بي شي يوقف الدوره لبنتي عمرها 12 سنه

[ام شعيع]

السلام عليكم
انا بروح العمره الاسبوع الياي العايله كلها وراح يكون موعد دوره بنتي بيوم روحتنا ما ادري شسوي اذا تعرفون شي طبيعي يوقف الدوره لحد ما انخلص المناسك لاني ما اقدر اخليها بالفندق بروحها ومو عارفه شسوي

 

[LuLiTa]

حبوبه حرام تلعبين بدورتها و هرموناتها اهي توها صغيره ,,, و اذا ما في مجال احد يقعد معاها بالديره اجلو السفرة شوي او مددوها ,,,او خلي احد معاها بالفندق انتي او ابوها ,,,,

 

[!! شوق !!]

خليهاا تاخذ الحبوب اللي تنزل الدوره بحيث تخلص قبل عمرتكم
اوو ممكن تخلين الدوره تنزل عليهااا وعادي اخذيها الحرم وخل تقعد بالمسعى يجوز ..

ووو وصيتي لج .. ادعيلي ربي يهدي زوجي ويسخره لي

 

[مندوبة ام بندر]

حبوبه عطيها حبوب اللي تاخر الدوره عادي ماتضر وانتي سالي الصيدلي

 

[LiL MaMa]

رد : بي شي يوقف الدوره لبنتي عمرها 12 سنه

لاااا توها صغييره حراام تعطينها شي

روحي الطبيب سئلي احسن

لا تشترين دوى من غير ماتودينها الطبيب

 

[lolayasmeen]

لا تعطينها اي شي بدون استشاره الدكتور وانا اللي اعرفه نقع المسواك وشرب مايه هو اللي يوقفها ومافيه اضرار
الله يحفظها بوسيلياها

 

[ام شعيع]

رد : رد: بي شي يوقف الدوره لبنتي عمرها 12 سنه

حبوبه حرام تلعبين بدورتها و هرموناتها اهي توها صغيره ,,, و اذا ما في مجال احد يقعد معاها بالديره اجلو السفرة شوي او مددوها ,,,او خلي احد معاها بالفندق انتي او ابوها ,,,,

السفره ناطرتها من زمان ومرتبه كل اموري عليها صعب ااجلها وابوها ما ابيه يدري انها بلغت فشله

خليهاا تاخذ الحبوب اللي تنزل الدوره بحيث تخلص قبل عمرتكم
اوو ممكن تخلين الدوره تنزل عليهااا وعادي اخذيها الحرم وخل تقعد بالمسعى يجوز ..

ووو وصيتي لج .. ادعيلي ربي يهدي زوجي ويسخره لي

ماكو الا جذي اخليها بالمسعي
وعن وصيتج ابشري يا الغاليه ما راح انساج ان شاء الله

حبوبه عطيها حبوب اللي تاخر الدوره عادي ماتضر وانتي سالي الصيدلي

والله خايفه رفيجاتي حذروني من الحبوب لانهم هرمونات

لاااا توها صغييره حراام تعطينها شي

روحي الطبيب سئلي احسن

لا تشترين دوى من غير ماتودينها الطبيب

مشكوره يا الغاليه علي النصيحه

لا تعطينها اي شي بدون استشاره الدكتور وانا اللي اعرفه نقع المسواك وشرب مايه هو اللي يوقفها ومافيه اضرار
الله يحفظها بوسيلياها

الدكاتره عندنا ما لهم خلق يقولج عادي قبل ما تكملين كلامج المسواك راح اسويلها اياه وان شاء الله يجيب نتيجه

وعلي البوسه وصلت فديتج

 

[ام شعيع]

رد : بي شي يوقف الدوره لبنتي عمرها 12 سنه

العنوان فيه غلطه ناسيه الالف

 

[Wi-Mi]

اول شي سألي دكتور قبل لا تعطينها اي شي

بعديين ليش ابوها ما يدري انها بلغت ؟؟ شنو الفشله فيها ؟؟ هذا شي طبيعي .. يا مري ابوها لازم يدري البنت صارت مره .. لازم يدري .. يعني لا سمح الله صارت لها حادثه من اللي خبري خبرج ..

يعني انتي مفتشله من ابوها مو خايفه على بنتج و مستقبلها ؟؟؟

و الله احنا لما بلغنا .. كان جنه عيد عند امي .. احنا قاعدين نتألم و نتلوى و امي تبشر خلق الله .. هذا مو عيب و لا فضيحه

 

[كـ غلا ــلي]

حرام تلعبين بنتج واشفيها اذا أبوها درا انه بنته بلغت وين الفشله

في الموضوع خو انتي بتعلمينه الخبر وبنتج مو يمكم عشان ما تنحرج

أهيا خاصه انه شي يديد عليها وخل تقعد بالفندق خو مكه ديره أمان

انشاءالله وانتي مو بأوربا اللي تاخفين عليها وخلي معاها تيلفون تطمني

عليها كل شوي بجذي انتي ما خسرتي روحتج اللي ناطرتها ولا لعبتي

بهرنونات بنتج وانا خبري اللي توقيف الدوره يكون اولى للحج مو العمره

الحج أهوا الفرض ومره بالسنه يصير اما العمره انشاءالله جدامها العمر

كله تتعمر

 

[مدام د.علي]

رد : بي شي يوقف الدوره لبنتي عمرها 12 سنه

لا ثم لا ثم لا لحبوب رفع الدورة حرام تخبصين هرموناتها واهي ياهل .. قولي حق ابوها مافيها شي هذي بنته ومصيره يعرف

 

[جذابه بنت ذيابه]

رد : بي شي يوقف الدوره لبنتي عمرها 12 سنه

لا حرام توها جاهل


حبيبتي نزليها باشياء حاره واذا كلش كلش خليها تقعد عند اهلج ..؟

 

[قرمزيه]

امانه انتى ام ؟؟؟؟؟؟؟ الحمد الله والشكر

 

[رجـــاوي .. }]

لالالالالا حبوب لا

وعادي علمي ابوها وخليها بالفندق ولا تفتح الباب الاحد وبينكم تلفون

 

[^noonaa^]

حرام عليج تلعبين بهرمونات البنت ترا صدقيني ابتتلخبط دورتها وهذي صغيره ماتتحمل



وبعدين لحظه انتي قلتي انه فشله اتقول حق ابوها انها بلغت @@



من صجج؟

لازم الابو يعرف انه بنته ابلغت

 

[دمثة]

اسالي الطبيب احسن

 

[lolayasmeen]

امانه انتى ام ؟؟؟؟؟؟؟ الحمد الله والشكر

عيب عليج شنو يعني قصدج امانه انتي ام ؟؟؟؟؟؟؟؟؟

يعني انتي شنو قدمتي من نصيحه؟ انا ابي اقولج امانه انتي عاقله؟؟؟؟؟؟؟؟ الحمد لله والشكر

اي والله الحمد لله والشكر اللي يخلي البلاوي القرمزيه تحذف علي خلقه :gr4uu:

 

[LiL MaMa]

رد : رد: بي شي يوقف الدوره لبنتي عمرها 12 سنه

امانه انتى ام ؟؟؟؟؟؟؟ الحمد الله والشكر

اماانه شنوو الفايده من اللي انتي كاتبته

حسستيني انها ذابحه بنتها

الناس تنتقي الالفاظ قبل لا تكتبها

و لو مو كاتبه شي احسن

الحمدالله و الشكر على نعمة العقل

 

[ام شعيع]

رد : رد: بي شي يوقف الدوره لبنتي عمرها 12 سنه

امانه انتى ام ؟؟؟؟؟؟؟ الحمد الله والشكر

عندج نصيحه اتحفينا فيها ما عندج استريحي الحمد الله والشكر

 

[ام شعيع]

رد : رد: بي شي يوقف الدوره لبنتي عمرها 12 سنه

اماانه شنوو الفايده من اللي انتي كاتبته

حسستيني انها ذابحه بنتها

الناس تنتقي الالفاظ قبل لا تكتبها

و لو مو كاتبه شي احسن

الحمدالله و الشكر على نعمة العقل

تسلم ايدج والله ربع ساعه اكتب وامسح ما بي انزل نفسي لاسلوبها وقلت ارد باخلاقي مابي انزل نفسي لانسانه مثلها ولا اقدر ارد عليها باسلوبها