الفتاة اللي قتلت بالساطور .. ضحيه طليقهااا .... عـــــاجل ..

[خشف بدو]

اللهم انا نسالك حسن الخاتمه

 

[ام ذعار]

رد : رد: الفتاة اللي قتلت بالساطور .. ضحيه طليقهااا .... عـــــاجل ..

استغفر الله العظيم يابنات شنو هالكلام كانت قاعده مع صديقها تشكي همومها وعيالها ساكنين مع اختها وهي بشقه بروحها ليش عيالها مو معاها بنفس الشقه تتوقعون ممكن كلام الجرايد جذب لان بصراحه تضايقت من كلامهم عنها المفروظ يسترون عليها مو يفضحونها ويكتبون كانت مع صديقها وعيالها مسكنتهم مع اختها

خافي الله
لا صديقها ولا شي
البنت قمه بالاخلاق والادب والتواضع وبنت محترمه
وساكنه هي وعيالها في بيت اختها لانها ما عندها بيت من بعد طلاقها
اذا كتاب الجرايد ذمتهم واسعه وما يخافون الله
انتوا يالقراء خافوا ربكم شوي
هذا وانتوا بنات .. ما تخافون تصيبكم حوبة هالمسكينه ويبلاكم الله بزوج حيوان مثل هذا واخس؟

حسبي الله ونعم الوكيل

 

[ام ذعار]

رد : الفتاة اللي قتلت بالساطور .. ضحيه طليقهااا .... عـــــاجل ..

بنفس يوم الحادث كنت مع امي على الخليج .. وفي بنت متحجبة مثل القمر .. المهم بالاشارة قامت ترقص
ومو اي رقص حيل .. انا وامي قلنا شفيها هذي اكيد موصاحية

الحين اربط الاحداث براسي .. مادري كله احس انها اهيا

اعوذ بالله
انتي ما تخافين الله ؟؟؟
ما تخافين احد يقول عنك كذا ؟؟؟
وش هالكلام
خافي ربك
بنت ميته وشتبين منها ؟ وش اللي ترقص وما ترقص
الرقص لاشكال ثانيه
البنت محترمه وبنت اصل وفصل

تعلم غيرها الشرف يالله تطعنين بشرفها وهي ميته
ما اقول غير حسابك يوم القيامه عند ربك
ويمكن يعجل لك اياه فالدنيا ياللي ما تخافين الله



سبحان الله الله ينتقم من كل احد تكلم فيها
حسبي الله ونعم الوكيل حسبي الله ونعم الوكيل

 

[ام ذعار]

رد : رد: الفتاة اللي قتلت بالساطور .. ضحيه طليقهااا .... عـــــاجل ..

تو قاريه بجريده اليوم
انه القتل جريمه شرف
لانه كانت طالع من شقه عزاب ببنيد القار ..

اللهم عافنا عما ابتليتهم ..

صج الجرايد ليش تكتب جذي ..!!

بكيفك انتي طالعه من شقة عزاب ... ستكتب شهادتهم ويسألون
لما تنشرين الكلام هذا انتي مشاركه مع اللي ألفه بجريمة القذف
لما تهون اعراض المسلمات المحصنات كذا .. حسبي الله عليكم


البنت طالعه من عيادة جلديه
حسبي الله عليكم الله ينتقم منكم

 

[ام ذعار]

رد : رد: الفتاة اللي قتلت بالساطور .. ضحيه طليقهااا .... عـــــاجل ..

شلون يعني!!

يعني هي رايحه شقه!!؟

اذا تعرفين الشقق هي ما تعرفهم
خافي الله ولا تقذفين المسكينه
عشان ميته ما تقدر تحاكمكم وتدافع عن نفسها كل وحده قامت تشهر وتقذف من صوب
حسبي الله عليكم

 

[(( الذهب ))]

لا حول ولا قوه الا بالله
يابنات خافو الله ولا تتكلمون بشي الله العالم فيه
اذا اهي انقتلت تراكم شاركتو بقتلها بعد موتها
مو كل شي نتكلم فيه ترا محاسبين وبعدين اهلها يشوفون ردودكم
وش دراكم باخلاقياتها ؟ وش دراكم بسبب القتل ؟ وش دراكم باخر لحظاتها ؟
استغفر الله والله يرحمها

 

[صباح الليل]

لاحول ولا قوة الا بالله

 

[ام ذعار]

رد : الفتاة اللي قتلت بالساطور .. ضحيه طليقهااا .... عـــــاجل ..

مو كاسر خاطر الا اليهال مساكين ابتلشو بأم قاطتهم وطالعه مع رفيجها وابو مجرم

لاحول ولا قوة الا بالله

لا وبعد كاتبه لا حول ولا قوة الا بالله !!

انتي لو تعرفين الله ما كتبتي كلامك هذا
انتي شفتيها قاطه عيالها وطالعه مع رفيجها ؟؟

وشتقول حق ربك لما يسألك هالسؤال ؟؟؟

الله ينتقم منك ياللي ما عندك خوف من الله
والله يوريك بنفسك عشان تتوبين من قذف المحصنات

البنت اشرف من كل اللي طعنوا في شرفها
لان لو كان عندهم شرف ما طعنوا بشرف مسلمه ميته وهم ما يدرون شالسالفه

حسبي الله عليك

 

[(( الذهب ))]

ام ذعار وكلو امركم لله
وبيظر الحق

 

[ام ذعار]

رد : الفتاة اللي قتلت بالساطور .. ضحيه طليقهااا .... عـــــاجل ..

استغفر الله الغظيم
الحين هي قبل تموت كانت مع رفيجها
اكيد طليقها شافها معاه وطقت فيه الغيرة وذبحها
استغفر الله الله لا يبلانا والله ما اتشمت بس هي اللي جابته لنفسها اجل ام طفلين رايحه مع صديقها

ما شا الله عليك لا فيك خير وعارفه الله بعد وتستغفرينه واضح من كلامك
شهدتي على طول انها كانت مع رفيجها وشافها

اسال الله انه ياخذ حقها من كل وحده ذمتها واسعه مثلك واشكالك
الله ينتقم منكم
البنت طالعه من عيادة جلديه يا عالم
خافوا الله
ما تخافون الله يبلاكم بناس حقيرين مثلكم يخوضون باعراضكم ؟؟
ترى عقاب الله مو هين ترى وراكم جنه ونار . اذا انتم مسلمين وتعرفون الله
حسبي الله عليكم ونعم الوكيل

 

[ام ذعار]

رد : الفتاة اللي قتلت بالساطور .. ضحيه طليقهااا .... عـــــاجل ..

طيب شنو سبب الطلاق؟؟؟؟؟؟؟؟؟
اذا عرف السبب بطل العجب
وشكو عندها صديق ؟؟؟؟؟؟؟؟؟؟؟؟
يمكن ذبحها ينتقم منها لانها مسكها مع صديقها مايندرااااااا

وحضرتك محلله نفسيه
رجال ووزوجته وتطلقوا
انتي شكو ؟

واذا انتي تعرفين الاصدقاء ترى هي طول عمرها غافله وما تعرف السوالف هذي
وخافي من الله وتوبي يالمحققه ياللي مكتشفه السر انتي

حسبي الله عليك وعلى كل وحده مثلك

 

[Miss McDonald]

رد : الفتاة اللي قتلت بالساطور .. ضحيه طليقهااا .... عـــــاجل ..

.



آسسستغفر آلله !
آلله يرحمهآ ويغفر لهآ ,
والجآني رآح يآخذ جزآءه ..

 

[cute mimi]

أستغفر الله
والله يرحمها ياااااااااارب برحمته

بنات ترى عييييييييييييييييب كل وحدة عندها عياااال وتكتبووون جذي ترى البنت متوفية المفرووووووض تدعونلهاااااا
عيييييييييييب عليكم والله أنتوا ماتعرفوووووون الغيييييب

ويربيييييييييييييييييت وحدة من المشرفات تحذف ردود البنات اللي طابين بشرف البنت وينحذف الموضوووع اللي منزلته وحدة من الأعضاء وحاطة صورته ترى هذا تشهيييييييير
عيييييييييييييييب عليكم

بس ماقول لكم الا ( كما تدييييييين تداااان )

راعوا مشاعر أهل البنت أنتوا ماتعرفوووووون شنو السالفة وكلام الجرااايد وااااايد

والناس تستر مو تفضح

الله يرحمها ياااااااارب وثبتها عند السؤاااال​

 

[الكــادى..]

لاحول ولا قوة الا بالله
ارحموا الميت يرحمكم الله
ولاوحده فيكم شافت شى بعينها وقمتوا تألفون قصص
شلون لوشفتوا ؟؟؟
اللهم لاتسلط علينا من لا يخافك ولا يرحمنا اللهم ارحمنا برحمتك من ألسنة الناس اللي ماترحم حتى الاموات
" اللهم ارحمها واوسع مدخلها "

 

[^أم يوسف^]

رد : الفتاة اللي قتلت بالساطور .. ضحيه طليقهااا .... عـــــاجل ..

الله يرحمها برحمته
ويغفر لها وثبتها عند السؤال يارب انت ار حم الراحمين ارحمها يارب برحمتك
ياغفار وياودود يارحمن يارحيم
الان هي لاحوله ولاقوه
وغسلها بالماء والبرد ونقها من الخطايا كما ينقى الثوب الابيض من الدنس
اللهــــــــــــــــــــــــــــــــــــــــــــــم اميـــــــــــــــــــن
ادعولها بالرحمه:yaaaaaarb:
اجعل من جنــــى عليها يجنى عليه
اللهم امين

 

[Flower20]

رد : الفتاة اللي قتلت بالساطور .. ضحيه طليقهااا .... عـــــاجل ..

ويع اشتغفر الله شنو هالعالم بس لساان وما يخلون احد بحاله!!حتى بالمنتديات جذي !!


خافوا ربكم لا يبتليكم
والله يرحمها ويغفر لها !!

 

[اشتياق]

الحين اهو والا مواهو؟؟

 

[نجمه فوشيه]

رد : الفتاة اللي قتلت بالساطور .. ضحيه طليقهااا .... عـــــاجل ..

الله يرحمها ويغفر لها

 

[over love]

رد : الفتاة اللي قتلت بالساطور .. ضحيه طليقهااا .... عـــــاجل ..

الله يرحمها ويغفر لها يارب ويصبر قلب أهلها وعيالها ياحياتي

وينتقم من قاتلها ايا كان سواء طليقها او غيره

 

[أماني الحلوة]

حبيبتي cute mimi
ليش انا ماخذه صوره من وين

من الجرايد حاطين صورته
روحي شوفي المنتديات الثانيه

ومع هذا واحتراما للجميع حذفنا الموضوع