أسلوب البلطجيه

[monmon12]

السلام عليكم بنات
اول شي بس تذكير قبل لا ندش موضوعنا عشان الردود ما تصير مو حلوه
أصلح المسيء بحسن فعالك ودل على الخير بجميل مقالك
الهدف نناقش مشكله وليس انتقاد شخصي​

بسم الله الرحمن الرحيم
واللهم صلي على محمد

وآله وصحبه وأزواجه المنتجيبن جميعا من غير تفريق واحشرنا معهم يوم الدين

البلطجية

وهي كلمه عاميه اشتهرت عند أخوانا المصريين

يطلقونها على الناس الي تتسلط على غيرها وتستخدم

قوة جسديه او لسانيه لكي تفرض قوتها على الآخرين وخاصة من هم اقل منهم قوة وضعفاء

ويستغلون ما انعم الله عليهم لفعل الشر أو ظلم الناس

تكلمت في كثير من المواضيع عن أسلوب النقاش وأسلوب النقد وكيفية الرد

لكن يبقى هناك فئة

انا فعلا أستغرب منهم الي يستخدمون مبدأ البلطجية في الردود والنقاشات


ليش تخالفينا الرأي راح نلعن خير والدين والدينج

انزين هل فكرتي انه هذي البنت يمكن ما فكرت نفس تفكيرج الفذ؟؟

هل فكرتي انه يمكن هذي البنت غلطت برأيها ؟؟

هل فكرتي يمكن البنت ما قصدت تكتب شي؟؟

هل فكرتي انج يمكن انتي تكوينين على خطأ وايهي صح؟؟

والا الغرور والتكبر عما بصائركم

يعني

ميخالف أحمل أخاك على 70 محمل


يعني أنا شفت ردود في الأقسام المختلفه من ألفاظ وتعابير

فعلا أثبتو هذولا أنهم منافقين وعديمين الأخلاق

لأنهم في بعض الأحيان يكونون قمة في العقل والأخلاق

وفي أخرى امبيييه لأ الأسلوب قسما بالله أسلوب بلطجيه

ياخي الناس أفكار وثقافات مختلفه

تتفق وتختلف

ليش خلاص أقفل مخي مع وحده عشان بس اختلفت وياها بالرأي؟؟

ولاااا تعالي شوفي المعاير في البنت الي تخالفوهم

انا فعلا ودي أعرف شنو يدور برأس هؤلاء الناس

هل ايهم عبالهم بيوصولون حق شيء بهذا الأسلوب



يعني اقولبها مخي يمين يسار فوق تحت

ما كو شي يطلع وياي الا أقول انهم

حريم بلطجية

الامام علي عليه السلام يقول

إياك والجفاء فإنه يفسد الإخاء ومقت إلى الله والناس

المَقْتُ بُغْضٌ عن أَمر قبيح رَكِبَه

يعني الله غضبان وكاره هالفعل القبيح وكذلك الناس أيضا

فشنو الاستفاده من هالأسلوب؟؟


فماكو أقول الا قول الامام علي عبيه السلام

الجاهل لا يرتدع وبالمواعظ لا ينتفع

عشان جذي


بس.........شبعنا منكم :cxxxp:

http://www.q8yat.net/showthread.php?t=774807
​

 

[جوري الغرام]

رد : أسلوب البلطجيه

صاجه والله

أنا هالفئه تبط جبدي غصب طيب تفرض رايها وبأسلوب أستفزازي بعد :0bee2e8d89:

بس الله يهديهم ان شاء الله

وأحييج على طرح هالموضوع الجرئ :ggdw:

 

[monmon12]

رد: رد : أسلوب البلطجيه

صاجه والله

أنا هالفئه تبط جبدي غصب طيب تفرض رايها وبأسلوب أستفزازي بعد :0bee2e8d89:

بس الله يهديهم ان شاء الله

وأحييج على طرح هالموضوع الجرئ :ggdw:

سلامة جبدج وعساهاها بعدوينج

وأحييج حبوبه على مشاركتج الي أسعدتني والله

 

[masoo 511]

صح كلامج صاجة والله عسى ما وحده تخالفهم بالراي الا قالوا عنها عراقية ايرنية وتحسبنوا عليها مع العلم موشرط كلنا نتفق معاهم بس يكون اختلافنا بذوق ولانتخطى ادب الحوار مع الاسف احيانا يتهجمون عليج الى ان يفقدوج اعصابج بأسلوبهم وتلاقينهم بمواضيع اخرى يستغفرون ويتعوذون من ابليس ماأدري يعني لازم نتفق كلنا معاهم ياالله نكون بنظرهم صح وناخذمنهم صكوك الوطنية والولاء امرهم غريب وشكرا على الموضوع

 

[مها77]

رد : أسلوب البلطجيه

والله كلامج صح

الفئة هذي خلتني اكره ارد على اي موضوع لان احاتي الهجمات القويه اللي تصير بدون داعي

الله يهديهم

ما يستوعبون ان طولة اللسان والمناشب مو شطاره

كلنا نقدر نرد بس نترفع عن الاسلوب اللي في تجريح او ممكن يضايق غيري

تسلمين حبوبه على الموضوع

 

[monmon12]

صح كلامج صاجة والله عسى ما وحده تخالفهم بالراي الا قالوا عنها عراقية ايرنية وتحسبنوا عليها مع العلم موشرط كلنا نتفق معاهم بس يكون اختلافنا بذوق ولانتخطى ادب الحوار مع الاسف احيانا يتهجمون عليج الى ان يفقدوج اعصابج بأسلوبهم وتلاقينهم بمواضيع اخرى يستغفرون ويتعوذون من ابليس ماأدري يعني لازم نتفق كلنا معاهم ياالله نكون بنظرهم صح وناخذمنهم صكوك الوطنية والولاء امرهم غريب وشكرا على الموضوع

للأسف هذي صفة اما المنافق او الي قال عنه الرسول الأكرم صلى الله عليه وآله المفلس

وللأسف كلمة استغفر الله مو بس كلام وينطق لازم تكون فعل على أرض الواقع الله يصلحهم ان شاء الله ويتوعون قبل لا يفوت الفوت

 

[monmon12]

رد: رد : أسلوب البلطجيه

والله كلامج صح

الفئة هذي خلتني اكره ارد على اي موضوع لان احاتي الهجمات القويه اللي تصير بدون داعي

الله يهديهم

ما يستوعبون ان طولة اللسان والمناشب مو شطاره

كلنا نقدر نرد بس نترفع عن الاسلوب اللي في تجريح او ممكن يضايق غيري

تسلمين حبوبه على الموضوع

يعني مادري شنو الهدف والله

يعني يبون يحتكرون قسم معين أو يعني يبيون انهم أقوياء

انزين لنفرض جدلا انج أثبتي قوتج وبعدين؟؟

يعني هذا أسلوب القوتره مزعج ومؤذي بس كما تدين تدان

 

[أم حوور]

صااجه ياقلبي



في البعض مادري ليش ياخذون الامور بالفرعنه .. وطولت اللسان ..


او تلقين الموضوع عن شي ..يدشون عليج بالموضوع وويغلطون ويتحور الموضوع لاخر .. وتعالي فككي السالفه


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[EL jowhra]

معاج حق , نادر ما تلقين الرد الراقي اللي يوصل المسج او الفكرة بإحترام لجميع الأطراف سواء تتفق معاهم والا تختلف, وعسى اللة يهدي الجميع.

 

[زينة الشرق]

رد : أسلوب البلطجيه

يعطيج العافية منمن على الموضوع
ودايما اقرى مواضيعج
اللي تهدف الى الارتقاء في أسلوب الحوار
والحوار الراقي من الطرفين مهما اختلفت الآراء
لهو بلا شك قمم الرقي الأخلاقي

حلي لسانك تلقى الناس خلانك......:eh_s(7):

 

[عليـا]

رد : أسلوب البلطجيه

ويــــــــن الفـــــــــايده بالموضوع ؟​

 

[ام دليار]

رد : أسلوب البلطجيه

مشكورة

 

[وجدان الحلا]

انزين انا معاج بس ماتلاحظين انه مواضيعج مكرره يعني كل مواضيعج هذي سالفتج ماكو غيرها
ارجو انج ماتزعلين من وتتقبلين مروري

 

[dnyay_mll]

رد : أسلوب البلطجيه

صدقتي

اللي تخالفينها بالراي

تاكلج وتدعي عليج وعلى اهلج

وتشكك بأصلج وطنيتج وولائج

ليش هذا كلـه ماني فاهمه

ماكو حل مع هالفئه من الناس الا الحقـران

علقي عالموضوع وطلعي ولا تردين له مره ثانيه

واللي بتلعن وتسب مرده يرد عليها

وعلى قولتج اسلوب بطلجيه

لاهنتي على موضوعج واتمنى البعض يقـرأه

 

[نونه المنكوشه]

انا من زمان مشتركه لكن مااشارك وايد بسبت الهواش واللويه او وحده تكتب مشكلتها و اتيج وحده تستعبط وتخرب الموضوع كله واذا رديتى كلتج وقامت اتقل ادبها والله بصراحه فى اشكال اتخرب المنتدى فالواحد يترفع احسن

 

[العبيدان tenuta]

رد : أسلوب البلطجيه

اولا صباح الليل
صديقتي العزيزه انت بالطريقه هذه راح تتعبين انت الظاهر برجج العقرب او الميزان
نوهت اكثر من مره وبشتي الطرق تري الناس ماتسمع واللي ينصح هالايام ينكره يصير مكروه تدرين ليش لانج قاعده تقولين الصح تقولين الصج ومحد يتقبل الصج الاغلبيه تخطا وقله اللي تعترف وتقول انا سويت الغلط
مو كلنا مسلمين نصلي ونصوم ونزكي ونخاف رب العالمين ليش نجذب ليش ناخذ شي مو لنا ليش نحش ليش نطوف الصلاه وناخرها ليش مانوصل ارحامنا وليش لانه احنا بشر ومشاعر الخوف والنزاهه والاخلاق والعدوانيه تختلف من شخص لي شخص ثاني اللي مهمه عنده هذه السلوكيات يأيدج ويشد علي اييدج وقلتي علي لسانه اللي ماقدر يقوله اهنينه يشكرج ويثني عليج واللي هذا اصلا مسلك حياته ومنهجه اسلوب البلطجيه موضوعج بالنسبه له مضيعه وقت
استغفر الله ياليت تعينيني وتذكريني اكو ايه تقول بما معناه لسته عليك هدايتهم
وان وياج ذكر فان الذكري تنفع المؤمنين بس بطريق غير مباشر اتوقع يكون فيه تقبل
وماالومج والله من حرقه بقلبج وانا شخصيا اكتشفت الاغلبييه والنعم وثلاث بنات مشاالله مثلج وشرواج بالادب والاخلاق والاسلوب المميز والبعض حتي ماتعرف ترد السلام علشان جذيه الله سبحانه وصي الرسول عليه السلام ان ينشر الدعوه ويعلم امته ويهديهم بس مو بالغصب والالحاح بالحلم والتحلم
ومشكوره ولا تباعدين ​

 

[monmon12]

صااجه ياقلبي



في البعض مادري ليش ياخذون الامور بالفرعنه .. وطولت اللسان ..


او تلقين الموضوع عن شي ..يدشون عليج بالموضوع وويغلطون ويتحور الموضوع لاخر .. وتعالي فككي السالفه


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

للأسف جذي يضيع محور الحديث والموضوع وحتى اذا فيه حق راح يضييع

 

[monmon12]

معاج حق , نادر ما تلقين الرد الراقي اللي يوصل المسج او الفكرة بإحترام لجميع الأطراف سواء تتفق معاهم والا تختلف, وعسى اللة يهدي الجميع.

آآمين يا رب

 

[monmon12]

رد: رد : أسلوب البلطجيه

يعطيج العافية منمن على الموضوع
ودايما اقرى مواضيعج
اللي تهدف الى الارتقاء في أسلوب الحوار
والحوار الراقي من الطرفين مهما اختلفت الآراء
لهو بلا شك قمم الرقي الأخلاقي

حلي لسانك تلقى الناس خلانك......:eh_s(7):

الله يعافيج حبوبة

وصح السانج والله

 

[monmon12]

رد: رد : أسلوب البلطجيه

ويــــــــن الفـــــــــايده بالموضوع ؟​

اللبيب بالإشارة يفهم والبنات فاهمين حبوبة اقري ردودهم