لوصار فيني شي بذمتج ومااسامحج

[PinkY Dreams]

رد: رد : لوصار فيني شي بذمتج ومااسامحج

الله يهديج تخيلي زوجك يسوي فيج نفس إلي انتي تسوينه اكيييييييييييييييييد ما راح ترضين وبعدين ما تسوى عليج صايدج زوجج وعلى مسجات و سخافه بعدين إلي يحب ما يسوي جذي هذا بقزرها و يضيع وقت و لا تخافين ماراح يصير فيه شي اهم شي علقتيني صج قدييييييييم

اي صح عدل كلامج

الحين ياصاحبة الموضوع انتي خنتي ريلج اوكي واذا استمريتي معاه
الله سبحانه راح يعاقبج بريلج باجر ريلج راح يخونج

 

[نكهةالبرتقال]

أولا هذي اللي قاعدة تسوينه - اسمحيلي - خرابيط


شكري نعمة الزواج ___((و إذ تأذن ربكم لئن شكرتم لأزيدنكم و لئن كفرتم إن عذابي لشديد ))


في مليون بنت تتمنى إن يجيي ريال و يعقد عليها و يصير زوجها- بس الله ما رزقهم

عيب جذي عايشة بنعمة الزوج و على ذمته و يصرف عليك و دفع لك مهر و آخر شي تحبين غيره

و هالمنافق كذاب - يعني اشدعوة السالفة روميو و جولييت ! تلقين قاعد يكلم 5 غيرك - يعني أصدق راح ينتحر بسبة وحدة يكلمها بمسج!



و ماراح يرتاح لمن يشوفك مطلقة و سمعتك بالحضيض - و آخر شي راح تقوليله تزوجني تكفى و يقولك آسف - ما آخذ وحدة خانت أهلها و زوجها


يعني اهو لو فيه خير كان ماكلم وحدة على ذمة ريال


و تخيلي بالمقابل ريلك يكلم صديقته القديمة - شتسوين ! هل ترضين؟

 

[فرحه عمر]

حبيبتي انا بقولج شي يمكن يصدمج ويصدم بنات وايد بالمنتدى
رقمج اللي تدزين منه اذا بسمج او اسم واحد من اهلج مو بعيده الحين اهو يعرفه اذا مو عارفه من زمااااااااااااان ويعرف انتي منو بنته وبعد مو صعبه يعرف وين ساكنه من بيانات الخط

ثاني شي لما كنتي ( بنت ) كانت بينكم مسجات يمكن اهو كان يفلم عليج على قولتج انه يبي يسمع صوتج او يبي يشوفج وكنتي تقولين لا واحترم رايج ( او هذا اللي يبيج تفهمينه وتضنينه فيه انه نيته صافيه ) لكن عقب ما قلتي بتزوج او تزوج زادت رغبته فيج واشتغل عليج افلام بزياده ......تدرين ليش ؟؟!!! هالشباب يبي المتزوجه او المطلقه عشان ياخذ راحته معاها على الاخر عشان اهيا اللي تحرص على روحها اكثر منه مايبي وحده باجر تقوله تعال تزوجني .
ان شاء الله وصلت المعلومه
ترى انتي مو عشان سالفه ماراح اسامحج اذا صار فيني شي ...انتي بالعربي حبيتيه
لكن خليج اكبر من جذي وحكمي عقلج الريال اذا غلط مانسامحه متخيله اذا ريلج طاح على مسج اهو دازه لج !!!
والله مو حلوه لا بحقج ولا بحق اهلج

 

[هيبة فتاه]

مادري زفيه وقفيه عند حده
وبصراحة لا تزعلين علي ياقلبي انتي اللي جبتيه لنفسج

 

[dnyay_mll]

رد : لوصار فيني شي بذمتج ومااسامحج

اقـول ؟؟

انتي مصدقه انه يحبج ؟

شهالحب اليديد مسجااات عاد؟؟

معقوله يحب احرف ! كلمات !

اللي يحب يعرف شكل حبيبته يتخيلها يشتاق لعيـونها لضحكتها لحركاتها لصوتها لشطانتها

انتي بالله عليج في حالتج شنو بيشتاقله؟ بيشتاق لرنة المسج؟ لشكل الرساله ؟

حتى لو كنتي تحبينه المره غيـــــــــــــر المره عاطفيه بشكل لايوصــــف

حبـوبه غيري رقمج حتى لو كان اول رقم

اشتري رقم يديد وكتبي مسج هذا رقمي اليديد فلانه الفلاني اذا كان عندج ناس وايد يدقون على هالرقم

وخافي من الله دام الله ساتر عليج لي الحين

تخيلي يدز مسج وريلج يشـوفه شبتقوليـــن له؟؟ هذا بيني وبينه مسجات بس ! شدعوه بيصدقج

توكلـي على الله وحتى لو سامحج ولا ماسمحج شنو يعني ؟

منو اهو عشان يسامحج

 

[لليالى الصمت]

حبيبتى نصيحه لو جه الله ابعدى عن هذا الطريق واسالى الله الاعانه علشان لا يصير شى اكبر من الى تتوقعينه الحمدلله انك ما كلمتيه

والا بقولك يكمن يسوى مصيبلت على المسجات بس الحمدلله انها انها وصلت لكذا والشيطان شاطر ابعد واكثرى من الاستغفار

والله يريح بالك ان شاء الله ويهديك

 

[منوة القلب]

انا اقول لاتكون بنت الي تمسجينها وتلعب عليك ..

ثلاث ايام شويه صدقيني قاعد يلعب عليك ترى الشباب بالهم طوووووويل لو يقعد سنه ماعنه مشكله

وتلاقينه يمسج ويكلم 1000 وحده غيرك


التفتي لحياتك ولمصلحتك وغير رقمك ولا دمرين مستقبلك عشان واحد ماتعرفين حتى شكله

هو مين ولد مين كم عمره متزوج ولا لا رجال ولا بنت .. شفتي هالنوعيه بياااااااااااعين كلام

ترى سمعت بعضهم يصيح يبجي مقابل انه يوصل للي يبي واخر شي يتخلا عنها

 

[Tutti-Frutti]

رد : لوصار فيني شي بذمتج ومااسامحج



غيري خطج ما يبيلها ذكاء

ثانيا لا يهمج حجي اذا صار فيني شي منج وماني مسامحج
حجي يهال ترى ومهو مسوي شي ولا بيضر نفسه عشانج بس جذي يقولج عشان تردين له

 

[لحظآتَ]

رد : لوصار فيني شي بذمتج ومااسامحج

يامعوده عنه مارضااااااا
زين مافكرتي ان ربي مايرضاا مافكرتي برضا ربج واهلج وزوجج ونفسج!!
فكرتي برضاا هالقوطي اللي مقزرها وياج مسجات ؟؟
طيب يزعل وينتحر ههههههههههههه عنه مارضا ان شاء الله طقااااااااق يطقه
شسالفه
الله يهديج المووضوع بسيط انتي مكبرته مدري شحقه!!

 

[الحسن كله]

كم يوم وينساك ---> هذا اذا كان فعلآ يحبك

اعرف واحد لما ماتت مرته وقت مايدفنونها كان يشيل التراب ويحطه ع رأسه يقول ادفنوني معاها ماقدر اعيش من دونها
كان يموت فيها

كلها سنه الا وهو متزوج الثانيه

الحمدلله في نعمه اسمها نسيان

بس انتي جد خلاص لاتهتمين للرسايل اللي يرسلها او غيري رقمك علشان لاتتأثرين ولا تخافين مابيصيير فيه شيء

لا يقص عليج إبليس وتستمرين بالعلاقه .. ماتوقع بيحبج صج واللي بينكم مسجات موبس إنتي تفلمين عليه هم هو يفلم عليج صدقيني .. تعوذي من إبليس وغيري رقمج ماتسوى عليج باجر يطرشلج مسجات وإنتي في بيت زوجج ..​

 

[&أم عبودي&]

مابني على باطل فهو باطل
لويصير فيه اللي يصير(هذا اذا صار)ماعليج ذنب بالعكس استمرارج بالخطا هو اللي راح يجيبلج الذنب
توكلي على الله وغيري رقمج واذا كلش قوي قلبج ولاتردين عالمسجات لو يقولج انا بالعناية المركزة طنشي والله معاج حتى لو كان صج<<مااعتقد

 

[ســتارز]

3 سنين ومكانك سر الظاهر انه على وجهه

ام عبودي منو المملوح اللي واقف مع الامير

 

[~اتعبها غلاه~]

..حبؤبه غيري خطج ..
ؤ لآ تردين عليه ..
دآمه يكلم بنت عمج و يكلمج آكيد آنه يكلم غيرج ..
ؤ عليج بَ آلآستغفـآأإر

 

[ليتني مـآ كبرت]

رد : لوصار فيني شي بذمتج ومااسامحج



عندي احساس كبير انه يعرفج و حتى إذا صبي يمكن يقربلج

أو إنه بنت مثل ماقالت وحدة

تخيلي أنها بنت عمج أساسا !! و انتي 3 سنين تدزين لها مسجات

تلقينها فاضحتج بالعايلة كلها !!

الله يستر عليج .. و الله ماني قادرة أفهم ليش البنت تركض ورا الشباب؟؟

مو عيب؟ مو حرام؟ مو خيانة لاهلج؟ حسبالج إذا ربي ستر عليج بالدنيا خلاص؟؟

لا ياقلبي وراج حساب و راج عقاب وراج جنة ونار

وراج إيدج تشهد عليج .. و قتها الكل راح يدري شنو كنتي تسوين من ورا ظهر اهلج

و الله آنا أكتب لج و عيوني تغورق .. خابفة عليكم يابنات

أتقوا الله فأنفسكم .. حطوا اهلكم بين عيونكم

ولا تخونون الثقة .. لا تخونون الثقة .. لا تخونون الثقة ..

 

[ضايعة بدنيتي]

PinkY Dreams بدعتتتتتتتي هههههههههههههه

معااهاا حق PinkY Dreams

لا يكون بس مصدقة اانه صج يحبك ومتعذب يحليله عشاانك

على فكرة داام عرف اانك متزوجة االحين بيلزق فيك اكثر واكثر .. بتكونين في نظره فريسة سهلة لا تمكن منها محد يقدر يثبت عليه شي !!
عشان كذا مسوي لك هالاافلام الهندية

ياحبيبتي ترى الرجال بالهم طـوووووووووويل عندهم استعدااد يصبرون سنييين عشاان يوصلون للي يبونه

خافي الله ااولا ... خاافي على نفسك .. على زوجك .. على سمعتك وسمعة اهللك . هذا لو زوجك درى ... ااقل شي بيدق على هذا الرقم واالعاشق الولهاان وقتها تعرفين شنو بيقول؟؟ بيقول هي الي تدز مسجات وهي الي بدت !! حزتها فكري شلون بتدارين مصيبتك

اصحي لنفسك ... قبل لا يفوت االاوان

الله يهديك

 

[ضايعة بدنيتي]

حبيبتي انا بقولج شي يمكن يصدمج ويصدم بنات وايد بالمنتدى
رقمج اللي تدزين منه اذا بسمج او اسم واحد من اهلج مو بعيده الحين اهو يعرفه اذا مو عارفه من زمااااااااااااان ويعرف انتي منو بنته وبعد مو صعبه يعرف وين ساكنه من بيانات الخط

ثاني شي لما كنتي ( بنت ) كانت بينكم مسجات يمكن اهو كان يفلم عليج على قولتج انه يبي يسمع صوتج او يبي يشوفج وكنتي تقولين لا واحترم رايج ( او هذا اللي يبيج تفهمينه وتضنينه فيه انه نيته صافيه ) لكن عقب ما قلتي بتزوج او تزوج زادت رغبته فيج واشتغل عليج افلام بزياده ......تدرين ليش ؟؟!!! هالشباب يبي المتزوجه او المطلقه عشان ياخذ راحته معاها على الاخر عشان اهيا اللي تحرص على روحها اكثر منه مايبي وحده باجر تقوله تعال تزوجني .
ان شاء الله وصلت المعلومه
ترى انتي مو عشان سالفه ماراح اسامحج اذا صار فيني شي ...انتي بالعربي حبيتيه
لكن خليج اكبر من جذي وحكمي عقلج الريال اذا غلط مانسامحه متخيله اذا ريلج طاح على مسج اهو دازه لج !!!
والله مو حلوه لا بحقج ولا بحق اهلج

بارك الله فيك على هالرد

وهذا الي ابي اوصل له

شفتي يابنت االناس ليش لاصق لك لصقة الحين ؟؟؟ الحين انتي باالنسبة له صيدة سهلة...

ربي يستر عليك ويهديك

 

[يــ عذآبيئ ــآ]

بنات شفيكم كليتوهااا .. البنت تقول انها ماتبيه ولا يهمها .. بس أثرت فيها كلمة " ان صار فيني شي بذمتج "
ماتبي يكون بذمتها شي بسبته

حبيبتي اول شي لاتقولين خطي الاول و ماقدر اغيره وصعب ومادري شنو ترى كله خط مو ريلج عشان تقولين ماقدر اغيره .. انتي لازم تغيرين هالخط عشان ماتصير اشياء اكبر من جذي .. باجر توصل تهديد يمكن او اي شي ثاني لا سمح الله ..

وثاني شي ماراح يكون بذمتج شي .. لان اللي بينكم كان غلط .. والله ماراح يحاسبج بسبة كلمته "بذمتج" لان العلاقه مافيها رضى الله .. وانتي صححتي الوضع لما قطعتيها .. عاد يصير فيه شي او مايصير هذا مو ذنبج .. انتي ماسويتي غلط تتحاسبين عليه ..

غيري خطج وانهي الموضوع .. احنا مانقدر نريحج ونقولج انه " مسامحج " ولا نقدر نعطيج طريقه تسوينها عشان يسامحج لان بالاساس ماله حق يحط شي بذمتج وانتي ماغلطتي عشان تطلبين رضاه !!! بعدين منو هذا اللي انتي مهتمه لكلمته ! حيالله واحد كنتي تكلمينه "مسجات" .. احنا كل اللي نقدر نقوله غيري خطج وكملي حياتج ..

وبعدين تطمني ماراح يصير فيه شي ولا بذمتج شي تدرين ليِش؟ لانه لو صج يتعب بفراقج جان تقدملج وخذاج من اهلج وكمل حياته معاج .. بس اهو يبي يلعب .. وعلى قولة البنات .. المتزوجه أسهل له من البنت فـ راح يركض وراج ويمثل افلام هنديه .. غيري خطج وانهي الموضوع ..

 

[كلي ثقه و سنع]

رد : لوصار فيني شي بذمتج ومااسامحج

نرجع لبدايه القصه

رقمه من وين حصلتيه ؟ من جهاز بنت عمك ؟؟

او هو ناشر رقمه بالبلوتوث ؟؟

 

[latifah]

رد : لوصار فيني شي بذمتج ومااسامحج

شهل الحب وهو ماشافج واذا شافج ماراح يذكرج اللي يسوي جذي عنده عشره غيرج

 

[هنـــد]

حبيبتي الله يهديج من صجج متضايقه من كلمة بذمتج وانا متضايق ؟

اذا يحبج صج ليش ماخطبج من اول وثلاث سنين بس مسجات جنها قويه لول

المهم ماعلينا اهم شي عليج الحين زوجج وهذا والله مايحبج بس يبي مصلحته منج وانتي عارفه شنو وخاصه وانتي متزوجه

لو يحبج صج ويحترمج من اول ما ملجتي قطع علاقته فيج وقالج الله يوفقج ويسعدج بحياتج الجديده مو انا مو مسامحج هذا يبي يوصل لشي والله

لو اهو مكانج غير رقمه ومادرى عنج اهم شي حياته الزوجيه ماتخرب

الي عليج الحين تغيرين رقمج وتنسين رقمه وتتذكرين رب العالمين يمهل ولا يهمل واستغفري

واهم شي نفسج ونفسج ونفسج

والله يوفقج