلع مادري اشلون توهقت لانه ابراهيم حيل متعلق فيني خصوصا انه مايرضع الا من صدري ما يعرف للمميه مره شفطتله وعطيته بالمميه مايبي وامس بعد سويت مره ثانيه انا قلت بعطيه همن مايبي مايعرف لها

هلا اهات
يوم اليمعه اتوقع زوارة البنات
انا ماسكتني الامتحانات والا جان طيران عند اهلي
انتي شعندج قاعده :23_asmilies-com:مو حلاته الحين قاعده عند حلوة اللبن

عسى ربي يحفظج
بس مو زين تتكلمين عنهم اعوذ بالله من الشيطان الرجيم
انا مريت بحاله مو عارفه تفسيرها واذا تكلمت عن هالشي يرجع لي
ولي يومج مو عارفه عين والا سحر ؟


الله يحفظ ولدج
بس شلون عرفتوا ان السبب مرت حماج
والخدامه جابلت ولدج جم عمره ؟
روان الله يهديج حتى لو تجابله لازم يكون تحت نظرج انتي امه
والله اقولج من خوفي عليج وعلى عيالج ولا تدوامين الا وحاطته بالحضانه

انا مو متأكده منها بس عندي احساس قوي قاعده افكر بحاله ولدي خلاص تعبت يأست لي متى هالحاله فشلني وكرهني في بيتي احس كله نجاسه يبول علا ملابسه وعاد شوفي وين قعد غيرت اثاثي كله يوم تحسن الحين رد
الفتره هذيج من حياتي يوم عيالي صغار خالد كان عمره سنتين ونص او اكثر وتوها رايحه الجلبه الخدامه الساحره دخلته حضانه وكان اسم الله عليه نظيف وحلو ومتبتب شوفيه الحين العكس
وهذيج اعيالها مو مسيطره عليهم تدق علي مع انها اكبر مني يوم تزوجت عندها 2 تقولي كان خالد وروان صغار انتي شتوكلين اعيالج اعرفها هي مشفوحه قبل علاقتي معاها زينه بعدين تهاوشت مع البيت كله
حتى الخدم ما يقعدون عندها اللهم لا شماته بحاول اخذ فضلتها مع انه صعب جدا بحاول بس
مع اني ضد هالسوالف وماحب شذي بس الواحد كل ماكبر يأمن بهالسوالف

العفو ياقلبي بس والله مادري متي يوصل للطب

اوله من صجج وايد عليها 15 لو تشترين من مذركير او بوتس احسن واتوقع ارخص*

عجبتي لانها علا قلاده بس خل اتولي
اليوم الصبح طلبت دقت علي فلبينيه العصر تخيلي مالت الموقع بيوصلون الطلب

 

[_j'aime mon mari_]

رد : احلى تجمع امهات موالـــــــــ سبتمبر +اكتوبر يــــــــــــــــــــــد 2010

بنكوز
تبين تسافرين مع شوشو ... انا بعد ودي اسافر بس الكل يقولي ولدج صغير مايتحمل ضغط الطياره
وانا قلبي مو مطاوعني اسافر واخليله

تندر
الحمدلله على السلامه ... نورتي التجمع

روان
واااااااااااااااااااااااااااااااااااااااااااي والله عورتي قلبي قطيعه تقطعهم هالخدم
انا ودي اييب خدامه بس متردده اخاف من بلاويهم السةده اقول اتعب بس تعبي مقدور عليه انام انسدح وارتاح بس اذا سحور وعين هذا عوار قلب شلي يشيله
والله ياروان نصيحه سوي مثل ماقلتي اخذي اجازه من غير راتب لمده سنه وجابلي هيما المسكين اللي مايعرف حق المميه وجابلي ولدج يمكن تروح منه هالعقد
بعد رفيجتي ولدها نفس ولدج ونفس الشي من الخدامه كانت تقرصه وتخرعه وتقوله اذا تحجيت اذبحك وتوريه السجين باديها وكان يبول على نفسه
وشكثر ركضت عليه من طبيب لطبيب قالها لازم يحس بالامان عشان يروح منه هالخوف
فانتي يمكن اذا قعدتي بالبيت وشافج يمه بيرتاح وبتروح منه هالمشكله
وحتى سالفه فضلتها هذا من حقج والدين يقول جذي لانه العين حق وحاولي تحتكين فيها وتاخذين منها فضلتها
وعسى الله يخليلج عيالج وتشوفينهم معاريس ياارب

اهات
شلونج وشلونهم الاميرات
شلونن تطعيم ال3 اشهر ؟؟

نموله
شلونج حوووبي

 

[Um Ritaj]

أأأأأأأأأأأأأأأأأأأأأأأأأأأأه يا روان

جنج تقولين قصتي

انا بنتي رتاج يوم ولدتها سنة 2003 جاتني اندونيسية وقعدت عندي سنتين

وكل ما تبدل بنتي كانت تبجي بجي مو طبيعي وكانت بنتي متعلقه فيها تعلق مو طبيعي لدرجة انها بالليل كانت تبجي بطريقه هستيريه نقعد انا وابوها ندور فيها البيت بس هم ما تسكت وكانت تبجي وجنها عميا اسم الله عليها جنها ما تشوفنا تبجي وعيونها معلقه بالسقف جنها تشوف احد <<< عورني قلبي يوم تذكرت هالسالفه

وسافرت خدامتي وكانت بنتي تتعلق باي خدامه تجينا

والحين بنتي طبق عمرها 7 سنوات ونص وللحين تبول بفراشها بالنهار والليل

وللاسف للحين ما وديتها للطبيب يشوفها

 

[Um Ritaj]

نسيت اقول ان يوم دخلت بنتي اولى ابتدائي انا مدرسة في نفس مدرستها كل المدرسات يمدحونها

بس يوم راحت ثانيه وشافت التغيرات مدري شصار فيها قامت تخاف وتنحاش من الصف وتجي لقسمي وحاولت كذا مره اعرف سبب نحشتها وقالت ان ابلة العربي تهاوشها ولما سالت الابله حلفت الابله انها ما سوت شي وقالت اصلن بنتج اكثر وحدة بالصف اموووت فيها

ولما ولدت واخذت اجازة زادت حالة بنتي سوء وقامت تنحاش من كل المواد وتقعد تبجي عند صف اختها الي بخامسه ولا قامت تحضر اي درس واطلبت الادارة حضور ولي الامر وراح زوجي لاني كنت والدة قيصريه وقالوله بنتك تنحاش من الصفوف وتتطاول على مدرساتها فقررت انا وزوجي نغيبها جم يوم فقالت الناظرة انها اما تنقلها من المدرسة او شوفولها صرفه

كانو مرسات يدقون علي يقولون بنتج معيونه او احد حاسدها ما يدرون ان علتها من خدامه يوم كانت صغيره وانا كنت غلطانة كنت اقط بنتي عندها تحبسها بالشقه وانزل لحمولتي علشان ما تزعجني

فقامت رفيجتي ابلة العاب وكرمتها بالاذاعه

وقمت قصيت شعرها

وشريت هدايا خليت ابلاتها يكرمونها بالصف واشوي اشوي ارجعت بنتي للدراسه

وكانو الابلات يقولون انها لما كانت تبجي كانت تقول ان امي بتروح وتخليني وان اختها بتروح وابوها بيروح

صج صج كانت فترة عصيبه مرت فينا انا وابوها بس الحمد لله مع الدعاء ربي استجاب لدعائي ورجعت بنتي لحالتها الطبيعيه

ااه عورني قلبي على هالسالفه

​

 

[روان_الكويت]

جوجو بحاول علا قد ما اقدر اعوضهم عن الي طاف مع اني الحمد الله كله اخذهم معاي وحريصه اكبر دليل كنت احط كاميرات مراقبه
بس ولد رفيجتك كم عمره ولي الحين فيه الحاله؟
وشنو تهدده مايعلم مايعلم بشنو؟
ارجوج ارجوج لا تكررين غلطتنا انا وام رتاج لا تقطين اعيالج عندهم اذا كلش كلش عند احد كبير تحت اشراف خالتج امج اختج وحاولي تاخذينه معاج لا تقططينه بعدين بتندمين
تعلمو من غلطاتنا

 

[روان_الكويت]

ام رتاج بعد عمري الله يحفظها ويخليها لج الحمد الله علا كل حال اهم شي انها صارت زينه
هاذي غلطتنا انخليهم عند الخدم ونمشي
بس للعلم انا اذكر اني هملت اعيالي بس بوجود هالاندونيسيه لانها كانت ساحرتني ماكنت اقول لها شي ولا اشوف عليها شي ولا اخذ اعيالي معاي من طبعي كل مكان ما اخليهم حتى لي نزلت البسهم واكشخهم وانزلهم عند حمولتي

بس بعرف ليش ما وديتيها الطبيب انا ريلي كان رافض دكتور نفسي بس يوم وصلنا مرحله كان بو 5 او 6 قعدت البسه حفاظ استحى علا ويها وقال يالله ووديته لكاظم ابل كورسين صار زين بس رد
احس يبيله اهتمام اكثر مادري اعطي اهتمامي لمنو ولا منو كل واحد يبي اهتمام خاص
ممكن سوءال منو عطاج فكره تقديم الهدايا لبنتج من قبل المدرسات ؟

 

[روان_الكويت]

جوجو بحاول علا قد ما اقدر اعوضهم عن الي طاف مع اني الحمد الله كله اخذهم معاي وحريصه اكبر دليل كنت احط كاميرات مراقبه
بس ولد رفيجتك كم عمره ولي الحين فيه الحاله؟
وشنو تهدده مايعلم مايعلم بشنو؟
ارجوج ارجوج لا تكررين غلطتنا انا وام رتاج لا تقطين اعيالج عندهم اذا كلش كلش عند احد كبير تحت اشراف خالتج امج اختج وحاولي تاخذينه معاج لا تقططينه بعدين بتندمين
تعلمو من غلطاتنا

 

[Um Ritaj]

هلا روان

ما قلت ان بنتي تشافت لانها للحين تبول على فراشها يوميا حتى لو قيلت العصر هم تبول

بس للحين ما وديتها للطبيب كل يوم اقول باجر

وسالفة دكتور نفساني ما اظن راح اوديها

شكلي بوديها لمطوع يقرا عليها

وسالفة الهدايا فكرتي انا ورفيجتي عشان نشجعها تروح للمدرسة لانها حيل غابت وجاتها حالة نفسيه وضعفت وتحت عينها سودت فقالت رفيجتي خليها تداوم وانا بكرمها جدام البنات

وتخيلي يوم نادو اسمها وتمشي بالساحه وقفت بنص الساحه وقعدت تبجي وانا ما كنت موجودة لاني بالنفاس

ومره تقول ان ابلة العربي تهاوشها ومرة ابلة الدين طقتها

تخيلي خذو على ابوها تعهد بعدم تحمل المسئوليه لانها يوم تهاوشت مع ابلتها الدين قالت لابلتها ترى ان ما خليتيني اروح لاختي بنط من الدريشه
فخافت الابلة وبلغت الادارة وخذو علينا تعهد

 

[روان_الكويت]

واي الله يكون بعونا نفس الحاله بس احنا زياده انه وهو قاعد يلعب يسويها علا نفسه مرات يروح وعشره لا بس لاحظت اذ اهتميت يتحسن بحاول
وديته مرتين كاظم ابل كورسين وكل كورس 10 جلسات اتوقع او 12 ناسيه نوديه صار تحسن وايد بس لما خلص الكورس الاول رد انتكس ورديناه
والحين احس ماكو فايده منهم وديته للتبول اللا ارادي عطوه حبوب بس لازم يقلل السواءل الحين ماياخذهم خلصو وما وديناه انشالله هالثلاثه بوديه لانه مره بالاسبوع العياده بالمستوصف
جربي وديها انشالله ينفع معاها
وهمن وديها لمطوع بس لا تسكتين وديها وخليها قريبه منج علا طول اخذيها معاج
يابنات الي بتنزل عند حمولتها خل تنزل الياهل وخدامته احسن مو تقولين حليوه الخدامه شي طبيعي مهي غاشته جدامج صح

زين سويتي فكره التكريم حلوه وايد وشجعتوها